الفرح الاسلامى ....

[ندعوك للتسجيل في المنتدى أو التعريف بنفسك لمعاينة هذه الصورة]

حضرت/حضرتي فرح قبل كده !!!!
أه أنا بكلمك إنت / انتي !!
هاااه حضرت/ حضرتي
طيب كان إسلامي ولا
طيب إنت / انتي فرحك قرب وبتحضر/ بتحضري ليه ولا لسه شوية !!!
نفسك تعمله / تعمليه إسلامي ولا !!!!!!!

احم احم ..

طيب كام فرح بيتعمل في السنة في أمة لا إله إلا الله ؟
كام معصية بترتكب ؟... بل كام ذنب تحمله وانت خارج من الفرح ؟

بلاش إحراج بقة .. وبعدين كل الناس بتعمل فرحها كدة ..
الفرح ازاى اصلا يكون فرح من غير أغاني ورقص ونساء ورجال

طيب لما يكون فيه إختلاط وزحام ولا يعلم أماكن الرجال من النساء
لما يكون فيه ملابس لا تستر بنات المسلمين
ووجوه مزينة بالمكياجات وشعور سدلت وإنكشفت
ورقصات ولما تقول ده حرام ترقص وتتكشف أمام الرجال

يرد عليك::

يا راجل هو فيه حد غريب دا ابن عمها ودا ابن خالتها
ذي أخوانها يعني ليه تسيئوا الظن كدا !!!!!

يا جماعة تعالوا نتكلم بالعقل .. هل لما انت تعمل فرح عادي أغانى رقص رجال ونساء كل كل حاجة .. ده شئ يرضي ربنا ؟

فكرت قبل كدة .. إزاى ربنا يرضى عنى ؟؟
هل جعلت هذا هدفك في الحياة ؟؟

ما هو أنا بحاول وبرجع تانى وأحاول وربنا يعني

تمام مقولناش حاجة .. ربنا يعينك ويثبتك على طريق الحق
بس انت عارف قدر الذنوب اللى ممكن تطلع بيها ؟؟

يا خبر .. لا مفكرتش .. بس هو يوم واحد ..

مشكلتنا اننا عندنا امل كبييير ان الحياة ادامنا طويلة
مش عارفين اننا ممكن في اي وقت ينزل ملك الموت يقبض أرواحنا

طيب بالراحة علينا شوية

طب تخيل أن رسول الله صلى الله عليه وسلم حي بيننا الآن ودخل فرحك اللى المفروض أنه طاعة لله وشكر على نعمة الزواج !!

ها ..
هتقوله ايه ؟؟ .. بالله عليك هتقوله ايه ؟؟
ولما ربنا يسألك عن اليوم ده هتقوله ايه ؟؟

فكرت انك تعمل فرحك اسلامي .. وقولت هعمله اسلامي عشان ارضيك يارب .. علشان افرح بطاعتك وافرح اهلى واشكر نعمتك عليا يااارب ؟!
فكرت نور الطاعة يملأ قلبك..
جربت الفرحة بجد .. الفرحة الحقيقية ؟؟

زائر

الله عليكي يا احزان
بجد تسلمي على الموضوع ده في منتهي الروعه

انا الحمد لله فرحي عملته اسلامي وان شاء الله الدخله برضو اسلامي
اصحابي والعيله الحمد لله معظمها افراح اسلاااااااااااميه
ولو عندنا فرح مش اسلامي
انا مش بحضر
بجد الفرح الغير اسلامي تحضري من هنا وتلمي ذنوب ومعاصي من هنا
بجد اختلاط واغاني ورقص ولبس سواريه وشباب وبنات الواحد فعلا بيحضر ياخد شويه ذنوب
ربنا يعافينا يارب
والله بجد متعه وفرحه جميله اوى لما بتحضري فرح اسلامي او تعملي فرحك كده بترضي ربنا
وبتكوني قدوه لبنات كتير هيقلدوكي وتكوني سبب في هدايتهم
المفروض ان الانسان بيتزوج يعنى بيبدا حياه جديده اكيد عايزها حياه مبنيه على والطاعه والذريه الصالحه يبقي المفروض اننا نبدا من ليله فرحنا بطاعه ربنا ورضي ربنا

[ندعوك للتسجيل في المنتدى أو التعريف بنفسك لمعاينة هذا الرابط]
ده حلقه من برنامج مصطفي حسنى عنوانها الحرام احلي كان بيتكلم عن الفرح الاسلامي
جزاكي ربي كل خير يا احزان
ويجعله في ميزان حسناتك يارب
واسفه على الاطاااااااااله

» هآت الحزن دآم الفرح مآلقآني !!‎
» بحث عن الفن الاسلامى - جاهز للطباعة
» طفل امريكى يجمع مصروفة من اجل الدين الاسلامى !
» مكتبة القرآن الكريم بصوت أكثر من 100 قارىء من مختلف العالم الاسلامى
» اتصال تليفونى من فتاة شجاعة بعمرو اديب - التيار الاسلامى - السياحة