بعتذر .. لكم جميعا

مساء الخير عليكم جميعا .. أنا مش داخله دلوقتى عشان افتح الموضوع تانى لا يا جماعه الموضوع انتهى خلاص ومش محتاجه أى تعقيب من أى عضوة أو عضوه عليه ويكفى الشعور والروح الطيبه التى وجدتها فيكم ورفضكم إنسحابى من المنتدى عشان كده بجد انا رجعت تانى وكمان موضوع انى اعمل مواضيع تخص ديانتى بصراحه مش هيحصل لأنى بحترم رأى أخى وصديقى موندى جدا وهو رافض الموضوع ده وقالى من حقك تتكلمى فى أى موضوع غير الدين لأن القسم ده فى المنتدى خاص فقط بالاسلام .. ومع ذلك بصراحه انا مزعلتش منه ولا هزعل منكم وياريت أى انسان زعلان منى فى المنتدى يسامحنى .. وبوعدكم انى اعمل قصارى جهدى لرفعة هذا المنتدى الجميل الذى وجت به روح الاسرة والاخوه الحقيقيه والتى لم أجدها أبدا فى أى منتدى آخر ....
بشكركم لسعة صدركم .. وتقبلوا تحياتى واحترامى

مشكوره اختى كرستين واحنا سعداء بعودتك

يا مرحب يا مرحب طب كونتى قولتيلى كنت بعتلك التوكتوك يرجعك لحد هنا .. عموما حصل الخير ومتخفيش اللى هيزعلك تانى هجيب رقبته بالشرشره هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

لاتعليق

أهلا بيكى أخت كرستين ...
بس بصراحه مش قادره معلقشى على عملا ( لا تعليق ) تطلع ايه ما متردش احسن يا أخ عمر بدل حرقة الدم دى

ههههههههههههههههه أخت روضه كبرى دماغك أحسن لو ركزتى هتتعبى يلا نعمل زيهم نبقى بارديييييييين خالص وناخد الامور ببساطه . ... نورتينا يا كرستين منتظرين مواضيعك

الله يسامحكم ويعفو عنا جميعا
لو انا بارد مكنش ده حالي
بس بعتقد اني شايف حاجه
مفيش حد واخد باله منها
يمكن اكون انا غلط
في نظركم بس هو ده اللي في قلبي
مش هقول حاجه بلساني غير اللي في قلبي
عمتا شكراااا خالص موندي
واسف ليكي روضه

يا أخ عمر اعتقد ان سبق واتكلمنا كتير وقولنا ان اللى عنده كلام يحب يقوله يتفضل يرد صح طب لو مفيش عندك كلام متقوليش ( لا تعليق ) ولا هتفتى بقه فى دى كمان وبعدين هو معتشى ورانا إلا حواراتك فى المنتدى ولا ايه قولنا خلاص خلاص خلاص خلاص .. واقولك اللى نفسك تقوله قوله يبقى غلطان اساسا اللى يعاتبك ولا يرد عليك

خلاص يا كرستين الموضوع انتهى
و موندى و روضة الموضوع انتهى مش هنعلق على كلام كل اخ لان الجميع له حرية الراى
طالما مش جرح فيه غيره .. و الحمد لله الموضوع انتهى
يا موندى فلناخذ الاسوة من الرسول عندما صمم ان ينتقم من الكفار لقتلهم
عمه حمزة فقال له الله تعالى " و اصبر و ما صبرك الا بالله"
ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سبيله
و قال أيضا "{وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ}. ...
يلا بقى نرد على الموضوعات و نشارك و نتنافس منافشة فى المتابعة و المجهود
شكرا للجميع
نستغفر الله جميعا و نتوب اليه
لا اله الا انت سبحانك انى كنت من الظالمين

كل اللى اقدر اقولة
ربنا يهديكم جميعا
تقبلو مرورى

احنا اتفقنا ان الموضوع اتقفل وصاحبه الموضوع قررت ده وبكده كل حاجه اتقفلت برجال لا تعليق الا على الموضوع وليس الردود

اهلا بيكي مره تانيه معانا

اهلا بيكي مرة تانية معانا

اهلا بيكي معانا كريستين نورتينا من جديد