نقطة ومن أول السطر .

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

حياتنا عبارة عن مجموعة من النقاط .. والنقطة فى العلم الحديث ما هى إلا خط غير مرئى دائم الحركة بطاقة ذاتية .. ولعدم قدرتنا على تصوير هذا الخط نقوم بفرض مكانه كنقطة

يا عم فكك من كل الكلام المكلكع ده [ندعوك للتسجيل في المنتدى أو التعريف بنفسك لمعاينة هذه الصورة] .. حاااااااضر يا سيدى

على قد فهمنا وتعليمنا هنقووووووووول

حياتنا دى مجموعة من النقاط .. نقطة بتتولد ونقطة بتموت .. نقطة تسلم نقطة ونقطة تستلم من نقطة .. نقطة تسحب نقطة ونقطة تجيب نقطة .. نقطة تركب على نقطة ونقطة توقع نقطة

نقطة تشد ونقطة ترخى .. نقطة ترفعك للسما ونقطه تهبدك لسابع أرض ..

أنت ذات نفسك بدأت كنقطة .. وعايش فى الكون كنقطة .. وهتموت وتبقى نقطة

ومفيش نقطة فى الكون ساكنة أبداً .. كل نقطة سابحة فى عالم من الفراغ

ويا سبحان الله .. مفيش نقطة تقدر تعيش وحدها أبداً .. لازم يكون بين النقطة والتانية قوى شد وجذب

ويتم تحديد قوة وصلابة الشىء من خلال ترابط نقاطه 0]جزيئاته ]

أنت زيك زى الخشب زى الميه زى الرمل زى الحديد ... الفرق بس فى قوة ترابط نقاط كل نوع

بس أنت وهم فى الأصل عبارة عن فراغ فى فراغ

ومدام كل حاجة فى الكون دائمة الحركة ... يبقى أنت أكيد دائم الحركة برضه

وعشان تفهم الكون لازم تفهم نفسك فى الأول ... لأنك متقدرش تقيس حاجتين ليهم نفس الأساس بمقياسيين مختلفين

وعشان تفهم نفسك لازم تفهم عقلك ... وعشان تفهم عقلك لازم تفكر صح

وعشان تفهم صح لازم ترجع كل حاجة للأصل .. متبقاش زى البغبغان تردد وخلاص

وعشان تفهم صح .. صنفر دماغك وهات ورقة وقلم واكتب

نقطة ومن أول السطر .

[ندعوك للتسجيل في المنتدى أو التعريف بنفسك لمعاينة هذه الصورة]

نقطة ومن أول السطر . سلسلة تعتمد على التفكير المنطقى وربط هذا التفكير بالعلم الدينى والروحانى

سلسلة متنوعة المواضيع والمناقشات تفتح مجالات التدبر والتفكر والتعمق فى الذات البشرية

سلسلة تخاطب عقلك بأسلوب بسيط .. مرح .. ناقد .. ساخر لا يتعدى الآداب العامة فى الحديث

كل موضوع فى السلسلة سوف يحتوى على عدة فقرات بعون الله .. فقرة رئيسية بعنوان الموضوع وفقرات ثانوية على هيئة رسالات

كل موضوع سوف يحتوى على فقرة ثانوية تختص بمناقشة جميع الأمور الخاصة بموقع منتدى وجنه بأسلوب مرح 2]أخبار - نقد - علامات استفهام - أفكار ومقترحات - .. إلخ ]

نقطة ومن أول السطر برنامج إذاعى متكامل

[ندعوك للتسجيل في المنتدى أو التعريف بنفسك لمعاينة هذه الصورة]

هذا الموضوع سوف يكون بمثابة فهرس ومرجع لجميع مواضيع السلسلة

هذه السلسلة للكبار فقط f]+ 16 ] [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

قائمه الموضوعات :

1- ما وراء العقل
2-ست الحسن والجمال
3-جزره وقضمها جحش

موضوع جميل ومميز كما عهدتك دائما
حبيبتى احزان وفى انتظار السلسله
عايزاكى تعمليلها برومو كبير وصور وكده
لا حرمنا الله وجودك بيننا دائما
فى حمى الرحمن

تسلمى يااحزان على مواضيعك الرائعة بجد موضوع فوق الرووووعة

[ندعوك للتسجيل في المنتدى أو التعريف بنفسك لمعاينة هذه الصورة]

سلسلة نقطه و من اول السطر

الحلقة الأولى - ما وراء العقل

[ندعوك للتسجيل في المنتدى أو التعريف بنفسك لمعاينة هذه الصورة]

طول وعرض وارتفاع ... دى المقاييس اللى عايشين بيها واللى بنظبط بيها كل نظرياتنا وفرضياتنا اللى قايمة عليهم كل ثقافتنا وتقدمنا وتطورنا

إنما لما تيجى تبص للأبعاد دى كويس ... مش هتلاقيها كافية أبداً لتفسير حاجات كتير بنصادفها فى حياتنا

أبعاد تلاتة بس ... قام عليهم العلم الهندسى القديم وللأسف مع تقدم العلم لقينا أن الأبعاد التلاتة دول مش كفاية

أنا أو أنت ... كل واحد فينا له طول وعرض وارتفاع ... بطاقة شخصية بتتعرف بيها فى علم التشريح والهندسة

وبمرور الوقت لو ربنا رزقك العمر بتلاقى أن أبعادك دى بتتغير سواء بالزيادة أو بالنقصان

يبقى الزمن هنا له عامل مهم فى التأثير على الأبعاد التلاتة دى

بعد تحركات العلماء ولإختصار الوقت .. تم اعتماد البعد الرابع ] البعد الزمنى ] .. عشان يكون عندنا أربع أبعاد من خلالهم نقدر نفسر بيهم حاجات أكتر وبتفصيل أوضح

