تم إختراق منتدى وجنة

يا أخ عمر ايه الخوف ده كله الموضوع مش زى ما انت فاهم
كل حاجة فى امن ان شاء الله تعالى الاخ تملى معاك مش قصد شر زى ما هو قال
هو بس يقصد أن فيه ناس متسجلة باسمين و ان شاء الله هيتم ايقاف الأسماء دى و انا وضحت كده فى ردى و مش تخاف قوى كده على اميلك
اولا الاميل غير المنتدى و اسرارك بخير و يمكن ده امتحان من ربنا لنا فى المنتدى
عشان بعض المشادات و الزعل اللى كل شوية
لكن اخ عمر ان شاء الله خير لا داعى للخوف
اسرارك فى أمان ان شاء الله
شكرا عمر على اهتمامك

المشكله اني مش بعرف اي حاجه في النت
غير اني افتح الاميل والمنتدي
وانت عارف الاميل عليه اصحاب كتير
علشان كده انا خايف بس
وخلاص عادي
ولا يهمك

شكرا كل من ساهم برأي أو أبدي ملاحظات أو تفضل مشكرا لتوضيح وجهات النظر في هذا الموضوع

أما بخصوص موضوع التسجيل بأكثر من شخص

نريد فقط من الأخ رياض أن يعرض الأعضاء الوهمميين حتي تتضح الصورة أي العضو

الإحتياطي للعضو الأساسي باين شكلنا بنلعب كرة قدم ويوجد فريق في الملعب ومجموعة من

الإحتياطي خارج الملعب فلو قصر اللاعب في الملعب نزل الإحتياطي

بمعني لو العضو وجد مالا يستطيع القيام به بنفسة تدخل العضو الإحتياطي لعمل اللازم وكيف

تصدق من يقول يا أخ رياض كثرة عدد الأعضاء هو إحنا ها نروح نحارب بيهم ولا حاجة

علشان نكون كثير والله مفهوم غريب وغير منطقي أن تصدق هولاء بهذه الأقاويل فأرجو من

الأخ رياض أن يكون حاسم وحازم في هذا الموضوع مهما كانت لهذا العضو من أهمية أو معرفة

أو صداقة فنحن بدأن معك بمعرفة الأخ مندي حيث قال لي شخص عزيز عليا جدا عمل منتدي

وهو مدرس زميلك يعني يعمل في التربية والتعليم وعلي الفور وحبا في مهنة التدريس

ومشاركه لزميل في وزارة واحدة إني إشتركت في المنتدي من باب المجاملة في البداية بمنتهي

الصراحة ولكن عندما وجدت الفكر الراقي والأخوة المتعلمين والمثقفين إنجذبت أكثر وأكثر لهذا

الصرح الثقافي المميز حتي لا أطيق يوما أن لا أدخل وأتحاور وأتناقش مع الأخوة الأعضاء

الذين أتعلم منهم كل يوم

فشكرا لك أخي مندي علي إتاحة الفرصة أن أتفاعل مع هذه الشخصيات المتعلمة الناضجة

وشكرا رياض علي مجهودك الرائع في الرقي بالمنتدي إلي أعلي المراتب

وعذرا إن كنت قد أطلت عليكم ولكن حبا في المنتدي وحبا في كل شخص يتقي الله في عمله

فلذلك أأمل من الأخ رياض أن يضع النقاط فوق الأحرف ويظهر الحقيقة أمام الجميع حتي تعود

الثقة لكل الأعضاء من خلال الردود حتي يتحمل كل شخص بذاته ردوده وموضوعاته ولا يحدث

لبس في الحوار بين الأعضاء

وعلي ما أعتقد أن كثرة المشاحنات بين الأعضاء من كثرة تسجبل فئة من الأعضاء بأكثر من

إسم وطبعا إنت فاهم قصدي كويس أخ رياض بخصوص هذه المشاكل ( المعني في بطن الشاعر)

شكرا لكم جميعا علي حسن المتابعة

تقبلوا تحياتي

محمد الشهير بالعرايشي

اولا انا بشكر رياض انه رد على طلبي و طلب باقي الاعضاء و ثانيا انا بتفق مع كلام عرايشي جداااا و موندى و ده اللى قصدته بالضبط اننا لازم نعرف الاعضاء دول
بجد مش قادره اتفاعل و لا اقرى موضوع و ارد بحماس زى الاول حاسه ان فيه فجوه انت متخيل ده يا رياض انك بتتعامل مع حد بوشين يعني لولا انى اعرفك من فتره كبيره قبل المنتدى
اشك انك رياض مثلا ؟؟؟؟؟؟!!!
ده كده انا المفروض اشك في كل الاعضاء و خاصتا الاعضاء اللى بنا تفاعل يومي تقريبا
رياض لو سمحت يا ريت تكون حاسم بجد ... لازم نعرف الاعضاء ... لازم اعرف انا بتعامل مع مين ... لازم يكون فيه حل للكلام الفاضي ده و سورى ده لعب عيال مش تقولى حبنا فيك عملوا كده ..لالالالالالالا ده صعب جدااااااا
يا ريت تكون رسالتنى وصلت يا رياض و مش تحاول تهون الموضوع علشان مش هين

» أخبار منتدى وجنة ( وجنة اليوم )
» الى منتدى وجنة
» ســجن منتدى وجنة
» هاى منتدى وجنة هل من ترحيب ؟
» مقترح منتدى وجنة VIP