رياض العربى
صاحب الموقع
العمل/الترفيه : مدرس
رقم العضوية : 1
تاريخ التسجيل : 17/10/2009
عدد المساهمات : 13693
 |  موضوع: سى السيد وامينه 2010  الأحد 31 أكتوبر 2010 - 14:46 | |
| 99,9% من شعب مصر شاف ثلاثية نجيب محفوظ الشهيرة وحافظ عن ظهر قلب شخصية سى السيد الذى بيضرب
زوجته بالشوز ويروح ينضرب هو بره بنفس الشوز ولكن هل تخيل حد فيكم الوضع اذا كان سى السيد راجل حنون,,
رقيق،، شهم مع زوجته واولاده..
انا اتخيلت
سى السيد : صباح الخير يا حبيبتى
الست امينه : صباح النور جبت الفطار
سى السيد : طبعا يا حبيبتى من بدرى
الست امينه : طيب يالا حضر الفطار على ما أخد الشاور بتاعى
سى السيد :حاضر يا حياتى من عنيا
الست أمينه : هاه هتعملنا ايه ع الغدى النهارده
سى السيد : اللى تؤمرى بيه ياروح قلبى
الست امينه: اى حاجة بس بلاش طبيخك العك ده انا بقولك اهو
سى السيد : طيب ياحبيبتى انا عندى رأى ممكن أقوله
الست امينه : هاه قول واشجينى
سى السيد : ممكن ياحبيبتى تعملى انتى الغدى النهارده أكلك وحشتنى يا أمونتى
الست أمينه : نعم نعم يا أدلعادى أعمل الغدى مش كفاية انى بشتغل وشقيانه
سى السيد : ياحبيبتى ما أنا كمان بشتغل وبشقى
الست أمينه : بتشقى ايه ياعنيا انت فاكر الكام ملطوش اللى بتاخدهم بيعملوا
حاجه يااخى اتوكس عليك وعلى اليوم اللى اتجوزتك فيه
سى السيد : خلاص خلاص يا امينه من عنيا هعمل الغدى وخلاص
الست أمينه : ايوه كده انا نازله رايحه الشغل
سى السيد : تروحى وتيجى بالسلامة يا حبيبتى ويقول فى نفسه
إلاهى وانت جاهى ماتوعى تيجى يا بعيده يرزقك بأتوبيس نقل سواقه أعمى يفرمك
ولا يعرفولك راس من رجل ياشيخه بحق اللى بتعمليه فيا حسبى الله ونعم الوكيل
وتعود الست امينه فى ساعة العصريه بزعابيب أمشير
الست أمينه : انت يا سى [ندعوك للتسجيل في المنتدى أو التعريف بنفسك لمعاينة هذا الرابط] افندى انت يا شملول
سى [ندعوك للتسجيل في المنتدى أو التعريف بنفسك لمعاينة هذا الرابط] وهو يرتدى مريله المطبخ : نعم يا امينه حمد الله ع السلامة يا حبيبتى
الست أمينه : هاه الغدى جاهز ولا ايه ف يومك ده انا مش طايقه روحى
سى السيد : طلعت روحك يا شيخه جاهز يا حبيبتى وعملتلك أكله انما ايه يا امونتى هترجع ايام زمان وهتدعيلى
الست أمينه : قول للزمان ارجع ي زمان وعملت ايه يا ابو الرجال
سى السيد : عملت كوارع وفته ياروحى وهتدعيلى بالليل
الست أمينه : هيهي ادعيلك ياراجل بلاش انت دى علبة الحبوب اللى مخبيها ف
الدولاب شوفتها ومارضيتش افضحك ال ادعيلك ال ياراجل اتنيل يا سبع الرجال انت
سى السيد : حبوب حبوب ايه يا امينه دى حبوب الضغط أصله واطى عندى بقاله
مده
الست أمينه : واطى هيهي ما هو الضغط وطى من زمان يا عنيا
سى السيد : فى داخله منك لله يا شيخه بعد ما أخدتى صحتى وشقايا بتعيرنى ربنا
يهدك ده انتى هتروحى جهنم حدف انا عارف انتى عايشه ليه لحد دلوقتى تايه
عنك فين سفاح المعادى ولا اللى بيخطفوا الستات دول سايبينك تأذى ف مخاليق
ربنا ازاى بس يارب أكرمها يارب بعربيه ولا سفينه تغرق بيها وتريحنى وتريح الخلق
منها
الست أمينه : انت بتقول ايه ياراجل انت ف سرك هه
