محكمة الحب

فكره حلوه تسلم

اووووك
مين حبيبتك؟اسمها

حبيتها ازاى و ليه؟

ايه اكتر حاجه حبتها فيها؟

مستنى ردك

جميله بجد يا هيما  وانت عارف انى مكنتش موجود   عموما تحت أمرك وأمر المنتدى 

أخ هيما افهم من كدا اننى فى المحكمه من الساعه 6 انهارده ؟؟؟

أجمل شىء يا هيما من وجهة نظرى انه بيغير الانسان تغير كامل  دا طبعا اذا كان حب حقيقى وصادق ومحترم .. بمعنى ان ممكن يكون شاب  مستهتر وتايهه فى الدنيا  بمجرد انه يقابل انسانه تعرفه معنى الحب الحقيقى  هتلاقى الشاب ده بيتغير للأحسن  وبيكون انسان تانى خالص  مش عشانها ؟؟ لا عشان وقتها بس عرف الفرق بين انه  انسان عادى ودلوقتى  انسان مرغوب فيه  محبوب  ومطلوب منه يكون صح وينظر لمستقبله وحياته  وازاى هيحافظ على الحب ده وازاى يفكر يبنى مستقبله ويشق طريقه ..

ايه رايك ياموندي في الناس الي بتعيش الحب بطريقه غريبه شويه

طريقه تشبه التفريط والتنازل وانا بقول تشبه

ويقولو احنا كده بنجيب من الاخر

طريقه كلها همجيه وعدم احترام المشاعر دم من راي

ولكنه موضوع والله اراه كثيرا

اريد ان اعرف رايك ياموندي لكن يارب تكون فهمتني

اريد ان اقول كلمه بسيطه ان شاء الله طرحي للنقطه دي لايتعارض مع الاخلاق

ان شاء الله تكون توعيه لناس كتير عارفه بقول ايه

ونعرفها معني الحب الصح


الي ميكونش فيه حاجه تغضب ربنا

انا مستنيه ردك ياموندي وجزاك الله خيرا

أختى حبيبه  سلمتى وسلمت أناملك  .. بصراحه انا مقدرتش أفهم قصدك جديا لكن هقولك اللى فهمته  وأتمنى يكون ردى  هو المقصود .. ولو محصلشى ياريت تسألى تانى وتالث ورابع  عادى ...
هل تقصدين الحب الموضه  ( البوى فرند  والجيرل فرند )  أم أنك تقصدين ما نراه خلف أسوار الجامعات  يوميا الشباب والبنات  عايشين اللحظه مع بعض  باسم الحب وهما الاتنين عارفين انهم بيلعبوا على بعض  بس عارفين هما بيحاولو يرسمو الدور قوى قدام بعض ليه ؟؟  عشان لو فكرت البنت  أو الشاب فى اللى بتقوله وبتعمله ساعتها  هيعرفوا قيمتهم الحقيقة ايه ..!!!  طبعا الكل فاهم ..
الحب الحقيقى يا جماعه هو اللى لازم يكون له أثر واضح على الانسان ولابد أن تظهر عليه تغيرات من كل الاتجاهات  وطبعا كل التغيرات بتكون للأفضل  والسير  لتحقيق أهداف كانت بتعتبر فى وقت من الاوقات مستحيله لكن مع وجود الحب أصبحت هدف قريب وليس بمستحيل  ده هو الحب 

