جمعية العفة لكل المصريين..

السلام عليكم ورحمة الله وبركاته

أخوتي وأخواتي أعضاء منتدى وجنة الأفاضل أتوجه إليكم بأسمى معاني الشكر والتقدير على ما قدمتموه لي من عون

[b]في البداية أرجوا أن تقرأوا الموضوع وليس فرض عليكم طبعاً

في البداية أنا اطرح بين ايديكم فكرة رافقتني خمس سنوات وانا افكر فيها وأنوي تحقيقها ومساعدة اي شخص

ينوي ان يقوم بها بكل ما استطيع فعله ولذلك وبعد تفكير كبير

كتبت هذه الفكرة اكثر من مرة ثم أقوم بمسحها واسكت ثم أعود لأكتبها ... فهو هدف لازمني كثيراً ولا أنوي الإطالة

عليكم أكثر من ذلك فأنا اعتقد أن العنوان كفيل بأن يعطيكم نظرة ولو بسيطة عن فكرة هذا الهدف ألا وهو عفة المصريين

فمن منا لا يريد العفة لابنته ولا لأخته وأهله.

أنا لا أطرح مشكلة شخصية ولا موقف حصل معاي أنا بطرح مشكلة أكبر من أني اقدر اوصفها بالكتابة ولكني

هحاول أوجز هذه الفكرة

وإليكم الفكرة والمبادئ التي ستقوم عليها.

إنها جمعية اجتماعية بحتة لا تهدف إلى الربح ولا المكانة الاجتماعية ولا إي شيء إلى أن نُطبق قول الرسول الكريم

الله في عون[/color] العبد مادام العبد في عون أخيه)

يمكن أن نطبق هذا الأمر في أمور كتيرة طبعاً ولكني بحثت على أصل أكتر المشاكل ولقيت أنها الزواج يا أخوتي

مشكلة الزواج الي أصبح ثقل على كاهل كل الشباب القادر والغير قادر

طيب إذا كان القادر بيسبب له مشكلة أمال الغير قادر يعمل ايه أن عارف اننا كلنا لينا الله وأمره لا راد له ولكن لازم

يا جماعة يكون لينا وقفة مع نفسنا لازم كل واحد يفكر في حال الأمة وفين وصل الحال بيهم ..

الاغتصاب والدعارة واتباع امر الشيطان والنفس الأمارة بالسوء والهوى معظم هذه الاشياء أحنا عارفين ايه المسبب

الرئيسي ليها وكمان عارفين السبب .. ومش قادرين نتحرك

كل واحد عايش في عالم لوحده وأنا قلتلكم أني مش بطرح

مشكلة شخصية ليا ولا أبتغي إلا وجه الله في هذه الفكرة

انا عارف انه كلامي هيكون طويل وكتير منكم مش هيقروه كله ولكني والله نفسي أعيش معاكم فكرة كبيرة كبيرة

قوي

[b]إليكم مبادئ هذه الجمعية ومع العلم أوعوا حد يقول في يوم من الأيام انه رايي مش مهم ولا مش هياثر

لأنه عمره في يوم ما أيد لوحدها سقفت ولا هتسقف لازم أيد مع ايد علشان نقدر نبني فكرة الكل يكون البطل فيها

والكل يكون المستفيد منها..

صراحةً أنا عملت بحث كتير على موقع الجوجل ولكن لقيت نتائج قليلة لا ترقى إلى ما يدور بذهني ولكن وجدت

جمعية وكأنها التي رسمت ليها الصورة في بالي وهي موجودة فعلياً في سوريا وبتعمل بشكل فعلي

وانا هقول شعارهم في البداية ونقتبس منهم بعض المبادئ التي تقوم عليها الجمعية

[/center]

نحن مجموعة من المتطوعين جمعنا ولاؤنا لأمتنا وبلدنا وكراهيتنا لعقوقها ورغبتنا بأن نوقد الشموع ولا نكتفي بلعن الظلام .
قد نُنتقد ..
قد تساء فينا الظنون....
قد لا يبالي بجهودنا أحد...
لكننا لا نملك إلا أن نعمل..
لأنه لا خير فينا إن لم نعمل .
فإن نجحنا , نجحنا جميعاً
وإن أخفقنا , فإخفاقنا لنا وعلينا .
وعذرنا أننا ما أردنا إلا الخير .