طول - عرض - ارتفاع - زمن ... تلات أبعاد مرئيين ومحسوسين وبعد غير مرئى بس تقدر تحس بوجوده من خلال تأثيره على الأبعاد التلاتة اللى قبله

طيب كدا تمااااااااااااام اوى ... وطلعنا نقول بعدها أن مجموع زوايا المثلت = 180 درجة والخطين المتوازيين لا يلتقيان أبداً وبقية نظريات الهندسة اللى عارفينها كلنا

لكن لو جيت تطبق الكلام ده على الكرة الأرضية ككل .. هتلاقى حاجة تانية خالص

هتلاقى أنك لو رسمت مثلث نقاطه على الكرة الأرضية ... هتلاقى مجموع زواياه أكبر من 180 ومفيش وجود للخطوط المتوازية على الكرة الأرضية لأن أى امتداد لأى نقطة على الكرة لازم يمر بمركز الكرة

الله !!! ... دى الحكاية مش ماشية كدا بالهندسة التقليدية ... يبقى لازم فى نظام جديد لقياس أبعاد الكون اللى أهون حاجة فيه الكرة الأرضية

طلع علينا عالم وقال " لا ... دول مش 4 أبعاد بس ... لازم نفرض وجود بعد خامس عشان نقدر نحل الإشكال ده "

ومن خلال معادلات رياضية وحسابات معقدة قدر يضيق فجوة التناقض الحاصل قبل كدا

عالم تانى قال " ايه يا جماعة ... هو دلوقتى احنا بنقيس حاجتين مرتبطين ببعض 0]عالم الإنسان وعالم الكون ] بمقياسيين مختلفين !!! ... دى حاجة مش منطقية خالص "

وقال عشان نحل المشكلة دى يبقى لازم نفرض وجود بعد سادس ... وبرضه بالمعادلات والحسابات الرياضيات حاول يضيق الفجوة الحسابية دى

بعد كدا علماء الحساب بدأوا يتعمقوا فى الحكاية دى لغاية لما وصلوا وقالوا أن الكون له 13 بعد ... نقدر نشوف منهم 3 أبعاد بس وبعد واحد بس نقدر نحس بوجوده ومش شايفيه [ بعد الزمن ] و9 أبعاد لا قادرين نشوفهم ولا نحس بوجودهم

ومع تقدم العلم واستخدام الحواسب الآلية الذكية ... الـ 13 بعد أصبحوا 16 بعد ... f]13 بعد مش شايفينهم خالص ]

ومفيش حاجة اسمها خطوط مستقيمة ولا متوازية ... وكل الحسابات والفرضيات اللى من خلالها ممكن نتعامل مع الكون تتعامل فقط مع الخطوط الدائرية والحلزوينة

معنى كدا مدام فى 13 بعد للكون مش شايفينهم يبقى كل الكائنات والمخلوقات اللى فى الـ 13 بعد دول مش شايفينهم ولا حاسيين بوجودهم

ومدام نقدر نعمل أنفاق ومسارات وخطوط من الـ 3 أبعاد اللى نقدر نحس بيهم ... يبقى أكيد فى أنقاق ومسارات ومخارج ومداخل لا نقدر نشوفها ولا ندركها فى الكون

طيب المداخل والمخارج والأنفاق والمسارات دى فين ؟؟؟ وبتبدأ فين وتنتهى فين ؟؟؟ طيب بتوصل منين ولفين ؟؟؟

طيب يا ترى احنا وحدنا فى الكون !!! ... استحالة لا

طيب يا ترى ايه الكائنات اللى ممكن تكون موجودة واحنا مش شايفينها !!!

يعنى ممكن وأنا قاعد كدا يكون فى مخلوقات بتتخانق وبتتشاكل وبتضحك حواليا وأنا مش حاسس !!!

طيب فى حد قاعد معايا على الكرسى وأنا مش حاسس !!!

حاجات تجنن بجد

==========================

ساعات أفكر وأقول ... هو ربنا خلق العلم بس عشان الإنسان يقدر يمشى بيه أموره فى الدنيا ولا العلم هو المفتاح لفهم كل حاجة ؟؟؟

طيب مهو عدم علمك بالعلم نفسه مش مبرر ولا برهان أن فى حاجة غيره تقدر تفسر أمور معينة

ربنا لما أخفى علوم بعض الأشياء عن الإنسان ... أخفاها بحكمة معينة ولغرض معين

أو أخفاها عشان عقل الإنسان فى الزمن ده ميقدرش يستوعب هذه العلوم

==========================

من القرآن والأحاديث النبوية الشريفة عرفنا أن السماوات مسالك ودروب

وعشان تطلع من سما لسما فى مسلك ودرب معين

طيب حاول تربط ده بالكلام اللى قلناه فوق

ايه تفسيرك للمثل المتداول اللى بيقول " العين عليها حارس " !!!

مين اللى بيحرس العيل الصغير لما يقع مثلا من الدور الأول وأمه مش واخده بالها ويقوم العيل بيطنطط زى العفريت !!!

ساعات بنسمع فى بعض حوادث الطرق أن فلان كان هيروح فى الحادثة لولا أنه حس أن حاجة بتزقه زق وترميه بعيد 0]سمعتها بودانى ]

الملائكة بتحرس البنى آدم بكيفية لا يعلمها إلا الله ... فهل يكون الدرع الواقى الذى يحميك من الشياطين هو درع من الملائكة !!!

الذكر والتسبيح والصلاة وسر الكيفية التى تؤديها بها ... هل هى مفاتيح لهذه المسالك والدروب !!!

