بس ... عصاية المكنسة اتكسرت

الأب كان مسافر ولما رجع

لقى ابنه مستنيه في المطار

الاب : أيه أحوال البيت وانا مسافر؟

الابن : كل حاجه ميه ميه متقلقش بس حصل حاجه بسيطه

الأب : حصل أيه؟؟

الابن : عصايه المكنسة أتكسرت

الأب : بس كده ولا يهمك بس ايه اللي كسرها

الابن : أنت عارف ان البقرة لو وقعت على حاجه بتكسرها

الأب : أنت تقصد بقرتنا؟

الابن : اه

الأب : أيه اللي حصل؟

الابن : كانت بتهرب وهية خايفة فوقعت على عصاية المكنسة كسرتها

الأب : المهم البقرة حصلها حاجة

الابن : لا ما فيش ... ماتت...

الأب : يا لهووووووى... ماتت!!!! وهى كانت بتجرى خايفة من ايه

الابن : لا دي كانت بتهرب من الحريقة

الأب : حريقة!! حريقة ايه؟؟

الابن : لا مفيش أصل بيـتـنـا اتحرق

الأب : اتحرق!!! يالهووووى.... اتحرق من إيه ؟

الابن : ابدا اخويا الكبير الله يرحمه هو السبب

الأب : ايه؟؟؟؟ اخوك مات!!!!! ازااااااي ؟؟

الابن : كان بيشرب سيجارة وقعت حرقت البيت وهو جواه

الأب : يالهووووى!!!!!!!!! أخوك كان بيشرب سجاير؟؟؟

الابن : هو كان بيشرب سجاير علشان ينسه حزنه

الأب : حزنه على أيه؟؟؟؟

الابن : على امى الله يرحمها

الأب : هية أمك كمان ماتت؟؟؟؟؟

الأب وقع من طولو ومات فوراً من غباء ابنه

الابن : بابا متعملش في نفسك كده يا حبيبي... فداك ألف مكنسة

ولد طيب بجد قدر يهونها على والده وجابها واحدة واحدة

والله كان اهون يقوله امي واخوايا والبقرة ماتو والبيت اتحرق كانت تبقى اهون

جميل جدا تسلم يا مان