ودور الجمعية أنها تكون

مؤسسة خيرية تهدف لإقامة المجتمع المسلم المترابط, واستثمار طاقاته البنّاءة وإمكانياته المتاحة واستيعاب الجهود

الخيرية التطوعية, وتنظيم تدفقها. وتركز الجمعية في نشاطاتها على فئة الشباب وتأهيلهم من النواحي العلمية

والاجتماعية والاهتمام بشؤونهم الخاصة والعامة وبصورة خاصة إعفاف الشباب ( رعايتهم وتأمين فرص العمل لهم

وتزويجهم ...إلخ ).

متهيقلي دور الجمعية أكبر من اني اوصفه مع انه بسيط جدا ولكنه دور بيشمل كل شيء مش بس مسألة الزواج

ولكننا نركز بالقدر الكبير على مشلكة الزواج والمعاناة التي يلاقيها الرجل عندما يفكر في الزواج .. يا جماعة في

شباب بيعدوا الثلاثين من العمر وهم عُذب وده في المتوسط وفي بنات بتوصل لأكثر من الخامسة والعشرين وهي

مازالت فتاة .. ايه القسوة الي احنا بنتعامل بيها مع فطرة بشرية ربنا كتبها علينا أزاي نسيب نفسنا لأفكار هدامة

وتقليد أعمى يدمر المعاني السامية من الزواج الذي أحله الله عز وجل .. أنا مش عايز اقول انه ما حصلش معاي

ولكن حالياً انا دي مش مشكلتي يمكن يكون ماديا ولكنها بقيت مشكلة جيل مش الجيل الي احنا عايشين فيه ولكنها

كانت من زمان مشكلة أجياال مضت ولكن دلوقتي في متغيرات خلتنا لازم نتحرك وبسرعة لازم يكون لينا وقفة واحدة

صح .. لازم نبطل كلام ونبدأ في الفعل مش المحاولة لا لازم نعمل حاجة قول كلمة حق ونفذ الي انت بتتطلع ليه وكلنا معاك واقفين جمبك.

مبادئ الجمعية في نفس البساطة الي بيقوم عليها دور الجمعية ولكنها شاملة لجميع الأشياء الي احنا طلبنها وإليكم المبادئ المرجوة من الجمعية.

1. احتواء الشباب ومساعدتهم على التكيف الاجتماعي السليم لأداء دورهم على الوجه الصحيح.
2. الإصلاح بين الناس والعمل على حل المشكلات الأسرية وخلافها بمعنى انه الزواج ليس نهاية لدور الجمعية.

3. بحث مشاكل الزواج والطلاق والعلاقات الأسرية وتشجيع الزواج المتكافئ.

4. تهيئة صالات الأفراح أو اي مكان يقام فيه العرس بيكون على مستوى الزواج والمساعدة في التكاليف بتاعته.

5. توعية المجتمع باستخدام الوسائل الممكنة : ( إصدار نشرات دورية.... الخ ) للمساهمة في مكافحة الفقر والجهل

و التسول وخطورة المغالاة في المهور بالتعاون مع الجهات المختصة.

6. الاهتمام بالطفل و المرأة توعية ً و تعليماً و صحة ً و حقوقاً و تطويراً ، وتنظيم الأسرة من حيث التربية و العدد

بمعنى توفير الجمعية للوسائل التي تبين المدد المطلوبة بين الفترات المتباعدة بين الطفل والطفل الذي يليه خوفاً على

صحة المرأة وحتى لا يثقل كاهلها مع عدم مخالفة السنة الإسلامية بالتعاون مع الجهات المختصة.