سى السيد : بدعيلك ربنا يخليكى ليا وتتحكمى أكتر وأكتر فيا يا أمينه يابنت عطيه
الست أمينه : طيب يالا انجز حضر الغدى
سى السيد : جاهز يا حبيبتى بالسم الهارى
الست أمينه : طيب انا هدخل اريح شويه وهقوم اتغدى واياك مالقيش الغدى ع السفرة
سى السيد : نوم العوافى يا حبيبتى إلاهى يابعيده يقع عليكى السقف ما يعرفولك
قفص صدرى ويبططك كده ولا يرزقك بحلم يطبق على مراوحك يفصل عنك الكهربا
ولا يرزقك بصاروخ يكون طالع من دبابة اسرائيليه يفرتكك ما يخلى فيكى حتة شغته
الست أمينه : ماتنساش تطلع الغسيل من الغساله وتهويه ع الحبل يا عنتر أفندى
سى السيد : يا أمينه حرام عليكى الجيران بيتمهزقوا بيا وبيضحكوا عليا ما تهويه
انتى
الست أمينه : بتقول ايه سمعنى كده تانى منظرك ايه يابو منظر انت انت هتعدى
يومك ده ولا اييييييييييييييييييه
سى السيد : حاضر لله الأمر من قبل ومن بعد ( حسبى الله ونعم الوكيل حسبى
الله ونعم الوكيل
سى السيد: مساء الخير يا امينة من فضلك تحضريلى الاكل عشان جى تعبان من الشغل.
امينة: اولا:اسمى ست امينة , مش امينة كده حاف.
ثانيا:مفيش اكل لانى اتغديت فى النادى انا والعيال وانا لما بكون شبعانه مابعرفش اطبخ.
ثالثا:ياروح الروح كنت تخلى اللى انت جاى من عندها وش الفجر تعملك السم ولا انت فاكرنى خدامة
فازر..اوفففففف
سى السيد: خلاص يا ست امينة انا اسف اخر مرة اطلب اكل.
طب ممكن تندهيلى العيال اسلم عليهم عشان واحشونى ؟
وفى سره .(يشلوكى على نقاله يا امينه)
امينة: عيالى ياحبيبى مابيسلموش على حد ومش فاضيين دلوقتى.البنات بتبص من الشبابيك على اللى رايح
واللى جاى ,والولاد قاعدين على القهوة بيعاكسوا البنات الى رايحة واللى جاية.طلبات تانيه ياسوسو..
سى السيد(والدمعة هتفر من عينه) : لا يا قويه يا مفتريه اهئ اهئ والله لابعتك عند ماما .هه بس
امينة: يامامى انا خايفة اوى,اغمن عليا , خش نام يلا وبلاش كلام فاضى ,انا اروح لماما وقت مايعجبنى
واللى مش عاجبه عنده القلة يشربها ويبلع بالزير...فاااهم
فى اليوم التالى
سى السيد ينتظر فى الشباك امينة لما ترجع من مسرحيه(كشكش بيه)
ويسمع صوتها اتيا من بعيد فيهرول(ياربى مايكلهاش تورماى وهى جايه) حاملا لمبة الجاز لكى يضئ لها الطريق.
امينة: ايه اللى مسهرك يا سوسو انا مش قلتلك تنام انت عشان انا هتاخر بتسهر انت اليومين دول وحالك
مش عاجبنى ياسيسى
سى السيد: معلش يا ست امينة انا قلت برضه يمكن تحتاجى حاجة كده ولا كده
امينة: طيب طيب ,,, مش عايزة ابوظ الليلة بقى متوجعش دماغى ياسوسو
وانا الصبح هاحكيلك المسرحيه كلها..اوكـــ
سى السيد: ربنا يخليكى ويحميكى ومايحرمنيش من دخلتك عليا الساعة واحدة بعد نص الليل يا حبيبتى
امينة تضحك ثم تدخل لتنام وتصفق الباب فى وجهه
فى اليوم التالى
امينة فى فترة المساء والسهرة مخاطبة سى السيد
امينة: اعمل حسابك ياسى سى,ان فى عريس جاى لعائشه بكره
سى السيد: مين ياترى..لو كان يعنى من حقى اسال
امينة: الواد الظابط ده اللى كانت بتعاكسه من الشباك مش فاكره يا سى
سى السيد: الواحد حيفتكر ايه ولا ايه يا ست امينة على العموم لو انت شايفاه كويس خلاص الشورة شورتك.
