على فكرة أحنا لسه عيلة اسمها وجنة

عيلة اسمها وجنة


انتو عارفين في البداية أما دخلت وبعد كام يوم بجد حسيت أني لقيت عيلة تانية غير عائلتي الي في الواقع بتاعي

ومع أني عيلتي كبيرة جداً وماليين حياتي

ولكني بالفعل معاكم فكري اتطور ومعرفتي زادت من ساعة دخولي المنتدى الجميل ده

والي فيه أتعرفت على أشخاص أكن ليهم كل ود واحترام وتقدير وتعلمت منهم مع الوقت حاجات كتير جداً


اتعلمت أقول حاجات أحيانا مش بلاقي في الواقع إلي حوليا حد بيفهمها أو بيقدرها أو أنهم بيستخفوا بيها مش عارف ايه السبب


يمكن السبب ضيق الأفق بتاعتهم أو اعتيادهم على سماع حاجات غريبة مني أو أنهم شغلاهم الدنيا ؟؟


المهم بئه أنا النهاردة سعيد جداً أني اتعرفت على العيلة دي سواء الي كانوا موجودين في البداية عند دخولي

ولا الأعضاء الجدد الي لسه ما شوفتش موضوعاتهم ولا ردودهم


وعلشان اكون صريح اكتر انا اما دخلت كنت متحفظ بعض الشيء في تعاملي مع الكل

ودي طبيعة فيا أني مش بستبق الأمور وبخلي كل حاجة تيجي بشويش يعني ستب باي ستب زي ما بيقولوا

واما دخلت المنتدى كان في أعضاء غير متواجدين دلوقتي مش عارف هما فين ولا أيه سبب بعادهم عننا


يعني نقول موندي ومريم الحقيقة وكريستين وأميرة مصرية دول أعضاء نادر دخولهم المنتدى أو أنهم انقطعوا بالفعل عن دخولهم المنتدى نهائيا

وفي بعض الأعضاء الي بيعزوا علينا الدخول

زي العرايشي وبرديس ووجنة والسعيد وهيما وأعضاء كتير يمكن ما يكونش ليا معرفة بيهم إلا من خلال المنتدى

إلا أنهم زادوا معرفتي حتى بموضوع انا يمكن ما أكونش رديت عليه

وعلشان كده انا حزين بالفعل على خروج الناس دي ومع ذلك بقدم ليهم كل الشكر والتقدير على كل ما قدموه لنا في هذا المنتدى
وكذلك بتقدم بالشكر للأعضاء الي بيسرنا تواجدهم معانا دايما وابدأ بــــــــــــــــــــــــــــــ

الأخ رياض والأخ عمر والأخ النسيم العابر والأخ حمودي الروش والأخ .....

الصراحة الأخوان كتير ما شاء الله وانا معلش الذاكرة عندي دايما بتفصل فمعلش بئه على نسياني لأحد أركان هذا

المنتدى لأنه كل عضو بيساهم معانا بيعتبر ركن من أركان المنتدى

وكذلك أتقدم بالشكر للأخوات البنات من الأعضاء عضوة عضوة طبعاً بدون ذكر أسماء لأني بنسى وعارف أني لو نسيت اسم واحدة مش هترد على الموضوع

ههههههههههههههههههههههههه

المهم يا أعضاء وجنة الكرام جزاكم الله خيراً جميعاً على الروح الطيبة التي تقدموها لنا في كل ما تقومون بوضعه

من موضوعات شيقة ومفيدة وتطور من عقولنا وإن كان الرد في بعض الأحيان لا يليق ببعض الموضوعات ولكني عايز انوه على شيء

أنه أي موضوع ما لم يكن مكرر في المنتدى بيعتبر إفادة لينا جميعاً ومعلش لو كانت الردود ضعيفة في بعض الأحيان

أنا هقولكم على حاجة شخصية بالنسبة ليا

أحيانا بقرا موضوع جميل جدا ومفيد جداً ولكن الحالة النفسية بتاعتي مش بتكون بتسمح بردي على الموضوع ده

يمكن لأني مش متعود على الشكر البسيط في الموضوع أو لأني مش بكون في أي مزاج يسمح لي بالرد وعلشان كده

يا أخواني الكرام لا تحزنوا ولا تيأسوا من قلة الردود أو عدمها وأعلم

أعلم جيداً بأنك بمجرد دخول قسم معين من منتدى وجنة وضغطك على زر موضوع جديد وكتابة هذا الموضوع

فأنت بذلك قد قدمت لنا نصيحة بشكل أو بآخر ومن جهة أو أخرى

ووالله أني أكن لكم جميعاً كل حسن ظن وتقدير وكلنا يا جماعة بشر ونخطئ ونصيب

والنصح سهل جداً على النفس ولكن الأمر الصعب هو تقبل النفس للنصح


ومعلش بئه لو كنت في يوم من الأيام زعلت حد من أحبائي الرجال أو أخواتي البنات ووالله ما قصدت أزعل حد فيكم خالص


ولكن الحالة النفسية هي التي تسيطر عليا في ردودي


وعلشان كده أنا بتوجه بالدعوة لجميع الأعضاء بدون استثناء أنه ما حدش يزعل من حد ولا حد ياخد على خاطره من حد