بص ياموندي ممكن تكون قربت
يعني مثلا

انا بحبك واعملي ده بااسم الحب

طيب والمبادئ والاخلاق

لاء مهو انا بحبك

طيب الحب مش كده مفيهوش تنازل

لاء احنا نجيب من الاخر

فهمتني بئه لان والله العظيم بنات كتير في وهم ومش كل البنات عقلها كبير طبعا

يعني كلمه بيسطه منك للشاب وللفتاه لو معندكش مانع والنصيحه لله

فهمتك يا حبيبه .. شوفى أختى الكريمه وشوفو أخواتى الفاضلات   أولا فكرتونى بالموضوع اللى كنا بناقشه فى المنتدى اللى هو تقريبا الحب والجنس   المهم انا رأى مفيش حاجة اسمها تنازلات ابدا ابدا فى الحب وخصوصا فى الكلام الفاضى .. يعنى مثلا يجى شاب يحاول افعال بزييئه ومش محترمه مع البنت ويقولها ده باسم الحب اساسا لو الشاب بيحب بجد البنت هيخاف عليها حتى من نفسه  أقولك والله هيخاف عليها حتى من نفسها .. وأى  ولد فى الدنيا هيحاول يعمل مثل هذه الاشياء مع بنت باسم الحب انا بقولها  كلام فاضى بيلعب بيكى  ولو كلامى مش هيعجب حد من الشباب وهيفكر يجادلنى فيه انا مستعد وعلنى وبالدلائل والبراهين .. كلنا مرينا بالتجارب دى وعرفنا يعنى ايه حب ويعنى ايه قلة أدب .. نصيحة لكل أخت  لا يوجد شىء اسمه تنازلات باسم الحب .. التنازلات يا أختى بتكون فى ايه مثلا  حبينا بعض باحترام   جميل ولما جه الشاب يرتبط  ممكن أتنازل شويه فى الطلبات المفروضه عليه  يعنى بلاش شبكه مكلفه مثلا  وهكذا  لكن تقولى أمسك ايدك ولا  ..... الخ   ده تنازلات باسم الحب   .. حب ايه يا عمنا 
الحب إحترام وأخلاق ..   وتحت أمركم فى أى سؤال طول الاسبوع مش 3 ايام بس 

جزاك الله خيرا ياموندي كلامك ممتاز

وبشكرك علي اهتمامك بالسؤال

لا شكر على واجب أختى حبيبه  تحت أمرك فى اى استفسار أو سؤال   ومنتظر أسئلتكم 

يسلام عليك يا متمكن .. ايه يواد الروقان ديه  طب انا بقه عندى سؤال محيرنى  من اول ما شوفت صورتك دى .. 
قولى يا غالى هو انت من اللى بيعملوا اعلانات  فى محظة مولتى ولا موليدى  دى  شكلك مش غريب عليا .. أوعى تطنشنى  عشان انا فلاح  ... 

ههههههههههههههههههههههههههههههههههههههههههههههههههههههههههههههههه
هو أنا أقدر أطنشك  ..  بس عموما يا عم الحاج  انا مش بعمل اعلانات  وأحب اقولك بجد انت بعتبرها  فاكهة المنتدى   حقيقى  شكلك طيب وعلى نياتك   عموما انا مبسوط انك بتشارك معانا 
وابقى سلملى على ميمى صاحبكههههههههههههههههههههههههههههههههههههههههههههههههههههه

هههههههههههههههههههه  ايه الاحراج ده  حاضر هقولك يا هيما ...بالنسبه للنقطة الاولى من السؤال .. وهى  ايه اكتر شى ممكن تعمله علشان تجذب اى بنت ليك .. شوف يا هيما أولا  أنت لازم تعرف الشخصية اللى قدامك الاول بتحب ايه ، بتكره ايه ، ميولها ايه ؟؟ من هنا طبعا  لو عملت قدامها الاشياء اللى هى بتحبها أكيد هتهتم بيك وهتلفت نظرها .. بس ياريت نستغل النصيحه دى فى الصح والحلال .... هههههه .....
ثانى نقطه من سؤالك .. تعمل ايه لو بتحب بنت وهى مش عارفه .. طبعا يا هيما فى الايام دى الموضوع سهلة جدا عن زمااان ايامنا  بمعنى دلوقتى ممكن برساله على الموبايل   تقول لها على كل شىء لأن ممكن تكون انت بتحبها وهى بتحب تكون قريب منها لكن مش بتحبك الحب اللى انت فاهمه  وتكون انت واهم نفسك والاصعب كمان انك تكتشف انها بتحب شخص تانى وانك بالنسبه لها مجرد حب أخوى  يبقى لازم تحط النقط على الحروف من البدايه حتى لا تصل الى طريق مسدود  وطبعا ممكن يكون له عواقب نفسيه لكلا الطرفين .. وطالما بتحبها يبقى سهل انك تصرح لها بحبك وحتى لو هى وخداك أخ  هتحترمك أكتر وأكتر ...   تحت أمركم فى اى سؤال