وفى الآخر نقول " الحمد لله رب العالميـــــــــــــــــــــــــــــــــــــــــــــــــن " ... نقطة ومن أول السطر .

[ندعوك للتسجيل في المنتدى أو التعريف بنفسك لمعاينة هذه الصورة]

رسالة إلى العرب

- العرب ماشيين بالمثل اللى بيقول " لا تصاحب الأقرع ولا تاخد منه نصيحة ... إن كان ربك بيحبه كان خلهاله صحيحة " ... والظاهر أن كل العرب شايفين نفسهم قرع ... محدش عاوز ياخد حاجة من حد

- المتمعن لحال العرب فى الفترة دى هيلاقيه زى فترة التتار زمان ... والدين والتاريخ وكل الأحداث بتقول أن مصر هتكون حائط الصد القادم ... فهتكون مع مصر ولا مع التتار !!!

- بيقولك الطقس شديد الحرارة عشان فى حالة حراك وسخونة سياسية ووخم دبلوماسى ... ميعرفوش أن كل مواطن عمل تكييف ذاتى داخلى ماركة فكك وكبر دماغك ... صناعة مصرية

- حماس وفتح ... فتح وحماس ... حماس وفتح ... فتح وحماس .. مغلبين نفسكم ليه مهى جايه جايه فى الآخر 0]مصر واسرائيل ] كلاكيت تانى مرة

[ندعوك للتسجيل في المنتدى أو التعريف بنفسك لمعاينة هذه الصورة]

المنتدى اليوم

- مفيش جديد اقوله حصل فى المنتدى النهارده

- ياخى فى أقسام أول ما تدخلها تشرح القلب وفى أقسام تدخلها تتنح فيها كأنك فى امتحان باطنة وفى أقسام تدخلها تقول يا قلبى لا تحزن وفى أقسام تدخلها تقول " نقطة ومن أول السطر "

- بيقولك العرض القادم للملفات الشخصية " فتح مقهى من أول المنتدى العام لغااااااااااااااااية منتدى الشكاوى والاقتراحات لمناقشة كتاب أبلة نظرية فى فنون الطبخ "

- الوصف الدقيق لمنتدى وجنه " ......... " هسيبهالك تفكر فيها بمزاجك بس أنا هقول ] نقطة ومن أول السطر . ] واللى يفهم أجره على الله

[ندعوك للتسجيل في المنتدى أو التعريف بنفسك لمعاينة هذه الصورة]

تحيا جمهورية مصر العربية

[ندعوك للتسجيل في المنتدى أو التعريف بنفسك لمعاينة هذه الصورة]

جميل قوووووووووووووى احزان

كما عهدناكى فى ابداع مستمر

جميل قوى قوى الموضوع و كملة الفكرة

ننتظر منك التكملية

شكرا احزان على الموضوع المتجدد

تحياتى لكى

[ندعوك للتسجيل في المنتدى أو التعريف بنفسك لمعاينة هذه الصورة]

سلسلة نقطه و من اول السطر

الحلقة الثانية - ست الحسن والجمال

[ندعوك للتسجيل في المنتدى أو التعريف بنفسك لمعاينة هذه الصورة]

المرأة الفرعونية كانت «ست الحسن والجمال»
[ندعوك للتسجيل في المنتدى أو التعريف بنفسك لمعاينة هذه الصورة]

منذ قديم الازل ، تميزت المرأة الفرعونية بمواهبها الدفينة في عالم الجمال وتفوقت على نساء العالم في استخدام كل ما يبرز هذه المواهب ويظهرها في أبهى صورة.

وأقرت المرأة الفرعونية منذ البداية أن لكل امرأة جمالها الخاص وانه لا توجد امرأة قبيحة ولكن هناك امرأة تجهل أصول التجميل وأسراره التي تتلخص عند المرأة الفرعونية في البشرة النضرة الصافية والعيون الجميلة الساحرة وكيفية الاهتمام بشعرها.

ومفتاح هذا الكنز يمكن تلخيصه ، كما تقول الباحثة المصرية سارة سعدون ، في كلمة واحدة الا وهي "الطبيعة" فقد استخدمت من الطبيعة الأقنعة للبشرة لتجديد شبابها وتقويتها ومنها "الطمي" الذي تحمله مياه النيل في فترة الفيضان.

وعندما أدركت المرأة الفرعونية أن بشرتها تحتاج لرعاية واهتمام أكبر استخدمت كثيرا من الزيوت النباتية لترطيبها وتغذيتها مثل زيت البابونج الذي بدأت بيوت الجمال الان في استخدامه عنصرا أساسيا للعديد من الأقنعة المغذية التي ليس لها آثار جانبية .

وكانت المرأة الفرعونية تهتم أيضا بنعومة جسدها باستخدام الشفرات الحادة المصنوعة من المعادن المختلفة أو الأحجار شديدة الصلابة للتخلص من الشعر الزائد وقد عثر في مقبرة أم الملك خوفو على شفرات صنعت من الحجر محفوظة في أكياس من الجلد كما عثر على بعض الأدوات الدقيقة والأحجار الاسفنجية التي كانت تستخدم لتنعيم الكعبين وتنظيف وتهذيب الأصابع.

وكانت "الكوافيرة" في عهد الفراعنة تسمى "نشت" وكانت تهم بإعداد التسريحات وتهذيب الشعر ونظافته.

وتحفل الاثار المصرية بعديد من التماثيل والرسوم للمرأة بتسريحات مختلفة نعرفها اليوم بـ "الكاريه والبانك والشعر المسدل والمجعد والمتدرج والقصير والجدائل". وكانت المرأة الفرعونية تغير تسريحة شعرها من وقت لاخر حيث شاع في ذلك الوقت استخدام الشعر المستعار بجميع أشكاله .

