همسة عتاب

السلام عليكم و رحمة الله و بركاته

(( الحب فى الله شجرة شامخة راسخة تنبت فى القلوب الطاهرة وتعلو بالصدق وتكبر بحسن الظن ))

كل الإخوة فى منتدى وجنة

لما فكرت أعمل المنتدى من فترة و اخترت له الاسم ، طبعا وجنة معايا من
زمان و اشتركنا فى منتديات كثيرة

و كنا أول أتنين اشتركنا فيه و بعد كده أنا عملت كتير و حاولت بكل
الطرق اعمل إشهار للمنتدى و كمان فيه إخوه ساعدوني فى الإشهار زى برديس و موندى و
الروش و عرفونى على أعضاء كثيرة مميزين جدا جدا و بدأ المنتدى و الكل بيساهم فيه و
بيعمل إشهار مع معارفه و أصدقائه و انا و
الله مش بفوت دقيقة الا لما بحاول اعمل إشهار و بكل المراحل و فى كل مكان الشات و
الفيس بوك و كتير من المواقع و المنتديات

و صدقونى انا لسه لغاية الوقتى بتعب فى المنتدى انا مش بحمل حد تعبى
أو مشاكلى أنا بس بوضح الصورة

و أكيد كتير منكم عارف هو ازاى أتعرف على المنتدى

المهم اللى سجل فيه سجل و اشترك برغبته فيه ناس حبت المكان و شاركت و
تميزت فيه و فيه ناس تانية سجلت و خلاص

انا كلامى على اللى حب المنتدى و بيشارك فيه و معنى انه حبه يبقى
يحافظ عليه و نجعله مكان مميز

لكن مش كل شوية مشاكل على حاجات صغيرة أحنا اكبر منها بعقلنا و
ثقافتنا لا يصح أبدا انى ازعل من رد أو موضوع زميل أنا بدخل اقرأ الموضوع لو عجبنى
برد او مش برد

قال الرسول الكريم ( من كان يؤمن بالله و اليوم الآخر فليقل خيرا أو
ليصمت )

حاجة مش عجبتنى بلاش اجرح فى صاحبها . مش معنى كلامى أننا نسكت عن
الخطأ لالالالا أنا قصدى لكل عضو حاجة بيحبها يبقى بلاش نزعله أو نجرحه المنتدى زى
السوق أو زى الدش فيه الكتير و المنوع و كل واحد حسب حبه بيدخل و يشارك .. مش معنى حد بيحب شى يبقى نزعله و نقول له كده
غلط و كده لا

يعنى فيه أعضاء بتحب الألعاب طب و ماله عادى انا كمان بدات اشجعهم و
دخل العب معاهم . عادى و الله بس احنا اللى عاملين زى اللى بننتظر غلطة لبعض و
نسينا حاجة مهمه جدا ان اللى بينا مجرد كتابه .

يا جماعة يا ريت نخف من المشاكل شوية انادخلين المنتدى نتعرف على اصدقاء يمكن مش
بنشوفهم و الا نعرفهم و اللى بيناكلام مكتوب يبقى المفروض نكون اكبر
من كده الصداقة و الحب و التفاهم مشبالغصب او بالقوة .. طالما وافقت تشارك الناس دى
او المجموعة دى يبقى تكون على قد المسؤليه و بلاش نزعل من بعص

صدقونى انا مصدوم من اللى بيحصل و حتى مش قادر اوصل اللى انا عاوز
اقوله

المشرفين مشغولين فى امتحانات الجامعة و أن شاء الله فى الأجازة هنشوف
الموضوع ده و اكيد الوضع هيتغير

هيكون المشرفين خلصوا امتحانات

انا كنت مشغول فى الامتحانات
و النهاردة صاحى من النوم لقيت المشاكل و زى ما اكون انا فى جبهة و الكل فى
جبهه الكل واخدنى خصم له محدش بيساعد و اللى بيزعل بيزعل منى انا و أنا مش عارف أرضى مين و أزعل مين هههههههههه و
الله انا بتكلم جد الكل زعلان منى لانى مش اخدت له حقه من فلان او من فلان

