على طريقة "أموالهم ونساؤهم غنيمة لنا"

[ندعوك للتسجيل في المنتدى أو التعريف بنفسك لمعاينة هذه الصورة]

في عالم قبيح هو ليس عالمنا بالطبع! يُحكى أن قوماً كانوا كُلّما أعطوا
بناتهم شيئاً.. عادوا وسلبوه منهن من جديد، فبعد أن يعطوا البنت الميلاد
والجسد كانوا يقطعون منه الأنوثة بالختان، وبعد أن يعطوها حق التعلم
ينتزعونه منها بالتغييب والتضليل، وبعد أن يمنحوها اسماً يغيّرونه
فينادونها بـ"أم فلان" و"مدام فلان".

ورغم خضوعها لكل ذلك؛ فقد كانوا بها يتحرّشون.. وفي الشوارع يسمعونها
ما لو نطقت به لتخجلون، وعندما تفتح فمها من أجل الشكوى، يقطعون عليها
الحديث ويتهمونها بأنها مكمن الشر والسبب في كل المصائب، وإذا تحرش بها
أحدهم فالذنب ذنب جسدها وليس عقله الغائب.

لذلك عندما كان يزور هذا العالم بنات من عالم آخر، كان الرجال
يستغربون، ويبدءون بأعينهم وأظافرهم في لحمها ينهشون.. طب تعالوا نشوف...

"قررت سائحة هولندية 35 عاماً أن ترتدي المايوه وتستحم في مياه
الشلالات بالفيوم، وفجأة ظهر 6 أشخاص فقاموا بتمزيق ملابسها، وتحرشوا بها،
وحاولوا اغتصابها؛ ولكن استطاع أهالي المنطقة وزملاؤها في الفوج السياحي
أن ينقذوها من بين أيديهم".

"ركبت سائحة إنجليزية 17 عاماً حصاناً بإحدى القرى السياحية،
وفوجئت بالسايس وقد قفز خلفها على ظهر الحصان، فظنت أنه يساعدها؛ إلا أنه
انطلق بها في الصحراء، وأحست بأنها تبعد مسافات طويلة عن القرية التي تقيم
بها، وقام بالاعتداء عليها جنسياً واغتصابها".

"وصلت سائحة روسية 22 عاماً إلى المستشفى مصابة بكسور وكدمات
متفرّقة بالجسم بعد أن ألقت بنفسها من شرفة شقة بالطابق الثاني؛ هرباً من
مُرافق مجموعات سياحية استدرجها لبيته بحجة إحضار بعض الأشياء، وعندما
دخلت أغلق الباب بالمفتاح وحاول اغتصابها".

هذا نموذج لما قد يصلنا من أخبار عبر الصحافة بعد أن تحوّل الحادث
بالفعل إلى قضية وضبط وإحضار ومحاكمة.. ولكن الواقع أن نتائج استطلاع
الرأي صدر عن المركز المصري لحقوق المرأة خلال الصيف أكد أن 98% من
الأجنبيات عانيْن من التحرش في مصر، ومش كلهم أكيد بيبلّغوا لأنهم
بيصبّروا نفسهم بأنها إجازة وتعدّي، وأكيد عمرها ما هتتكرر، تعرفوا إن
الـ"واشنطن بوست" نشرت في تقرير لها "إن مصر الأولى على العالم في التحرش
الجنسي"، وإن بلاد العالم المتقدم بيحذروا النساء المسافرات لمصر بأنهم
عرضة للتحرش والنظرات الغير مرغوب فيها، ومش بس التحذير الشفوي.. تعرفوا
إن ده بقى مكتوب في الكتيّبات السياحية.. يعني مش بس قلة الأدب لأ وكمان
ضربتم السياحة.

طيب قصدنا إيه بالأخبار دي؟ نتكلم على التحرش بالسائحات وإنه عيب وغلط فظيع و... و....




[ندعوك للتسجيل في المنتدى أو التعريف بنفسك لمعاينة هذه الصورة]












هتلاقي
اللي يقول لك يستاهلوا، مش هم اللي بيمشوا عريانين في الشارع، والغلط على
الحكومة اللي المفروض تمنع العري في بلدنا.. اشمعنى هم بيمنعوا الحجاب في
بلدهم، مش كل بلد لها قوانينها اللي بتمشي مع الأصول والدين، إحنا بقى
الستات عندنا لازم يتغطوا.

