عايز أبقى روش طحن

بص بقى

احنا لازم نعيش حياتنا ... آه زى الشباب بتاع امريكا كده .. وزى الفيلم

اللى شفناه امبارح .. شفت الواد كان معلق كام مزة ... والا العربية اللى

راكبها .. والا الموبايل اللى ماسكه ... دى الناس اللى عايشة يامان

طب ح نعمل ايه ؟

اضرب شعرك جيل زى تامر حسنى .. وانا ح اعمل سبايك زى بتاع عمرو دياب ..

وجزمة كعب كباية .. وحتة سلسلة

جنزير محترمة .. وانسيال جلد

واشمعنى يعنى جلد ما تخليه دهب زى السلسلة ؟

افهم يا حمار دى موضة .. خليك روش وحديث ومتفتح كده ع العالم الخارجى ..

انسيال جلد زى اللى لابسه ريكى مارتن فى الاغنية .. ركز بقى معايا .. بقولك

ايه .. ولع الدبوس التانى خلينا نعرف نتكتك

ماشى

بيس يا مان ؟

بيس يا مان .. بس مش الحاجات دى محتاجة فلوس برضه .. والا انا بيتهيأ لى

سهلة يا مان .. مافيش اسهل من سرقة الموبايلات اليومين دول .. واهى الناس

ماشية تايهة.. واى حد سهل تغفله

آه فكرة

بعد بقى ما نظبط المسائل .. ننزل بقى نتدنجل .. ونعلق مزز .. او نروش فى اى

صالة ديسكو .. ونعيش يا معلم

ميه ميه ياريس .. بس انا برضه اتكسف امشى فى الشارع وانا عامل فى نفسى

الحاجات دى

يا بنى آدم افهم .. انت ح تفضل طول عمرك متاخر كده .. ده اسمه نيو لوك يا

مغفل .. وبعدين ما تنساش تبقى تميع وسطك شوية فى البيت مع نفسك على انغام

روبى و هيفا ... علشان تبقى شب روش طحن .. هما البنات بيحبوا كده .. اسمع

كلامى وسيبك من الواد احمد ده اللى ح ببوظلك دماغك .. صلاة ايه وصيام ايه

وتعذيب ايه .. وده حرام وده حلال .. وسوريا وفلسطين والعراق

الا صحيح اليهود بقالهم 54 سنة فى فلسطين ؟

يا عم احنا مالنا اياكش يولعوا ف بعض .. يابا خلينا نعيش حياتنا .. والا

انتا عايز تخش المعتقل؟

اخش المعتقل ليه ؟

هو كده .. ح تمشى ف سكة الدين

والسياسة .. وتقعد تقولى ده صح وده غلط ... ح تبقى أخرتك فى المعتقل .. ح

تبقى روش طحن .. ودماغك انضف م الصينى بعد غسيله .. ح تبقى حبيب الكل يا

سافو .. اشرب .. انسى .. ما تفكرش ..ما تحلمش .. ما تحسش .. قضى يومك خليه

يعدى .. والعمر كله يعدى[ندعوك للتسجيل في المنتدى أو التعريف بنفسك لمعاينة هذه الصورة]

عليه العوض فيكي يابلد

يا شباب متعة الحياة ليست فى سلسلة وروشنة زى ما بتقولوا . اعمل لنفسك

شخصية فريدة ومتميزة والا فانت لا تستحق الحياة التى خلقت من اجلها

( وما خلقت الجن والانس الا ليعبدون )

بلا روشنة بلا نيلة اتقوا الله باة دا كلام

تقبلوا منى ارق
تحياتى

و اتمنى ان ينال الموضوع اعجبكم

هههههههههههههههههههههههههههههههه

يا بنى آدم افهم .. انت ح تفضل طول عمرك متاخر كده .. ده اسمه نيو لوك يا
مغفل .. وبعدين ما تنساش تبقى تميع وسطك شوية فى البيت مع نفسك على انغام
روبى و هيفا ... علشان تبقى شب روش طحن .. هما البنات بيحبوا كده .. اسمع
كلامى وسيبك من الواد احمد ده اللى ح ببوظلك دماغك .. صلاة ايه وصيام ايه
وتعذيب ايه .. وده حرام وده حلال .. وسوريا وفلسطين والعراق

هههههههههههههههههههههههههههههههههه

جميل جدا رياض وفعلا فى شباب للاسف كدا

ربنا يهدي الشباب
موضوع جميل
بس مين يسمع ومين ينفذ

تسلم رياض

ده حال الشباب الايام دى و بنلوم على البلد

طب ما نغير أنفسنا الاول و بعدين نقول البلد فيها و فيها

لا يغير الله ما بقوم حتى يغيروا ما بأنفسهم

شكرا أحزان و بطة على المرور الكريم

جزاكم الله خيرا

تقبلوا تحياتى

يا جماعه على فكرة هما ضحية وليسوا جناة .. ضحية عائلات اساسا منحلة ووضع مادى فوق التخيل ... اتولدوا وفى فمهم معلقة دهب ونظروا حولهم فوجدوا الاب والام والأقارب منحلين ولديهم من الأموال ما يكفيهم طول العمر وتربيا على البرستيج والنيولوك وخلافه .. هى دى الحقيقة .... ولكن فى بقه فئة أخرى هى دى الكارثه الكبرى اللى غلبان وابن غلابه ومصمم يقلد كل شىء حتى لو مش مناسب له وأرى أن هؤلاء حمقى ومتمردين على حياتهم وينظرون دائما الى ما بين يدى الاخرين ...يا أحبابى كل مجتمع وله عاداته وتقاليده .. ومن حقى انى اساير العصر ولكن... لما هو مناسب لى ولشخصيتى ولتعليمى ودينى

شكرا موندى على كلامك و تعليقك

و شكرا على مرورك الجميل

تقبل تحياتى

رياض العربى تحياتى لنزف قلمك الراقى
فقد اصبت الحقيقة الكامله

فقد قولت وبقول وهقول

سبب كل هذا غياب القدوة والرموز التى اصبحت تتهاوى فى زماننا هذا للاسف

رياض
ودى
اختك قمرايه

شكرا قمرايه على الكلام الطيب

و شكرا على حسن المتابعة

تقبلى تحياتى