طب بالله عليكم انا اعمل ايه

صاحى من النوم ألاقى مشكلة بين ملاك و وجنة ــ و مشكلة الهاكر ـ و
مشكلة كتر الالعاب و فيه ناس زعلانه من كده

أنا بفكر أبعت مشكلتى لهمسه عتاب او البيت بيتك هههههههههههههههه

و الله انا لما قومت و عرفت المشاكل دى قعدت أكتر من ساعتين مش عارف
اعمل ايه أو ابدا بمشكلة ايه

أرجو من الجميع التفاهم و عدم الحدة فى الآراء و ياريت محدش يزعل منى
لانى بجد محتار ارضى مين و أزعل مين

و أرجو من الجميع يعتبر منتدى وجنة جزء منه و يحافظ عليه و يعامل غيره
بالقول اللين و المعاملة الحسنة

عمر النصيحة ما كانت بالقوة أو بالغصب

و أنا بعتذر لاى حد غلطت فى حقه و يسامحنى لانى بجد مش عارف أعمل ايه

شكرا لكم جدا جدا جدا على
حسن تعاونكم

تمنياتى لكم بحياة سعيدة موفقه

رياض العربى

زائر

بجد يا رياض عندك حق فى كل كلمه قولتها وبجد جزاك الله خيرا على فكره المنتدى بجد جميله وكلنا استفدنا منها ومازلنا بنستفيد وربنا يعينك وكلنا مقدرين اد ايه انت تعبت فيه وبتتعب عشان توصلنا المواضيع اللى نقدر نستفيد منها . وان شاء الله مش يحصل مشاكل تانى ما بين الاعضاء هى مش مشاكل هو بس سوء تفاهم والحمد لله الاعضاء الى عندنا لو حصل سوء تفاهم ما بينهم الاعضاء بيوضحوا ده وبيرجعوا يتكلموا زى الاول وربنا ما يجيب مشاكل لان فعلا المنتدى ده انا بعتبره فعلا جزء منى وكمان بحس انه بيتنا التانى بل بالعكس انا بقعد فيه اكتر ما بكون مع اهلى لذلك واجب علينا نحافظ عليه وكلنا هنا اخوات واسره واحده وربنا يوفقك دايما يا رياض

انا من رايى تبعت مشكلتك لبرنامج القاهره اليوم عمرو اديب هيتصرف فى الموضوع ده او برنامج 90 دقيقه ههههههههه مش تزعل منى انا بهزر. ربنا يوفقك دايما يارب فى كل حياتك

فعلا .. المشكله هنا عصيبه الاعضاء فى الرد

ودى طبعا بتسبب مشكله وتعمل نوع من انواع التوتر بين الاعضاء

والاسلوب دة لا ينهض بالمنتدى

واظن ان الاخ العرايشى قام بوضع موضوعات عن اسلوب الحوار ويارت تتثبت علشان اى عضو يدخل المنتدى قبل ما يفكر انه يحاور اى عضو يقرأها الاول

والمفروض ان الاعضاء ما شاء الله متعلمين يعنى اسلوبهم حضارى حتى لا نتيح الفرصة للغير ان يعلق عليه

وارجع واقول (( الاختلاف فى الرأى لا يفسد فى الود قضيه ))

والاخ رياض مشكور على مجهوادت وكان الله فى عونه لانه فعلا يقوم بمراقبه المنتدى ام حل مشاكل الاعضاء

تقبلوا مرورى ..

انا مش بشارك كتير ياجماعة علشان ظروف شغلى ومش دائما دتواجدة بس لاحظت التوتر اللى فى المنتدى

وممكن البعض يقول انى ماليش حق التعليق ...

[ندعوك للتسجيل في المنتدى أو التعريف بنفسك لمعاينة هذه الصورة]

كلامك صح الصح يا رياض كل شوية مشاكل

وانا لسة من شوية قولت كدة المشاكل كتير اوى

ياجمعا احنا سيبين الدنيا كلها ودخلنا المنتدى نفيد ونستفيد

وننسى شوية المشاكل انتو لية بدورو على المشاكل

احنا اخوات لازم نحب بعض عشان المنتدى يكون ناجحة

ولازم نتقبل النقد من غير زعل

او اللى مش عجبة موضوع مش يرد علية احسن منع للمشاكل

وتعالو نخالى شعارنا الحب

مع تحياتى

اختكم فى الله

[ندعوك للتسجيل في المنتدى أو التعريف بنفسك لمعاينة هذه الصورة]

