أنا بعترض

بصرخ بعزم ما فيا ...........بصرخ وأستجير
ومش راح أسكت حتي ،، النفس الأخير
أنا بعترض ... انا بعترض
أنا بعترض ... وانا بعترض
أنا حرة أه ...مش جارية لااااااا............... دا شئ خطييييييير
من حقي أقول واسمع وأشوووووف حاجات كتير
البنت نص المجتمع يا مجتمع يامستنير
ازاي هعيش في سجن حضرتك الحرير...
-- ليكي اعتراض مرفوض يا بنت
ومفيش مناقشة أو تساؤل أو تمرد أو شغب
- مش لازم افهم واقتنع ؟؟
-- قلة ادب قلة أدب
-- متلبسيش
-- متخرجيش
-- متسرحيش
- ممكن سؤال؟
-- متسأليش
- ودي فيها ايه؟؟ انا بعترض
-- بتقري ايه؟؟
- ده شعر
-- لأ ممنوع مفيش...
يا ناس حرام ده كله ليه ؟؟؟؟؟؟؟
انا بعترض
اشمعني كله للولاد .............
وفين بقي حقوق البنات ...
من حقهم يختاروا وإحنا!!!!!!
يرمولنا الفتات
من حقهم يختاورا منا يخطبونا يخطفونا يشوهونا بحكايات ؟؟
هوا احنا شروة في سوق التلات؟
ــــــــــــــــــــــــــــــــــــــــــــــــــــــــــــــــــــــــــــــــــ
قريت في اعلان في الجرايد عن وظيفة بدون غرور
متفصلة عليا جدا واللي ناقص يطلبوني للحضور
قفلت بعنية السطور
لبست فستان شيك أوي
حطيت يادوب لمسة عطور
وجريت علي العنوان ،
لقيت الدنيا زحمة ،،، شئ خطير... فين النظااااااام؟!!
لازم يكون للأنسات طابور وللشبان طابور
ضحكوا عليا وسخسخوا
وقبل ما اتجنن وأثور ،،
شاورلي عالإعلان ولد وقاللي :
مكتوب للذكور ........
حتي الوظايف للذكور روخرا يا أصحاب السعادة!!!
ومادام كده بتعلمونا ليه وتدونا الشهادة؟
--شوفي يا بنتي : إحنا مش ناقصين وجع دماغ زيادة
البنت تتوظف سنة وبعدها تاخد أجازة للولادة
- ما بتاخدوا يا سيدي الأجازة للإعارة والاستفادة
ــــــــــــــــــــــــــــــــــــــــــــــــــــــــــــــــــــــــ
-- تتجوزيه
- أتجوزه إزاي..... معرفوش؟
-- أبوكي قال تتجوزيه وده قرار ماتنقشيهوش
- إزاي ياعالم أبقي زوجة لحد قلبي ما أختاروش
أحكي معاه ومفهموش ؟
-- أبوكي وافق وإدي كلمة
- يعني إيه؟
-- منحرجوش.
- أسفة بقي ..... أموت ولا أتجوزوش
ــــــــــــــــــــــــــــــــــــــــــــــــــــــــــــــــــــــ

تن تتتأتأ تن تأ تأ...

ــــــــــــــــــــــــــــــــــــــــــــــــــــــــــــــــــــــ

- أيوة عارفة ان انت جوزي
-- يا سلام عالمفهومية !!
- لما تبقي صح واجبي اني اطاوعك .. من عنية
بس لو مش صح واجبي ،، ان اقوللك ،، رأيي في صلب القضية
إحنا مش فازة في صالون
إحنا نص الإنسانية
انا نفسي أخلف بنت أحقق فيها ذاتي
كل ذاتي
نفسي أخليها تعيش حياة .. ماهيش شبه حياتي
أقعد معاها أسمع لها ،، وأديها أجمل توجيهاتي
- - أسف ياهانم .... من حقي تربية بناتي ما يطلعوش بالشكل ده

دي قصيدة أسمها "أنا بعترض" معرفش أي حاجة عنها غير انها بتعبر عن شريحة المقهورات في المجتمعات الشرق أوسطية

[ندعوك للتسجيل في المنتدى أو التعريف بنفسك لمعاينة هذه الصورة]

زائر

احزان بجد موضوعك جميل

لكن هو بنت ممكن تكون مغلوبه على امرها

تقبلى مرورى

لا تصرخي يااختي ولا تعترضي علي امر الله
فكل هده الاشياء التي تعترضي عليها حمايه لكي
لانك غاليه علي الرجال انتي امهم واختهم وبنتهم
فلو تركنا لكي الامر كما تريدي ستاخدك الدنيا
الي قاع مرير اعزك الله وبارك فيكي
قولي لااله الا الله محمد رسول الله

والله يا الاء لسة فى بنات مغلوبة على امرها بس طبعا مش كتير

تسلمى يا اخت لاء

شكرا يا عمر على الرد بس هى قصدها فى الموضوع مش ان تترك

لها الامر كما تريد بس قصدها يكون ليها رائى مسموع مش عيب ولا حرام

طالما فى الحدود

من حقي أقول واسمع وأشوووووف حاجات كتير
البنت نص المجتمع يا مجتمع يامستنير
ازاي هعيش في سجن حضرتك الحرير...
-- ليكي اعتراض مرفوض يا بنت
ومفيش مناقشة أو تساؤل أو تمرد أو شغب
- مش لازم افهم واقتنع ؟؟

أقعد معاها أسمع لها ،، وأديها أجمل توجيهاتي

[ندعوك للتسجيل في المنتدى أو التعريف بنفسك لمعاينة هذه الصورة]

زائر

[ندعوك للتسجيل في المنتدى أو التعريف بنفسك لمعاينة هذه الصورة]

موضوع رائع
شكرا ليكي علي الموضوع
تقبلي مروري

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

شكرا ليكم جميعا

موضوع جميل شكرا

[ندعوك للتسجيل في المنتدى أو التعريف بنفسك لمعاينة هذه الصورة]

انتى اجمل يامنونة