ماذا يعنى الانتماء

لما اسمع كلمه انتماء بيكون عندي كلام كتير اقوله مش عارف اوصفه ازاي
وانا نفسي اقول انا مسلم عربي مصري
نفسي كل الناس تعرف من تصرفاتي اني مسلم عربي مصري
لكن للاسف الشديد من احوالنا العربيه اتنزلت عن كلمه انا عربي
مش بقول اني عربي الا لو حد سألني بتتكلم ايه
ومش بقول اني مصري الا قليل جداااا
بكتفي ديما بقولي مسلم
اقول عربي ازاي وانتمي لهم ازاي واحنا في زله امام العالم من الاحداث الجاريه
اقول مصري وكل العرب كرهتنا قبل الاجانب
كانو بيقولو علينا الام واحنا الحمايه لهم والقدوه
طلعنا لا ام ولا حمايه ولا نيله
انا خلاص من زمان بنتمي الي دين الاسلام
هو ده الانتماء اللي لو تعبت علشانه هلاقي ثوابه عند الله
لو حصلي اي حاجه هلاقي ثمنها عند الله
انما انتماء لوطن فيه كلاب بتبيعه وتاخد الثمن حسابات في بنوك
واحنا بنخسر دمنا علي غلطه من فرد اخدته العزه بالاثم
وعندنا الامثله في العراق كان اكيد فيهم ناس عندها انتماء لوطنها
الوزاء العراقين اللي كانو مع صدام
دلوقتي عايشين في قصور وبساتين خارج العراق
ومن اللي شاف الزل والجوع والتشرد
هم الناس اللي عندهم انتماء
انا انتمي لديني ومش مهم المكان
مصر بلدي بلد اهلي واصحابي فيها كانت طفولتي ولعبي وفرحي
بحبها وكان نفسي اعيش ديما فيها
بس للاسف الفقير فيها ملهوش مكان
عايز تعيش عيش زليل كل عيش ربي عيالك
فوت الكلمه دي ياعم كبر دماغك احنا مش قدهم
معلهش ياسعاده البيه
حاضر ياباشا والله اخر مره
مش هخرج تاني من بيتي
اخر مره يابيه
ربنا يخليك لنا ياباشا
كلمات زهقت اسمعها زهقت اشوف الناس بتقولها
زهقت اشوف الضعيف ملهوش حق في اي حاجه
حتي لو قال انا بنتمي لمصر
ولا قال
والله العظيم انا بحب مصر

متقولش هناخد ايه من مصر
قول هنعطي ايه لمصر

[/size]quote="الاء الرحمن"]الكاتب الساخر

متألق دائما[/quote]


متشكرااا الاء علي كل كلامك