حب أون لاين ... أو دوت كوم !

حب دوت كوم

او اون لاين

يبدأ بتعارف ثم صداقة، ثم اعجاب، ثم حب.

وينتهي بكره أو فراق بدون أي اسباب.

وإن كان هناك من مصيبة فهي أن الحب ده ما ينتهيش وما يعرفش كل واحد من الطرفين أنه الحب ده غير صادق

ولو الظروف ساعدت الطرفين وتم الزواج، في الحالة دي فقد وقع المحظور.

الأمور تظهر على حقيقتها ويلاقي كل طرف من الطرفين أنه كان بيكلم شخص دبلوماسي

شخص يحاول في كتر من الأوقات إخفاء حقيقة ردود أفعاله.

هتقولي لا ده كان بيكلمني بصدق وعلى طبيعته وهي هتقول كده

هقولك انت بتكذب على نفسك أزاي تصدق مشاعر وأحاسيس خارجة من جهاز أصم

جهاز ما بيعرفش للمشاعر طريق ولا فيه مكان للحب

جهاز ما بيعرفش غير الأوامر. أمر تشغيل أمر إطفاء

بص كويس على الجهاز الي قدامك لو لقيت فيه زر حب ممكن في الحالة دي اصدقك

يا اخي ويا اختي فوق وفوقي من وهم الأسلاك

انا هحاول افسر الاحساس الي بنحس بيه تجاه الشخص ده

ممكن يكون اعجاب، أو احترام، أو أقصى حد يكون تعلق بشخص بتكلمه 3 أو 4 أو 5 ساعات في اليوم

ده انت لو عملت كده مع طائر انت مربيه مش بيرد عليك ولا يمكن يحس بيك اكيد هتتعلق بيه وتحس انه بيحبك

فما بالك بانسان ممكن في بعض الاحيان يكون محتاج انه يسمع كلام جميل

كلام حب او كلام تهون عليه ويهون عليك بيه تعب أو هم حزن انت فيه

الحب دوت كوم اصبح موضة عصرية بتلاحق الشباب والشابات من خلال تواجدهم في عالم الانترنت إلا من رحم ربي

وكفاية علشان ما حدش يزعل

لانه على راي المثل الشعبي عندنا

الي معمر معمر ، والي مزمر مزمر

مثل غريب اوي بس ليه مغزى كبير

السلام عليكم

أتفق معك لدرجة كبيرة يا عمر لكن دعنا نتفق على أمر ان لكل قاعدة شواذ .. النت ممكن

يكون فى بعض الاحيان وسيلة تعارف تعقبها مقابلات أو مكالمات فى النهايه لن يكون النت

و الجهاز الاصم هو مصدر المعرفة الوحيد .. و ان كان الكثير له وجهة نظر منها المتفق

و منها المخالف و فى النهاية الواقع الحتمى و التجاذب الازلى يقول انه يوجد ارتباط حتمى

بين الشاب و الفتاة لان كل منهما يبحث عن الاخر ياخذ منه قدر من اشباع لحاجة نفسيه و

عاطفيا احتياج الحب وحده كفيل بهذا التكوين و هذا الارتباط .. هل هو صح أم خطأ يجيب

عن هذا كل اثنين ارتبطا على النت فأكيد لهم وجهة نظر تختلف أو تتفق معنا ..

و اخيرا على رأى المثل :

اللى معمر معمر و اللى مزمز مزمز .. هههههههههههههه

على فكرة أن عملت بحث على المثل ده فى جوجل ظهر لى هذا الموضوع انه فى منتدى

وجنة

هههههه ارجو من عمر توضيح المثل

زائر

جزاك الله خيرا اخى الكريم
بجد موضوع راااااااااااائع
ودى حاجه مش جديده على حضرتك دايما مبدع بما تطرحه من ابداعات وافكار رائعه ومميزه
ربنا يجعله فى ميزان حسانتك
بس ليا طلب انا بجد مش فاهمه معنى المثل ده ايه
هههههههه
واول مره اسمعه ياريت تفهمنا معناه ايه لو ممكن
وياااااارب يحفظنا جميعا من مخاطر النت

شكرا ليك يا رياض على تعقيبك الي قولت في بدايته انك بتتفق معاي

وخلينا فاكرين كده كويس

المهم يا رياض أنه حتى الشواذ الي تفضلت بذكرها احيانا اما تقوم على أساس غير سليم

فبالمجمل الأمر كله هيكون غير سليم، انا اعرف الحكمة الي بتقول الضروريات تبيح المحظورات

ومع ذلك احنا عارفين امتا بنستعمل الحكمة دي وفي أي إطار

عموماً يا رياض وبخصوص حديثك عن التجاذب ما بين الشاب والفتاة وبغض النظر عن نظرة المجتمع طبعا

فأنا أفضل أننا نبني حياتنا على أسس سليمة من البداية علشان البناء يكون سليم

مهما طال عمر البناء فإنه وإن كان قائم على غير اساس سليم فمصيره السقوط عاجلاً أم آجلا.
طبعا الموضوع أكبر من اننا نحصره في موضوع أو رد ولكني حاولت اتجاوب معاك بعض الشيء لاني زي ما انت عارف

بحب كتير اني أناظرك وكل واحد فينا يقول وجهة النظر الي هو مقتنع بيها
وطبعا اما يخطر في بالي موضوع واحب اكتبه بكون محتاج اني اسمع آراء بتكون في كتير من الاحيان مفيدة وبتساعدني وخصوصا اما تخرج من اشخاص امثالك وامثال اخواتنا في المنتدى

وشكرا ليكي اخت سارة على الرد الجميل والراقي وحسن التفاعل الي عهدته منك

وانا مش عارف ليه المثل محيركم أوي كده
يا جماعة ده مثل صعيدي عندنا معناه والله جميل جداً
وهو أنه الانسان الي بيفهم وعايز يفهم معروف وهو طبعا المعمر الي بستفيد من كل الي يسمعه ويحوله لعمل
والإنسان ضيق الأفق الي مش فاهم ولا عايز يفهم معروف وهو طبعا المزمر الي هو بتاع كلام وبس

بس احنا في الصعيد احيانا بنقول المثل ده في حالة معينة بعينها ومش هينفع اقوله غير في رساالة خاصة للرجال فقط طبعا
بس حلوة حكاية انك عملت بحث في الانترنت يا رياض للدرجة دي المثل كان شاغلك
عموما جزاكم الله خير رياض وساره وبارك الله في اعماركم واديني ما قصرتش

السلام عليكم ورحمة الله وبركاته

هوضوع جميل بجد لكن ايه المثل ده ياعمر

» اخر اختراعات اليابان : من كايرو اون لاين