أهروبً هو من السيئ إلى الأسوء !!

هل هو هروب ؟ أم تسرع ؟ أم عدم تفكير ؟ أم ضيق رزق ؟ أم ضياع للطموحات ؟ أم قتل للنفس ؟ أم أن جميع ما سبق هو ما يصف حال هؤلاء ؟ !!

مشكلة يتعاظم شأنها يوماً بعد يوم ألا وهي مشكلة الهجرة الشرعية والغير شرعية

ولكن السؤال الذي يطرح نفسه

إذا كان لسان حال من قد هاجر بطريقة شرعية هو الألم والإحباط والتخبط وأشياء كثيرة لا يعلمها إلا من هاجر عن بلده ووطنه ؟؟ فما بال من قد هاجر بطريقة غير شرعية ؟؟

أحقاُ هو هروب من السيئ إلى الأسوأ ؟!

صور تنفطر لها القلوب .. لا نعلم على من نلقي باللوم ، أعلى حكومة فرطت في خير بلادها ألا وهو الشباب ؟

أم على شباب أراد الغنى بأسرع الطرق وإن كان في هذا الطريق الهلاك والضياع، وانفطار قلوب الأهل على فقده ؟؟

يا من قررت أن تُلقي بنفسك في التهلكة من أجل حفنة من المال.

أحذر وأحذر واحذر فأنت مقدم على موتك لا محالة، أكان غرقاً أم مطاردةً من سلطات الدولة التي تهاجر إليها أم برداً ام حراً، أنه الموت الوشيك وأنت تقدم عليه بكل رحابة صدر آملاً في الوصول إلى مبتغاك .

هذه الصور هي نموذج لشباب قرر أن يجعل من الموت هو طموحه في الحياة

صور تنفطر لها القلوب

[/size]

[ندعوك للتسجيل في المنتدى أو التعريف بنفسك لمعاينة هذه الصورة]

أخي أهذا هو المستقبل الذي تطمح إلى تحقيقه ؟؟

شكرا عمر صلاح علي فتح هذا الملف الخطير

ألا وهو الهجرة غير الشرعية

لن أطيل عليكم وتوجز الموضوع في كلمات بسيطة

كم يدفع هذا الشاب من المال من أجل هذه الهجرة طبعا مبلغ لا يقل عن 20 ألف جنية مصري

فلماذا لا يعمل بهذا المبلغ أي شيئ مفيد داخل وطنه

سوف من يخرج ويقول ماذا أعمل وماذا وماذا والبلد كذا وكذا ويبرر هذا الفعل وهو من وجهه نظري

انتحار

شكرا لك عمر صلاح مرة أخري

زائر

شكرا عمر على طرح هذة القضيه المهمة

وبسببها فعلا بنفقد زهرة شبابنا

وللاسف الشديد لايوجد من يعتبر ويتعظ ويتعلم الدرس

بصراحه تسلم ياعمر علي الموضوع الجميل ده
انا مثل هؤلاء بالضبط
ولكن كل الصوره دي اهون واسهل وافضل من الجوع
وسط بلدك المحروسه
وهكلمك بكل صراحه ومن غير اي تجميل للموضوع
تزوجت في عام 98
في بيت العائله لا املك شقه ولا املك عمل ولا املك اي وسيله للعيش
وابي ربنا يبارك لنا فيه هو الدي زوجني من الف الي الياء بعد انتهائي من التجنيد
ماد افعل للحصول علي العمل بحثت في كل مكان علي عمل دون فائده
حتي حصلت علي عمل 12 ساعه يوميا براتب شهري 150 جنيه مصري
وعندي بنتي تريد لبن يوميا 3 جنيه
ضاقت بي الدنيا بعت دهب زوجتي واستلفت فلوس كمان وحصلت علي فيزه
الي الامارات مرت عليها سنتان شوفت فيها اشكال الزل والمراره من سوء المعامله
والتحكم وكنت ابكي وانا نائم دموع مره واتحملت لحد ما سدت ديوني وبدءت من الصفر
كان معايا بعد السنتين دول 10 الالف جنيه
تركت الامارات وقولت اموت من الجوع احسن
ورجعت مصر ربنا اكرمني بطفل
اتولد ناقص ايام دخل حضانه خاصه ومستشفي خاصه
علشان مفيش واسطه يدخل مستشفي الجامعه او التأمين الصحي
خلصت ال10 الالف جنيه وابني مات من الاهمال
بعد الفلوس ماخلصت حاولت ادخله في اي حاجه عامه
لكن وستطي كانت ربنا مش نفعت معاهم
رجعت يا عمر
لا فلوس ولا ابني رجع معايا
ولا شغل ولا نيله
انا ومراتي وبنتي
قولي اعمل ايه
بالصدفه عرفت ان مجموعه مسافره اليونان
وقالو دي انتحار ممكن نغرق ونموت
والله العظيم انا قولت كويس اموت احسن ما انا قاعد زي عدمي
في الايام دي كنت بشتغل في المنصوره في المحاره عارف طبعا المحاره كويس
المهم ركبت البحر اسبوع لحد اليونان
والله والله والله
كل الناس كانت في رعب وخوف من الموج والليل والظلام
وانا قاعد اقول كلمه واحده طول الاسبوع
اقول يارب انا شوفت غضبك
عايز اشوف رحمتك يارب
اقسم بالله ما كان علي لساني غير الكلمه دي
كنت اتمني الموت افضل ماارجع تاني مصر
الجوع صعب وانت عارف الراجل اللي مش يقدر يصرف علي بيته شكله بيبقي ايه

