هو الحب فين .. .. يا جماعة أنا لسه شايفه هنا من سنتين

<H2 class="posttitle icon icon10">
<H2 class="posttitle icon icon10">هو الحب فين .. .. يا جماعة أنا لسه شايفه هنا من سنتين

<BLOCKQUOTE class="postcontent restore">

المرة دي بقى الموضوع سخن أوي .. بس مش عايزين مشاكل .. اللي يحبنا ما يضربش نار .. ههههههه
تعالوا نشوف الشباب الظراف اللطاف شوشو وتوتي في شوية المشاهد الكوميديكية دي ..

شوشو خطيب توتي .. لابس البادي الشديد ورايح يزورهم .. هو شهرته شوشو عضلات .. عشان عضلات صوابعه قوية جدا من كتر لعب البلاي ستيشن والأون لاين جيمز بتاعة ابن البلد .. شامبيون ما فيش كده .. من أول مايدخل البيت .. ونظراته الإعجاب تنهال عليه من حدب وصوب (يعني من كل حتة)
- الأب والأم في أصوات مختلطة .. أهلاااااان شوشو .. يا ختي كميلة .. والله دمه زي السكر .. ازيك يا شوشو .. من زمان ماشفناكش
- معلش والله يا أونكل .. (يبوس طنط بوسة كبيرة عشان عيب طبعا يبوس أونكل) .. من يوم ما نقلنا في الزمالك والمشوار بقى بعيد .. وانتي عارفة بقى النادي والمشاغل .. مابقاش فيه وقت خالص
- بس ايه الحلاوة دي ياشوشو .. أمور خالص والله
- ميرسي أوي يا تنت
تدخل توتي .. ومعاها الصينية وعليها البرتقان .. وعينيها ما بتنزلش من على عينيه .. شيك أوي التي شيرت ده يا شوشو .. مخليك جنان .. واد كول مش معقول (مع الاعتذار للزميل العزيز) ..
تقشر له البرتقانة وتأكله بإيديها .. خد دي من توتي
لا والله شبعان .. لسه واكل شيبسي ..
لا .. لا .. والله ما تكسف إيدي .. أمممممممممممه .. خد دي كمان
الله من إيدك زي العسل .. عسل يا توتي

الساعة الآن .. بعد سنتين

شوشو وتوتي كتبوا كتابهم .. شوية مشاكل طبعا على ترتيبات الفرح .. توتي داخلة ومعاها الصينية وعليها البرتقانة (منتهى الصمود .. صمود البرتقانة طبعا) .. بقاله سنتين بياكل فيها
توتي قشرت له البرتقانة .. وسابته وقامت مقموصة ..
توتي .. مالك
مانت كاسفني في وسط أهلى .. إيه يعني 100 ألف جنيه عشان نحجز في الشيراتون .. معقول مستخسرهم فيا كده
ياتوتي يا حبيبتي .. (بياكل البرتقانة) .. الموضوع مش كده .. انتي عارفة اني ما يفرقش معايا .. بس بابي مصمم نعمل الفرح في المدرعات .. أصل العيلة كلها اتجوزت فيها .. حتى هو عمل فرحه فيها أيام ما كانت عالطوب الاحمر .. دي حاجة عندنا زي ما تقولي كده .. وشها حلو علينا
معقول .. يعني أفهم من كده انك بتحبني
طبعا يا توتي وما قدرش اعيش من غيرك .. تعالي أقول لك كلمة سر ..
(بدلال) .. لاااااااااا .. بابا جاي .. اوعى كده

الساعة .. سنة أولى جواز ..

شوشوووووووو .. جبت لك البرتقانة
ايه يا توتي ما قشرتيهاش ليه
إيه يا شوشو .. مالسكينة في الطبق .. قشرها انت المرة دي بقى
يقشر شوشو .. وياكل

سنة تالتة جواااااااااااااز

يا تفيييييدااااااااااا .. انتي ياولية
فيه ايه .. عايز ايه يا شعباااااااااااان
فين يا ولية البرتقانة .. أنا خرمان أوي
سلامة الشوف يا شعبان .. انت اتعميت ياراجل .. مانت لسه شايفها في المطبخ وانت بتغسل المواعين
كده يا تفيدة .. مش هتقشريهالي
أقشرهالك .. لييييييه .. كنت الجارية اللي اشتراهالك ...............