كما عرفت تلوين الشعر وصباغته بألوان زاهية باستخدام الأعشاب الطبيعية ، كما حرصت على ممارسة الرياضة وشاركت في حفلات الرقص لتكتسب الرشاقة والتوافق العضلي وتناسق القامة كما انها لم تنس عطورها لتصبح كالزهرة الجميلة.

كما تميز المصري القديم ، لاسيما المرأة ، بالعيون الواسعة ذات المظهر الجذاب وكانت النساء يستخدمن الكحل لرسمها وكان من أكثر أنواع الكحل انتشارا "المليخت" وهو خام أخضر من خامات النحاس و"لجالينا وهو خام أشهب قاتم من خامات الرصاص .

وبمرور الوقت أصبحت الجالينا من المواد الرئيسية في الكحل.

وأحضر المصريون "الملخيت" من صحراء سيناء والصحراء الشرقية أما الجالينا فعثر عليها بالقرب من أسوان.
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

قومى يا بت اعمليلى كوباية شاى - والله هكسر عضمك يا بت - متناميش واقعدى اسهرى معاى شوفى طلباتى عشان هذاكر

واحد كان بيتفاخر فبيقول 0]والله العظيم أنا ما بحط إيدى فى حاجة فى البيت .. لما بكون بذاكر وعاوز أشرب شاى بقوم أصحى أمى تعملى الشاى وترجع تنام ] [ندعوك للتسجيل في المنتدى أو التعريف بنفسك لمعاينة هذه الصورة]

هناك نوعان من الضغوط تواجه الإنسان عبر حياته ، نوع يأتيه من مجتمعه ، والآخر يصب عليه من تاريخه .
وإن فقد الإنسان استقلاله أمام هذين الضاغطين ، فإنه لا محالة سيفقد إنسانيته ، أي تنعدم في حياته الصفة التي كرَّمه الله بها على كثير مما خلق ، وما قيمة الإنسان بلا استقلال ، وبلا إحساس بشخصيته .
والمرأة إنسان كرَّمها الله سبحانه وتعالى بهذه الصفة ، وهي أيضاً واجهت تلك الضغوط بنوعيها ، ولكن بشكل أكبر .
فلقد عانت من ضغط المجتمع بكل صُوَرِه ، وعانت من ضغط التاريخ قديماً وحديثاً .
المرأة في حركة التاريخ :

إن حركة المرأة في التاريخ حركة بطيئة جداً ، بسبب الظروف الفكرية ، والاجتماعية ، والسياسية ، والاقتصادية .
ولذلك سقطت المرأة في براثن تَخَلُّفٍ وجَهل المجتمعات لمكانة المرأة ، وموقعها .
وبذلك بقيت المرأة عبر تاريخها تقوم من جاهلية وتقع في جاهلية أخرى ، وسنتحدث في السطور القليلة القادمة عن هاتين الجاهليتين .
الجاهلية الأولى :

لقد كان النظام الجاهلي إلى حَدٍّ ما يقسو على المرأة ، وقد ظُلِمَت المرأة بالتقييم والحقوق .
أما ما لاقته من الاحتقار والازدراء عندهم فحدِّثْ ولا حرج ، ولاقَتْ من انحطاط الشأن ، وإهانة الكرامة ، وخدش العزة .
وكانت تعيش في المجتمع الجاهلي أوقات يشوبها الخوف ، وعدم الطمأنينة ، وذلك لعدة أسباب ، أهمها :
الأول : السبي :

إن الحروب المستمرة بين القبائل على عهد الجاهلية الأولى كانت تبيح الاسترقاق والسبي ، وكان يعتبر أحد الأهداف الهامَّة في الحرب ، من أجل كسر شوكة القبيلة المُضَادَّة ، وبذلك تصبح المرأة سلعة تباع وتشترى .
الثاني : وَأْد البنات :

وهنا يرفض المجتمع والعائلة البنت والفتاة ، ويُحكَم عليها بالموت ، لا لسبَبٍ إلا لأنها فتاة .
ولأن وجودها عَبَث وعَار وذُل ، حسب تصوراتهم ومعتقداتهم المريضة ، وذلك بسبب الخوف من السبي ، وبسبب الفقر والحاجة .
الثالث : الزواج :

من الأمور التي حَطَّت من شأن المرأة في المجتمع الجاهلي هي أنواع الزيجات المتَّبَعة ، التي تجعل المرأة لعبة بيد الرجل دون مراعاة حقوقها .
الرابع : التخلف الثقافي :

والسبب الأخير هو التخلف العقائدي والفكري .
ولذلك وقعت المرأة في حفرة الجاهلية الأولى ، وبذلك كَابَدَت وَيلات وظلامات جعلتها تتخبط في دياجير التخلف ، والتقهقر ، والتراجع ، في ميادين العمل والعطاء .
وهذه النظرة مستمرة ، وسائِدَة ، مما جعل المرأة تسقط في جاهلية من نوع آخر .
وهناك أسباب أخرى مثل حرمانها من الميراث ، بل أحياناً تُعتَبَر جزءاً منه ، وغيرها من الأسباب التي سَبَّبَتْ إهمال المرأة ، ووقوع الظلم عليها .
وقد خضعت المرأة لهذه الضغوط بِسَبب غياب القانون الذي يضمن للمرأة حقوقها ، ويرسم لها منهجاً قويماً ، وكذلك بسبب غياب الحرِّيَّة العامة التي تتدخل في مجالات الحياة .
الجاهلية الثانية ( المعاصرة ) :

