أنا والغريزة

السلام عليكم ورحمة الله وبركاته

الغريزة هي ذلك الشيء الكامن في وجدان الكائنات الحية على اختلاف أنواعها بيتحرك من غير ما نقدر نشوفه ولا نرى ليه شكل إلا الإشكال المميزة لكل نوع من أنواع وأشكال هذه الغريزة

في بالبداية فبمجرد كلامي مع بعض الأشخاص عن الغريزة بشوفه وبسرعة عجيبة يحصر وبكل ضيق أفق وعدم معرفة الغريزة في نوع أو شكل واحد من أشكال الغريزة ألا وهو (الغريزة الجنسية)
بالطبع لا يخفى علينا جميعاً انه فقدان أي نوع من أنواع الغريزة في الكائن الحي بيسبب ليه عجز على النحو الي فقد فيه الغريزة

الغريزة هي شيء كامن بذاته كيان مش هنقدر نستغنى عنه بأي شكل من الاشكال

أكيد لازم نروض الغريزة دي ولكن كبتها هو مصيبة كبيرة ومحاولات كبت الغريزة هي محاولات فاشلة

ومجرد عناء مالوش أي قيمة وممكن علشان ما نخرجش من الموضوع بتاعنا أننا نبدأ في وصف الغريزة والاشكال الي هي عليها

فالغريزة هي شيء فطري مالناش دخل في وجوده فينا، شيء اتولدنا بيه، مش كده وبس احنا وقبل مجيئنا للدنيا وهو موجود فينا

للغريزة اشكال كتيرة ومصطلحات كتيرة ممكن نطلقها عليها ولكن جميع الأشكال دي عند فقدان جزء منها نصاب العجز

نصاب بالنقص إذا فقدنا شيء أو شكل من اشكال الغريزة

وهنبدأ بأهم وأول أنواع الغريزة وهو (غريزة البقاء على قيد الحياة)*

يمكن في ناس كتير مش عارفة أنه البقاء على قيد الحياة هو نوع من أنواع الغريزة الي اتولدنا بيه ودون تحكم مننا في الأمر ده

وخلينا نبسط الأمور ونقول بعض الأمثل على أنه الشيء ده موجود فينا ومن غير ما نفكر فيه بالشكل الي يخليه على النحو الي احنا شايفينه فينا

لنفترض مثلا أنه في شخص واثناء مروره في الشارع وجاءت سيارة بسرعة كبيرة ومسرعة نحوه

هنلاقي الشخص ده ومن غير أي تفكير أو إرادة منه وبشكل لا إرادي بيجري مبتعد عن طريق السيارة دي

في جزء من اللحظة لا يحتمل التفكير واتخاذ القرار الي بيتحكم في رد الفعل في اللحظة دي هو الغريزة (غريزة البقاء على قيد الحياة) ومنا يفقد شخص الغريزة دي بيصبح شخص ناقص أو مجنون ومختل عقليا

الغريق في الماء وهو مابيعرفش يعوم مع ذلك نلاقي الغريزة بتخليه يكافح ويجاهد للوصول إلى سطح الماء على أمل أنه يلاقي الي ينقذه

أو أنه يلاقي شيء يتعلق بيه، وممكن في اللحظة دي بجد نعرف يعني أيه غريزة البقاء على قيد الحياة.

وزي ما قلنا للغريزة أشكال كتيرة وغير مقبول بأي شكل من الاشكال أننا نحصره في شكل واحد أو نوع واحد

ومن بين الغرائز الي اتولدنا بيه ويمكن تكون بدأت قبل ما نيجي للدنيا هي غريزة الحاجة للطعام والشراب والتنفس

الطفل في باطن أمه وهو مش عارف هو فين ولا ليه عقل يفكر بيه ويعرف ايه هي احتياجاته

بنلاقيه بيتغذى في باطن الأم على نحو أراده الله ليه في منتهى الدقة والإبداع سبحان الله العلي القدير

أكيد ما فيش إنسان عاقل يقدر يكبت غريزة حاجته للطعام ولا الشراب ولا الهواء

طبعا انا بحاول اختصر قدر الأمكان علشان أقدر أوصل لنبذة مفيدة عن كل شكل من اشكال الغريزة الموجودة داخل كل كائن حي وكمان أنا خصيت بالذكر من بين الكائنات دي الكائن الأسمى في هذا العالم ألا وهو (الكائن البشري)

ومن بعد ده ننتقل للشكل التالي من أشكال الغريزة ألا وهو (الغريزة الجنسية)

ويمكن يكون حوار للشيخ محمد متولي الراوي رحمه الله واسكنه فسيح جناته الرد البليغ والقاطع في ماهية وجود الغريزة دي في الكائن الحي بشكل عام وفي (الكائن البشري) بشكل خاص.

سمعت الشيخ الشعراوي وده كان من فترة بعيدة بعض الشيء بيقول والله اعلم أنه وجود (الغريزة الجنسية) في الإنسان أنه لأمر بليغ من رب رحيم

وكذلك هو أمر ضروري وحتمي حتى لا ينتهي وينقرض الجنسي البشري على وجه الخصوص والكائنات الحية بشكل عام.