وبعدين ده هم اللي بيتحرشوا بينا، ده الستات الأجانب بييجوا مخصوص عشان
الرجالة المصريين، آه.. بيتجوزوهم واللي بتبلّغ دي بتكون محترمة زيادة، أو
الرجل ما دخلش دماغها وضايقها.. هم الستات الأجانب أصلاً مش عاوزين حاجة
غير الجنس.

طيب بالراحة علينا.. بلاش السياح... طب وبنات بلدك؟؟؟

"عندك بنت لابسة بادي مثير وبنطلون جينز ضيق، وفوجئت وهي ماشية
بشخص ماشي وراها وعمال يقول في كلام مخجل فعلاً، ولسه هيقرب منها ويـ.....


شافه واحد صاحبه وقاله: "مش عيب؟"، رد أخينا عليه وقال: "وإيه
اللي بيخليها تلبس كده، هي اللي شجّعتني.. بطريقة لبسها المستفزّة.. ومش
عارف إزاي أهلها وافقوا ينزّلوها بالمنظر ده، أكيد دي مش كويسة وما لهاش
أهل!".

يعني سيبك من إنها بنت بلدك، والمفروض تحافظ عليها وتغضّ بصرك و... و....

لكن مش خجلان من نفسك.. وحتى لو البنت دي غلطانة... افترض إنها
من دين تاني أو متربية في ثقافة تانية.. أو حتى زي ما بتقول "مش كويسة وما
لهاش أهل"، هل ده مبرر منطقي عشان تتحول لوحش وتنهشها، أو تعترض طريقها
وتتطاول عليها؟؟

تعرفوا الدراسة اللي عملها المركز المصري قالت إيه؟ قالت إن 83% من
النساء المصريات عانين من التحرش، وإن 62% من الرجال اعترفوا بأنهم من
المتحرشين، وإن 53% صبوا اللوم على البنت نفسها.

طب ودلوقتي بعد انتشار الحجاب وبقى 80% من بنات مصر محجبات طبقاً
لإحصائية مركز المعلومات التابع لمجلس الوزراء؛ يعني لو قلنا 20% غير
المحجبات.. هيتعاكسوا.. هيتعاكسوا.. ده أساسي يعني.. لا مفرّ... يبقى 64%
من اللي بيتم التحرش بيهم محجبات.. يعني حجتكم بطلت لكن...














[ندعوك للتسجيل في المنتدى أو التعريف بنفسك لمعاينة هذه الصورة]












تعالوا نشوف الحادثة دي..

"كانت ترتدي عباءة وحجاباً وقفازاً باليد، وتسير مع ابنة
شقيقتها (٣ سنوات)، ولم يشفع لها كل ذلك، زوجة شابة (٢٣ سنة) تتعرض للتحرش
في مدينة ٦ أكتوبر بصورة مُهينة من عامل في المعمار عمره 19 سنة؛ حيث
طاردها مسافة 50 متراً، ثم اقترب منها ولمس أجزاء حساسة من جسدها، وأسقطها
على الأرض أمام الطفلة".

ها... هتقولوا إيه المرة دي؟؟

أقول لك أنا.. هتقولوا إن الفتاة المتعرية (اللي هم الـ20% اللي فوق)،
زائد الفرجة على القنوات الإباحية والكبت كانوا الخلطة السرية، وبرضه
البنت هي السبب؛ لأنها تثير غرائز المتحرش وتجعله يعاكس أي أنثى تقابله في
الطريق حتى لو محجبة.

عالم قبيح فعلاً.. وقطعاً.. لا يمتّ لعالمنا بِصِلة!

