تبعـت دروبـك وتعـثـرت ومشـيـت
تخطي وأتحمل خطاك وأحفظك وأصونك
تحملت الألـم والآه ولا عمـري شكيـت
أعاتب وألـوم اللـي بالشيـن يطرونـك
أصبحت على الهم وعلى الحسرة أمسيت
وتحملت طعناتهم وكل خوفـي يطعنونـك
أخلصت لك في صحبتي ولجلك أنا ضحيت
اهديـت لـك عمـري وقلـت ممـنـون
أنا اللي وعدتـك وبوعـدي لـك وفيـت
وحلفت لـك مهمـا جـرى مـا أخونك
وفـوق كـل هـذا علـى قلبـي قسيـت
طعنت قلب صانك ومسح دمعـة عيونـك
غدرت فينـي وتغيّـرت وعليّـا وطيـت
جرحتنـي ليـه ؟ وكشـرت بسنـونـك
أبدعت في عذابـي وعلـى قتلـي نويـت
رفعت سيفك علـيّ وعيونـي ينظرونـك
ولو تكسـر قلبـك دموعـي والله بكيـت
مير أنت قاسي وما ترحم مـن يسألونـك
اذبحنـي كأنك علـى ذبحـي قـويـت
وش لـي بدنيتـي يـا حبيبـي بدونـك
"يا حبيبي" قلتها واعرف إني مـا نسيـت
حـبٍ قضيتـه وأنا أسير لعيـونـك
موضوع: ابدعت في عذابي 
الثلاثاء 19 أكتوبر 2010 - 0:05
