كلمنى شكرا.....!! ( برلمان المنتدى )

السلام عليكم و رحمة الله و بركاته

إخواني الأعزاء

بعدما لاحظنا فى الفترة الأخيرة كثرة الكلام عن الألعاب و ما يحدث
فيها من خروج عن طبيعة اللعبة و تحويل اللعبة إلى يشبه لحوارشات بين الأعضاء مما
أفسد جمال الألعاب و مثال على ذلك لعبه سجن منتدى وجنة و غيره من الألعاب

لذلك هنعمل الموضوع ده و يكون زى تدوين ملاحظات للأعضاء أو تعقيب
أو ما شبه ذلك حتى تكون الألعاب فى حدود نطاقها فقط

أن احتاج عضو او يتحدث مع عضو أو يقول له ملحوظة او أى كلام كما هو
فى الألعاب فليكون هنا و هذا هو مكانه
طبعا على أن لا يتعدى حدود الكلام قواعد الأصول و عدم التجريح فى أحد من
الأعضاء

و بالتالي الموضوع ده يكون مباشر بين المتواجدين فى المنتدى معا فى
وقت واحد فلا يصح الحديث عن عضو غائب أو غير متواجد بأى كلام يسىء له

و الالتزام بقواعد الألعاب من أضافه عدد او تعليق فى حدود اللعبة فقط أى
زيادة تكون هنا فى موضوع كلمني شكرا

و أى أخ عضو له أى رأى يتفضل يقوله هنا و يكون هنا ساحة للنقاش فى جميع الأمور
المتعقله بالمنتدى

أرجو يكون الموضوع مفهوم للجميع

جميل كده اوي
تسلم ياغالي

فكرة حلوة جدا رياض تسلم يا بروف

مش هاتكلم عشان محدش يزعل منى [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههه
قول يا بني
ما الكل بزعل
قول و مش يهمك
في ايه بس قول متخليش حاجة في نفسك و متقولهاش

معلشى يا وجنه مش هاتكلم اصل كلامى بيتفهم غلط [ندعوك للتسجيل في المنتدى أو التعريف بنفسك لمعاينة هذه الصورة]

يا ابني قول بس
في ايه هي حاجة وحشه قوي كده
قول و انا هفهمك

لالالالالالالالالالالالالالالا يا محمود
هنا فى الموضوع ده اتكلم براحتك هو ده الهدف من الموضوع
اللى عنده رأى او تعقيب يقوله هنا عشان كل موضوع يكون خالى من اى كلام
خارج هن نطاقة او يفسد الهدف من اى لعبه
هنا الحوار مفتوح يلا محمود قول فيه ايه
احنا بنتناقش اكيد مفيش حد هيزعل

هوا فعلا يا وجنه انا بحس من موضوع الالعاب ان هى فيها

نقاشات وحوارات تتعدى كونها العاب بس اكيد فهمتى

قصدك ان فيها تعارف و هزار زياده و خروج تام عن العب

معلشى يا وجنه اعفينى من الاجابه عن السؤال ده وبرده يا وجنه

احنا مش ضد التعارف دا بس يكون طبعا فى حدود وتحت اشراف

فهمتك محمود
ربنا يهدي الكل
بس في الاول و لاخر لعب عيال
ولا ايه
ههههههههههههههههههههههه

انتى بتقولى عليهم عيال يا وجمه كدا زعلتى الناس منك انا جاى اهدى النفوس ههههههههه

ايه حكيتك محمود
انت هختوقع بيني و بين الكل

تسلم رياض فكرة جميلة جدا

جزاك الله كل خير

هههههههههههههههههههههههه
مش عيال قوى يعنى بس اهو كلنا بنلعب و نتسلى
خلص انت بس يا محمود الامتحانات
و الا خلصت

احزان وصلت حمد لله على السلامة
اخبارك ايه احزان
شكرا لردك الجميل

وصلت متاخرمعلش المواصلات بقى صعبة اوى

هههههههههههههههههههه

الحمد لله بخير

تسلم رياض

زائر

وجنة كتب:: قصدك ان فيها تعارف و هزار زياده و خروج تام عن العب

[size=18]

ممكن افهم بقا ايه الحوار ده

عل فكره احنا اعضاء محترمين اوى اوى

ومن اول لحظه دخالنا المنتدا لا غلاطنا فى حد ولا انتقدنا حد

ايه هزار زياده وخروج تاام عن العب

وبعدين عن نفس مش اعرف حد هنا خالص

يعن لا فى تعارف ولا غيره

ولو اا خلاقنا مش تمام مكناشه كدا قدام الكل
نهزار ونلعب

والا ايه

فيه ايه الكل ماله كده محدش طايق التانى
الكل منتظر غلطة
ما تهدوا اللعب بقى شوية
يعنى نعمل ايه مفيش ورانا الا كل شوية خناق و مشاكل
عموما يا جماعة أنا قولت كتير
و مش عارف اقول ايه و اعمل ايه تانى
لو حد عنده حل يتفضل يقوله
لكن الوضع كده مش حلو خااااااااااااااااااااالص
يا ريت الكل يفهم كده انا الوقتى بقى لى يومين مش نمت بسبب المشاكل دى
و مش عارف ازعل مين و ارضى مين
بقينا كلنا زى الاطفال الكل بيزعل و يقول هسيب المنتدى
اوك يا جماعه اللى عنده حل أنا منتظر رأيه و هعمل به
شكرا لحسن تعاونكم

