السلام عليكم ورحمة الله وبركاته
لما الواحد فينا بيكون غايب عنه حد بيحبه
وبقاله كام شهر مستنيه يجى بفارغ الصبر ..عمال يفكر ..هقابله فى المطار ..وهجهز كل حاجه علشانه ..ده من اعز الناس عليا..هو انا ضامن اشوفه تانى ..!!
ولما يكون المنتخب عنده ماتش مهم بيجهز من قبليها بشهر ..ويعمل معسكرات فى المانيا وفرنسا وموزمبيق ....الخ
سؤالنا يا جماعه هو ...ماذا اعددنا لرمضان؟؟؟؟؟؟؟؟؟؟؟
فيه موقف كان بيحكيه قدامى احد الاخوة كالتالى :
كنت خارج من يومين من المسجد بعد صلاه الفجرفقابلت جماعه زمايلى فسالتهم جايين منين ؟قالوا كنا ساهرنين مع بعض بنتفرج على فلمين ونلعب بلاى استيشن ..طب وقيام الليل يا رجاله ؟؟طيب صليتوا الفجر ؟؟طبعا لا..قالولى احنا رايحين نلعب كوره ..تيجى معانا..قولتلهم انا صايم مش هقدر ..فواحد قالى :يانهار انت صايم ليه ..؟؟هو رمضان لحق جه واحنا منعرفش ولا ايه؟؟المهم الرجاله لعبوا وناموا وضيعوا حتى صلاه الجمعه..!!!ولا حول ولا قوه الا بالله..
للدرجه دى الاستهتار وصل بينا لكده
يا جماعه لو اللعيب مسخنش قبل ما ينزل الملعب بيجيلوا شد فى اول خمس دقايق..اذا كان ده حالنا قبل رمضان ..!ليه بنستغرب ان احنا مش بنقدر نكمل رمضان بنفس الروح العزيمه اللى الكل بيبدا بيها اول الشهر..؟؟
استعدينا ازاى لرمضان؟؟
ان عارف ان الاجابه محرجه جدااااااااااااااااااااااااااااااااا عند معظم الناس الا من رحم ربى...خاصه لما نقرا فى سيره الصحابه والسلف
ونشوف هما كانوا بيجهزوا ازاى للشهر العظيم ده
وقد ايه فعلا كان صدقهم مع الله فكان ربنا بيقويهم ويباركلهم فى شهر رمضان..
الواحد بيبقى هاين عليه يعمل اي حاجه فى نفسه علشان تبطل الاستهتار والتهاون والغفله اللى احنا عايشين فيها..!!
لما نيجى نشوف اهل الباطل بيستعدوا ازاى للشهر من قبلها بشهوووور بالافلام والمسلسلات والفوازير وبرامج المسابقات وكل حاجه عايزين يلهوا بيها الناس عن طاعه الله ..
المفروض ننكسف من نفسنا شويه ...هنقول ايه لربنا؟؟؟؟؟؟؟؟
يا جماعه الناس اللى عليهم امتحانات..قد ايه عمالين يذاكروا ويدعوا...وفى ناس والله مش بتنام غير ساعتين ولا تلاته..ده كله علشان امتحان دنيوى لو الواحد رسب فيه لا قدر الله حتى مش فارقه معاه..
انما لما يكون الواحد داخل على شهر رمضان ..يبقى لازم يفووووووق..لازم يصحى من النوم اللى هو راقد فيه طول السنه ..رمضان ده اخطر شهر فى السنه كلها وكلنا عارفين الاحاديث التى بتوضح كده ..
فرصه لا تعوض..مين فينا ضامن يعيش لرمضان السنه الجايه ..مين فينا يضمن عمره ولو للحظه جايه.؟؟
احنا داخلين باذن الله على اكبر نفحه من نفحات ربنا فى السنه ..
ولما الرسول يدعى بالخسران على اللى يطلع من رمضان وهو لم يغفر له يبقى عايز ايه تانى من الدنيا !!
باذن الله مبقاش ايااااااااااام على رمضان ..عايزين الناس تشد حيلها فى الايام دى ..عايزين الناس تحس بخطوره الشهر ..عايزين الناس تعرف ان الثانيه فى رمضان من دهب..بل اغلى والله..
عايزين شعارنا فى رمضان ان نكون عبدا ربانيا وليس رمضانيا
عايزين الرسول عليه الصلاه والسلام بشوف اعمالنا وبفتخر بينا وده كلام ربنا سبحانه وتعالى
" وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ .."
عاييزين نبدا صفحه جديده مع ربنا ومع دستورنا القران
ومع سيره الرسول عليه الصلاه والسلام
ومع زياده طاعتنا لله بالصلاه المفروضه فى اوقاتها
والسسن اليوميه واذكارنا اليوميه وذكر الله والدعاء
بالله عليكم
يلا نشد حيلنا نستعد لأعظم شهر..
أسأل الله ان يبلغنى واياكم الشهر الكريم..
اللهم امين..
موضوع: سؤال محرج....؟ 
الأحد 1 أغسطس 2010 - 14:10