الناس اللي انت عارض صورها دي
طلعت من الهم والقهر وقله الحيله
العجز صعب علي الرجال والدنيا مش بترحم
الناس دي بتهرب من الفقر الي اتجاهين هما الموت او الحياه
لانهم في وسط المحروسه مش لاقين الحياه
انا من الصور دي انا واحد منهم انا كنت بينهم انا حاسس بيهم
انا وصلت اليونان لابس تشرت وشورت وفردة شبشب واحده التانيه طارات في البحر
كل مااقبل مشكله اقول انا اللي كسبان انا سفرت ازاي ودلوقتي بفضل الله بقيت ازاي

الحمدلله رب العالمين بقيت صاحب املاك بفضل الله تعالي ثم ببعدي عن المحروسه

انا اسف اني طولت بس الصور اثرت فيا ولو املك شيئ كنت ابوس راس الناس اللي في الصور دي

تسلم عمر صلاح

شكرا ليك عرايشي على الإضافة الجميلة والتي تعودنا عليها منك في ردودك الخلاقة والجميلة

شكرا ليكي آلاء مرورك الكريم وابداء النصح

أما بالنسبة للاخ عمر فقد استفاض في الكلامات بحيث طرق النقطة الحساسة والتي من وراءها طرحت موضوعي

بالفعل يا عمر الموضوع ليه وجهين فقد كنت اتسأل ولا اطرح موضوع

كنت اتسأل إن كانت الهجرة سواء الشرعية أو غير الشرعية هروب هي من السيء إلى الأسوء أم هي شيء دون ذلك

عمر والله انا مقدر كل الي انت قلته في ردك وانت لم تطيل وكنت اتمنى ان اسمع اكثر من ذلك

ولكن يا عمر انا ما طرحتش الموضوع للنقاش وانا مولود زي ما بيقولو وانا في بقي معلقة دهب

كتير مننا عانا من الضيق في العيش في بلده

كتير شاف ألم وعجز في أثناء وجوده في بلده وكان عنده اهداف نفسه يحققها ولكن ضيق ذات اليد كان هو المانع من الوصول للاهداف دي

وحتى الي ما كانش عنده هدف كان عنده حلم أنه يعيش مستور في وسط اهله ولو في أضيق الحدود

رحلتك يا عمر لا تختلف عن رحلتي بل وكأنك كنت تحكي قصتي مع القليل من التغير في بعض النواحي

والله قد رايت أكثر مما رأيت أنت ولا أقصد الانتقاص من الآلام الي انت شوفتها في حياتك

ولكن طول عمري وانا قدامي حكمة جميلة متخذ منها مبدا في حياتي وهي أنه لكل مجتهد نصيب

وهذا النصيب ليس فقط في الهجرة خارج بلدي ولكن بما أني قد قررت أني اهاجر فلازم أكون نموذج طيب وحسن تتشرف بيا بلدي في الخارج وده الي انا بسعد بيه ومصبرني على غربتي

ولكن انا عندي ليك سؤال يا عمر

لو لا قدر الله لا قدر الله أثناء هجرتك الي انت قمت بيها حصلك لا قدر الله مكروه يا ترى اليونان بما فيها من أموال وخير هل كانت ستعوض أهلك عنك ؟؟ هل كانت ستعوض زوجتك وابنتك عنك ؟؟

مش عارف اقلك أيه يا عمر ولكن الحمد لله أنك كنت من المحظوظين الي نجوا وقدرو بفضل من الله أن يغيرو واقعهم الأليم

والله انا كان عندي كلام كتير ولكني اكتفي علشان ما اطولش عليكم

بارك الله فيكم جميعا ونجانا الله جميعا من المهالك

والسلام عليكم ورحمة الله وبركاته

قدر الله لا قدر الله أثناء هجرتك الي انت قمت بيها حصلك لا قدر الله مكروه يا ترى اليونان بما فيها من أموال وخير هل كانت ستعوض أهلك عنك ؟؟ هل كانت ستعوض زوجتك وابنتك عنك ؟؟

عايز اقولك علي حاجه
احنا ديما نقول لو كان فلان هنا عايش بنا كان زمان وضعنا احس
كنا عيشنا في الامان كنا عملنا مش عارف ايه
المقصود يعني انني بنحلم احلام متوقفه علي وجود شخص هيحققه لنا
ان كان اب او اخ او ابن اي اسم كان
انما لو كان الشخص ده عايش بنا ولا يحرك ساكن ولايقدم ولا يؤخر
فعدمه افضل من وجوده
ان لم استطع العيش بكرمه فالموت ارحم بكتير من نظره تقليل او فقدان الثقه
كلام واحساس وطعم ملهومش وصف بس اللي يشوفهم يحسهم
كما قال الامام الغزالي
من داق عرف
شكراااا عمر

