أشهر جمل بيقولوها الأب و الأم في مصر

انت فاكرنا لاقين الفلوس ديـــة في الشارع .

* ما تتكلمش بصوت عالي في الحمام .

* والله ما انت فالح .. وادي دقني أهه .

* ما تنمش غير لما تغسل سنانك .

* ما تلزقش في التلفزيون كده .. نظرك هيضيع .

* سلم على عمك كويس يا ولد .

* يا ابني محدش هينفعك .

* ما تطلعش ايدك من الشباك .

* قصة الغريق الكاذب اللي كل مره يقول الحقوني ... لحد ما غرق بجد .

* ربنا يرزقك بعيل يوريك اللي ورتهوني .

* ما تطلعش على الملايه النظيفه و رجليك متوسخه كده .

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني .

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

*
انت فاكرنا نايمين على ودانا ؟

* يا ابني انت مسطول ولا ايه ؟

* ما تلبسش القميص على اللحم زي العيال الصايعه .

* بلاش أكل بره .

* كلمنا لما توصل .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* لازم تأكل سلطه .

* اوعى تكدب عليا كده تاني مرره .

* اوعى حد غريب يديلك حاجه تاكلها و تشربها و تاخدها منه .

* يا ابني كلم خالتك العيانه اسأل عليها .

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .

* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* اوعى تقول لحد هات لي حاجة .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

* صليت العصر ؟! اشمعنى العصر بالذات

* ما تمشيش حافي في السقعة دي

* ما فيش مذاكرة على المزيكا .. أو .. بتذاكر إزاي و البتاع ده شغال جنبك .

* افرد ظهرك .

* ما تتأخرش بعد المدرسه و تقعد تصيع مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* تقعد في أول صف قدام السبوره .

* ما تردش عليا .

* مش عايز اسمع صوت .

* مالكش دعوة بالسياسة .. وماتمشيش في مظاهرات .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا

عندك حق هى ده الامثال الا بيقولوها تسلم

[ندعوك للتسجيل في المنتدى أو التعريف بنفسك لمعاينة هذه الصورة]

زائر

موضوع جميل اوى اوى [ندعوك للتسجيل في المنتدى أو التعريف بنفسك لمعاينة هذه الصورة]

موضوع جميل وفعلا جمل بنسمعها على طول

تسلم النسيم العابر

العبارات دى فعلا هى الشريط و الماركة المسجلة لما نسمعه فى مصر كثيرا
شكرا على موضوعك الجميل
تقبل تحياتى

كلها اتحفظت مارا وضيف عليها من عنا اتقلع ولا تفحط بالسياره ولاتدوربالاسواق ولا تراقم البنات
ولاتهرج بالجوال كلام جميل تسلم لكن بالنهايه الله يخليهم لنا واحنا كمان هتقول كدا لاابنائنا مثلهم يعنى ورث من الاجداد

صح طبعا هو دة اللي بيتقال فعلا
شكرا علي الموضوع

لولا الكلمات دي
او الجمل دي
مش كنا نفعنا في حياتنا
وزي ما زى ماقالت لولو
هي ورث من الاجداد يعني احنا كمان هنقولها
شكرا لك اخي في الله

» بالصور تاريخ عيد الأم على مر العصور - طرق احتفال العالم بعيد الأم - أول امرأة دعت إلى الاحتفال بعيد الأم
» أشهر 10 جواسيس بالصور - أشهر الجواسيس بالعالم - الجاسوسية و المخابرات
» اشهر الجمل اللي بيقولوها الاباء والامهات المصريين......هههههههههههههههه
» تخيل الأب والأم في المنتدي
» لم أصدق (( هل يوجد مثل هذا الأب )) في عصرنا فعلا ؟؟ موقف مؤثر