امينة: خلاص نتكل على الله ونخلى الفرح فى نفس يوم فرح خديجة
سى السيد: ايه ده!هى خديجة بنتى هتتجوز مبروك الف مبروك
امينه: عقبال ولادك يا سوسو
يوم الفرح
امينة تستقبل الراقصات وترحب بهن وياتى سى السيد ليمارس هوايته المحببه, ان يحاول ان يكون رجلا
-ايه ده ازاى مش ممكن راقصات فى بيتى.
امينة تتجاهله تماما وتقود الراقصات الى غرف تبديل الملابس ثم تعود متجهه الى سى السيد قائلة:
-اعمل حسابك انك بعد الفرح حتروح لمامتك لغايه ما ابعتلك العيال ياخدوك..مفهووووم
عشان تبقى تقول بيتى دى تانى..رجاله اخر زمن..
وبعد الفرح تم ترحيل سى السيد الى منزل والدته ومازال ينتظر ان تبعث له امينه بالاولاد كى يعيدوه الى بيته
اه لا مؤاخذه ... بيتها
| |
|
????
زائر
| | موضوع: رد: سى السيد وامينه 2010 الأحد 31 أكتوبر 2010 - 16:15 | |
| هههههههههههههههههه
انا ممكن ابعتله العربيه لو عايز هههههه
ايه ده يا رياض هو في كده دلوقتى
طب ياااااااااااريت
ههههههههه
طبعا انا بهزر
اكيد الزوج لازم يكون له شخصيه مع زوجته بس طبعا مش يزودها قوى زي افلام سي السيد
يعنى خير الامور الوسط
واهم حاجه التفاهم والنقاش ما بينهم
بس بجد جميل قوى يا رياض
تسلم على ما اطرحته من ابداعاتك |
|
رياض العربى
صاحب الموقع
العمل/الترفيه : مدرس
رقم العضوية : 1
تاريخ التسجيل : 17/10/2009
عدد المساهمات : 13693
| | موضوع: رد: سى السيد وامينه 2010 الثلاثاء 14 ديسمبر 2010 - 19:47 | |
| شكرا للجميع على المرور الكريم
و شكرا على حسن المتابعة
| |
|
مشموشى
مشرفة قسم السنة النبوية الشريفة
العمل/الترفيه :
رقم العضوية : 318
تاريخ التسجيل : 12/04/2010
عدد المساهمات : 2798
| | موضوع: رد: سى السيد وامينه 2010 الثلاثاء 14 ديسمبر 2010 - 21:35 | |
| ايه ده رياااض
لالالالالا ده كان زمااااااااااااااااااااااااااان
دلوقتى مبقاش فيه سى السيد
لا بتاع زمااااااااااااااااااااان
ولالا الى انت بتحكى عنه
دلوقتى فيه سطور واكياس وبنادق ومدافع
الى مش طايقه جوزها تدبحه
والى مش طايق مراته يقتلها
هما لسه هيعيشوا دور المخنوقين
كان زمااااااااااااااااان وجبر
تسلم رياااااااااااااااااض | |
|
رياض العربى
صاحب الموقع
العمل/الترفيه : مدرس
رقم العضوية : 1
تاريخ التسجيل : 17/10/2009
عدد المساهمات : 13693
| | موضوع: رد: سى السيد وامينه 2010 الثلاثاء 14 ديسمبر 2010 - 21:42 | |
| ايوه صح يا مشموشى
كل حاجة اتغيرت
بس رغم كده كان فيه أمان و حب اكتر
شكرا لمرورك الكريم
تقبلى تحياتى
| |
|