فالعلاقة الجنسية بمجملها هي عملية متعبة ومرهقة للطرفين في جميع الكائنات الحية ولكن النشوة التي تصحب هذه العلاقة هي شيء فطري يُحفز الطرفين على قبول هذه العلاقة التي ذكرناها بالمتعبة والمرهقة.

ولولا الأمر ده كان الإنسان أو المخلوقات بشكل عام يعزف عن إقامة العلاقة دي وينقرض كل الأجناس

ومش كده وبس ده كان ممكن أحنا انفسنا ولا آباءنا ولا أجدادنا ما جيناش للدنيا لو أنه الأمر متعب ودون أي مردود حسي على الكائن البشري بشكل خاص والكائنات الحية بشكل عام
لذلك أوجد الله هذه النشوه مصاحبة للغريزة علشان خاطر يكون في قبول من الكائنات للغريزة دي

وطبعا أحنا عرفنا الحكمة من وجود الغريزة دي وباقي الغرائز الموجودة فينا وفي الكائنات الحية جميعا

وهنا ممكن يكون لينا وقفة بعد ما اتكلمنا في نبذة بسيطة عن الغريزة وأشكالها

وقفة لمعرفة الأمور على حقيقتها.

تهذيب الغريزة أخواني هو ما يمكن أن يفرق بين الإنسان وباقي الكائنات ويجعل من الإنسان هو الكائن الأسمى على وجه الأرض إن لم يكن من بين كل المخلوقات

والدليل على ده أنه رب العالمين عز وجل أمر الملائكة وابليس بالسجود لأبينا آدم تشريفاُ وتعظيماُ لقدره

ومع ذلك لم يأمر الله أبينا آدم بالسجود لأحد سواه

ومن هنا كان دور كل واحد فينا في تهذيب الغرائز البشرية الموجودة فينا علشان نكون بحق الكائن الأسمى في هذا الوجود

فأعزكم الله الإنسان لو ما قدرش يهذب غرائزه مش هنقدر نفرق ما بينه وما بين الحيوان

والأمر في غاية البساطة فتهذيب الغريزة في تناول الطعام أو الشراب أو المعاشرة الجنسية هو أمر واجب وضروري على كل صاحب عقل

وفي حالة وجود خلل في الأمر ده مش هنشوف في الشخص ده غير ملامح شيء تاني ، شيء غير بشري في زي بشري.

وده أمر حقيقي وحاصل وخلينا نقول أما شخص ما يقوم باغتصاب فتاة أو امرأة احنا بنقول عليه ذئب بشري

واحنا عارفين أنه الذئاب هي حيوانات إذاً تشبيهنا للشخص ده بأنه ذئب بشري نابع من أنه ما قدرش يهذب الغريزة الموجودة فيه

ولينا قياس على الأمر ده في جميع أشكال الغريزة في غريزة البقاء على قيد الحياة أو غريزة الطعام أو الشراب أو أي شكل من أشكال الغريزة

كل ما في الأمر أنه الموضوع دار في بالي أثناء محاولتي التفكير في الأمر بتمعن ومعرفة ماهية الغريزة دي واشكالها والكيانات الي هي بتتسبب بتواجدها فينا

وكنت عايز انوه على أنه فقدان أي شخص لأي نوع من أنواع الغريزة فإنه الأمر ده هيسبب عجز للإنسان ده ونقص

ممكن نحب شخص سواء رجل أو امرأة ويكون الحب ده حقيقي ونابع من قلوبنا

ولكن وللحقيقة فإنه العلاقة الزوجية لن يكتمل عمادها وتبقى علاقة طبيعية إلا بوجود الغريزة الجنسية الي وإن اختفت من أحد الطرفين فهي موجودة في الطرف الآخر وهو محتاج لإشباع الغريزة دي عنده وإلا صار هذا الشخص بدوره عاجز ومفتقد لشيء فطري طبيعي

وعلشان كده كنت عايز اتكلم عن الغريزة واشكالها ولو في موجز بسيط من غير ما نحصرها في شكل معين ضيق

شكرا ليكم والسلام عليكم ورحمة الله وبركاته

موضوعك رائع و كما قولت اختص الله سبحانه و تعالى الانسان بالعقل حتى يفكر فى الاستخدام

الراقى للغرائز التى تشترك فيها كل الكائنات الحيه

و للغرائز مراحل اشباع متعددة تبدأ بالقليل و تنتهى باشباع كامل .. فهذا الرجل الذى يمشى فى

الشارع و يسرع الخطى لدى خروجه من عمله جائعا و يمر بالمطاعم و يشم رائحة الاكل فيحدث له

اشباع مؤقت و تلك البنت أو هذا الشاب الذى يستمع لكلمه حب او رسالة رقيقة كل هذا اشباع

مؤقت ينتهى بالاشباع الكامل مع جلوس الرجل على مائدة الطعام و عندما يرتبط الشاب بتلك الفتاة

بالزواج .. هنا تحدث الدرجة الكلية من الاشباع

شكرا لك عمر على موضوعك الجميل

تقبل تحياتى

شكرا ليك يا رياض على ردك الجميل واالممتع والراقي

المتفهم لحقيقة الموضوع والملم بيه وطبعا لا اختلاف ما بينا انشاء الله