مين المسئول عن المكان ده بالضبط ؟

الرسالة دى عن المكان الغريب ده

نفسى اعرف مين المسئول عن المكان ده

يا ريتهم يخصخصوه ويريحو الاطفال والبشر والحيوانات من القرف ده

المكان ده ايه بقى يا مجانين

حديقة حيوانات الجيزه

يا ساااااااااااااا ااااااااتر زباله

الحيوانات عيانه

هحكيلكو على الى شفته

فى قفص الاسود

كان فيه حوالى سبع اسود (زى ما مكتوب على القفص طبعا)لا حول ليهم ولا قوه

انا كنت فاكراهم تماثيل يكونش الحارس بتاعهم بيشرب بانجو وبيعزم عليهم حتى لما

واحد فيهم بيزار (زى ما دونا فى المدرسه ان صوت الاسد زئير)كان صوته اشبه بصوت الكلب

اللى عنده انفلونزا ماثره على صوته

فى قفص خرتبت البحر

والله شكله صعب على الناس لدرجة ان ما حدش كان واقف عليه كان عامل زى

الراجل العجوز الى عنده 90 سنه ومكرمش وحاطط وشه فى الارض زى الى عامل

مصيبه مش عارفه كاسرين عينه بايه

فى قفص الضباع

ما فيش غير ضيع واحد وكان نايم على ضهره زى ما يكون كان عنده نوباتجيه

بقاله يومين ومطبق

فى قفص الصقر

للاسف ما لقيتهوش شكله لاقاله عقد عمل فى السعوديه ومشى

فى قفص الفيل

كان فيه فيل شكله هو وبيته متولع فيهم كان اسود قوى عامل زى ما يكون داهنينه دوكو

ابو قردان يعينى

شكله بقى زى الغربان المفروض لونه ابيض الراجل انحول واسود

بس احلى حاجه فى حديقة الحيوان بقى البط المسكوفى واخد راحته على الاخر لدرجة الريحه

بتاعته جايبه اخر الجنينه (كتهم القرف)

حتى الشجر يا جدعان ما فيش حد مهتم بيه خالص

الى ضحكنى اوى كان فيه طفل معدى من جنبى فبيقول لبابها

هو ما فيش هنا ديناصور يا بابا ؟

باباه فاله يا حبيبى الحاجات دى ما بقيتش موجوده خلاص انت شفت زيها هنا

كان نفسى اقوله ما تقولش للولد كده الحديقه دى بيجبو فيها الحيوانات المكتئبه الى

عاوزه تموت نفسها الدناصور لو كان موجود ما كنش قعد فيها ثانيه واحده

بس سبحان الله الاطفال كانو بيلعبو ومبسوطين وحاسين انها حاجه حلوه بس يا ترى

اطفالنا مش يستهلو اهتمام بادميتهم اكتر من الاهمال فى مكان المفروض بيروحو

علشان يلعبو ويستفيدو منه ولا علشان حكوميه والتذكره باتنين جنيه

الغريب انها كانت كويسه لغاية قريب وكانت مكان للنزهة جميل

ايه اللى حصل

و الله يااميره مش عاوزه اقولك انا كان عندى مشروع هناك ايام الكليه يا عينى على اللى شوفته صعبوا عليا بجد انا اصلا بحب الحيوانات جداا و بحب الاسد بالاخص و انا عند قفص الاسد و بصوره قولت للحارس خليه يعمل اى منظر يهوشه و لا بيتحرك من مكانه العجي العجاب بقي ان الاسد بيتقدمله خضراء زى العيوانات النباتيه و احنا بنساله ازاى قال الحاس هو احنا هناكله لحمه منين هو احنا لقينها علشان هو يكولها يا ابله ..؟؟!!! مش بقيت عارفه اصور ايه و لا اعمل ايه روحت للدكتور قولتله بلاش تشوف الصور هيجيلك اكتئاب انا هنزل صور من على النت و اشتغل عليها ...

انما في مشروع التخرج روحت قريه الاسد و بصراحه فرق السماء من الارض عارفه حطيت ثوم و بصل متعلق علىالشجر و لما سالت مدير القريه قالى علشان ريحه الحيوانات و تفضل القريه نظيفه الواحد علشان يشوف كام حيوان يسافر لطريق مصر اسكندريه علشان يشوف اسود و نمور
شكرا يا اميره على موضوعك و يا رب تتعدل حال الجنينه

لا تعليق

شكرا لكى على التوبك الجمبل ده واتمنى تحقيق ما نرغب فيه

حديقة الحيوان مثلها مثل باقى المناطق الجميله فى مصر المهمله .. منها ما يسببه الاهالى والزوار بصراحه ومنهم ما يسببه الفساد الادارى بالدوله ..
موضوع جميل يا أميره مصريه

» هو فيه ايه بالضبط
» من هو المستشار أحمد رفعت؟ المسئول عن محاكمة مبارك
» نفس المكان
» المكان لا يهم ... الاهم أن تصلى ..
» الكويت الزمان و المكان و التاريخ