فرمت قلبك ............. لازم تفرمته

[ندعوك للتسجيل في المنتدى أو التعريف بنفسك لمعاينة هذه الصورة] فكرت تفرمت قلبك قبل كده ؟؟

أفرمت قلبي ؟!

آه ..

مش لما يكون في مشكلة في الجهاز بتفرمته وبيرجع تاني فاضي زي أول يوم جبته فيه بس أنا لما جبته مكنش فاضي ..

يا رايق .. عوزين نتكلم بجد .. يعني مكنش فيه فيروسات .. ولا ملفات تتقله ولا برامج مبتستخدمهاش ولا أي حاجة ملهاش لازمة طيب ده الجهاز .. قلبي ماله بقى؟؟!

بردو أحنا قلوبنا محتاجة تتفرمت

خليك صادق مع نفسك

.. قلبك في كام حاجة ملهاش لزمة .. بل فيه كام حاجة متقلاه .. فيه كام أغنية , فيه كام فيلم . فيه كام بنت , فيه كام موقع , فيه كام ..

طيب قلب بالشكل ده هل ممكن نلاقي فيه مساحة فاضيه عشان نحط فيها حب الله؟؟

حب الله ؟! حب الله نحطه في المساحة الفاضية ؟؟! انتا بتقول إيه ؟؟

مش قلنا خليك صادق .. مش هو ده الواقع .. مش انتا اللي وصلت قلبك للحاله دي ..

لما صاحبتك ترن عليك عشان تنزلها

.. وفي نفس الوقت لما المؤذن يقول حي على الصلاة عشان تقابل ربك .. بتستجيب لمين ؟؟

طيب لو بيلموا تبرعات للمسجد وانتا ممعكش غير حق تذكرة السينما .. بتدفعها فين ؟؟

طيب أنت سعيد بحياتك ؟؟

سعيد باصحابك وصحباتك والخروجات والفسح و الأغني و...

طيب حتى لو عشت اللحظة وقضيت وقت جميل .. بعدها بيكون حالك إيه ؟؟

ربنا قال (وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا)

[ندعوك للتسجيل في المنتدى أو التعريف بنفسك لمعاينة هذه الصورة]

مش بتحس بخنقة وكآبة وأي حد يكلمك تتعصب عليه ؟؟

مش اللي بتبات فيه بتصحى فيه ؟؟

ومشاكل كتير مع أهلك ومع الناس مش لاقي لها حل ..

خايف من المستقبل ..

وهتتجوز ازاي ؟؟

وهتصرف منين ؟؟

هي دي عيشة ؟؟!

هي دي حياة ؟؟!

إيه اللي مصبرك على الوضع ده ؟؟

مفكرتش تغير حياتك ؟؟

مفكرتش تعيشها صح ؟؟

مفكرتش تعيشها لله ؟؟ بس .. دي مش سكتي .. مقدرش أعيش من غير أغاني ؟؟ ازاي أسيب أصحابي ؟؟ ازاي ..

تفتكر إيه اللي ممكن يصبر الملتزمين على عيشتهم لو كانت لا تطاق

[ندعوك للتسجيل في المنتدى أو التعريف بنفسك لمعاينة هذه الصورة]

.. هما لو مش لقيوا السعادة في طريق ربنا أكيد كانوا تركوه من زمان !!

يعني هو ايه اللي يخليه ميسمعش أغاني ؟؟

أكيد وجد الأجمل منها

ليه ترك الحب الحرام ؟؟((مش الحب الحقيقى الحب الحرام ))

أكيد وجد حب الله

ياااه حب الله .. جربت قبل كده تفرمت قلبك ومتحملش عليه غير حب الله

.. جربت ان قلبك ميكنش فيه غير حب الله .. مفيش حب دنيا ولا ناس ولا أي حاجة غير حب الله ..

تصحى من النوم مفيش على لسانك غير ذكر الله

.. تجري على المسجد عشان تقابل حبيبك .. الإمام يسلم تقوم بسرعة تصلي السنة .. تخلص

صلاة تجري تدور على أي مصحف عشان تقرأ كلام حبيبك .. مش عاوز تخلص عاوز تختمه في

قاعده واحده .. مبقتش عاوز تسمع كلام غير كلام الله .. مش عاوز تكلم حد غير ربنا .. في كل

مكان حاسس ان ربنا قريب منك

.. والله نفسي بس .. أنا حاسس ان ربنا مش هيقبلني ..

مش هيقبلك !

ربنا .. أزاي تقول كده .. هو في حد أرحم بك منه .. صحيح زنوبنا كبيرة .. لاكن رحمته أكبر هو القائل (وَرَحْمَتِى وَسِعَتْ كُلَّ شَيءٍ)

[ندعوك للتسجيل في المنتدى أو التعريف بنفسك لمعاينة هذه الصورة]

مش بس يرحمك .. وكمان يدافع عنك

ربنا قال في الحديث القدسي : (من عادى لي وليا فقد آذنته بالحرب) عارف يعني إيه .. يعني ربنا هو اللي هيدافع عنك ..

أنا ؟!

آه عنك أنتا لو رجعتله بجد وكنت من أوليائه .. ياااه تخيل لما ربنا يدافع عنك .. مين يقدر يقف في طريقك ؟؟

ممكن تخاف من حد وأنتا مع الله ؟!

ده أنتا لو في حماية مسؤل ولا ملك من ملوك الدنيا هتمشي كده بقلب جامد ومحدش يقدر يكلمك .. فما بالك لو كنت في حماية الله .. ايه اللي ممكن تخاف منه ..