ونحاول أننا نكون كل واحد فينا شيء مكمل للآخر في فكره وتفكيره في ردوده وتعبيراته

وبالنسبة للبنات ليهم كلمة طبعاً عندي وهي أنه


كلنا هنا أخوانكم وما تزعلوش من أي أخ قال كلمة تزعلكم مننا لأننا على أد حالنا

ومش بنعرف أوي يعني في التعامل في بعض الأحيان مع الجنس الآخر

وبالنسبة ليا أنا أنتوا بئه يمكن أنتوا عارفين الصعايدة الي بتتريقوا عليهم في المنتدى وأنا ساكت هههههههههههههه


وطبعا مش عايز اشكر في الأخوة الرجال علشان ربنا قال ((لا تزكوا أنفسكم)) ربنا هو الي بيزكي من عباده من يشاء

وختاماً أني أحبكم في الله وأرجوا من الله أنه عندما يأتي اليوم الذي أبتعد عنكم أو يبتعد أحد منكم عني

أن نكون في هذا الوقت أخوة كما تعرفنا على بعضنا من خلال هذا الصرح

فالحياة فيها نتعلم وليس من لا يخطئ ويصيب يتعلم فلابد لنا من أن نخطئ ونصيب ولكن لازم نتعلم من أخطأنا

ونقتدي بالصواب من أفعالنا لأنه ربنا قال يا أخواني ((ما يلفظ من قول إلا لديه رقيب عتيد))..

ربنا يبارك في أعماركم جميعاً وأعمار المسلمين آمين يا رب ويجعل عمل يوم من أعمالكم بعمل سنين آمين يا رب

وبعدين احنا منتظرين ليلة القدر الي قيامها والانتفاع بيها خير من ألف شهر

يعني ما يعادل عمل 83 عاماً ويا رب كلنا وأمة المسلمين ينتفعوا بفضل هذه الليلة الكريمة

يعني بصوا على كرم ربنا وفضله على أمة المسلمين خير أمة أخرجت للناس

الي غلط في حق أخوه دلوقتي حالاً ما يستناش يقول يا رب أني مسامحه

ويدعيله علشان ربنا يغفرله غلطه في حق أخيه المسلم


مع السلامة وربنا يحفظكم يا أبناء المسلمين


ملحوظة :: متفائل أوي أنا وأنا بكتب الموضوع ده ... يا ترى وأنت بتقراه أيه حالتك النفسية ؟؟!!


يا رب تكون في خير وسلام ومتفائل برحمة ربنا لأنه لا ييأس من روح الله إلا القوم الجاهلون

ربنا يجازيكي كل خير أختي في الله أحزان زمان

والله أنا عارف أني كتبت الموضوع بعفوية وما عرفتش انتقي الفاظ أو ادعم موضوعي بحاجات عظيمة زي الي أنتي اضفتيها للموضوع ربنا يبارك فيكي وفي بناتنا وبنات المسلمين أجمعين

وبالنسبة للشق الي ذكرتيه المتعلق بحسن الخلق

تذكر أن من مكارم الأخلاق : أن تعفو عن من ظلمك ، وأن تعطي من حرمك ، وأن تصل من قطعك .

والله العظيم أحساس جميل بالفعل ولا يوصف عندما أفعل ما تقوليه، وبالأخص أن أصل من قطعني وكذلك عندما أعطي من حرمني وأعفو عن من ظلمني

ربنا يبارك فيكي ويجعله في ميزان حسناتك


يا جماعة مش بقلكم عيلة واحدة طول ما أحنا بنحب الخير لبعض

وبنحافظ على الاحترام المتبادل ما بينا وما بين بعض حقاً نحن عائلة واحدة

الله يبارك فيكي يا أخت أحزان

وعادي والله لأني عمر ده اسمي يعني مش هزعل لو استخدمتيه في الرد


وانشاء الله يجعله ربنا في ميزان حسناتنا وحسناتك وحسنات كل الي بيقرا حتى من غير ما يرد

ربنا يبارك فيك اخى
ويجعله يارب فى ميزان حسناتك
وفعلا والله بحس اننا هنا كلنا اسره واحده وبيجمعنا الحب فى الله والاحترام ويااااااااارب ما يحصل اى مشاكل ولو لاقدر الله حصل اى سؤء تفاهم يارب نرجع زى الاول بحبنا فى الله لبعض واحترامنا لبعض
ربنا يجزيك خير يا اخى على هذا الموضوع المتميز وبصراحه اشهدلك ان فعلا موضيعك كلها متميزه ومبدعه ودى حاجه مش جديده عليك
ربنا يبارك فيك اخى فى الله ويجزيك خير يارب على كل حرف تكتبه وتقدمه لنا نصيحه
والحمد لله انا كمان متفائله جدا وانا بقرا وبرد على الموضوع
بارك الله فيك اخى فى الله

ربنا يجازيكم جميعاً خير ويبارك فيكم اخوة واخوات

ويهدينا ويصفي نوايانا ويجعل عملنا باطنه مثل ظاهره