هل يحق للأخ ضرب أخته

السلام عليكم ورحمه الله
اولا انا فاكر اننا اتكلمنا في الموضوع ده هنا من زماااااااااااااااااااان
ومفيش مانع اننا نتناقش فيه من جديد
بس علشان نكون وضحين في التعبير
انا هتكلم عن نفسي مش عن الصح والغلط
بمعني ايه هي طريقتي مع اختي او بنات العائله عموما
انما كان صح او غلط مش موضعنا

هل يحق للأخ ضرب أخته مهما كانت الاسباب ؟؟
انا عن نفسي كنت بضرب اختي كتيرررررررررر
علي اي سبب كان اكل شرب غسيل ملابس مكوي اي حاجه


هل يحق للأخ ضرب أخته مهما كانت الأسباب وهل تؤيد ذلك؟
طبعا يحق لي اضربها علشان تخاف تعمل اي حاجه غلط
ويمكن احنا بنسمع كلمه كتير من البنات توضح المعني ده


وهي
تقولك لالا مش اقدر د كان اخواتي تدبحني
يعني لو مفيش مراقب كانت قالت اوكي عادي
وهاي شله ومعاكم لبان والحياه تبقي ايزي ع الاخر


هل يريد الاخ أن يبرهن لنفسه ولاخته على انه سيد البيت المطلق
مش موضوع سياده
موضوع الاخ هو الاقرب الي عقول الشباب ويعرف كل الحركات دي
ومن حقه يخاف ع اخته ويكون عليها رقيب في كل تصرفاتها


هل الاخ الذي يضرب أخته أخ غير ناضج اوضعيف الشخصية؟

الله اعلم ناضج مش ناضج
المهم ان يوصل باخته الي بر الامان
وهو الستر لانها مهما تتعب من معامله اخوها
هيكون ارحم لو حصل لها حاجه لقدر الله

ووقتها هتقول ياريت كان اخواتي قتلوني قبل مااعمل كده
طبعا ده رأي خاص
وانا ديما بقول كده اني كنت بلعب باختي تنطيق علي طول
وهي كمان فرحانه بكده وبتفتخر بكده ديما
وبتحكي لاولادها علي الايام دي


هل المرأة لا يجب ضربها على الإطلاق، مهما كانت الظروف أو الأسباب؟؟

لالا اكسر للبنت ضلع يتطلع لها 103
تسلم يا زعيم
وتحياتي

تسلم عرايشى على طرحك المميز

وانا مع عقاب البنت حتى لو كان بالضرب

كل شىء فيه ثواب وعقاب

واكيد مش كل بنت ممكن العقاب بالضرب بيجيب نتيجه معاها بالعكس الشىء دة ممكن يجيب نتيجه عكسيه تمامما

ويحصل عكس مامتوقع


لكن فى بنات مش ينفع معاهم غير الشدة

وربنا يحمى كل بنات المسلمين


تسلم عرايشى على كل موضوعاتك المثمرة

طبعا انا من اشد المعارضين للضرب لاى بنى ادم ليس للبنت فقط


الإنسان اللذي تربى على الأخلاق الحسنة و الدين الإسلامي بطريقة صحيحة و المتعلم لاتصدر منه
هذه التصرفات نهائياً
و كل إنسان يضرب غيره بنظري هو إنسان جاهل و متخلف و يفتقد للغة الحوار و السلوك القويم
و يحتاج إلى إعادة تأهيل لان الضرب لغة حوار الحيوانات اعزكم الله


طرح ممتاز

مشكور عليه

تقديرى واحترامى

و كل إنسان يضرب غيره بنظري هو إنسان جاهل و متخلف و يفتقد للغة الحوار و السلوك القويم
و يحتاج إلى إعادة تأهيل لان الضرب لغة حوار الحيوانات اعزكم الله



