هل افتقدنا لغة الحوار ؟؟؟!!!

الإخوة الكرام اعضاء منتدى وجنة
هل افتقدنا روح الحوار و المناقشة التى كانت تميزنا و كنا نتخد منها ميزة فريدة عن غيرنا
هل أصبح اهتمامنا بالالعاب و التسلية و تركنا الاستفادة و طلب المعلومة
هل اصبح ردنا على أى موضوع مجرد وضع صورة فقط
هل أصابنا الملل و لم نعد نكلف انفسنا بقراءة الموضوع و نضع له رد صورة
أين ؟؟
أين روح الحوار و المناقشة
أين اختلاف الاراء و الجدل
أين الحميه و الحماس و التعصب للرأى
أين الموضوعات التى تجبرك على قراءتها
أين و أين و أين
أنا لا ألوم أحد فكلنا معنا و أنا أولكم
قال الله تعالى " كمثل الحمار يحمل اسفارا " صدق الله العظيم
هل وصل بنا الحال أن نرد على موضوع من غير أن نعرف محتواها
اذا أين الاستفادة اذا ؟؟
هل لمجرد فقط زياده عدد المشاركات نرد بصورة فقط
عذرااااااااااااااااااااااااااااااا
أرجو من الجميع الرد على صلب الموضوع و المناقشة و الحوار فى الرد حتى يعرف كل منا وجهة نظر الاخر
و ان كان لابد من وضع صورة فتكون بعد الرد المكتوب
ما فائدة زياده عدد المشاركات دون أن استفيد أو أفيد غيرى
أرجو أن تكون رسالتى وصلت الجميع
وفقنا الله و إياكم لما فيه الخير و الرشاد
شكرا لكم جميعا

الله يكرمك
انا والله نفسي في كده من زمان
وكتبت ده في همسه عتاب
ياريت كل واحد يقول رأيه علشان نعرف الصح فين
اتمني من كل الاعضاء يتجاوبو
شكرااااا يارياض

فعلا يا رياض

احنا افتقدنا روح الحوار ودى كانت حاجة جميلة جدا

وتميز المنتدى

وكل واحد فينا بقى مع نفسة

خذ الفائدة من كل موضوع تقرأة

دلل على اعجابك بموضوع تم طرحة بالرد عليه

ولو بكلمة شكر تعوضة عن الوقت الذى اجتهد فية

ساهم فى ابراز الوجة الرائع الحقيقى للمنتدى ؟؟

بمشاركاتك

وردودك

وأخلاقك

زائر

كدة يعنى يا احزان كل واحد معى نفسة...يعنى انا بعيدة عنك

ممكن يكون فعلا المنتدى فقد لغة الحوار

لكن بسبب ايه ...مفرود نكون عارفين الاجابه

ومش غلط اننا نصارح بعضنا بأخطئنا وكل واحد يقول وجهة نظرة

شكرا رياض على طرحك لهذا الموضوع الهام جدا

حقيقى مشكور على موضوعك

وبجد انا فعلا حسيت بكده ان الموضوعات تضع لها ردود من دون ان تقرأ
بس ليه وصل الموضوع للحالة دى ليه وصل ان الاشتراك بالرد هو وضع صورة او مجرد رد عابر لزيادة الاشتراك

مع أنى الان موجود بقسم الصيانه فقط يا رياض .. ولكن لما شوفت موضوعك كان يتوجب عليا انى أرد عليك وأشكرك على الملحوظات التى تكلمت عنها واللى بعتبرها جت متأخر .. بس انا عارف ظروف شغلك .. المهم انك نوهت عنها دلوقتى .. انا اتكلمت فى الموضوع ده كتير زمان لو تفتكر وكان الرد على كلامى انى اصبح اسمى " المشاغب " .. والاغرب كمان ان فى أعضاء عاملين مواضيع بتتكلم ان المفروض يكون للعضو عدد معين من الموضوعات يوميا عشان نقدر نقرأ ونرد ونتحاور والغريب بقه ان الاعضاء دى نفسها بتعمل فى اليوم أكتر من 20موضوع و50 رد ..؟؟؟ عجبا أيها الزمان ..

