الزواج التقليدي ام زواج الحب

الزواج التقليدي ام زواج الحب

يقال أن الحب الطبيعي الذي يأتي لوحده بدون مقدمات الزواج أقوى و يقال أن الحب الناتج عن عشرة الزواج أقوى .
يقال أن الحب الشائع بين الشباب ( الحب الجاد ) عبارة عن مشاعر قابله للتعديل ,, تزيد إذا ساعدت الظروف ، ويموت ويحب الإنسان شخص أخر لديه ظروف أفضل..

أين الحقيقة ؟

وما رأيكم : هل يبحث الإنسان عن الحب ثم الزواج من خلاله

ام أن الإنسان يعتبر زواج الصالونات هو الأفضل له و يأتي الحب بعد الزواج
الموضوع يحتاج لنقاش الكثير

شاركوا بآرائكم
في انتظار تفاعلاتكم معنا

انا عن تجربه الزواج التقليدي احسن كتير
ولي اصحاب كانو بيحبه لما رحتهم طلعت
وبعد الزواج كل واحد اتفاجئ انه كان بيحب
شخصيه تانيه اللي كانت ديما بتقوله حاضر
وتؤمر علي عيني
بقت واحده تانيه خالص
والله انا شفت كتير حبيبه وفشلو في الزواج
انا اهلي اختارو لي عروسه وانا وافقت
لانها بنت ناس محترمين
راحو يخطبوها لي
ولما رجعو قالولي احنا خطبنا اختها
علشان الكبيره كانت هتكمل تعليمها
انا وافقت والحمدلله اتجوزنا
والحياه والحمد لله مفيش مره انا زعلت منها
ولا هي زعلت وبتنا فيه الحب والامان
رغم اني بدئت من تحت الصفر بعد الجواز
كان لاشقه ولا فلوس ولا شغل ولا اي حاجه
لكن بالمعامله الطيبه والصبر ودعاء الوالدين
كان الرزق من عند الله ملهوش حدود
واتغيرت الحياه للافضل بحمد الله

سيبكم بقي من الحب سنين ويمكن يكون فيه جواز ويمكن لاء
بعدين البنت تروح تتجوز واحد تاني بعد ما قلبها اتقطع من الحب والغرام

من الاخر انا مع الجواز التقليدي
وسمحني علي الاطاله
وشكر علي الموضوع الجميل ده

بصراحه انا مش بشجع جواز الصالونات بمعنى انى مثلا مش اتخيل انى اعيش ما انسان مش اعرفه كويس و مش فيه اى ميول ليه كمان ... ده عمرى اللى هعيشه يوم او ساعه او حتى 100 سنه الله اعلم و مش بقول انى احب واخرج معاه والكلام ده و ده طبعا مش مقبول كمان
عمر ما الحب الصادق المحترم ريحته بتطلع كانه حاجة مقذذه زى ما عمر بيقول فيه حب محترم انسان يحترمك و يقدرك و يخاف عليك انسان يربط حياته بيك و يقف جمبك و تقف جمبه دهالانسان اللى ممكن ارتبط بيه و مش حد يقنعنى ان بعد الجواز يطلعوا مش عارفين بعض
ازاى يعنى ؟؟؟!!!!
مش متخيله ان انسان دبلته في ايدى سنه او اكثر و نعرف بعض من قبلها لما اتجوزه الاقيه او يلاقينى حد تانى احنا في زمن الاقنعه بتقع بسرعه لو المصلحه راحت
ما ممكن اتجوز جواز الصالونات و يطلع انسان مش طبيعي .. بخيل ... راجعي ... طباعنه مش متوافقه .. افكارنا مختلفه .. ظاهره شي و باطنه انسان تانى
ايه اللى يضمن ليا انه انسان سوى و متدين و عاقل ؟؟؟!!
مش تقولى اسالوا عليه و انتوا تعرفوا ابدااااااا المعرفه عن قرب هي الوحيده اللى ممكن تجاوب على السؤال بتاعي و تعرفنى انا هربط مصيرى بمين
على العموم انا ضد او مش مع جواز الصالونات و في الاول و الاخر ده نصيب
شكرا عرايشي موضوعك مهم جداا و معلش لو طولت عليكم يا جماعه

وسمحني علي الاطاله

و معلش لو طولت عليكم يا جماعه

ماذا تعني الإطاله (الإطاله لو كان الكلام غير مجدي أو غير مفيد )

بس بصراحة عمر ساق مناقشتة بأسلوب واقعي عملي وبنوع من الحكمه وتحكيم العقل

وله كل الحرية في التعبير عن هذا الموضوع من وجهه نظره الخاصة

وشكرا عمر علي هذه الكلمات ولا كان فيه إطاله ولا حاجه كان نفسي تسهب أكثر في الحوار

حتي نستمتع بما تسكبه يدك من كلمات ومعاني لعل يستفيد منها الأخوه الأعضاء .

