خليك فى حالك يا غلس

بــسمـ الـلـهـ الـــرحـمـنـ الـرحـيـمـ

سـلامـ عـلـيـكـمـ ورحـمـهـ الـلـهـ وبـركـاتـهـ

خليك فى حالك يا غلس

نتكلم بقي فى الموضوع.

يا جماعة موضوع الاعتداء على حرية الاخرين والتدخل فى شئون ملناش علاقة بيها ، وعدم

احترام اراء الآخرين ، والنميمة على اى حد حتى لو ماشي فى الشارع ومنعرفش عنه حاجة

بقت حاجة منتشرة وسخيفة قوى وغير محترمة .وانا اقصد بكلمة التعدى على حرية وحقوق

الاخرين الحقوق الدينية والدنيوية .يعنى مثلا الراجل اللى بيشرب سجاير فى اى مكان يدخله ،

دة واحد بيتعدى على حقوق الاخرين فى الراحة فى المكان اللى هما فيه، هما مش داخلين

عشان يتخنقوا او يتضروا صحيا.دى حاجه .

وحاجه تانيه .

الناس بقي اللى بتسأل فى اللى ملهاش فيه خالص دى يعنى مثلا.

1 / هو انت متجوزتش ليه لحد دلوقتى؟

2 / هو انت ليه سايب شعرك كده ؟ ده كبير أوى !

3 / هو انتى ليه بتحطى ميكاج

4/هو انتى مش محجبه ليه؟

5/هو انت ليه لابس كدة؟

6/هو انتى ليه متلبسيش اسدال؟ (الإسدال نوع من انواع الحجاب )

7/هو انت ليه متحاولش تبص كدة فى القرأن وتقارن بين الدين الاسلامى والمسيحى (الاسئلة

فى الموضوع دة كتيرة اوى اوى واشكالها مختلفة)

8/الست دى ماشية كدة ليه؟

9/هو الراجل دة لابس كدة ليه؟

10/ايه دة ايه حد فى الدنيا يلبس احمر على ازرق؟ دة طبعا واحد بينم على واحد ميعرفوش

اصلا .

11/هو ليه مش بيشترى هدوم كتير ويغير فى لبسه؟

12/دى اكيد بنت قليلة الادب طالما ماشية مع اولاد؟ (وطبعا ممكن تكون ياعينى ماشية مع

اخوها ولا خطيبها ولا جوزها )

13/هو انتوا ليه اتطلقتوا؟

14/ ولما تيجى تتكلم فى الموبيل تلاقي واحد متعرفوش اصلا بيقللك كنت بتكلم مين؟

15/ هى ليه بتتكلم فى التليفون وهى ماشية فى الشارع ؟.. يا عم دى بتتمنظر علينا، آل

يعنى محدش غيرها معاه موبايل. (على اساس انه متأكد انها بتتكلم عشان تغيظه مثلا)

16/انت ليه بتحب النوع دة من المزيكا ؟ (سؤال غبي طبعا)

17/انت ليه مدايق اوى كدة ؟ (ولو قال مثلا مفيش حاجة مدايقانى او قال معلش دى حاجة

خاصة اللى قدامه يزعل ويتخنق ويقول دة بيتكبر عليا مع إن تبقي ممكن علاقتهم مكملتش اسبوع)

18/انتى ليه تخينة اوى كدة ؟ ( متخسي)

او انت ليه رفيع اوى كدة ؟ (انتى لازم تتخن شوية

مع ان اللى بيقول كدة دة ممكن يكون مفيش علاقة بتربطه باللى قدامه ابدا )

19/انتى ليه صابغة شعرك اللون الغبي دة؟ (طبعا هنا مفيش احترام للاذواق خالص)

20/هو انتى او انت مرتبط ؟؟ (بردو ممكن حد حشري يسألك السؤال دة وهو ملوش علاقة بيك
ولا حاجة خالص)

21/انت على فكر رأيك متخلف جدا؟

(هنا طبعا مفيش اى احترام للاراء ودى جملة بس مختصرة فى اشكال كتيره من الكلام اللى
مفهوش احترام للاراء)

22/انت ليه مبتقلش السلام عليكم؟ ليه بتقول مساء الخير؟

دى بعض الجمل لو قعدت اقول فى جمل زى كده مش هخلص.

الجمل دة ممكن نقبلها من حد قريب قوى مننا ،انما مش من اى واحد كدة يسأل فى اى
حاجة.

