نكته تموت من الضحك

كان فيه ناس اخوات
وجيران وقرايب
دخل عليهم بعبع
البعبع قتل ودبح
واغتصب وحكم
وتهيمن علي ناس منهم
الباقي عمل ايه
بيعمل افلام ومسلسلات
والشباب حبيبه
والمسرحيات والضحك شغال
واخوتهم نايمين في البرد عاريا
وفي الشوارع جواعه
ولا سكن ولا اكل ولا دواء
اخوتهم بيلعبو كوره وبيغنو وبيرقصو
عاريا وكل مشاكلهم الحب والغرام
حد فكر فيهم حد حط نفسه بدلهم
والله ان حلاوه الدنيا ضاعت مني
مش عارف اتمتع باي حاجه
كل ما افكر ان واحد في سني
مش عارف يعيش زي ما انا عايش
رغم الذل والتعب اللي انا فيه
هناك ناس علي راسها سلاح
وينتهك عرضه وهو مش قادر
هناك اب مش عايز الصبح يجي
علشان مش قادر يوفر احتاجات بيته واولاده
هناك بنت بتبيع شرفه علشان تاكل اخوتها
هناك اخ شايف اخته اتحولت للعاهره
علشان اكلهم هناك امهات بطلت تبكي ع اولادها
لما يموتو علشان اتعودت هناك رجال بتبكي
هناك شباب ضاع هناك امه بتموت
وهنا ايه افلام مسرحيات اغاني
سينما وليالي ومباريات
يكفي اني اذكركم بالفارق عمر
دخل عليه علي ابن طالب في ليله شديده البروده
وكان عمر يرتدي ملابس خفيفه للغايا
فقال علي ياامير المؤمنين احضر لك ثوبا يقيك من البرد
فقال عمر ياعلي لا والله
وانما تذكرت فقراء المسلمين ولا اجد ما اساعدهم به
فجلست هكذا للاشاركم البرد
رحمك الله يابن الخطاب
وحسبنا الله ونعم الوكيل
ولا نامت اعين الجبناء

ماشاء الله بجد جميله اول مره تقول شيئ كويس مع احترامي طبعا وجزاك الله خيرا

ونفسنا نكون كلنا شايلين الهم كده

ممكن تكن اول مره اقول حاجه كويسه
بس يمكن تكوني اول مره انتي تفهمي
الحاجه الكويسه مش كده ولا ايه

يمكن برضو ياعمر اكيد انت الصح

ايه انتو سخنتوا على بعض كده ليه
انا من رايى ان الموضوع جميل

يا اخواني انا مش كاتب ولا صحفي ولا اي حاجه
الاخ عمر بيقول كلام كبير عليا
لو انك قرئت تعريفي كنت هتعذريني
انا دبلوم وعامل معماري
بكتب اللي في قلبي لو سمحتو لي اكون بينكم
انا مش جاي اكتب كلام مرصوص
ممكن افتح منتديات كتير
وانفل منها موضيع جميله
بس انا عايز اوصل فكرتي
في حدود معرفتي البسيطه
المحدوده انا بس خايف من حديث المصطفي
من لا يهمه امر المسلمين فليس منهم
وتقبلو اسفي واعتذراي لكم جميعا

عمر كتب:

يا اخواني انا مش كاتب ولا صحفي ولا اي حاجه
الاخ عمر بيقول كلام كبير عليا
لو انك قرئت تعريفي كنت هتعذريني
انا دبلوم وعامل معماري
بكتب اللي في قلبي لو سمحتو لي اكون بينكم
انا مش جاي اكتب كلام مرصوص
ممكن افتح منتديات كتير
وانفل منها موضيع جميله
بس انا عايز اوصل فكرتي
في حدود معرفتي البسيطه
المحدوده انا بس خايف من حديث المصطفي
من لا يهمه امر المسلمين فليس منهم
وتقبلو اسفي واعتذراي لكم جميعا

خلاص يا جماعه حصل خير
احنا بنتحاور
عادي
وبعدين انا شايف ان حبيبه وعمر اهدفهم متشبها
وعمر عمل موضيع كتيييييير جميله
ده مش اول موضوع ولا حاجه
وعايزك تعرف حاجه عمر
لو كل المشاركات والموضيع ديه من قلبك
اعرف انك حد عظيم ومكافح
ربنا يوفقك في حياتك

معليش طولت عليكم
بس ياريت تفهمونى

الوضوع مش لازم يكبر ياجماعه عمر ده هو قدوتي بجد وانا اعتز بكده ولو كان اسلوبي مش كويس

اتمني انه يقبل اعتذاري وانا قولت نفسنا كلنا نشيل الهم كده

تسلمي حبيبه وده المتوقع من انسانه باخلاقك

الله يخليك حمودي روش
انت من الناس اللي
حبتهم في المنتدي
وحبيبه دي حد كويس في حياتي
بس كانت ظروف
وعدت اشكركم كلكم

احنا كلنا اسره وحده عمر ماحاجه تفرقنا ابدا شكرا ليك ياروش ربنا يكرمك وشكرا ليك يا
عمر ومش عرفه اقول اكتر من كده

اخوانى واخواتى الموضوع خد اكبر من حجمه

اسمحوا لى

اقتباس :

لو انك قرئت تعريفي كنت هتعذريني
انا دبلوم وعامل معماري

وايه يعنى دبلوم وعامل

المهم انك انسان مسلم

وانا شايفه انك بتحاول وده شىء كويس جدا

غفر الله للجميع

وفى النهاية الكل عايز الخير وغرضه النصح

الله يبارك فيكي اختي مريم علي كلامك الجميل

السلام عليكم ورحمة الله وبركاته
للأسف يا جماعه انا مدخلتش للموضوع ده من البدايه لأنى كنت متخيل انه نكت   بصراحه  واعتبرت ان الحياه اللى احنا فيها أكبر نكته فبالتالى ملوش لازمه أدخل .
لكن لما دخلت دلوقتى  بجد لقيت الموضوع جمييييييل يا عمر   وبعدين بالنسبه لحبيبه 
حبيبه دى  أختنا كلنا ولا اعتقد ان اللى زى حبيبه ممكن حد يزعل منه  بجد انسانه محترمه  وحساسه  .. أما بالنسبه ليك يا عمر   ايه يعنى دبلوم  ما انا دبلوم  ولا انت فاكر تجارة وتسويق دى   دكتوراه ؟    ههههههههههههههههههه  صباح الورد

صباح العسل موندي