7. إقامة دورات تعليمية للطلاب ( كمبيوتر – لغة أجنبية و عربية .. الخ ) حتى نحصل على جيل يستطيع الاعتماد

على نفسه يملك ثقافة عالية يستطيع أن يساعدنا في المهمة ونستطيع الاعتماد عليه فيما بعد.

8. العمل على جمع الكتب المدرسية بمراحلها المختلفة و الجامعية والألبسة المستعملة لإعادة تأهيلها و توزيعها على

الفقراء والطلاب مع توابعها من حقائب وقرطاسية في كل عام طبعاً ممكن تقولوا وده أيه دخله بالزواج ولكن السبب

انها أشياء بتدور في دائرة واحدة يعني على الأقل بتدينا دفعة في التكافل الاجتماعي وبتخفف العب عن أخ بيساعد

اخواته أو اي حد من الي هو ملتزم بمساعدتهم.

9. قبول الأثاث غير المستعمل و المستعمل المنزلي و المكتبي و العمل على استصلاحه و تقديمه للفقراء.

10. مساعدة غير القادرين على الزواج و أداء فريضة الحج.

11. تقديم الوجبات الغذائية الجاهزة و اللحوم الطازجة و إقامة الموائد الرمضانية اليومية للفقراء و المحتاجين و

أبناء السبيل خاصة في شهر رمضان و أيام عيد الفطر والأضحى وده برضوا نفس الشيء الي قلناه فيما سبق.

12. التعاون مع الجمعيات المحلية في مجالات عمل و أهداف الجمعية و الاستعانة بالخبراء و المختصين من أجل

الارتقاء بواقع العمل الخيري الإنساني وذلك بما لا يتعارض مع سياسة الدولة.

13. تقوم الجمعية بتحقيق أهدافها المذكورة بالتنسيق و التعاون مع الجهات المختصة وبعد الحصول على الموافقات

المطلوبة وبما لا يتعارض مع القوانين و الأنظمة النافذة في بلدنا الحبيب.

طبعا زي ما احنا شوفنا في بنود يمكن نحس انها مش داخلة في اختصاص الجمعية في أمر عفة الشباب ولكن صدقوني والله هي دائرة واحدة يدور فيها كل من يبتغي العفة..

وأهم المشاريع التي ستقوم بها الجمعية :
• إعفاف الشباب ( رعايتهم وتأمين فرص العمل لهم وتزويجهم ...إلخ )

• الصدقة الجارية :

• الاستقطاع الشهري : وتتلخص فكرته في استقطاع مبلغ محدود من دخل المتبرعين، عن طريق تسليمه لمندوب الجمعية شهرياً؛

لماذا ... إعفاف الشباب ؟

1ـ لأن الزواج مطلب ملح لكل شاب وشابة كالطعام و الشراب .

2ـ ولأن المنافذ المشروعة للزواج مازالت تتضيق و المنافذ غير المشروعة مازالت تتوسع .

3ـ ولأن نسبة العزوبة بين الشباب بلغت معدلات قياسية .

4ـ ولأن فضيلة المجتمع و أخلاقياته و إنتاجية أعضائه وإبداعهم تتأثر إلى حد بعيد جداً بتأمين هذا المطلب الملح

للراغبين فيه من الشباب .

5ـ ولأننا نريد تحصين البيت المصري من كل ما من شأنه أن يتسبب في انحلاله وزعزعته .

6ـ ولأننا نريد التحصن خلف المبادئ التي تجمع أفراد المجتمع المصري بكامل أطيافه في وجه هجمات ثقافة عولمية تريد ابتلاعنا وثقافة متطرفة تزيد همومنا و آلامنا .

لأجل هذا كان الهدف هو:إعفاف الشباب .

كيف نصل إلى هدفنا ؟

نصل عن طريقين :

الأول : الدعم المباشر عن طريق:* تقديم المساعدات النقدية.

* تقديم المساعدات العينية لتجهيز المنزل .

* تيسير نفقات حفل الزفاف بتأسيس صالات أفراح خاصة لوضعها في خدمة الشباب المعوزين مع المستلزمات الأخرى لحفل الزفاف .