رأي نوجا

طبعا إختلاف الرأي لا يفسد للود قضية وجاءنا رأي أخر من شخصية أعرفها جيدا أنها مثقفة

ومتعلمة ومتدينة تعرف جيدا ماذا تصوغ من كلمات أو عبارات ولها رأي أخر وهو أنها ليست

مع الزواج التقليدي أو كما يقال زواج الصالونات وساقت رأيها بأسلوب سلس وشيق وممتع

يعبر عن وجهه نظرها ولها كل الحريه فيما قالت وهذا هو منتدي وجنه لكل منه رأيه دون

المساس بحريه الآخر في التعبير عن رأيه

شكرا عمر

شكرا نوجا

وأرجو من يقرأ هذا الموضوع أن يدلوا بدلوه حتي تعم الفائدة علي الجميع

مش متخيله ان انسان دبلته في ايدى سنه او اكثر و نعرف بعض من قبلها لما اتجوزه الاقيه او يلاقينى حد تانى احنا في زمن الاقنعه بتقع بسرعه لو المصلحه راحت
لبس دبله سنه
وتعرفو بعض من قبل كده
ومش عايزه يكون فيه ريحه
الكلام عام مش ليكي طبعا
في اي دين الكلام ده
وتتكلمو في ايه وتتعرفو علي بعض ازاي
والرسول بيقول
ماخلي رجل بامرءه الا وكان الشيطان ثالثهما
قالو يارسول الله
ان كانت صالحه
قال ولو كانت مريم ابنتا عمران
الدين لا يتجزء
وشكراا عريشي علي كلامك الجميل
وياريت الاخت نوجا مش تاخد كلامي لها
بصفه عامه بتكلم

بصراحة أنا سعيد جدا بهذه المناقشات الهادفة والمثمرة والتي تأتي بأسلوب شيق ومثير ومهذب ينم

عن ثقافة من يدلي برأيه .

وطبعا يا عمر أنت تتحدث في الموضوع بصفة عامه وهذا هو الحوار الحقيقي والنقاش المثمر

وأرجو من الأخوه الأعضاء أن يدلوا بأرائهم حتي تعم الفائدة علي الجميع

وبالتوفيق للجميع

زائر

بسم الله

اولا انا مش بفضل جواز الصلونات ....مع انه ممكن يكون ناجح مع ناس كتير

لكن انا يوم ماحب ارتبط ....بتمنى يكون اختيارى انا

لكن مش معنا كلامى انى لازم يكون فى خروج وكلام ونظارت ابدا

لكن على الاقل يكون فى قبول منى ومنه من غير اى تدخل من الاهل او الاقناع انه مناسب

او اى شىء

واكييد لو فى صراحة وصدق متبادل ....الانسان الى انا اخترته ..مش هيتغير..لا قبل الجواز

ولا بعد الجواز

و هو معنى ان الدبله بايدى او بصفه عامه زى يا عمر ما بتقول انه يختلى بخطبته لا طبعا بس اعتقد و ده موجود طبعا الزيارات اللى بتكون موجوده بين الاهل صح و لا انا غلطانه و برده
و اكيد اهلى او اهل اى واحده تانيه مش هتقبل ان بنتها خطبها يقعد بيها في مكان معين و لا يخرج كل يوم و التانى و لا يجي البيت و يخدها و يقعدوا مع بعض ده على اساس اللى قاعدين في البيت دول ايه هواء مثلا و لا مش ليهم وجود و لا لازمه لا يا عمر الانسانه اللى عاوزه تحترم نفسها و حالها و سمعتها بتحترمها و تجبر اللى حواليها على احترامها
و العكس صحيح و موجود
و نتكلم فيه ؟؟!! نتكلم في حاجات كثير جدااا .. ماعرايشي فتح موضوع و كلنا بنتكلم و اى عضو في المنتدى و ايه المشكله لما اقعد اتكلم مع خطيبي في كلام زى ده ايه المشكله انى اتكلم معاه في كل حاجة تخصه و تخصنى بدام محافظه على ادب الحوار بينى و بينه
عمر احنا طبعا لازم نتبع اوامر ربنا سبحانه و تعالى و كلام و سنه رسول الله صلى الله عليه و سلم ... بس احنا مش زمن الرسول يا عمر احنا في زمن تانى مختلف تماما اذا كان زمنا غير زمن جدى و جدتى و لا امي و ابي احنا في زمن جديد مطلوب منا نعيش فيه و نتجاوب معاها و قبل اى حاجة نحافظ على دينا و عفتنا و طهارتنا
انا مش مع الزواج التقليدى علشان احنا مش في زمن تقليدى