ربنا يكرمك قمرايه

لو انتي اختي بجد كنت وريتك شغلك دلوقتي

كلامك ده تستاهلي الضرب من اخوكي


بهزر طبعا

كل الشكر والاحترام لك أخى " عرايشى " على موضوعك الرائع والمهم ...ولى تعقيب عن هذا الموضوع ووجهة نظر أرى أن لكل حالة وضع مختلف.... فإذا كنا نتحدث عن ضرب الأخ لأخته  فهذا  بعتبره أمر طبيعى اذا استدعى الأمر لذلك وليس فى كل الاحوال وكل الحالات ربما يكون نتيجتة ايجابية واحيانا يكون العكس مثله مثل ضرب الزوج لزوجته تماما .. إذن الموقف هو الذى يحكم على ذلك ....أما مثلا  الضرب فى المدارس فأنا أرى من وجهة نظرى الشخصية والتى نلتمسها جميعا أن الضرب بالمدارس كان خير عقاب وكان له ثماره .. طبعا العقاب المعتاد الضرب على اليد وليس على أجزاء الجسم ( مش بيتخانق المدرس يعنى مع الطالب ) وأرى حقيقى أن فى الفترات السابقه كان هذا العقاب  نتيجة التعليم كانت افضل بكثير .. أما الأن  ممنوع الضرب تماما اذن على الطالب ان يفعل كما يحلوا له .. والنتيجة كلنا يعلمها .موضوع الضرب بحد ذاته أو بصفه عامه لا يمكن احتكامه  لأن لكل حالة وضع مختلف .. كما ذكرت تقبلوا تحياتى 

هههههههههههههههههه
اوك ياعمر لكن انا يا عمر بتكلم والله على اساس ما تربيت عليه انا واخواتى البنات عمرنا ما اضربنا من اخونا او ابونا
لكن كان فى بينا لغه حوار يقنعنى واقنعه وبعدين انا بقول ان الانسان الذى تربى على الخلق الحسن لا يصدر منه اى شئ يشوبه ويوصله للضرب انا لازلت عند رايى ان الضرب لغة الفاقد للغه الحوار

مودتى

موضوع في منتهي الروعه عرايشي

انا من رائي ان الضرب عمره ما كان وسيله للتربيه والحفاظ على البنت
بالعكس
انا عن نفسي الحمد لله عمر ما اخويا او ابي مدوا ايديهم علينا
احنا ثلاث بنات اهلي ربوني وعودوني على النقاش والحوار ولغه الاقتناع لكن الضرب عمره ما بيجيب اي نتيجه
لذلك ان شاء الله زوج المستقبل اتمنى يكون كمان كده لان بصراحه الراجل اللي بيضرب المراءه عامه سواء اخت او زوجه ده انسان ضعيف الشخصيه مش عارف ولا قادر يسيطر على اخته او زوجته بلغه الحوار او النقاش والتفاهم
بعتذر طبعا لو رائي متعارض مع اي حد وبحترم جداااا كل رائ هنا
ربنا يبارك فيك
دايما متاءلق ومبدع بما تطرحه من تميز
تسلم عرايشي
تقبل مروري

السلام عليكم ورحمة الله وبركاته اخ عرايشي


هل الاخ الذي يضرب أخته أخ غير ناضج اوضعيف الشخصية؟

اكيد

هل الاخ الذي يلجأ إلى وسيله الضرب ..هو إنسان واعي و فاهم و متعلم ؟

ما اعتقدش انه يكون فاهم او واعي او مدرك لضئالة النتيجة الي بتكون بالضرب


هل يستمدّ الرجل جبروته من قوّته، أم من ضعف المراه ؟

من الاتنين

هل المرأة لا يجب ضربها على الإطلاق، مهما كانت الظروف أو الأسباب؟؟

في البداية ازيك يا اخ عرايشي

وموضوعك وكالعادة بيطرح موضوع شائع وكبير وليه اكتر من بعد اجتماعي


للاسف الانسان واقصد الذكر الي يتطاول على امرأة بالضرب هو انسان وبعيدا ان قصد اي شخص انسان قليل الحيلة