دى حاجة حاجة التانية مهمة قوى بقي،سواقين التاكسي الرغايين اوى دول اللى الشكوى زادد
منهم قوى ، نفسي يرحموا أ نفسهم من التدخل،يعنى مثلا وحدة ولا واحد يركب معاه ،يبتدى

، هو انت بتشتغل ايه هو انت مش عارف ايه؟؟

هتقللي ناس طيبين وغلابه ، حأقول لك ماشى . بس ميتكلموش فى حاجات شخصية.

فهل الناس مش عارفين كلام ربنا
((( يَا أَيُّهَا الَّذِينَ آمَنُوا لا يَسْخَرْ قَومٌ مِّن قَوْمٍ عَسَى أَن يَكُونُوا

خَيْرًا مِّنْهُمْ وَلا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلا تَلْمِزُوا أَنفُسَكُمْ وَلا تَنَابَزُوا بِالأَلْقَابِ

بِئْسَ الاِسْمُ الْفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ ))

فعلا اغلبية الجمل دي بتتقال من اشخاص لاشخاص مفيش صله بيهم اصلا
عندك حق ( خليك في حالك يا خلس )
شكرا النسيم العابر
علي إثارة هذا الموضوع

شكرا بطة على ردك الجميل و زى ما قولتى بقى فيه ناش غلسه كتير قوى

بتدخل فى حاجات مش تخصها

شكرا لك

زائر

موضوع جمييل جدا نسيم

لكن فعلا فى اسئله بتكون رغبه منى ...يعنى مثلا انا مش بحب حد يقولى صباح الخير ولا مساء الخيرولاهاى ولا الكلام دة...تحيه الاسلام وبس
هل انا كدة غلسه وبتعدى على الحريات....والله دى حريه شخصيه بنسبالى انا ..واوقات كتير بتكون رغبتى فايدة ان علمت حد شىء ايجابى

ممكن الانسان يسئل اسئله بنيه النصيحة والخوف على الاشخاص

يعنى مثلا بنسبه للحجاب ممكن اتكلم بطريقة الخوف عليها من عذاب ربنا ....لان فى ناس كتير ل تملك الوعى الدينى

او مش لقيت حد يعرفها الحرام والحلال

( من رأى منكم منكرا فليغيرة )......لكن الاهم طريقة الكلام

والاهم من الكلام اننا نكون نعرف الشخصيه ونكون متأكدين انها هتتقبل الكلام

وفى النهايه بشكرك جدا نسيم على موضوعك الجميل

تقبل مرورى

شكرا والله صح
بس اللى يسأل لازم يسأل حد عارفه كويس
وبعدين ممكناللى يكون بيسأله يحرجه ويقوله ملكش دعوه وبقت كلمة على لسان الكل
تسلم

تسلم يا نسيم
عندك حق يا الاء
في حاجه بنحب نسالها
وبرده في حاجه نحاول وننصح الشخص ده بتغيرها
زي ما قالت بنوته
لازم نكون عارفين الشخص
ده
لان مش اي حد نكلم معاه

زائر

موضوع رائع تسلم اخى
وفعلا بقى كتير جدااااااااا التطفل عند الناس بطريقه غير معقوله
بس طبعا زى ما قالت الاء او حاجه خاصه بالدين اكيد نيتنا مش تطفل
بتبقى نيتنا نصيحه لله مش اكتر وخوف على الناس من عذاب الاخره عياذا بالله
يعنى نوع من النصيحه والتوعيه الدينيه
مش اكتر
اما لو حاجه تانيه بتبقى فعلا تطفل غريب
ربنا يهدى جميع المسلمين يارب
جزاك الله خيرا على الموضوع

انت ليه عامل الوضوع دا ؟
هههههههههههه

عندك حق والله يا النسيم

بس للاسف دى بقت حاجة منتشرة جدا وبقت عادية فى الزمن ده

تسلم

ههههههههههههههههههههههههههههه

فعلا نسيم عندك حق
غلاسه غلاسه
هههههههههههههههههههههههه

ودى بتعتبر اعتداء على حرية الاخرين
والتدخل فى حياتهم الشخصيه وفيما يرغبون

فضول والعياذ بالله

شكرا نسيم

» كيف حالك ؟؟ انا بخير ....
» خليك كاجوااال
» خليك في السريع مع الـ mmu