كده نقدر نخش في الموضوع .. ياترى إيه حكاية الحب .. قبل الجواز .. وبعد الجواز
كتير من الأزواج .. والزوجات بالطبع بيشتكوا من فتور العاطفة .. وحالة الهيام والغرام والحب اللي كاااااان .. وان العيشة بينهم بعد الجواز بقت لا تطاق

</BLOCKQUOTE>

</H2></H2>

حوار درامي مثير ينم عن موهبه فاذه لابد من رعايتها
عمل رائع وشيق
مشكوررررررررررررررررررررررررر
أخ مندي

احنا مش هنشوف خير طول ما دول عايشين توتو وشوشو

موضوعك اكثر من رائع يا اخ موندي بجد ودي مشكله المشاكل التي تواجهها الاسره تحديدا الازواج قبل الزواج وبعده

ولكن اخي عجبا ايكون الحب بصوره غير شرعيه بالوجه الاكمل اقوي من ان يكون

بصورته الشرعيه الجميله المباح فيها كل انواع الحب حاجه غريبه شويه

وجزاك الله خيرا

شكرا لمروركم الكريم

بصراحه بقدم لكى أختى حبيبه الشكر والتقدير ودائما أرى بين السطور فى ردوك على المواضيع
اشياء ان دلت تدل على تعمقق واهتمامك بكل ما يدور حولك

وربنا ولكم منى جميعا كل تقدير واحترام

جزاك الله خيرا اخ موندي

مشكووووووره حبيبه

هههههههههههههههههه بجد رائع أخى

تصدق يا موندي انا كنت داخل علشان أسأل معاك السؤال ده واعرف هو بيروح فين الحب
ليه بيختفي في لحظة كده والمشكلة يا صاحبي انه ما بقاش بعد الجواز. لا الفتور أصاب كل الناس يا موندي
مش شرط الحب بين الزوجين الفتور أصاب العلاقة بين الأخوة والآباء مع الأبناء والأصحاب وكل الناس تشتكي الفتور يا ترى هو فين الحب ؟؟ ولا ما فيش حب؟؟ ازاي ما فيش حب واحنا فينا قلب؟؟
ليه كل واحد فاكر أنه الوحيد الي ما أصابهوش داء الفتور في العلاقة مع أحبته؟؟

بجد انا حاسس انه ما فيش حد بيجيب االعيب عليه
أنا محتار قوي العيب فيا انا ولا في الناس؟؟
بس ازاي يكون في الناس ؟!! الناس كلها اصابها الفتور وأنا الي قاعد على العهد يعني؟!!
بس انا والله عمري ما أصابني الفتور في العلاقة مع الي بحبهم مش عارف ايه العمل؟!!

المهم يا صاحبي خلينا في مشكلة توتو وشوشو أصلي قلقان عليهم من الي هيحصل
بجد موضوع أكثر من رائع وهذا ما تعودت عليه منك
تقبل مروري

مشكور أخى عمر صلاح على مرورك الكريم
وبشكرك على اضافتك الجميله للموضوع بس عموما مشكلتنا يا صاحبى الحقيقيه اللى لازم نعترف بيها هى ان الحكومات عندنا خلتنا شغلنا الشاغل لقمة العيش حتى لو وصلت ان ناس تاكل حقوق ناس تانيه و ناس تقولك اللى يحتاجه البيت يحرم ع الجامع .
هى دى المشكله الناس بقت مش فاضيه غير لكده والدليل ان الناس حتى مش عايزه تشوف ولا تسمع غير بكام وليه معتش حاجه اسمها نزور فلان ولا مشتاقين لقاعدة علان وعلى الدنيا ... السلام

علي فكره الي يعوزه البيت يحرم علي الجامع رواه مفجوع ابن مفجوع

وده كلام الشيخ محمد حسان اطال الله في عمره

انا مش فاهم ايه معنى تعليق الاخت حبيبه ازاي يعني بجد انا مش فاهم
كان لازم تكملي شوية علشان نفهم باقي المعني وهو مفجوع ده من ناقلين الحديث ولا ايه
انا والله اول مرة اسمع عنه
هو ده مش مثل ولا انا الي متلخبط
على العموم كنا عايزين نشوف باقي التعليق
يلا مالناش نصيب غير في المفجوع ابن المفجوع

انا فاهم يا حبيبه مشكوره على المرور الكريم

هههههههههههههههههههه الكلام واضح خالص شكرا ياموندي

[ندعوك للتسجيل في المنتدى أو التعريف بنفسك لمعاينة هذه الصورة]

» يا جماعة.. يا جماعة .. أنا كذبت عليكم والله
» جماعة النسوان .. أقصد الإخوان
» بالصور..نوال الزغبى تحيى ليلة عيد الحب ببيروت - عيد الحب
» تحميل كتاب الحب في القرآن ودور الحب في حياة الإنسان - محمد سعيد رمضان البوطي
» ألحقووووووني يا جماعة