عمر الأحساس الي انت بتقصده انا عارفه ولكني بختلف معاك بعد تجربة طويلة والله

يا عمر وجودنا مش لازم دايما وفي كل الأحوال يكون مرتبط بالي احنا بنقدمه وخصوصا مع أهلنا

انا شايف أنه مجرد فرحة ولو بكلمة تدخلها على اهلك خير من أن تبني قصورا لا حياة فيها

صلة الرحم يا عمر ربنا لم يعلي شأنها إلا لأنه يعلم عز وجل قدرها

أنا عارف أننا عايشين في عالم صارت فيه الماديات تشغل حيز كبير منه

ولكن في المقابل في إيجابات وصلة في حياتنا مع أهلنا عمرها ما ارتبطت بالمال ولا بما نقدمه لأهلنا

انا عارف أنك يمكن مش مقتنع بوجهة نظري ولكن في كل الظروف الحمد لله على نعمة الإسلام وعلى أن سترنا من عيوبنا التي لا يعلمها سواه

جزاك الله خير وجعل كل جنيه تصرفه على أهلك في ميزان حسناتك

لأن رسول الله صلى الله عليه وسلم قد أخبرنا في حديث ما معناه بأنه

"خير دينار تنفقه دينار تنفقه على أهلك ".

فاللهم أجعلنا ممن فعل ذلك ابتغاء وجهك الكريم فجزيته عنه خير الجزاء والملسمين

زائر

انا اكيد مش عند رد

لكن انا لو تكلمت فى موضوع مثل هذا ماذا اقول

عمر عبد الرحمن انتا عندك حق فى كلامك فعلا اصعب شىء ان الانسان يشعر بالعجز وعدم المنفعة من وجودة يعنى هيخصر ايه اكتر من ذالك
فعلا هيا اقدار لو كان مكتوب لنا نموت بهذة الطريقة لامفر من قدرنا ابدااااا

وكدة كدة هنموت فى اى مكان مهما كان

واكيد عمر صلاح وجهة نظرك ورأيك لا خلاف انه صحيح ومنطقى

لكن اوقات كتير الظروف بتحكم علينا مانكرهه

خصوصا اذا كان هذا هو السبيل الوحيد للخروج من هذة الظروف الصعبة

والحرمان من الاهل والخلان اكيد شىء مش سهل ابدا عليكم

وانا مهما اتكلم او اشارك
بصراحة انتم اكثر اتنين ممكن تكون عنيته من هذة الظروف

واكيد كل انسان له ظروف تختلف عن الاخر

وفى النهايه

ربنا يحميكم ويكرمكم ويحفظكم من كل سؤ

وان شاء الله قريب ترجعوا لبلدكم فى احسن حالا ان شاء الله

جزاكي الله خير آلاء على التواصل وطرح وجهة النظر

وأعان الله كل من كُتب عليه أن يغترب عن أهله وبلده

اللهم اللهمنا الصبر فأنت ولي ذلك والقادر عليه

والله الوضع كله سئ والمفروض العنوان يكون هروب من السئ الى المجهول
لان المجهول ده اما يكون سئ او افضل مجرد لعبه حظ بيقامر بيها من تقفلت جميع السبل لديه للعيش
فى حكايه عمر هرب فيها للمجهول وكان حظه كويس وربنا كرمه
وفى حكايه عمر تانى غرق ايه النتيجه تحويشه ابوه او صيغه امه ضاعت الى جانب ضياع عمره الفتى الى جانب حزن عائلته الشديد وضياع اخر بريق امل لديهم متمثل فيه فاصبح الحال لاهله اكثر سواد واصبح حاله حال المنتحر
ده رايي الخاص وربنا يعين العالم

شكرا ليكي مرورك الكريم

ولكني وضحت أنه الموضوع يحمل أكثر من معنى كما قمت بالرد على الأخ عمر

فيمكن أن يكون المجهول أسوأ من السيء ويمكن أن يكون أفضل فلو لاحظتي أن العنوان كان

أهروب من السيء إلى الأسوأ وبين بالصور التي شملها الموضوع

جزاكي الله خيرا

كم انا سعيد بمرور الدكتوره هنا
علي الاقل تعرف مأساه الناس اللي زيي
وليه احنا فقدنا الثقه في الوطن
والناس اللي كانو مش حاسين بنا
وفي ردها قالت انه انتحار
مع ان عدم فعله كان انتحار بطئ
وعندنا مثل بيقول وقوع البله احسن من انتظاره
بس اتشرفت بردك يادكتوره
وشكراا للاخ عمر علي الموضوع الجميل
اللي من خلاله عبرت عن نفسي
ويمكن تكونو عرفتوني اكتر
رمضان كريم