ينظر إلى نصفه الآخر وهو "النساء" على طريقة "كلهن عاهرات والشريفة
منهن لم تأتها الفرصة"، وكل رجل يتصور بخياله المريض أنه بتحرشه بالنساء
يمنحهن فرصة العمر التي يجلسن في انتظارها.. والمشكلة أننا نسوق له من
المبررات ما يجعله ينظر لنفسه باحترام، ويظن أنه بذلك بطل قومي، فهو
بتحرشه بالفتاة.. يا إما يرفع من روحها المعنوية.. أو يمتّعها بما هي
محرومة منه وتسعى إليه بكونها أنثى.. أو يعلّمها الأدب لكي تغطي نفسها..
أو يحاربها؛ لأنها كافرة وفاجرة وخارجة عن الدين.. أو مسكين يفرغ مكبوته
الجنسي الذي ساهمت هي بشكل كبير في ثورته وإشعاله.. يعني الراجل يعمل إيه؟















[ندعوك للتسجيل في المنتدى أو التعريف بنفسك لمعاينة هذه الصورة]













فضيلة المفتي بنفسه هو الذي سيقول ما الذي يجب أن يفعله الرجل وليس نحن...

يقول فضيلة "الشيخ الدكتور علي جمعة": إن المرأة التي ترتدي هذه
الملابس الفاضحة، المخالفة لأمر الله ورسوله صلى الله عليه وسلم ترتكب
إثماً ومعصية، وعندما يرتكب الناس من حولي الإثم والمعصية لا يكون ذلك
مبرراً لي أن أقلّدهم أو أن أسير في هواهم، إن الله سبحانه وتعالى قال:
{ولا تزر وازرة وزر أخرى}، وقال: {وكل إنسان ألزمناه طائره في عنقه ونخرج
له يوم القيامة كتاباً يلقاه منشوراً، اقرأ كتابك كفى بنفسك اليوم عليك
حسيباً}؛ فكل إنسان سوف يُحاسَب محاسبة مستقلة يوم يفر المرء من أخيه وأمه
وأبيه وصاحبته وبنيه، لكل امرئ منهم يومئذ شأن يغنيه.. ولذلك فـ"لا تزر
وازرة وزر أخرى" يعدّ مبدأ عاماً في القرآن يكوّن عقل المسلم الذي يستقل
بالأعمال، ولا يجعل المعصية التي حوله دافعاً له إلى المعصية، كما يقول
النبي صلى الله عليه وسلم: "لا يكُن أحدكم إمّعة، يقول أنا مع الناس، إن
أحسن الناس أحسنت، وإن أساءوا أساءت، بل وطّنوا أنفسكم على أنهم إن أحسنوا
فأحسنوا وإن أساءوا فلا تظلموا" ولا مبرر لهم.

إن التحرش بالنساء واغتصاب النساء من الكبائر، ولذلك يجب على كل مسلم
غضّ البصر، وقال رسول الله صلى الله عليه وسلم: "يا معشر الشباب من استطاع
منكم الباءة (أي كلفة الزواج) فليتزوج، ومن لم يستطع فعليه بالصوم فإنه له
وِجَاء".

لم يبرر رسول الله صلى الله عليه وسلم للشباب معصيتهم، كما يحب بعض
الناس أن يبرّر لنفسه، إنه قد اضطر للاغتصاب أو التحرش، بل دعاه إلى
الصيام وإلى العفاف، وإلى أن يكون ذلك الإنسان الطيب الرباني الذي لا تؤثر
فيه ما حوله من المعاصي". انتهى كلام الدكتور علي جمعة.

طيب قبل ما ننتهي مع طرح القضية دي.. تعالوا نلتفت لحاجة مهمة.. ليه في
الأحياء الشعبية الأصيلة زي باب الشعرية والجمالية وشبرا والسيدة زينب
ممكن تحسوا المعاكسات أقل؟ يمكن عشان لسه فيه ولاد بلد جدعان؟ يمكن عشان
تعودوا على وجود السياح وأخواتنا المسيحيات بينهم؟ طب ليه في الأحياء
الراقية برضه نسبة التحرش قليلة؟ وسرطان التحرش مستشري في مصر أكتر في
العشوائيات والمناطق الجديدة؟ يا ترى فيه تفسير؟