جزاك الله كل خير يا اخ رياض وربنا يعينك ويقويك

هو فيه ايه

ههههههههههههههههههههههههههه

انت كنت نايم ياعمر ولسة صاحى ولا اية

صحيح يااحزان هي ايه الحكايه

موضوع تملى معاك عمل مشاكل

وناس تانية النهاردة زعلو من بعد

مش عارفة اية كل المشاكل دى

ياعمر لازم كلنا نقف جنب رياض

مش كل شوية نلوم علية نقف

ايد واحدة وبلاش مشاكل

نحب بعض ونخاف على المنتدى

اية المنتدى شكلة اتحسد ربنا يحفظة من كل شر

ويحفظنا جميعا

والله رياض ده متحمل كتير
انا لو كنت مكانه
كان زماني كسرت الجهاز
وقطعت سلك النت
وطلعت اقعدت في كافيه
كل يوم وريحت نفسي
ربنا معاك يارياض
وجزاك الله كل خير
وماشي يافرحه
احنا معاها للاخر خالص

بشكرك جدا جدا يا أخ عمر يا غالى على كلامك الجميل
كمان بشكر الاخت احزان على ردها الجميل و احاديث المصطفى صلى الله عليه و سلم
و يا ريت كلنا بقرا الاحاديث و نعرف اهميه الحب و التعاون بين الناس
و منزلته عند الله سبحانه و تعالى
بشكركم جدا جدا

الله يبارك فيك ويعينك

واظن ان الاخ العرايشى قام بوضع موضوعات عن اسلوب الحوار ويارت تتثبت علشان اى عضو يدخل المنتدى قبل ما يفكر انه يحاور اى عضو يقرأها الاول

والمفروض ان الاعضاء ما شاء الله متعلمين يعنى اسلوبهم حضارى حتى لا نتيح الفرصة للغير ان يعلق عليه

وارجع واقول (( الاختلاف فى الرأى لا يفسد فى الود قضيه ))

لالالالالالالالالالالالالالالالالالالالالالالالالالالالالالا

تعليق

زائر

[ندعوك للتسجيل في المنتدى أو التعريف بنفسك لمعاينة هذه الصورة]

المنتدى زى
السوق أو زى الدش فيه الكتير و المنوع و كل واحد حسب حبه بيدخل و يشارك .. مش معنى حد بيحب شى يبقى نزعله و نقول له كده
غلط و كده لا
............................................................................................................ده كلامك يا رياض .... وعلى راسى من فوووووووووووووووق .. بس مش مقتنع بيه .. وعموما اختلافى فى الرأى مش ضرر للمنتدى ... وربنا يوفق الجميع ... ومش مستعد أقول مختلف ليه عشان منرجعشى نقول مشاغب .. برافووو .. تسلموا ..

زائر

لا لالالالالالالالا

انا بقا عايزه اعرف ليه رائيك مخالف موندى

ممكن انا اهوه مستنيه اعرف

الحكايات كترت اوي
ربنا يعديها علي خير
المفروض كل واحد له رأي
يحترم بمعني
ان موندي عنده حق في كلامه
وكل الاعضاء لها الحق
مادام كل واحد مقتنع بكلامه
يبقي مفيش مشكله

زائر

انت صح عمر

موندى اسمح لى ان ارد عليك
مش ممكن ومستحيل
ان يقتصر وجودك فى فسم الصيانه
موندى انت من اهم الناس هنا فى المنتدى
بجد وحقيقى اذا ده حصل انا هكون زعلانه قوووووووووى
ارجع تانى وشارك فى كل الاقسام كما كنت وكما عاهدت منك
ارجع تانى
موندى المشاغب
بس الذ مشاغب فى اجمل منتدى
شكراً يا موندى
وجودك حقيقى بيسعدنى

أخت " مشموشى " بشكرك جدا أولا على كلامك المحترم وشعورك النبيل .. لكن
صدقينى انا اتخذت القرار ده لأننى بحب المنتدى ولولا كده كنت تركته نهائى .. عشان كده هكون فى القسم الخاص بعملى عشان أقدر أعطى وأفيدكم .
بشكرك

