كيف تصطادين عريسا

ملخص كتب د/السباعى عبد الرءوف السباعى / كيف تصطادين عريساً وتحافظين عليه حتى كتب الكتاب
[ندعوك للتسجيل في المنتدى أو التعريف بنفسك لمعاينة هذه الصورة]

-قبل الخطوبة

*لو جالك عريس متقوليش لحد من صحباتك ؛الحاجات دي بتتنظر وأنتي عارفه البنات عينيها وحشة

*لو واحدة من صحباتك جبتلك عريس إوعي تشوفيه أو توافقي عليه

لوكان عدل كانت خدته هي

*هتقولي طب لو متجوزة أقولك هتبقي عاوزاكي تاخدي واحد أقل من المنيل جوزها

*متفضحيش الدنيا أما يجيلك عريس أصبري شوية لما تمسكيه كويس هتصيّحي لنفسك ع الفاضي وتتحسب عليكي خطوبة

*في أول مقابله لو لاقيتيه بيبص ف ساعته ..قاعد مش على بعضه.. وشه إتخطف وبان عليه خيبة الأمل إعرفي إنك معجبتيهوش .. إسبقي إنتي وقولي إنك رافضاه؛ متخليش واحد زي ده يقول أنه مش عاوزك

متزعليش عليه ولا على غيره الرجالة زي الأتوبيسات واحد عدّى التاني جاي وراه

كمان الرجال زي الدبان هتهشي واحده هييجي عشرة غيره

*عجبتك ؟طب خدي دي الرجالة زي المطبات كل ما تفتكري خلصت منهم هتقعي في مطب جديد مش عاملة حسابه

*لو معجبتيش أكتر من واحد إوعي تحسي بالإحباط بكرة هيجي اللي أحسن منهم ؛إلا ما كان واحدفيهم عدل

*مهما كنتي وحشة متقلقيش فيه اللي أوحش منك وإتجوزوا

بعد الخطوبة

*بصي عذبيه الراجل يحب يتعذب البنت السهلة يدوبك يفكر فيها يومين ويدور على غيرها

*إوعي تقوليله بحبك أو عينيك عجباني الراجل ميحبش كده أبدا

*إوعي تروحي ميعاده قبله حاولي تتلكعي تروحي بعده بربع ساعه أو نص ساعه الراجل لو إستناكي هيتعلق بيكي أكتر

*لو سألك عرفتي حد قبلي قوليله لا حتى لو كنت مصاحبة رجالة مصر القديمة والجديدة

*لو حاول يوقعك ويقولك بحب الصراحه وكده، برضه خليكي ناصحه أنت عمرك ما عرفتي راجل غير باباكي طبعا

*هيقولك هسامحك وده ماضي متصدقيش برضه الرجاله قلبهم أسود وهيمسكهالك ذله العمر كله

*إحترمي أهلك متغلطيش فيهم قدامه حتى لو كانوا بيئة وربش علشان ميتجرأشي عليكي وعليهم

*هيقول إذا كان أهلها بتعمل معاهم كده هتعمل معايا ايه؟ هيعملك فيها مصلح اجتماعي بروح امه

*بلاش زن ورنات تليفونات ورسايل حب وهيام دو ل عالم واطية مش هيقدر الحاجات دي هيتغّر ويفتكر نفسه أحمد عز وهو زي ما إنتي شايفاه قومي بصي لصورته ع الموبايل

*خليكي زي فوزية إوعي يمسك إيديكي هيطمع فيكي ويفتكرك واحدة من إياهم ،يرضيكي واحد ملوش لازمة زي ده يفتكرك واحده من إياهم

*هيضغط عليكي باسم الحب ياسم العواطف باسم أنكم في حكم المتجوزين إنك تروحي الشقه معاه روحي بس المرة الجاية مش هيبقي لوحده هيجيب معاه أصحابه

سيبيه يرغي براحته وعدي الفشر اللي هيفشره عن البنات اللي دايبين في دباديب سيادته إعملي إنك مصدقاه مع أنك عارفه إنك لولا خايفة لا تبقي عانس مكنتش قبلتي بواحد زيه

*خليكي دايما في أحسن صورة هيقولك بحبك تكوني على طبيعتك بحبك من غير ماكياج متعمليش كده لأنه بيتلاءم عليكي عاوز يعرف أنتي حلوة فعلا وإلا دي بويه خليه على

عماه احنا ما ضدقنا وقعناه

ايه رايكم فى الكلام ده

وبجد فى بنات عندهم حرفة انهم ينمروا على حد ويتجوزوه؟
طيب لو حص كده يبقى عيب
مش عارفة
انا مستنية رايكم

[ندعوك للتسجيل في المنتدى أو التعريف بنفسك لمعاينة هذه الصورة]بجد أفكارك حلوه ومفيده

هههههههههههههههههههه
ايه يا وجنة الكلام ده كده الرجالة تزعل
ههههههههه
بجد موضوع ظريف و جميل
شكرا لك
ننتظر منك كل جديد

جداً ظريفه هالافكار

تسلمين

مشكوره علي هذا الموضوع تسلمين حبيبتي

هوانا دخلت هنا غلط ولا ايه كل الكلام ده لو حصل فعلا
انا اقدر ارد علي كل الكلام ده بس يكفي انك تعرفي وحطها حلقه في ودنك ولا بلاش بس عجبني والله كل الكلام ده وحسبي الله ونعم الوكيل في كل ولا بلاش

ههههههههههههههههههه

موضوعك جميل جداااا يا وجنه بجد
مستنين منك موضوعات تانيه جميلة

شكرا وجنه عرفنا ازاى لا نقع فى مصيدة النساء شكرا

بجد بجد موضوع جميل جدا بس انتى ذوتيها شوية
كدة الرجالة هتكرهك
وبجد تانى موضوع جميل
وننتظر منك الاجمل والاجمل

هههههههههههههههه.. كله فى الفاضى دا الواد ميمى صاحبى عنده توكتوك رايح جاى بنات راكبه .. وبعدين هقولكم كلمتين يا كتاكيت .. اللى هتسمع الكلام ده تبقى تقابلنى على شط الترعه هههههههههههههههههههههههههه.. البنات على قفى من يشيل .. دا انا سامع حتى ان الحكومه هتوزعهم على بطاقات التموين يعنى إزازتين زيت وباكو شاى و3بناتهههههههههههههههههههههههههههههههههههههه

هههههههههههههههههههههه حلوه يا فلاح والله لا وكل اللى هيبيع محصول من اللى بتزرعه هيدى للتجار بنت هديه

ههههههههههههههههههههههههه
موضوع فعلا حلو
ومتشكرين علي النصايح الغالية دي

متزعليش عليه ولا على غيره الرجالة زي الأتوبيسات واحد عدّى التاني جاي وراه

كمان الرجال زي الدبان هتهشي واحده هييجي عشرة غيره

*عجبتك ؟طب خدي دي الرجالة زي المطبات كل ما تفتكري خلصت منهم هتقعي في مطب جديد مش عاملة حسابه

على اساس ان البنات هيخلصوا على آخر السنة

صحيح والله إن كيدهن عظيم

بس احنا عارفين ده كله اكتر من البنات يا وجنة

اشكرك موضوع رائع بس هى فين البنات هههههههههههههههههه