يدعي الفهم والمعرفة وادراك الامور وهو لا يعرف عنها شيئاً

موضوع فكرني بشيء مؤلم حصل معاي من سبع سنين ولايزال حتى اللحظة ذكري ليه بيألمني

وهو اني قمت بضرب اختي الصغيرة والكبيرة في يوم واحد

مجرد ذكري للحظة دي بيجعلني اشمئذ من نفسي ومن الي عملته


بس انا فكرت بشكل عملي وضورت على الاسباب الي علشان ممكن اضرب اختي او زوجتي او بنتي

لقيت انه النتيجة من الضرب هي ( صفر )

لو كانت هي استجابت واطاعت أوامري خوفا من العقاب الي هو الضرب اعتقد انها استجابة فارغة مالهاش معنى

اذن ا استاجبتها كانت عن غير اقتناع ولم تنتج عن حوار تشعر هي منه اني اخاف عليها واني ربما اعرف اكثر منها عن العالم الخارجي


ايه الي هيحصل اما اسافر او امرض او اموت وساعتها هي مش هتضرب وهيزول سبب خوفها من فعل شيء غير سديد

اعتقد أنه من هذا المنطلق لازم يكون اقناعي لاختي وزوجتي وبنتي ناتج عن حوار يشمل كل الجوانب والنواحي في المسالة الي احنا بنتحاور فيها

لازم علشان اقدر امتلك العقل احاوره مش اضرب الجسد رغبةً في امتلاك العقل

المرأة ايا كانت أم أو اخت او زوجة او ابنة كائن رقيق جدا لو حس بالامان من ناحيتك هينظر للأمور بعينك مش بعينه

هيشوف الصح بعيونك ويشوف الغلط بعيونك

ولو حصل العكس ... هيتمنى اللحظة الي تكون غايب فيها لأنها بالفطرة البشرية زيها زي الراجل عايزة تشوف العالم ده شكله ايه


انما لو حست بالامان من ناحيتك هتشوف العالم زي ما انت شايفه

ومش معنى كده انه العالم وحش لا ولكن انت راجل واكتسبت خبرات في الحياة اكيد اكتر منها

وهي مع الوقت والحوار اللين البناء هتستقي الخبرات بتاعتك وتعرف تتعامل مع العالم ده


شاكر ليك يا اخ عرايشي على ما تقدمه وجزاك الله خير

موضوع من موضوعاتك المتميزه يا عرايشي

باختصار جدااا يا عرايشي اعتقد الانسان الواعي اللى يكون ليه مواقف ايجابيه مع الانسان اللى قصاده يحترمه و يقدره و يحافظ عليه مش يضربه
عمر ما كان الضرب ده اسلوب ايجابي ... بالعكس ده اسلوب سلبي جدااا

انا اكبر اخواتى و عندى ولدين اخواتى اصغر منى مع ذلك باعتبرهم كبار رجاله اخد رئيهم في حاجات كثير مع ان انا الكبيره و كلمتنى انا اللى بتمشي
بس انا باخد رئيهم في كل حاجة لبسي ...شغلى و اكيد ممكن اعمل حاجة غلط بحكي عليها و باخد رئيهم ده اللى شوفته من ابويا تجاهي انا و اختى و اللى اكيد بنفذه مع الصبيان الاصغر منى
علشان لقيت مردوده ايجابي جداااا

الضرب بيبنى جدار ..جدار سئ جداااا بين الاخوات .....بين الزوج و زوجته .... بين الاب و اولاده
ربنا سبحانه و تعالى ادى للزوج الحق انه يضرب زوجته بس خلى الحل ده في الاخر بعد الهجر و العقاب لو مفيش فايده
لسبب طبعا علشان ربنا سبحانه و تعالى كرم المراة ... ما ترجع للجاهليه و نوادها احسن

على فكره انا مع العقاب ... بابا الله يرحمه كان بيعاقبنا عقاب بشع افظه من الضرب بكثير
الخصام و التجاهل .. كنت اقوله اهون عليا انك تضربنى على انك تتجاهلنى
يقولى و انتى مش حيوانه علشان اعملك بالاسلوب ده ... انتى انسانه