زائر

وجنة كتب:: فهمتك محمود
ربنا يهدي الكل
بس في الاول و لاخر لعب عيال
ولا ايه
ههههههههههههههههههههههه

من اول ما دخلت المنتدا بجد حبيتك اوى وعجبنى حوارك وردك عل الموضيع

وحسيت ان انتى حد محترم وعقله كبير اوى اوى

بس لما شوفت ردك النهارده بجد زعلت اوى اوى

هو انتى شيفانا ايه بظبط وايه معنه ربنا يهدى الكل

عل فكره انا عمرى ما غلط ولا اسمح لحد ينتقدنى وانا مش غلطنه

ممكن تقولى مش وجهتلك كلام اقولك اه

بس الكلام ليا اناوملاك انا مش غبيه ولا احنا عيال يا وجنه

وزى ما قولت لمحمودا نا مش ا عرف اى حد هنا الا من خلال الردود بس

ومش دخله الا عشان المنتدا عجنى بس

ولو دخلتى لعيه البوسه هتشوفى ر دى عل عرايشى

مع انى عارفه انه بيهزار

اه بنهزاربس وقت الجد رجاله ومحدش يقدار يغلط

مش اى حد بيهزار يبقا مش تمام والا ايه

قمر الزمان يا حبيبتى قولنا اللى عاوز يتكلم يتكلم دى وجهة نظر

مش كل شوية نزعل طب ما وجنة قالت لعب عيال وانا شفت الكلام هل زعلت

قولت عادى دى وجة نظرها براحتها ما هى كمان بتلعب معانا

يا جماعة مش هينفع كدة احنا مش دخلين المنتدى للمشاكل

وبعدين وجنة ومحمود ورياض كانو بيهزرو او حتى بيتكلم جدا دى وجهات نظر

لازم نتقبل كلام بعض والموضوع كلمنى شكرا موضوع جميل

يعنى اانا مثلا فى لعبة واللعبة قلبت فى حوار تانى نكمل على كلمنى شكرا

ونخرج من اللعبة ممكن يا قمر تكبرى دماغك شوية

عشان احنا لازم نكون بنحب بعض ونتقبل كلام بعد ممكن يا اختى

ودة نداء ياجماعة لازم نتقبل ردورد بعض وكل وحد لية وجهة نظر

لازم نتقبلها من غير زعل نتناقش بس من غير زعل

زائر

انا عارفه ان كل واحد ليه وجهه نظر اوكى

وهى شايفه ان ده لاعب عيل برده اوكى

بس حكايه هزار زياد وتعارف وخروج تام عن الالعاب وعايزين اشرف عل لالعاب

ليه بقا ان شاء الله

د
ما نتى بتدخلى كل يوم معانا ايه الغلط ايل عايزين عليه اشرف ده

بجد كدا مش ينفع خالص

كل واحد ليه وجهه نظر اوكى بس ايلى اتقال ده مش وجه نظر

يا حبيبتى مش تزعلى نفسك

اشراف اوكى اشراف دى حاجة مش تزعلانا

عشان مش بنعمل حاجة غلط

وعشان مش بنعمل حاجة لا غلط ولا عيب

المفروض الكلام مش يفرق معنا يعنى عادى

نتقبل ونسمع وفى من الاعضاء اللى اتكلمت

بيلعبو معنا يعنى لم هما شيفين فيها حاجة كانو هيلعبو

لا طبعا يبقى اكيد مش معترضين بس انتى مش كل حاجة تزعلى

انتى وملاك

يا قمر انتى وملاك غالينا علينا فى المنتدى مش تزعلو من النقد

ممكن يا قمر وقولى بردة لملاك ممكن

هههههههههههههههههههههههههههههه

قمر فكرى بقى انتى وملاك

فى لعبة وتكون اسمها المشاكل

يلا بسرعة عاوزين اللعبة دى

بس تكون هزار مش مشاكل بجد

» فيلم كلمنى شكرا near dvd
» حصريا فيلم كلمنى شكرا نسخه DVDRip بمساحة 302 ميجا روابط مباشرة
» انفراد تام وقبل الجميع فيلم كلمنى شكرا ts.v2 بدون حقوق بمساحه 236 ميجا بروابط مباشره
» انفراد تام وقبل الجميع فيلم كلمنى شكرا ts.v2 بدون حقوق بمساحه 236 ميجا بروابط مباشره
» الله يأخذ من اسس المنتدى ...ويأخذ مشرفين وأعضاء وعضوات المنتدى........... ....!!!???