هل رأيكم من رأيى ؟؟؟؟

طبعا لا شك اننا بجد بنحب منتدى وجنه ونفسنا يكون أجمل وأكبر منتدى على شبكة الانترنت  ولكن أحب ان اضيف شىء  فعلا وجدته موجود هنا بكثره ..  أن الاعضاء يتسابقون على عدد المواضيع  فأجد بعض الاعضاء يصل عدد مواضيعهم فى القسم الواحد الى 10مواضيع  وفى الوقت ذاته .. طبعا كله منقول من منتديات اخرى .. ده مش عيب لكن أعتقد  لو موضوع أو اثنين  فقط يكفى لكى نستطيع ان نقرأ ونستفيد من المواضيع  وايضا نرد عليها بحكمه .. لكن أرى الكل يرد على بعض لمجرد المجامله  .. طبعا مش كله .. وأرى ايضا الكثير من المواضيع  متشابهه واحيانا هى نفسها مع تغير العنوان والتوقيت .!!
رأيى الشخصى لنجاح المنتدى يكون فى ضوابط للمواضيع  ..
منتدى عظيم .. ليس بكثرة مواضيعه .. ولا كثرة اعضائه .. وإنما بأهدافه وإنتماءاته 
وبشكركم  واتمنى أعرف رأيكم 

مشكورة كرستين على رأيك ..
أنا من المؤيد لهذا الرأى .. بالفعل موضوع  يجذب الاعضاء ويتم الحوار والمناقشات فيه أفضل من 10مواضيع  وتمر علينا مر الكرام .. لأننى أعتبر هذا المنتدى وده حقيقى مش منتدى زى أى منتى   لا بعتبره بمثابه جمعيه أو أسرة على حق نتدارس ونتحاور من أجل أهداف  نبيله وساميه ..ولى سؤال مهم للإدارة .. هل  مرتبة ( أفضل 10 أعضاء ) تقرر وتمنح على اساس عدد مواضيع العضو ؟؟؟؟؟؟؟ .. عشان لو كده نشتغل باصت وكوبى طول الليل ..!!!

السلام عليكم ورحمة الله وبركاته 
أنا ايضا مؤيده لهذا الموضوع فعلا انا ملاحظه ان فى اعضاء بترفع بالأكثر من 15موضوع فى خلال اقل من ساعه  ده يبقى ايه ؟؟.. طبعا من حق إدارة المنتدى ذلك لأن عدد المشاركات  تهم بالفعل وترفع من شأن المنتدى مثلها مثل كثرة عدد الاعضاء .. 
ولكن الذى أفكر فيه .. هل لو منتدى وجنه يوجد به الكثير والكثير من المواضيع وتقريبا كلها من منتديات أخرى  .. فهل يعتبر هذا إنجاز للمنتدى ؟؟؟  
أتمنى أن يكون أكثر مواضيع المنتدى حصريه بالفعل .. ويكون منتدى وجنه هو من يأتى إليه الاعضاء من خارج المنتدى  ..
أرجو تكون رسالتى وصلت 

ما رياض كان عامل كدا في الاول
وبعدين افضل عشر اعضاء
ده علي اساس موضيعك ومتبعتك وردودك ومشاركاتك

يا أخت نوجا هل عدم الرد علي الموضوع أنه موضوع ليس علي درجة عالية من الحرفيه

أنا أقرأ موضوعات كثيره ولا أرد عليها لأنها ليست من هواياتي أو بمعني أدق أنها موضوعات

لا أعرف أن أتحدث عنها وكل اللي بحب أعرفه ما هي طريقة تفكير الطرف الأخر الذي ينتهج

موضوعات وأحداث معينة وليس بالضرورة أن أرد علي كل موضوع يتناوله صديق في المنتدي

المهم أن كل عضو في المنتدي يكون مقتنع بالموضوعات التي يتناولها بالدراسة والتحليل ويعرف

ما هو الهدف الحقيقي من طرح الموضوع وليس كما يقال حشر موضوعات والفائده صفر وكما

قلت سابقا لابد أن ينتهج كل عضو في المنتدي مساره الخاص به حتي نعرف شخصية كل عضو

من خلال كتاباته مش كل لما أشوف موضوع جديد أدخل علي الموضوع بدون قراءة وأقوم بكتابه

شكرا موضوع جميل لابد من التحاور في الموضوعات بأسلوب علمي ومنطقي حتي نعرف مدي

ما تعلمناه من الحياه من خبرات وما إكتسبناه من معارف وعلوم .