إن الجاهلية المعاصرة ، أو حركة التغريب ، هي كالجاهلية القديمة مهما اختلَفَتْ في مظهرها ، وأساليبها .
لأن جوهرها واحد ، وهو الانحراف عن الهَدْي الإلهي ، الذي لا ينتج إلا الظلم ، والفساد ، والعذاب .
إن سبب هذه الجاهلية هي حركة التغريب التي يقودها الغرب ، والذي جعل من المرأة أداة له لتنفيذ أهدافه الحقيقية ، في تدمير كياننا الفكري والاجتماعي ، كما دمَّرُوا كياننا السياسي والاقتصادي .
وإذا كان الغربيُّون ينادون ، ويعملون لتغيير واقع المرأة العربية والمسلمة ، لأنه سَيِّيء ، فلماذا لا يعلمون لتغيير الأوضاع السيئة الأخرى ، كالمرض ، والجهل ، والفقر ، والبؤس ، والأوضاع الاقتصادية المتدنِّية ، كما يعملون على هذه السيئات في بلادهم ؟ .
إن الغرب مُستغِلٌّ ، لا يهمه سِوَى تحريض وتعويد المرأة على الاستهلاك والاهتمام بالكماليات ، من أجل أن تبقى بلادنا مرتعاً لنفوذهم ، وسوقاً تستهلك سِلَعهم .
ومقابل كل ذلك النفط ، فهو الثروة الأولى ، والهدف الحقيقي ، لاستغلالهم لها كما استغلَّتها الجاهلية الأولى .
إن الجاهلية الحاضرة صَوَّرت القيمة الأولى للمرأة في إبراز جسدها في مسابقات الجمال ، التي ابتدعتها ، وجعلت النساء كالجواري اللاَّئي كُنَّ يُعرَضْن في أسواق النخاسة في الجاهلية الأولى ، ليختارهُنَّ من يشتري .
وتقدمت هذه الجاهلية في استغلال المرأة ، بطرح شعارات رَنَّانة ، وبمساعدة وسائل الإعلام .
مما دفع المرأة إلى الاستجابة إلى الحياة المادِّيَّة المعاصرة باندفاع ، آملة أن ترفع ظلم الجاهلية الأولى وقسوتها .
ولكن الجاهلية اليوم تفوَّقَت على جاهلية الأمس في إساءتها للمرأة ، بِخُبْث الأسلوب ، وشِدَّة القساوة .
فجعلَتْها عُنصُرُ جَذبٍ لمستهلكي البضائع ، بالدعَاية المصوَّرة ، كما استغلَّتها أسواق التجسس في السياسة ، للحصول على المعلومات ، وغيرها من أنواع الاستغلال .
لقد اتفقت الجاهليَّتان في إسقاط القيمة الإنسانية للمرأة ، فَكِلتَاهما تتعاملان معها على أنها جسد ناقص الإنسانية .
ولا تزيدان في قيمتها على قيمة جسدها ، فَهُمَا تنظران إليها على أنَّها متاع وحاجة للغير لا أكثر ، وإن اختلفتا في أسلوب التعبير عن هذه النظرة .
فهل تستطيع المرأة التخلص من براثن الجاهليتين ؟ وما هو الحل ؟
الخَلاص :

إنَّ الحل هو ذلك النور الذي يزيح عن المرأة كل مشاكِلِها ، وهو الإسلام الذي يرفض البلاء القديم ، ويرفض البلاء الحديث .
الإسلام الذي وقف في وجه الجاهلية الأولى ، وهو الذي ينقذنا من ويلات الجاهلية الثانية .
إن مشروع الإسلام لإنقاذ المرأة عَطَّلَتْه رواسب الجاهلية ، وأبعدته عن التطبيق .
فحياة المرأة في العصور الإسلامية عبارة عن امتداد لحياتها في الجاهلية ، وذلك بسبب تلك الروَاسب التي خَلَّفتها الجاهلية في المجتمع ، والأفكار والمعتقدات في كل العصور ، سواء الأموي ، أو العباسي ، أو المماليك ، وغيرها ، وحتى يومنا هذا .
إن مفهوم الإسلام عن المرأة لم يطبَّق إلا في حدود ضيقة ، وهو مفهوم راقٍ لا يتلائم مع المفهوم الذي ساد تاريخنا بشكل عام .
والتشريعات الإسلامية تشريعات راقية ، شَمَلت كافَّة نواحي حياة المرأة المدنية ، والحقوقية ، ورفعتها إلى مستوى لم تبلغه أي تشريعات قديمة وحديثة .
كما أن الإسلام جعل المرأة في سُلَّم أولويَّات التغيير ، الذي قام به ، فكفل أمور تربيتها ، وحرَّم وأدها .
كما أعطاها حُرِّيَّة الملكية ، ومنحها الاستقلال الاجتماعي ، والاقتصادي ، وكذلك ألزمها بواجبات اجتماعية وسياسية .
إن المستقبل للإسلام ، لأنه الحَلّ الذي سيفرض نفسه ، وقد تراجعت الجاهلية القديمة ، وقد بدأت الجاهلية الحديثة بالانهزام .
وإنه الحَلّ الأفضل لِكُلِّ المشاكل ، فهو الذي يحقِّق لها حياة سعيدة ، وهو الذي سيقضي على الجاهليتين ، وهو الميزان العادل الذي أعلَنَه الله سبحانه وتعالى لتقييم الفرد ، سواء أكان امرأة أم رجلاًَ . فيقول عزَّ وجلَّ في كتابه العزيز : ( أَنِّي لاَ أُضِيعُ عَمَلَ عَامِلٍ مِّنكُم مِّن ذَكَرٍ أَوْ أُنثَى بَعْضُكُم مِّن بَعْضٍ ) آل عمران : 195 .
نسأل الله تعالى ان يخلصنا من هذه الجاهلية.