أولا أخ عريشى بحييك على موضوعك الجميع والصياغه الرائعه لحروفك ..ثانيا بشكر عمر وبشكر نوجا واللى بعتبرهم حقيقى من الاعضاء المتميزين فى المنتدى .أما عن الراى الخاص بى .. فعندى قصه واقعيه لعلها تكون حل وسط بين عمر ونوجا وأتمنى تكون حاسمه للموضوع .. تعالو نشوفها .. وعذرا مش هنقول بدون إطاله .. هى وظروفها قصة لشاب عاش حياته بالطول والعرض زى ما بيقوله دلوع أهله ولا مسئوليه ولا غيره عايش حياته وبس مبسوط ماديا ومش شايل للدنيا هم .. المهم فجأة رأى بعينه فقط طالبه فى التعليم الثانوى التجارى وسبحان الله وحده من تلك النظره الاولى أحس انها ملاك وليست من بنى البشر .. حاول بجميع الوسائل الممكنه والغير ممككنه أن يتحدث معها أو يتعرف عليها لم يستطيه لأنها محترمه جدااااااااااااااااااااااااااااا وليس لها صداقه ببنات حتى .. المهم ظل ينتظرها أمام المدرسه كل يوم لمدة شهر ونص وكل يوم يشعر بالحب تجاه الانسانه دى .. حتى جاءت فرصه واستغلها وتحدث لقريبته التى تدرس بنفس الفصل معها وطلب فعلا انه يرتبط بها رسميا .. رفضت .. عارفين ليه لأن زى ما قولت كان الشاب بدون اهداف .. لو قولتلكم تغير الشاب 360درجة مش هتتخيلوا سارع لعمل لإيجارد عمل محترم ( مع أنه مش محتاجه ) ثم مشاريع وتأسيس منزل مستقل .. وأشياء كثير منها أخلاقه نفسه قد تغيرت للأفضل .. تخيلو ؟؟ ...بعد 4 شهور حصل انهم تحدثوا مع بعض وسارت قصة حب قمة الاحترام بمعنى لا مقابلات ولا حتى سلام باليد ولا موبايلات ولا لا لا أكثر من مكالمه كل اسبوع للإطمئنان على أحوال بعض خلال الاسبوع فقط .. على هذا الحال لمدة سنه .. وفى النهايه جاءت الرياح بما لا تشتهى السن .. فعلا فعلا فعلا الجواز قسمه ونصيب وافترق الاثنان ولكن .. لا يوجد أى منهم جانى على الاخر .. طبعا مش مهم اذكر الاسباب .. ولكن بالفعل تزوجت بشخص آخر .. وهو أيضا تزوج بانسانه أخرى زواج تقليدى ( صالونات ) .. وطبعا ليس كل زواج الصالونات بيكون ناجح .. وايضا ليس كل زواج عن حب بيكون فاشل ...
بتلك القصه بقول يا عمر يكون حب حقيقى ومحترم وطاهر ولا يقربه الشيطان بإذن الله .. وايضا بقول يا نوجا يوجد زواج صالونات ناجح جدا ..
فى النهايه كل واحد بياخد نصيبه
وبامانه بقه
الجواز ده زى البطيخه .. يا تطلع حمرا
والمشكله فى حاجه لو البطيخه طلعت قرعه ( اللب بتاعها بيكون كتير ) ودى النصيبه الاكبر ... هههههههههههههههههههههههههههههههه
بشكركم

انت عندك حق يا موندى الزواج قسمه ونصيب
وموضوع البطيخه ده صحيح وبجد
وفعلاً يا نوجا عمر عنده حق فى ناس بتفضل مع بعض فترة وبيقولوا انهم بيحبوا بعض وبعد الزواج بيكون فى اثنين لاول مرة يشوفو بعض ويعرفوا بعض
احنا فى زمن الاقنعه فيه كثيرة
وبصراحة من كثر ما كل واحد بيبين للثانى الحلو الثانى لا يحب ان يصدق غيره
وعند الزواج يرى ما كان لا يحب ان يراه
وفعلاً مش كل زواج عن حب بينجح ومش كل زواج تقليدى بيفشل