الثاني : الدعم غير المباشر تأمين حالة وعي عام بمشكلة العزوبة وأسبابها وطرق حلها .

توعيةالشباب غير القادرين على الزواج .

تثقيف الشباب المقبيلين على الزواج .

وذلك من خلال :

* توجيه الخطب والمواعظ الدينية بهذا الاتجاه ونشر المميز منها على موقع الجمعية .

* استكتاب أصحاب الفكر لدعم هذا الهدف ونشر البحوث والمقالات المميزة .

* إقامة الندوات الفكرية العامة بالتعاون مع المؤسسات الحكومية والمنظمات الشعبية .

* الاستفادة من موقع الجمعية لتأمين الدعم النفسي والديني للراغبين في الزواج وغير القادرين عليه للمساعدة في

منع الانحراف و تقديم الإجابات والنصائح من قبل خبراء مختصين .

طبعا ما فيش كلام اقدر اقوله تاني بعد ما احنا قرينا المبادئ الي هتقوم عليها الجمعية

رسالة إلى اولياء الأمور:: بالله عليكم ألحقوا الي فاضل من الخير فينا الحقوا طلبنا للعفة وطلب بناتكم ليه

الله سوف يحاسبكم على تعنتكم في أمر قد حلله وحدد أهميته في القرآن الكريم ونبه عليه الرسول الكريم في الكثير

من المواضع حرام عليكم تعملوا كده في شباب ابتغى الحلال وبنات ارادت العفة وأرادت ان تكون لها حياة كما هي

لكم حياة .. يا كل ام أرادت أن تتفاخر بجهاز ابنتها وأرادت أن تُري الناس ما قام زوج ابنتها بفعله من أجل ابنتها

اتقي الله أتقي الله أتقي الله في ابنتك وفي صاحب الدين والخلق الذي جاء خاطباً لابنتك وأياكم ان تنسوا الفضل بينكم

انا عارف انه موضوع كبير وانا تعبتكم ولكن ده مش موضوع ولا ده حلم ولا أي شيء ده هدف هعيش علشان احققه

واساعد اي حد يبدأ فيه وهمد أيدي وافضل ماددها حتى لو كان عندي أربع زوجات

لأني واقسم بالله العظيم ما ابتغي مصلحة شخصية ولا في نفسي اي شيء لنفسي إنما أطلب منكم ان تكونوا معي

نرفع يد في وجه ظلم كل من قال لا لصاحب الخلق والدين ونقول له ...
اتقي الله .. واحسن الظن .. وتوكل عليه
في النهاية انا كان نفسي اكتب في الموضوع اكتر من كده ولكني عارف اني تقلت عليكم بس انا حبيت اعرفكم أنه

أيــــدي فى أيـــدك يا ابن بلدي ومعــاك أنـــا

الإصــلاح و التغـــيير بإرادتنا لابد يكون هنا..
أ[ندعوك للتسجيل في المنتدى أو التعريف بنفسك لمعاينة هذه الصورة]
بارك الله لي ولكم ونفعنا بهدي حبيبه المُصطفى صلى الله عليه وسلم

والسلام عليكم ورحمة الله وبركاته

الفكره رائعه جدااااااااا جداااااا يا عمر بجد لو اتعمل ليها دراسه جدوى و مشينا عليها مضبوط و كل واحد فينا بخبرته و امكانياته هيكون فكره هائله فعلا

انا بايدك يا عمر و يا ريت الفكره تلاقي استحسان من باقي الاعضاء
و ان شاء الله نحاول فعلا اننا نطورها و ننفذها
شكرا يا عمر على مجهودك

ياااااااااه كان نفسى أكون أول ايد تتمد ليك يا عمر صلاح للفكره الجميله دى .. لكن عموما نوجا دائما تسرع بالخير . وحصل خير .. وأنا مؤيد