[ندعوك للتسجيل في المنتدى أو التعريف بنفسك لمعاينة هذه الصورة]

رسالة فكاهية
- لما كنت صغير والدتى كانت بتاخدنى على البلكونة لما أخلع سِنة .. كانت بتقول 0]دعابة طبعاً ] .. يا شمس خدى سِن حمار وهاتى سِن غزال .. وطبعاً أنا مكنتش فاهم حاجة وكنت زى الأبله الصغير .. الحاجة الوحيدة اللى أدركتها لما كبرت أنى أمى أكيد غلطت ودعت ولو مرة بالعكس [ندعوك للتسجيل في المنتدى أو التعريف بنفسك لمعاينة هذه الصورة]

- بيقولك الطبيب البيطرى ممكن يفك زنقة فى أى حالة بشرية ... طيب مغلبين نفسهم ليه وعاملين طب بشرى !!! [ندعوك للتسجيل في المنتدى أو التعريف بنفسك لمعاينة هذه الصورة]

- الحمار ميبقاش حمار إلا لو كان ابن حمار ... والبغل ميبقاش بغل إلا لو دخل الحصان يحل خلاف الحمارين [ندعوك للتسجيل في المنتدى أو التعريف بنفسك لمعاينة هذه الصورة]

- واحد مسك واحد وقاله " الحق الحق مراتك ماشيه مع الكهربائى
1
" .. رد عليه قاله " عليا الطلاق بالتلاتة مهو الكهربائى "

- واحد بيقول لمراته " أنا الراجل هنا فى البيت
" .... قالتله " وأنا الست هنا فى البيت ولو متعرفش اسال موضوع ست الحسن والجمال فى منتدى وجنه[ندعوك للتسجيل في المنتدى أو التعريف بنفسك لمعاينة هذه الصورة] " ... قالها " الله يخرب بيت اللى فتح عينيكى "

المنتدى اليوم

- رجوع نوجا وهانى حمدلله على السلامه وياريت تكونوا معانا على طول
- عيد ميلاد هانى كل سنه وانت طيب وعقبال 1000 سنه بصحه وسعاده
- من يومين كدا .. طبت عليا الشرطة الإدارية فى قهوتى الشخصية .. دخل عليا اللواء يقول " أنتى يا عضوه .. احنا هنحجز 5 كراسى وبالمجان وعاوزينك تظبطى القعدة وترشى ميه وتجيبى 10 سحلب " .. قلتله " يا فندم كل عضو له كرسيين بس " .. قالى " اسم الله عليكى .. اديكى قلتى عضو .. واحنا إدارة يا حلوه .. اشمعنى أمين السياسات [ندعوك للتسجيل في المنتدى أو التعريف بنفسك لمعاينة هذه الصورة] .. هو احنا منشبهش .. وبعدين احنا طماعين " .. بعدها كل اللى كان منى جبت الكراسى وقلت فى نفسى نقطة ومن أول السطر [ندعوك للتسجيل في المنتدى أو التعريف بنفسك لمعاينة هذه الصورة]

- بيقولك من شروط الإلتحاق بفريق عمل منتدى وجنه أنك " تتجوز نملة أو نحلة " ... طيب ليه !!! .. قالولك عشان تعلمك النظام والترتيب والعمل المستمر .. ويوم ما تيجى تخرج متقدرش تطلقها عشان تطلع عينك وتربيك طول حياتك ولو مخلف منها عيالك هيشتغلوا خدامين فى قلب الخلية .. هتسألنى وتقولى يا خفيف هتخلف إزاى من النملة !!! .. هقولك يا تقيل عرفت إزاى أنك بتخلف أساساً [ندعوك للتسجيل في المنتدى أو التعريف بنفسك لمعاينة هذه الصورة]

- من يوم ما دخلت المنتدى وأنا بقول حااااااااااضر .. حاااااااااااضر .. حاااااااااااضر .. خمس مرات قبل الأكل وبعده ... نفسى يا ناس أسمع حد بيقولى حااااااااضر ... هموت عليها وربنا [ندعوك للتسجيل في المنتدى أو التعريف بنفسك لمعاينة هذه الصورة]
" وبعدين تكتب نقطة ومن أول السطر . [ندعوك للتسجيل في المنتدى أو التعريف بنفسك لمعاينة هذه الصورة]

- طول عمرى ووالدتى تقولى أنتى داهية مش احزان ... صدقت بس يوم ما دخلت منتدى وجنه[ندعوك للتسجيل في المنتدى أو التعريف بنفسك لمعاينة هذه الصورة]

تحيا جمهورية مصر العربية

[ندعوك للتسجيل في المنتدى أو التعريف بنفسك لمعاينة هذه الصورة]

سلسلة نقطه ومن اول السطر

الحلقة الثالثة - جزرة وقضمها جحش

[ندعوك للتسجيل في المنتدى أو التعريف بنفسك لمعاينة هذه الصورة]

سرب من أسراب النمل كان ماشى على فرع مصرف جمب الأرض الزراعية بتاعه الحاج أحمد ,,, ماشى راجع من مهمة التخزين الشتوى بتاعه كل سنة

ساكى وساهى تعبهم المشى لمسافة عشرات الكيلومترات خصوصاً أن المرادى واخدين عيالهم معاهم

ساكى :- " هو الموال ده مش هيخلص ,,, لازم كل سنة العلقة دى !!! "

ساهى :- " معلش أهى هانت الحكاية ,,, كلها كيلو ونوصل "

ساكى :- " بس احنا جوعنا وعطشنا والعيال شكلها هتقع مننا "