وأنتم كمان من خلال تجاربكم... قولوا لنا



هل تبرير محاولات التحرش بحجة ارتداء البنات ملابس غير لائقة ومثيرة للغرائز

تبرير مقنع، أم حجة واهية؟؟



طيب لو بنت لا دينها ولا ثقافتها بتفرض عليها الحجاب.. تعمل إيه؟



ويا ترى حتى لو البنت "سيئة السمعة" من حق الناس تتحرش بيها؟

شامم ريحه امريكيه
اللي هي اعطيك في دماغك واياك تقول اه اه
اتضرب والتزم
اتحرم من الجواز والعلاقه الجنسيه في الحلال
وامامك عاريا اوعي تبص عليهم
سياسه ظالمه مع احترامي ليكي
ولكل اللي بيقول حقوق المرأءه والافلام دي
اللي خربت البيوت
خلتنا نحس ان فيه معسكر للرجال ومعسكر للنساء
منفصلين عن بعض او اعداء بيتقبلو بس في الشوارع
للعراك والتحدي ونسينا ان الملابس الفاضحه دي
الراجل هو اللي دافع ثمنها
والراجل هو اللي ترك مراته او بنته تخرج كده
مش محتاجين قوانين تمنع تحرش الرجال
احنا محتاجين قوانين تلزم المراءه بالبيت
وعدم الخروج اللي للضروره


وتعالو هنا ياشباب
خلاص مصر بقت ناصحه في الاحصائيات بتعتها
يعني الاحصائيه سليمه من غير كوسه ولا تدخل من اي جهه
ونرد علي كلامك


هل تبرير محاولات التحرش بحجة ارتداء البنات ملابس غير لائقة ومثيرة للغرائز

تبرير مقنع، أم حجة واهية؟؟

نعم تبرير مقنع للعاطل والبلطجي
وعديم الحيله وقليل الدخل
وانه شايف انها فعلا ملهاش اهل
لاني اهلها اتهمو من الرسول محمد
بانهم من الديوس


طيب لو بنت لا دينها ولا ثقافتها بتفرض عليها الحجاب.. تعمل إيه؟

من رأي انها مشكلتها هي مش مشكلتنا احنا
وتستاهل اللي يجري لها

ويا ترى حتى لو البنت "سيئة السمعة" من حق الناس تتحرش بيها؟

لو فعلا سيئه السمعه مش من حقهم يتحروشو بها
من حقهم يولعو فيها او يرجموها هانت علي نفسها

وبعدين المقدمه بتاع الموضوع مش عجباني خالص
الختان
يقول صلي الله وعليه وسلم
اد التقي الختنان وجب الغسل
او كما قال
ثانيا دلوقتي وقيه ختان مش عارفين نلم النساء
امال لو مفيش كانو عاملو ايه
اسم ام فلان
ده تشريف ووقار وتعظيم لها
اسف علي الاطاله
وشكراااااااااا

المسألة و الغلط و
السبب فى الظروف الاقتصادية و الحياة و العشوئيات التى انتشر بها أيضا زنا المحارم و سمعنا عن
هذا كثير

مع احترامي ليك يا غالي

الاسباب دي مش هتتحل في مصر غير في الجنه ونعيمه
يعني مستحيل وصعب تتحل
انما الاسهل هو الالتزام مش هكلفلنا حاجه

ثانيا انا لما قولت مبرر انهم يتحرشو
انا بتكلم علي ناس خرجه من بيتها علشان تتحرش
يعني بيشوفو مين الاسهل
وطبعا زي ما بنقول المتبرجه طلعه جاهزه
ولو مفيش متبرجه هيشوفو اي واحده
بس المتبرجه هي في الدرجه الاولي
كلامي مش عام كلامي علي فئه معينه
الناس بتدوس عليهم ومفيش حد بيسمع لهم او عنهم

يارب تكون وصلت الفكره
ان لما يكون مشكله
نشوف اسهل الحلول
لا هنقدر علي تغير الاقتصاد ولا القنوات ولا قوانين
ممكن نقدر علي التزام البنات في لبسها
وعدم خروجها لوحدها
وتعليم الدين هو الحصن لكل الناس

يااخت برديس
انا عايز رايك في الموضوع ده
يهمني اعرف رايك ايه
ده لو تسمحي طبعا