أخ عرايشى  .. أسف جدا هقولك على رأى بصراحه مثلا حضرتك  رفعت  فى فتره ساعتين 21 موضوع  معلشى يعنى أرد عليك بقه لوحدك ؟؟؟؟ ولا هلاقى وقت ارد على مين ؟؟؟ وأنا عشان أرد لازم أقرأ الموضوع  وإلا يبقى مجرد برد وخلاص  وبعدين  حكايه أرضيه والكلام ده معذرة أخى المنتدى الناجح فى نظرى مثله مثل القنوات الفضائيه يكون عنده انفراد كامل فى موضوع أو مسلسل أو فيلم معين .. هو ده النجاح الحقيقى ... على فكره كمان أخ رياض صدقنى لو حذفت موضوع أفضل 10 أعضاء اقسم بالله هتلاقى  انضباط  فى العمل لأن فى بعض الاعضاء فاكرنها شطاره ان اسمه يبقى فى لوحه الشرف .. لوحة الشرف دى تكون لأفضل مواضيع خلال الشهر مثلا  مش بكثرة المواضيع ..
أنا عندى كفاءه أرفع فى الليلة 100موضوع وأن تعلم جيدا هذا أخ رياض .. ولكن لمين؟؟؟  أنا أرفع موضعين  وأرى أثرهم داخل المنتدى  ..
وأخيرا أخ عريشى  الموضوع الناجح فعلا هو مش بالرد بشكرا ولا تسلم   لا اللى يكون فى الرد حوار ونقض ونقاش  هو ده اللى يستاهل فعلا يكون فى لوحة الشرف هيكون ده الحافز ..
وبشركم

بالمناسبه كمان  أنا مستعد أطلع لكم مواضيع مكرره جدا جدا  مع اختلاف عنوان الموضوع .. ههههههههههههههههه ..  

ألف شكرا يا مثقف .. سلمت  أناملك..
وجهات نظر  بس مش ملاحظ حاجه مفيش غيرك اللى معترض على الكلام ده ؟؟؟؟
يعنى الناس كلها غلط وانت صح ؟؟؟؟    جايز ... 
وبعدين ردى ليك بالأخص لأنك الوحيد اللى اعترضت .. أنت أكبر من انك تسخن .. سيب الكلام لناسه

أه نسيت .. حقيقى صعبان عليا 

يا جماعه احنا بنتحاور
مش هنتخانق
واما نشوف رياض هيقول ايه
وعلي فكره موندي
انا مش شايف سبب
يمنع موضوع افضل عشر اعضاء
وشكرا تقبل تحياتي

أخ حمودى أنا ما قولت نمنع موضوع  أفضل عشر اعضاء .. ياريت تقرأ الموضوع تانى    بشكرك

على فكره كمان أخ رياض صدقنى لو حذفت موضوع أفضل 10 أعضاء اقسم بالله هتلاقى انضباط فى العمل

مين اللى قال كدا

يا جماعه الناس المؤيده ما أخطأت .. والمعارضين  وهم قله .. ايضا لهم حجتهم السليمه فعلا .. يبقى الموضوع مش عليه اختلاف خالص  ....عشان كده هقول رأى الشخصى بالنسبالى  انا لما بلاقى عضو داخل فى اى منتدى واألاقى صفحة كامله له فى يوم مواضيع  فى قسم معين  مستحيل هرد عليه لأنه مش بيتعب ولا حاجه ساعتها بعرف انه يا صاحب المنتدى أو حبايب صاحب المنتدى اللى كل همه يخلى المنتدى فيه مليون مشاركه .. بالنسبه لمنتدى وجنه بصراحه لقيت فيه حاجات جميله وروح اسرة رائعه  بس كمان لقيت نقاشات حاده .. بس عموما بجد منتدى جميل

أنا أخ حمودى من قولت ذلك .. ولكن عليك أن تقرأ السبب وكمان تقرأ التعديل عليه بمعنى انا قولت ان موشوع أفضل عشر أعضاء يكون على أساس غير عدد الماشركات وبس ... يكون على أفضل مواضيع  خلال الشهر أو فتره معينه تحدد بكده هنجد  كل عضو يجتهم فعلا فى ايجاد مواضيع مفيده ويستمر فيها النقاش والحوار ..
وبشكركم 

اوك موندي
شكرا لسعه صدرك

كده انت تعجبنى .. عارف ليه يا عريشى عشان ده كلام العريشى اللى انا اتعودت عليه  مش اللى سبق وقولته ..
مشكور أخى العريشى وكلامك فى الصميم كده

يا سبحان الله
اتفقنا علي اننا مش نتفق ابدا