ساهى :- " يا فرج الله ,,, ربك مش بينسى حد أبداً ,,, بصى بصى ,,, فى جزرة قدامنا أهى وكل السرب طاير عليها ,,, شدى حيلك يا ولية "

ويطير سرب النمل على الجزرة اللى تُعتبر وليمة كبيرة جداً جداً

ومفيش دقايق ويحصل زلزال كبير يهز المكان كله

قائد السرب وحكيم النمل :- " بسرعة بسرعة ,,, الكل ياخد ساتر ,,, ديناصور البلد هيدوسنا فى رجليه "

يطير كل واحد من سرب النمل فى ناحية عشان يفسح الطريق لديناصور البلد

ويقف ديناصور البلد قدام الجزرة ويبص شمال ويمين وياخد الجزرة فى بؤه

وكل واحد فى سرب النمل باصص على الجزرة ومش مصدق اللى حصل

معقول ده !!! ,,, دى كانت لينا خلاص

ومفيش ثوانى وتسمع قائد الديناصور بيقول " اه يا جحش يا ابن الجحش ,,, واقف على حتة جزرة !!! ,,, امشى يا ابن الجحش "

ديناصور البلد " جحش الحاج أحمد - يبلغ من العمر 7 سنين بس - أبوه الحمار لما شافه شد حيله خلى الحاج أحمد ياخده معاه ويريحه من تعب الروح والجى "

وعلى بعد خطوات من ترك الجحش لمكانه وقف حكيم النمل وقال " يا سبحان الله ,,, جزرة وقضمها جحش "

[ندعوك للتسجيل في المنتدى أو التعريف بنفسك لمعاينة هذه الصورة]

جزرة وقضمها جحش ,,, مثل ومقولة مصرية طالعه من ريف مصر بتوصف كتير من الأمور اللى بتحصل فى حياتنا بشكل يومى

دايماً بنسمعها من الناس الكبيرة ,,, أبهاتنا - أمهاتنا - جدودنا ,,, وكتير بنسمع حاجات منهم مضحكة بمجرد سماعها بس بتوصف الحال بدقة شديدة

أمور كتير فى حياتنا لما نبص ليها نستغرب ودايما نقول " ايه جاب ده لده وإزاى ده يركب على ده !!! "

ومن قمة ذهولنا واستغرابنا ودهشتنا نقول الأمثلة والمقولات المعتادة فى المواقف اللى زى دى

[ندعوك للتسجيل في المنتدى أو التعريف بنفسك لمعاينة هذه الصورة]

" سمعت النهارده ,,, بيقولوا أن الواد الفلانى ابن فلان هيتجوز البت فلانة بت فلان "

" لا يا راجل بتقول ايه ,,,, بقى الواد ده هيتجوز البت دى ,,, متجيش أصلاً ولا ينفع ,,, اه والله صحيح f]جزرة وقضمها جحش ] "

" اسكت ده الواد سمير جاتله حته شغلانه إنما ايه ,,, محدش كان مصدق أنه هيوصلها ولا هو كان يحلم بيها أساساً "

" اه والله معاك حق ,,, بس نعمل ايه .... إلخ "

مين قال أن جوازة فلان من فلانة جايه بشكل اعتباطى وغير متكافىء ,,, ومين قالك أن فلان لازم ياخد الوظيفة اللى تناسب وضعه وحجمه اللى أنت بتفكر فيه !!!

ميكونش ليه ربك رايد أن فلان يتجوز فلانة عشان يتعدل حاله المايل على ايديها !!! ,,, أو فلانة لما تتجوز فلان ربنا يجعله سبب فى هدايتها !!!

أو فلان لما ياخد وظيفة وشغلانة ضخمة فى نظرك يكون ده حكمة من ربك لحاجة محتاجها الشخص ده أو أى حد من عيلته !!!

فى الحقيقة كل اللى بيحصل ده يندرج تحت مسمى كلمة رزق

ولو نفهم معنى الرزق كويس هتتسع مداركنا بشكل غير عادى

رزق فلان أنه يتجوز فلانه عشان رزقها أنها تخلف منه واد رزقه أنه يحفظ القرآن على ايد شيخ رزقه أنه ياخد ثواب الواد ويدخل بيه الجنة

ويروح ويجى الرزق ده على الأربعة دول عشان يبقى دليل حكمة ربك من جواز فلان بفلانه

رزق فلان أنه يلتحق بوظيفة فى شركة ما عشان رزق صاحب الشركة أنه يكسب من وراه بشكل أو بآخر وعشان يعود الرزق ده على كل واحد شغال بالشركة دى

يعنى هى الحكاية مش مرتبطة بشكل شخصى وبس أهى ,,, دى الحكاية ليها أبعاد وأبعاد وأبعاد

واحد بسم الله ما شاء الله متدين وله وظيفة متحرمة وعيلته كبيرة ولها أصل ووووو ... إلخ

كان نفسه يتجوز واحدة من حسب ونسب وأصل ودين وخلق وجمال ,,, وحاول بكل ما يملك أنه يتمم الجوازة دى

لكن سبحان الله ,,, تقف الجوازة على حاجة أهيف من الهيافة ويبقى نصيب الشخص ده فى واحدة تانية خالص أقل من الأولانية فى حاجات كتير

ويبقى نصيب البنت دى فى واحد أقل من اللى اتقدملها فى الأول بمراحــــــــــــــــــــــــــــــــــــــــــل

بس اصبر وانظر فيما بعد لحياة كل من الطرفين ,,, هتلاقى نفسك بتقول كلام غير الكلام اللى كنت بتقوله فى الأول خالص

[ندعوك للتسجيل في المنتدى أو التعريف بنفسك لمعاينة هذه الصورة]

