اغنية اتمنى ان تنال اعجابكم

هذه الاغنية من تاليفى

يا ليل يا مخبى نجومك .. فى السما وفايتلى همومك
على ايه تلومنى او الومك
ابعت قمرك ينده له
وانت كنت ياليل مش شايف
فين قمرى ليل او عارف
ما تسيبنى ياليل لو خايف
آخد قلبى واروح له
..............
يا نجوم السما يا حزينه
سايبالى القلب سفينه
من غير مرسى ولا مينه
ولا شئ قلبى بيفرح له
...............
يا ليل يا مخبى نجومك .. فى السما وفايتلى همومك
على ايه تلومنى او الومك
ابعت قمرك ينده له
وانت كنت ياليل مش شايف
فين قمرى ليل او عارف
ما تسيبنى ياليل لو خايف
آخد قلبى واروح له
...............
يا قمر الليل يا مهاجر
وحبيب القلب مسافر
ما تروح له هناك لو قادر
او خدنى معاك وانا اروح له
..........
يا ليل يا مخبى نجومك .. فى السما وفايتلى همومك
على ايه تلومنى او الومك
ابعت قمرك ينده له
وانت كنت ياليل مش شايف
فين قمرى ليل او عارف
ما تسيبنى ياليل لو خايف
آخد قلبى واروح له
....................................
الحقوق الادبية محفوظة للمؤلف ممنوع النقل
تحياتى للجميع
تحياتى للجميع

ايه يا عم ابراهيم انتا سبت الاعلانات وهاتشتغل شاعر

هههههههههههههههههههه

شكرا اخى محمود بس انت عارف ساعات الصفا لا تعوض وبيخرج الى محدش يتوقعه

شكرا هيما على الكلام الرقيق
كلمات معبرة
من شاعر قدير
اتمنى لك التوفيق و اتمنى أن تدريس موسيقى الشعر و بحوره
انا أرى من الكلمات انك مبدع فعلا
تقبل تحياتى

ماشى يا عم هيما خرج يا عم وحنا معاك

خرج انتا الاشعار دى وذهقنا احنا بقى عشان

نسمعها

ايييييييييييه يا عم هيما ايه الكلمات الجامدة دي بشكرك على الكلمات وننتظر منك المزيد

ايييييييييييييه ده يا عم هيما غني يا وديع زي مانت عايز وانت بنسمعك بجد كلمات جميلة حاول بقى تلحنها وتغنيها ومنتظرين منك الجديد وشكرا على الأغنية

مشكورين جميعاولكن لو فى حد يعرف يلحنها انا موافق

مشكور هيما وننتظر المزيد

مشكور اخى موندى

تسلم يا هيما

مشكورين جميعا

هو ايه ده

اخى عمر انت فى ايه بالنسبة ليك انت فى صعوبه عندك فى الفهم
كل موضوع هو ايه ده
يعنى ايه
مش فاهم
وعلى العموم مشكور على مرورك

» ......كم اتمنى الموت......
» قصة رائعه ...اتمنى ان تقرؤها
» قصه جميله اتمنى انها تعجبكم
» تشكيلة جديدة اتمنى تعجبكم
» اقدم لكم مجموعه من الصور لديزني لاند في دبى اليكم الصور . . . اتمنى ان تعجبكم الصور