شكرا ليكي يا نوجا جدا وكفاية يا موندي انك يكون عندك الدافع لكده انا عارف انه الخير ماليكم
والغيرة على المسلمين بتحرقكم زي ما هي بتحرقني ووالله انا ايدي بايدكم وانشاء الله الخيير بايدينا يا اخواتي
بارك الله فيكم وربنا يعينا ويكون معانا
شكرا على المرور الذي اثلج صدري

شكرا على ايه يا عمر فكرتك فعلا جميله جدااا و انا مش بايدك بالكلام لا فعلا انا عاوزه اكون من ضمن اعضاء الجمعيه ده و موندى برده اكيد هيكون من ضمن الاعضاء و لا ايه بس يا ريت نتابع مع بعض الموضوع يا عمر يعنى نتكلم عن كل جديد و ازاى هنبتدى

على فكرة يا نوجا انا مش بشكرك على انك قريتي الموضوع ورديتي ولكني بشكر فيكي اصرارك على اننا نكمل الموضوع

وانتي اكيد قريتي اني قلت ايد لوحدها ما تسقفش وعلشان كده بعون الله انشاء الله يكون حقيقة

انا مش بقول اني طرحت فكرة علشان نتكلم فيها ونشكر بعض عليها ولكن احنا محتاجين جهود

الكل وكلنا ايد في ايد الفكرة تبقى واقع وربنا عارف احنا نيتنا ايه وعلشان كده انا بدعو جميع اعضاء المنتدى مش انهم يشاركوا بالردود لا انا بدعيهم ان اي حد يقدر يوصل فكرتنا لكل الناس يعمل الي يقدر عليه كلنا لازم نعمل الدور الواجب علينا
وربنا المستعان انشاء الله ويوفقنا وبرضوا شكرا ليكي

وعلى فكرة يا نوجا انا يعني حاولت ابين الخطوط العريضة لمبادئ الجمعية وقولت انه اي اقتراح او تعديل عليها اكيد هيكون مطلوب من كل واحد انه يشارك برايه علشان نبدأ بجد

لأنه الهدف بيبدأ بحلم وبعدين بيكون فكرة وبعون الله مع الجهد والتعب بيكون واقع وانا متهيقلي انه ما فيش حد يقدر يعارض قيام الجمعية دي وأن الحكومة لازم تكون اول حد يساند ويساعد وانا مستبشر خير انشاء الله

وعلى فكرة معادنا حزب المساندة عن قريب انشاء الله يا نوجا انتي وباقي اخواتي الاعضاء

وعلى فكرة الحزب ده انا هطرح فكرته قريب قوي ولازم نتعب علشان يكون الهدف الي كان حلم وفكرة حقيقة وواقع نعيشه

وزي ما قلت الله في عون العبد مادام العبد في عون اخيه

وانا كمان بايدك ومعاك يا عمر

أنا منتظر أى جديد فى الموضوع ده ومستعد لأى شىء أقوم بيه ومش كلام ورد على مواضيع وبس لا أحب ان أكون عضو فعال فى الجمعيه وممكن برساله على الخاص هبعتلك رقم موبايلى كمان حتى يتم التعرون عن قرب

طبعا انا خايف اشكر حد احسن يزعل ولكني والله بدأت اطرح الفكرة على كل الي حوليا

وانشاء الله هنوصل فكرتنا لكل الناس
وبعدين ما تنسوش انه في فرصة عظيمة قدامنا وهي انتخابات الرئاسة وهي فرصة كبيرة علشان نطرح الفكرة ونحاول اننا نجتذب انتباه المرشحين لأنهم محتاجين اي فكرة يوصلوا بيها للناس وتزيد شعبيتهم
وانا يا اخي موندي يشرفني التعاون معاك والتشاور في اي وقت
واكيد رقم تليفونك انشاء الله هيكون عندي قريب زي ما رقمي هيكون عندك قريب اذا ما كانش يضايقك ... وانشاء الله كل يوم هيكون ليكم عندي خبر كويس عن الي انا بحاول اعمله وانتوا كمان لازم تفرحوني بأخبار حلوة باستمرار علشان الفكرة توصل للناس في اقرب وقت ممكن