رؤيتى الشخصية لهذا الموضوع ,,, أن حكمة ربك لا تدركها لا الأبصار ولا العقول إلا بعد فترة كبيرة وقليل من البشر من يهبهم الله برؤية حكمته ويخصهم بهذه الهبة

الحكاية بسيطة خالص ,,, عقول بتركب على عقول ,,, سبحان من يركب عقل على عقل وروح على روح ونفس على نفس

زى نظام الإنزيمات فى الخلية وزى نظام القفل والمفتاح ,,, ادى المفتاح فى إيدك اليمين والقفل فى إيدك الشمال

منين ما يدخل المفتاح فى القفل ويتلاقى الإنزيم الخلوى مع شقه النشط ,,, تكتمل الحلقة وتقدر تشوف ايه اللى ورا الباب المغلق

وبلاش نقول " جزرة وقضمها جحش " ونقول " قدر الله وما شاء فعل " " إنا كل شىءٍ خلقناه بقدر "

نقطة ومن أول السطر .

[ندعوك للتسجيل في المنتدى أو التعريف بنفسك لمعاينة هذه الصورة]

رسالة عقلانية

- " شبكة الثقة " ... أجمل وأصعب ما فى الدنيا أنك تثق بنفسك وقدراتك ,,, ويوم ما ربنا يكرمك بثقتك فى نفسك وقدراتك وتفكر تثق بمن حوالك فخلى بالك من عدة حاجات :-

1- ثقتك فى والدك ووالدتك ثقة فطرية مش بس صعب أنك تفقدها بل مستحيل حتى تفكر التفكير ده

2- يوم ما تحب توسع دايرة الثقة دى " قرايب - أصدقاء - زمايل " ... فكر فى مقدار الثقة المُعطاة من جانبك قبل التفكير فى الأشخاص

3- اعلم تمام العلم ,,, كل ما كانت شبكة ثقتك قصيرة فمردودها عليك هيكون أسرع ,,, شبكة ثقتك زى شبكة أسلاك الكهربا

4- يوم ما تفكر أنك تعطى الثقة لفلان وتسحبها منه وتكون أنت الغلطان وتحب تسترجع الثقة دى فده شبه مستحيل

5- احترم جميع العقول بس مش شرط أنك تثق فيها ,,, زى ما قلنا فوق ربك بيركب عقول على عقول ,,, كل يوم فى عقول فى الطالع وعقول بتنضج وعقول بتتفتح وعقول بتكبر وعقول برضه فى النازل كل يوم بعد عنك

6- تملى هنقول ,,, ثقتك بنفسك وبعدها ثقة ومن أول السطر .

[ندعوك للتسجيل في المنتدى أو التعريف بنفسك لمعاينة هذه الصورة]

المنتدى اليوم

- فى ثوره كبيره فى المنتدى اليوم
- دلوقتى ممكن تدخل قسم رمضانيات من الباب الخلفى للمنتدى ,,, ويا مكتر الأبواب الخلفية للمنتدى

- زمان لما كنت عيله شفت فيلم ما فكان بطل الفيلم بيقول لعيل صغير " روح يا تامر إلعب مع الأسد " ... دلوقتى فى أوقات الفراغ بقول " روح ياد يا أحمد إلعب فى المنتدى"

- فى ليلة العيد .. التدافع على بوابة المنتدى كان بالجملة !!! .. مع إن التذاكر كانت بالكوم فى رمضان لدخول مسرح فارغ جماهيرياً وممتلىء بالممثلين على خشبة المسرح و]عروض] " ...... " !!!

- عادة فيا وللأسف مش قادره أبطلها أبداً ... بحب أنكش كل حاجة لعل وعسى فى النكشة دى يحصل تغيير مع أن التغيير مش فى كتالوج الشعب المصرى ولا العربى

[ندعوك للتسجيل في المنتدى أو التعريف بنفسك لمعاينة هذه الصورة]

تحيا جمهورية مصر العربية

[ندعوك للتسجيل في المنتدى أو التعريف بنفسك لمعاينة هذه الصورة]

احـــــزان

كــنت سعــــيد

بقراءة سطورك

وكلمـــــــاتك

لك مني وســــام إمتنـــان

لروعة ماخط قلمك

لاتحـــرمنا طــــــيب

زيـــــــارتك و عـــذوبة حـــروفك

قرات الموضوع اكتر من مرة وفى كل مرة يزيد اعجابى
لكننى لم ارد كنت عايزة اقراء وابحث اكتر عن خلفيه
هذا الموضوع

بالنسبه للحلقة الاولى

بصراحه لفيتى دماغى خالتنى اقرا وادور

وابحث فى هذا الموضوع كتير الى ان وصلت الى ان

فى خلق الله حكمه كونيه لا يدركها اى عقل بشرى

اما الحلقة الثانيه

معاكى حق فتماثيل النساء الفراعنه امثال كليوباتر ونفرتارى وغيرهن توحى

بمدى اهتمامهن بانفسهمن ومدى جمالهن اقول هذا لانى حفيدتهم ههههههههه

اما القصه الثالثه

اكيد طبعا كلها اقدار ونصيب وما حد بياخد اكتر من نصيبه المكتوب

ولله فى خلقه شؤون

بجد بجد .. حاجه فوق الممتازه ،، جزاك الله كل الخير يا حبيبى على الإبداع اللى هو جزء منك من يوم ما عرفتك
احبك فى الله ،، ومتابعه بإذن الله

قمرايه

» ابراهيم عيسى .. من أول السطر
» رسم الهمزة المتوسطة على السطر - قواعد الاملاء للصف الأول الاعدادى
» اخر نقطة حبر
» نقطة ضعفي ك بنت
» نقطة ضعف ونقطة قوة لكل برج