افتح معايا المصحف على سورة هود (الآية 55) شوف سيدنا هود من ثقته في الله بيقول للكفار إيه (فكيدوني جميعا ثم لا تنظرون)

فكيدوني ؟؟! بالسهوله دي .. ده حتى مقلش فكدني .. ده قال فكيدوني جميعا .. وبعدين خلي بالك .. دول كفار وممكن يعملوا فيه أي حاجة ..

ياربي جاب الثقة دي منين ؟!

شوف الآية اللي بعدها بيقول إيه: (اني توكلت على الله ربي وربكم)

هي دي .. لما توكل على حد توكل على الله ربه وربهم ورب كل شيء .. توكل على القوي القادر على انه ينصروا عليهم وعلى الدنيا كلها ..

توكل على الملك الذي بيده كل شيء ..

بيده عربيات الدنيا وقصورها وبترولها ..

بيده قلوب الناس .. قادر انه يخلي طوب الأرض يحبك

ياااه لو عرفناه وعرفنا قدرته .. مكناش خرجنا من بيته .. مكناش سبنا كتابة .. لساننا مكنش سكت لحظة عن ذكره

[ندعوك للتسجيل في المنتدى أو التعريف بنفسك لمعاينة هذه الصورة]

وبردوا كنا اجتهدنا فى عملنا ووفقنا فيه ويرفعنا فيه

كنا سعتها عرفنا ليه الصحابة كانوا عوزين يعيشوها صلاة وصوم لولا إن رسول الله عليه الصلاة والسلام نهاهم

صور فرمت قلبك

مش هطول عليك بس هقولك :

أنت دلوئتي قدامك الفرصة .. باب التوبة مفتوح

لكن لو مت وقلت رَبِّ ارْجِعُونِ .. هيقولك كَلَّا ..

[ندعوك للتسجيل في المنتدى أو التعريف بنفسك لمعاينة هذه الصورة]

ليه دايما كلنا كده نقول لسه بدرى علينا يا سيدى لسه بدرى لما نحب ونصيع حبتين فى شبابنا ولما نعجز نبقى نصلى ونصوم:

[ندعوك للتسجيل في المنتدى أو التعريف بنفسك لمعاينة هذه الصورة]

انت شايف كده فعلا

ولما تموت نقول ياريت الى جرى ماكان بس لو ربنا يرجعنا هدنى اصلى واصوم طول عمرى

[ندعوك للتسجيل في المنتدى أو التعريف بنفسك لمعاينة هذه الصورة]

واحنا التوبه مفتحولنا وكل شى بايدينا وربنا مش طالب منك غير صلاه يعنى 5 دقايق ولا 3 دقايق من وقتك كل ساعه وهما 5 صلاوات فى اليوم

ولو زودت كرمك او تقرأ ولو 3 صفحات قران على الاقل

بدل قعادك على النت وبتقرأ ب 10000000 صفحه وبفرحه كمان

وبتسمع الاغانى وبتحفظها لو حبيت كمان

ياريت الكل يفرمط قلبه ويكون صافى من جواه وصدقنى لو مشيت

ورا ربك هو الى هينفعك فى الدنيا والاخره كمان
[ندعوك للتسجيل في المنتدى أو التعريف بنفسك لمعاينة هذه الصورة]
واخيرا لابد ان تضع هذه المقولة

دائما امامك

[ندعوك للتسجيل في المنتدى أو التعريف بنفسك لمعاينة هذه الصورة]

اللهم أيما امرئ شتمني أو آذاني أو نال مني، اللهم إني عفوت عنه، اللهم فأعفو
اللهم إني عفوت عن عبادك فاجعل لي مخرج أن يعفو عبادك عني

اللهم أنت السميع العليم تعلم ما بي وما علي
اللهم إني أرجو نجاةً مما أنا فيه وأنت أرحم الراحمين
هل ترغب في يوم الحساب بأن لا يأتي أحد ويأخذ من حسناتك أو يرمي عليك سيئاته

هل دعوت الله من صميم قلبك وبإخلاص النية بأنك عفوت عن كل من أساء إليك أو ظلمك أو مسك بأي مكروه

فكر وجرب وانظر كيف أن الله سوف يرحمك بالدنيا والآخرة ...

أسأل الله الاستجابة بإخلاص النية فأنت لن تخسر مع الله أي شيء وهو القادر على كل شيء

فقط جرب

سامح الآخرين كي يسامحك الله وأرحم الآخرين لكي يرحمك الله

موضوع جميل جداجدا

جزاك الله كل الخير

على مجهوداتك

لك جزيل الشكر
تسلم رياض

جزاك الله خيرا
اخي رياض
موضوع فعلا رائع
احنا محتاجين فعلا نفرمت قلوبنا
اللهم اعنا علي حسن عبادتك

زائر

قال تعالي (وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا)

فعلا قلوبنا محتاجه تتفرمت ونشيل منها الذنوب والمعاصي اللى عملت غشاوه بينا وبين ربنا
قلوبنا محتاجه تتفرمت من كل شئ حرمه الله واحنا حللناه وعيشنا معاه
يااااااااااااااااارب تقبل منا التوبه
واجعلنا دائما نستحي منك ونستحي من معاصينا فنتوب دائما

تسلم رياض موضوع فى غايه الاهميه ورائع جدا
ربي يجعله فى ميزان حسناتك ويبارك فيك

شكرا للجميع على المرور الكريم

و شكرا على حسن المتابعة

تقبلوا جميعا تحياتى