بارك الله فيكم

فكره كويسه ربنا معاكو

انشاء الله ربنا معانا ومش هيخيب رجاءنا

الفكرة ممتازة بس زى ما نوجا قالت لازم من الدراسة المتأنية الجادة
حتى ترى الفكرة النور و تستمر و لا يكون مجرد كلام فقط
شكرا عمر على الاقتراح الجميل فأنت دايما سباق فى الخير
جزاك الله كل الخير
و اسمح لى بحسب ملف تقديم عضوية لى فى تلك الجميعة الجميلة
شكرا لك

بجد يا اخ رياض انا مش عارف اشكرك ازاي وزي ما قلتلك احنا هندرس الموضوع بجد

ونحط الخطوط العريضة للجمعية في الاول زي ما احنا شوفنا وبعدين نبدأ بالحديث مع كل المعنيين واللي يهمهم المساندة واكيد الكل ليه دور وشرف ليا اني اكون عضو في هذا المشروع العظيم

وانشاء الله انا حاليا بتشغل بكل جد علشان اوصل لكل الي يقدروا يساعدونا في مصر وهنا

وانا حاليا بخاطب المرشحين للرئاسة وفي بدايتهم الرئيس المصري محمد حسني مبارك والمرشحين البارزين امثال الدكتور البرادعي والدكتور ايمن نور وبرضوا هقابل رئيس رابطة المغتربين المصريين وانشاء الله مش هخلي في جهدي جهد لغاية ما نشوف الحلم بقى حقيقة
لأنه مش مجرد موضوع يا أخواني ده هدف انشاء الله ربنا يوفقنا ويكون معانا

والمبادئ هتخرج من وجنة وأبنائها وكل الي يهمهم أنه الهدف يتحقق انشاء الله

أعاننا الله ووفقنا لما فيه كل الخير لأخواننا في كل مكان

ويا ريت يا اخواني كل الي يقدر يعمل حاجة يعملها

عهد عليكم الي يقدر يوصل الفكرة ولو حتى لأهله وجيرانه وأقاربه يوصلها
علشان اما نقوم ونقول هو ده هدفنا الكل يبقى عارف احنا هنعمل ايه

احنا كمان ممكن ننشر الموضوع ده علي الفيس بوك كمان
علشان نزود معرفت الناس ونلاقي اقبال كتيييييييييييير
ايه رايك

انا ممكن اعمل جروب علي الفيس بوك وانقل فيه كل كلامك
او اعمل انت الجروب وانا هحاول اجبلك ناس كتيييييييييييييييييييير
اعرفها
وبكدا هنجمع عدد كبييييييييييييييير جدا من الناس

هاااااااااااااااااا
فكرتي عامله ايه
قولي كده

حبيبي يا حمودي والله الاقتراح ده انا بدأت فيه بالفعل انا كنت نسيت الاشتراك بتاعي في الفيس بوك
ولكني النهاردة اشتركت من جديد واكيد اي مشاركة منك هتزيد من ان الفكرة توصل للناس

الفكرة مش بتاعتي يا حمودي الفكرة ملكي وملك وملك كل مصري بيخاف على بلده ونفسه يعمل حاجة لأني انا لوحدي صوتي مش هيوصل لكل الناس
واعتبر ده تفويض مني انك تعمل الي انت شايفه صح يا أخي وانا بدعوا كل اخواتي الاعضاء انهم يعملوا كل الي يقدروا عليه

بارك الله فيكم وايدينا في ايدين بعض انشاء الله وبتوفيق الله هيكون الحلم والفكرة حقيقة

يارب الجمعيه ديه تحقق اللى احنا عيزينه
وبكدا نكون عملنا حاجه بجد
وابقي اكتب اللينك بتاع الجروب اللى هتعمله علي الفيس بوك