ارجوك يا موندى كفاية كده
لو سمحت
ارجوك
لا ترد
ويالا بينا نرجع نحط مواضيع مفيده تفيد كل الاعضاء
ونرد على مواضيعهم الجميلة
ارجوك موندى

خلاص يا ملاك .. الموضوع انتهى .ز بس لازم أشوف الرد بتاع الاخ رياض ..بس

زائر

طيب باموندى يعنى ينفع كدة

ليه كل دا بس كل يوم زعل ومشداد كدة
ونرد علىبعض ونستفز بعض بكلامنا
انتم مش قولتم احنا اخوات واسرة واحدة
ونحترم بعض ونخاف على بعض

ليه كل دا بقى ليه كل دا حصل

عاوزين الموضع الى انا مش فاهمها دا ولا عارفه هو ايه اصلا ينتهى بقى
وقمر بنت جدعه ومحترمة اوى لو غلطتت بتعترف وتتاسف

والله انا ماانا فاهمة اى حاجة هى كمان مش موجودة اهى
ياريت بقى المشداد دى تنتهى لو فى عضو تانى دخل غيرتا هيقول ايه
ممكن نهدى شويه ونتملك اعصبنا بقى
انتى يعنى مش تشدد اوى كدة بردة
انتى ليك كلام جامد فيه
هو مفيش اى حد يدخل يحل الاشكال دا يعنى ولا ايه
ممكن موندى تهدى شويه وكفايا كدة بقى وقمر كمان اهدى شوبه ياقمر
ممكن نتصفى ونبدا صفاحة جديدة بدل كل شوبه استفزاز ورد وزعل
ومشداد كدة ممكن نتصفى ياقمر وانتى باموندى

شكر رياض زهق من المنتدى ومدخلش اهو باين تعب وزهق مننا اله يوكن فى عونه
كل واحد عاوز رياض يجيبلو حقة

ادخل يارياض وحل المشكلة دى بقى مش ينفع كدة
ياريت يلموندى تصفى شويه وتبدا صفحه جديدة كلنا اخوات فى الله وكلنا مسلمين

انا متابع من الاول ومش عارف ايه اللي وصلنا لكده
انا من رايي لو تسمحو قمر هي اللي غلطانه
موندي قال كلمه للرياض في الاول وخلصت
ليه ياقمر اتكلمتي انتي
وانت ياموندي كان ممكن تفوت كلمها وتعديه
عادي ليه وقفت قصدها علي موضوع بسيط
بس الخلاصه انا وانتم عرب عرب
وهي دي النتيجه اللي احنا فيه

هو فين المدير ؟؟؟؟؟؟؟؟؟؟؟؟؟؟؟؟؟؟؟؟؟

اولا أنا قولت أى كلام أو نقاش يكون فى موضوع كلمنى شكرا
و اللى انا شايفه ده اسمه تهريج احنا مش كل شوية مشاكل مشاكل
ايه يا جماعة فيه أيه هو أحنا فى حرب و الا ايه
لو سمحتوا كفايه بقى و الله بجد حرام كده
يا جماعه اللى مضايق قوى كده من المنتدى لو سمحتوا يعرفنى و بلاش نقف لبعض على الواحده
كل شوية اللى مش عجبه موضوع اخ من الاعضاء يا ريت بلاش يدخلوا أو بلاش يرد بحاجة مستفزة
انا مش هقول موندى غلط أو قمر غلط لان احنا كلنا غلط بالوضع اللى أنا شايفه ده
انا حذف كل الردود دى لانها بجد فوق المحتمل من ناس المفروض تكون فاهمة كويس اننا مش فى حرب
و ارجو الالتزام بالحوار و المناقشه
و اللى عنده أى كلام يكون فى موضوع كلمنى شكرا غير كده سيتم حذف الرد
احنا مش نعمل كل الموضوعات ساحة للخناق و المشاكل كل شوية
الرجاء الرجاء الالتزام
شكرا لكم

» همسة عتاب لمن توجهها ؟ وماذا تقول ؟
» همسة .. لكل فتاة
» همسه عتاب
» عتاب سعودي
» همسه عتاب