يا أمه .. قــووومى

يا أمة ترمي ضميرها للكلاب ببلاش
يا أمة قبلت
بفرحة.. خدمة الأوباش
ما اعادش إلا انتظار الموت.. يا إما نقوم
نسجد في ساحة
النضال وعن البلاهة نصوم
لو الدما تبقي بحر.. في دمنا.. حنعوم
إزاي يعيش
الوطن.. من غير رجال تحميه؟
تموت وتحيا معاه.. تموت وتحيا ليه..
كإن ابن
العرب مولود يا ناس.. مهزوم
ماعادش إلا انتظار الموت يا إما نقوم
نحمي الوطن
بالصدور.. ونفجر المكتوم
كل الشوارع بتصرخ في المدن بجنون
توقّف الحرب.. تفضح
فكرة المجنون
في أوروبا حتي ف أميركا.. لأ في كل الكون..
إلا احنا إرتحنا
قدام أي تليفزيون
آدي العراق في طريقها للغرق يابا
واحنا حواليه خُطبنا
فجة... كدابة
نتخانقوا من غير سبب.. لأ فيه سبب طبعاً
وحنغرقوا في الزمن.. يا
أمتي.... جمعاً
متملعنين... إنما... عدونا..... ألعن
قدَّامُه حملان.. لكين..
علي بعضنا ديابة!!
الكل عايز ساعات المؤتمر تمضي..
علشان ما يجري علي دار
العدو.. يمضي
كإن بعضي ينازعني.. علي بعضي..
معظمنا هوه العدو.. يعني العراق
يا هوه
مش أمريكان وانجليز.. إحنا اللي حنهدوه
واحنا اللي بتروله رايحين
للعدو نِهْدوه
وبعده بترول جديد.. وبعده بترول جديد
وأنا منتظر مقتلي وإيدي
علي خدي!!
الكل عاوز ساعات المؤتمر تمضي..
علشان ما يجري علي دار العد
(يمضي)!!
أنا باهيب بالشباب.. إنسوا اللي قضُّوا العمر
يتكلموا ويخطبوا
وسابوا سنينكو... تمُر...
ده انتو القلوب الفتية والوجوه السمر
ترضوا تبيعوا
الوطن بتفاهة الغايات؟
وتبقوا إنتو وأعداء الوطن إخوات؟
متربصة بيكو أم
العولمة والجات
تتمِسْحوا م الكون كما مسحوا الهنود الحمر
أنا باهيب بالشباب
انسوا اللي قضّوا العمر
يتكلموا ويخطبوا وسابوا سنينكو
تمر

تسلم يا موندى كلام فى الصميم

الله عليك ياغالي

شكرا لمروركم الكريم
اوعوا تنسونى هناك ......... لو حتى بعيش حاف هينفع
ربنا يستر

تسلم موندي

جميلة قوى قوى موندى
تسلم ايدك
ننتظر منك كل جديد

شكرا اخ موندي
تقبل مروري

شكرا لمروركم الكريم

شكرا اخى موندى بس لو اتمسكت انت متعرفنيش ماشى علشان تلاقى حد يسال عليك

متخفشى يا هيما وبعدين كدا كدا هنموت صح بالتعذيب هنموت على الطريق هنموت فى بيوتنا هنموت ؟؟؟ صح ؟؟؟؟؟

يبقى الواحد يموت راجل مسلم عنده نخوه على الاقل يسيب ميراث لإبنه صح سيب من مواريث المال والجاه أهم ميراث هو الكرامه والدين

وخود دى بقه كمان

أقولها
صريحةً
بكل ما أوتيتُ من وقاحةٍ وجرأةٍ
وقلةٍ في الذوق والأدبْ
أنا الذي أخذتُ منكم كل ما هبَّ ودبْ
ولا أخاف أحداً
ألستُ رغم أنفكم
أنا الزعيمُ المنتخَبْ .!؟
لم ينتخبني أحدٌ لكنني
إذا طلبتُ منكم
في ذات يوم ، طلباً
هل يستطيعٌ واحدٌ منكم
أن يرفض لي الطلبْ .؟
أشنقهُ
أقتلهُ
أجعلهُ يغوص في دمائه حتى الرُّكبْ
فلتقبلوني ، هكذا كما أنا
أو فاشربوا
"من بحر العرب"
ما دام لم يعجبْكم العجبْ
ولا الصيامُ في رجبْ
فلتغضبوا إذا استطعتم
بعدما قتلتُ في نفوسكم روحَ التحدي والغضبْ
وبعدما شجَّعتكم على الفسوق والمجون والطربْ

الله عليك
والله مافى غير لك تقدير لكلمك الجميل

صقفه من الجميع لاخ موندى

شكرا هيما بس لو إتأخرت عليك يوم واحد فى ردى أكيد طبعا انت عارف هبقى فين ... هههههههههههههههههههههههههههههههه ربنا يسترها علينا ويجعل كلامنا خفيف عليهم .... ولا تقيل ؟؟ يا عم قول يارب

يارب

ارحم عبادك من عبادك

تسلم يا هيما على مرورك الكريم

انا فولت اللي عليا وانت بقي وظروفك

مش عايز تبقي زيي ؟ خليك عايش في
خوفك

الناس كلها هتحبك .. وهيطول كل يوم صوفك

ايه الكلمات الجامده ده يا موندى حلوه جدااااااا تسلم

مستنين منك اكثر يا موندى

شكرا نوجا على مرورك الكريم

ان شاء الله هتقوم وكل شيئ هيتحقق باامر الله

كلامك ياموندي مش عايز كلام

جزاك الله خيرا

ومن ناحيه انك تتمسك متخفش هما مش موفرين جهد مشاء الله عليهم

قل لن يصيبنا إلا ما كتب الله لنا