بشكرك يارياض حقيقى .. وأظن يارياض انى لما طلبت منك عمل قسم للصيانه وبالفعل مشكور قمت بإنشائه لم أقصر فيه والحمد لله .. صحيح بختلف معاكم .. لكن بكررها عمرى ما هبعد عن المنتدى ده " منتدى وجنة " ..مشكوووووووووووووووور يا رياض

موضوع مهم فعلا يارياض
بس اعتقد ان السبب انشغال الجميع ف فتره الامتحانات
وانا اولهم انا يادوبك ببص ع المنتدى نص ساعه ولا حاجه ف اليوم
وانشاء الله بعد العصف الذهنى بسبب الامتحانات كله هيروق ويفوق ونرجع زى الاول

لا تعليق

يجب ان نشارك بعضنا فى الحوار والمواضيع وقراتها جيدا ومناقشتها سوف نرجع كما كنا ان شاء الله سوف يكون من احسن المنتديات

موضوع فى غايه الاهميه فعلاً

لغه الحوار هى اسمى لغة

فهى تحدد مدى ثقافتنا وثقافه الاخرين

وايضاً تبادل الخبرات ووجهات النظر

اصبحاً نرد على موضوعات ممكن ان تكون فى غايه الاهميه

بسلمت يداك وهذا لا يكفى ممكن يكون لشكر الكاتب ولكن اين رأيك

انت من تقول سلمت يداك

فانا عندما اقوم بنشر موضوع فى بعض الاحيان انتظر الرد

لمعرفه مدى فهمك لموضوعى وهل وجهه نظرى ظهرت للقارىء ام لا

تقبل مرورى

تحياتى لك

رياض دمت لنا عوناً

والله يا رياض
انت دائما مبدع
مبدع فى افكارك وحواراتك
ومشاركاتك
الحمد لله انك تكلمت فى هذا الموضوع الحيوى والخطير
كانت الحوارات هى اجمل ما يميز المنتدى عن اى منتدى غيره
كانت باب للمعرفه
وابداء الاراء
حتى الالعاب كانت مفيده وتهدف لشئ
ولو ذكرنا على سبيل المثال لعبه مندى
سجن المنتدى والهدف من طرح سؤال والاجابه عنه وزياده المعرفة
اصبح وجود اعضاء كثر فى المنتدى مجرد لهو وعبث
ولولا وجود الاساس ما بقى لهذه الجنه وجود
حتى لما كن فى احد الاعضاء بيتعصب فى ابداء رايه
كان على اختلاف فى موضوع مهم مش على شئ لا قيمة له
ليتنا نعود كما كنا ونرجع كما بدانا

اشكرك رياض على طرح موضوعك المفيد
واتمنى من الجميع ان يقرءه ويرد عليه
ولعلنا نبدا نعيد مشاركتنا للمواضيع من هنا
وترجع لنا لغة الحوار

بشكر الجميع على التفاعل الجدى فى ابداء الرأى و ده يدل على اننا جميعا ملاحظين نفس المشكلة
بشكرك جدا بس كان نفسى اعرف رأى عرايشى على اعتبار انه محاور جيد و كتير سعدت جدا بموضوعاته و اراء بس تقريبا عشان هو قال قبل كده كتير عن اسلوب الحوار و طريقة الرد
فقال لا تعليق و انا اتفق معه لاننا بالفعل كثيرا ما تحدثنا فى هذا الأمر
شكرا لكم جميعا
و ان شاء الله نرجع أحسن من الاول و تكون الموضوعات مفيدة و طريقة الرد تضيف للموضوع
ولا تكون مجرد صورة فقط
تقبلوا جميعا تحياتى

و الله رياض انا لحظت هذه الحاله في المنتدي اهم ما يسعي اليه بعض الاعضاء زيادة عدد المشاركات دون التفاعل و الحوار و اعتقد ان الرد بالكلمات و ابداء الريء تاثيرها اقوي في خلق حوار جيد و يقوي العلاقه بين الاعضاء و يخلق اولفه و نشعر اننا روح و احده مع في الوقت الاخير كان يخلق هذا مناقشات حادة و تتطور الي ما هزو اصعب بس معني ذللك انه في افكار و اراء و في اناس لهم راي و في تفاعل
و عتقد ان عريشي لم يعلق لانه سبق و تناقشنا في ذللك عديد من المرات و اعتقد ان صبره نفد
و اعضاء المنتدي مثقفون جدا و هيعودوا سريعا الي المشاركات الفعاله التي رفعت بمنتدانا عليا في وقت سريع
مع تحياتي

» فن الحوار بين الأزواج
» همسات في فن الحوار
» الحوار الإسلامي المسيحي
» الحوار بين الابن وابنه حول المراة
» آداب الحوار والنقاش...ضرورى المرور لجميع الاعضاء