الضرب بيولد الخوف ... و الخوف بيولد الكدب ... و الكدب بدايه النهيار
تسلم يا عرايشي على مجهودك المتميز و المبدع دائما

الحمد لله رب العالمين اللهم صلي علي سيدنا محمد

بما اننا بنتكلم عن جيلنا ده الي الكل خايف منه وعايز يسيطر عليه بالضرب

طبعا بني ادم مبيضربش

ولقد كرمنا بني ادم

والاخ الي يضرب اخته هو فعلا ضعيف الشخصيه لو هو قوي الشخصيه كان وصل معاها لنتيجه مرضيه سليمه بالتحاور لا بالضرب

زي ما قال عمر صلاح لازم علشان اقدر امتلك العقل احاوره مش اضرب الجسد رغبه في امتلاك العقل

والضرب اكيد النتيجه بتعته سلبيه جدا واقل شيئ انها هتلجئ لواحد تاني تقدر تحس انه اخوها حتي لو هو ضحك عليها وحسسها بالخوف والاهتمام

هيه مش هتكون شايفه ده لانها مفتقداه عندها

عمر الضرب للااخت او البنت او الزوجه بيجب نتيجه ابدا

ولو كانت النتيجه كويسه ومرضيه ليه في الظاهر فالباطن لايعلمه الا الله

ونروح بعيد ليه

احنا مثلنا مين النبي صلي الله عليه وسلم

هل ثبت عنه انه ضرب احدي زوجاته مثلا

وعندما قيل اضربوهن واهجروهن في المضاجع

الضرب كان بالسواك


كلنا عارفينه

مش الشعر بيتقطع وممارسه الرياضه علي الاخت او ايان كانت

موضوع جميل يااستاذي

بارك الله فيك

تقبل مشاركتي

هو إنسان جاهل و متخلف و يفتقد للغة الحوار و السلوك القويم
و يحتاج إلى إعادة تأهيل لان الضرب لغة حوار الحيوانات اعزكم الله


والاخ الي يضرب اخته هو فعلا ضعيف الشخصيه

يدعي الفهم والمعرفة وادراك الامور وهو لا يعرف عنها شيئاً

انسان ضعيف الشخصيه مش عارف ولا قادر يسيطر على اخته او زوجته بلغه الحوار او النقاش


السلام عليكم
طبعا انا دخلت تاني علشان مخنوووووووووووق من كلامكم ده

انا لما رديت وقولت وجهه نظري
مش قولت ان العكس بيكون كذا وكذا

وتشبيه بالحيونات والمجنون والعبيط الجاهل

اللي فاقد مش الحوار ومش عارف ايه

اخواني لا يصح التجريح المفروض تقول وجهه نظرك انت وليس لك علاقه بمن يفعل عكس ما تقول

كل واحد حر في وجهه نظره ومسئول عنها

علشان اشوف تعليقات تشبهني في نفس الصفحه

بالحيوان والكلام ده

لا يرضي الله
وانا مش راضي علي كلامكم ده
ولي حق عندكم

لاني ببساطه اخذت اتجاه واتكلمت عنه
وانتم اتخذتم اتجاه اخر واتكلمتم عنه
ليه تجرحو فيا

مع اني عندي ردود كتيره علي كلامكم اقلها هو
............................................
..........................................
..................................
شكرااا للمشرف المسئول
وشكراا للمدير
وشكرااااا لكم جمعياااااااااااااا

الغالى عمر
خالص الاعتذار لشخصك الكريم لكن سؤال
ليه اخدت الكلام على نفسك للاسف ياعمر كتير من الرجاله بتضرب اخواتها البنات مش انت بس لكن كل الكلام السابق كان وجهة نظر كل عضو وليس تجريح لشخصك احنا بندافع عن لغة الحوار المفقودة بيننا


اخى الكريم خالص الاعتذار مرة اخرى لشخصك الكريم انت صاحب راى يحترم جدا وديه وجهة نظرك
ولك مطلق الحريه فيها

اخى الكريم
تقديرى واحترامى وودى واعتذارى