كمان زواج الصالونات او الزواج التلقيدى بيكون فيه فترة خطوبه
ويقدر كل انسان يعرف التانى من خلاله بكل ادب واحترام ومع مراعاة ديننا الحنيف
واقدر اكمل الزواج او لا من خلال فترة الخطوبه
واقدر احس انى مرتاحة للشخص ده او لا برده من خلال فترة الخطوبة

من رأى ان لما القلب والعقل يجتمعان يكون ان شاء الله زواج ناجح وموفق من عند الله

اشكرك عرايشى على الموضوع الهام والمفيد

قبل اى حاجة نحافظ على دينا و عفتنا و طهارتنا

هذا أهم شيئ في موضوع الزواج المبني علي حب

شكرا نوجا علي هذا التعبير الرائع

يكون حب حقيقى ومحترم وطاهر ولا يقربه الشيطان بإذن الله .. وايضا بقول يا نوجا يوجد زواج صالونات ناجح جدا ..
فى النهايه كل واحد بياخد نصيبه

أما كلام الأخ مندي كلام يحترم لأنه ساق حديثه بأسلوب واقعي نعيشه هذه الأيام

شكرا مندي علي الرد الشيق والمفيد
بس قولي أيه حكايه البطيخة ونحن في موسم البطيخ
ههههههههههههههههه

من رأى ان لما القلب والعقل يجتمعان يكون ان شاء الله زواج ناجح وموفق من عند الله

شكرا مشموشي علي هذا الرد الرائع والمميز

الزواج قسمة ونصيب إجتمع عليها موندي ومشموشي وهذا فعلا كلام سليم علي ما أعتقد حسب ما هو معروف ما نراه في مجتمعنا

شكرا لكل من ساهم برأي أو بكلمه أو بعبارة بأسلوب سلس مرح بعيد عن التعصب والمغالاه

وشكرا مره أخري علي تقبلكم للأراء الأخري بصدر رحب

والحوار ما زال مفتوح فكل من له رأي في هذا الموضوع فليتفضل ومن له تعقيب من الأخوه فله الحرية الكاملة في توصيل وجهه نظره للطرف الآخر بأسلوب شيق وممتع

تحياتي للجميع

على فكره يا عرايشى .. انا زعلان منك كتيييييييييييييييييييييييييييييييييييييير .. بس خلاص

حلوه اوى تشبيه الجواز زى البطيخه بس البطيخ بقه غالى اوى
وانا مع زواج التفاح قصدى زواج الحب بس يا رب نشوفه بجد ونلاقيه بامانه [ندعوك للتسجيل في المنتدى أو التعريف بنفسك لمعاينة هذه الصورة]

لا نقدر علي زعلك أخ مندي فأنت من الشخصيات التي تركت بصمات مميزه في المنتدي

علوه زواج التفاح

ممممممممممممم

زواج الحب

الحب لم تجده بعد

سؤال بريئ من شخص حسن النية

قول لى أخ عرايشى متى آخر مره تقابلنا ؟؟ متى أخر مره قمت بالاتصال بى ؟؟ فأنت الكبير وواجب على الكبير ان يرعى ويسأل عن الصغير ؟؟ مش كده ولا ايه يا حكيم ؟؟

لا واجب فعلا على الكبير
اهااااااااااااا مش ملقتهوش انا اصلا مش فاضى ادور عليه او بمعنى تانى هوه ملقح بش انا مليش مزاج [ندعوك للتسجيل في المنتدى أو التعريف بنفسك لمعاينة هذه الصورة] لما ابقا قده الاول هبقا اجرب

مممممممممممممم

علوه شكلك جاي تهدي النفوس

طبعا مندي أنا مقصر بس إنت عارف ظروف البيت في إمتحانات وطبعا إنت عارف شغلتي لما

أبقي في البيت

وربنا أمر بالسير

الحوار مازال مفتوح
ولسه كتيراااا

شكرا عمر علي فتح الحوار مرة أخري في هذا الموضوع

ونرجو من الأخوه الأعضاء الذين لم يدلوا برأيهم في هذا الموضوع الدخول وعرض رأيه بمنتهي

الحرية حتي نستفيد جميعا من هذا النقاش الجاد والمثمر

» لماذا يموت الحب بعد الزواج ؟
» الحب قبل الزواج وأغلى مهر في العالم
» عادات الزواج في العالم الغريب - غرائب الزواج فى العالم
» مفهوم الحب, مفهوم الحب الحقيقى, مفهوم الحب الصحيح, مفهوم الحب الصادق
» بالصور..نوال الزغبى تحيى ليلة عيد الحب ببيروت - عيد الحب