هنا في الموضوع
علشان نخش عليه

والاكونت بتاعي علي الفيس هو
Hamody elreoosh

ربنا يبارك فيك يا حمودي واحنا والله ما بنعمل اي حاجة إلا ابتغاء وجه الله وانشاء الله بكرة اكتبه

وأكيد كلنا هنشارك فيه وبجد انا مش عارف اوصف احساسي ليك عن فرحتي اني الاقي المساندة دي كلها من اخواتي

بس ليه استغرب انا اصلا قلتلك وقلت للاخوة كلهم انه مش هدفي ولا حلمي ده حلمنا كلنا وبعون الله هنحققه واحنا واقفين ايدنا في ايد بعض

ازيك يا عمر اخبارك ايه ... انا شايفه قبول كويس جداااا من اعضاء المنتدى و ده حاجة تدى امل و قوه في اننا نكمل ان شاء الله ... يا ريت يا عمر تقول الخطوات اللى هنبتدى بيها

ازيك انتي يا نوجا انا الحمد لله

وفي البداية علشان اطمنك انا خلاص الحمد لله زي ما قلت بخاطب رئيس مجلس الشعب والدكتور محمد البرادعي ووزارة التضامن الاجتماعي المعنية بالموضوع وخلاص انا كتبت كل المبادئ والخطوات الي هتقوم عليها الجميعة بعون الله مع قبول التعديلات الجدية على المبادئ

وناس كتير قوي عرفوا بالموضوع واقبال جميل جدا من كل الي يسمع الفكرة
إي نعم في ناس بتجيب للواحد احباط ولكن طول ما ربنا معانا وانتوا واقفين معاي

ايدنا في ايد بعض انشاء الله قريب تسمعي خير

ويلا يا جماعة كل واحد يعمل الي عليه وما يستناش انه حد يقوله على دوره وواجبه تجاه الهدف بتاعنا ربنا يوفقكم انشاء الله

احنا يا عمر عايزين نفتتح الجمعيه ديه بشكل رسمي
ونفتح فروع في جميع محافظات الجمهوريه
ونطبع ورق ونوزعه علي الناس وكدا

والله انت يا حمودي بتقرا الي في دماغي

طبعا انا مؤيدك في كل الي تقول عليه

بس عايز اقلك على حاجة احيانا اما نبدأ في شيء بحزر ويكون التقدم فيه بخطوات ثابتة ومافيش فيها اي تراجع ده بيكون دافع كبير قوي لينا

بمعنى اننا مش عايزين نفرط في التفاءل وبرضوا مش عايزين اي شيء من اليأس

انا معاك يا حمودي في اي اقتراح انشاء الله يخدم الجمعية وقيامها وبأيد اي اقتراح زي ما قلتلك
بس لازم يا صاحبي وواجب علينا اننا لا نفرط في التفاؤل لأنه اكيد الكثير من المشاكل هتقابلنا

ممكن المشاكل دي تكون في حياتنا الشخصية مش شرط تكون في فكرة الجمعية
وعلى فكرة يا حمودي انا هبعتلك الايميل بتاعي على الاسكاي بي والياهو علشان يكون كلامنا بشكل عملي اكتر من كده وطبعا هبعته لأي اخ من الاعضاء يحب يتواصل معانا وحتى رقم تليفوني انا والله مش عايز اكلفكم اصله المكالمات الدولية غالية شوية
يعني انتوا رنوا وانا الي هتصل ما تقلقوش

وطبعا وقبل كل شيء احب انوه على انه وجنة ده البيت الكبير بتاعنا والي مستحيل ومهما كبرت دايرة تعارفنا بالناس ننسى دورها الخلاق معانا ولا دور ابناء وجنة

وانا معاكم

ربنا معاكو في رساله خاصه ياعمر ارجو الاهتمام

» حملة العفة على الإنترنت
» قصيدة عن العفة .. جميل جدا المرور عليها
» يوسف وامرأة العزيز .. ودرس في العفة للشباب
» قطر تعزل القرضاوي رسميا من "جمعية البلاغ"
» كود سرى لتصويت المصريين بالخارج لاكتشاف التزوير