كباب الحله الكوابري

كباب الحله الكوابري
هو اسمه كده لان تقريبا من اختراع اهالي مركز ابو كبير لان كله لخبطه
ههههههههههههههههههههههههه
وبعد كده اتعرف عادي وبيتعمل
نبدأ
..........................
نص كيلو لحم مفروم....نص كيلو أرز....بصلتين...معلقه توم صغيره....معلقه فلفل اخضر مفروم كبيره
معلقه بهار كبير(فلفل اسود .كمون.قرفه)والاهم القرفه وانتي هتعرفي الفرق بعد ما تنتهي الاكله
خمسه بيضه..ربع ممعلقه بودر صغيره..نص كيلو بؤسماط..خضره بقدونس وشبت
كوب شاي صغير دقيق فينو..ربع كوب زيت زيتون او ذره..او معلقه كبيره سمن بلدي
التحضير
......................
نغسل الارز عادي
نقطع الخضره ناعم ونضيف عليها البصل ناعم والتوم ناعم والفلفل الاخضر ناعم والبهار والملح
وكوب الدقيق وربع كوب الزيت ونطحن البؤسماط ونضيفه ونضيف الخمس بيضه عليهم
نجيب اللحم هيه مفروم بس نفرمها مره تانيه سريع ف البيض احنا عايزينها ناعمه جدا جدا لدرجه تلزق في صوابعك
مش مفروله زي ما بتيجي من عند الجزار تتاكدي انها ناعمه اوي
تضيفيها علي الخليط السابق وتعسجيها بايدك مش اقولك بئه تعملي ايه
خدي ربع ساعه ف التعسيج لحد ماتشوفيها تماسكت اوي اوي
هاتي حلها وحطي من تحت شرائح بصل وبطاطس وبعد كده اعملي الكباب زي الكفته كده
وحطيه ف الحله فوق بعضه عادي
بس لو الخليط من الاول مكنش متماسك اوي كده هيفك كله من بعضه احنا عايزين كله يكون تمام
وبعد كده حطي الشوربه فوق الكباب لحد ما يغطيه بمفدار عقله الاصبع كامله ومتخافيش
سويه علي نار عاليه ف الاول لما يبدأينشف بس مش اوي
وطي النار اوي وسيبيه يستوي
..........................
القرفه بالذات هتعطي له مزاق بما ان اللحم المفروه كده بيتسلق مع الارز مش هيكون له الا اطيب رائحه بالقرفه
البيض والبؤسماط والبودر بينفش الكبابه يخليها كبيره وخفيفه بس لو حطتي نص معلقه مش ربع برضو هيفك كله
وكده خلص الكباب الحله الكوابري هتقدميه مع اللحم او الفراخ اللي موجود عندك
ولو انتي طباخه صح اخر طبقه ف الكباب هتخرج زي اول طبقه
يلا نختبر نفسنا ونشوف الفضااااااااااااايح
ههههههههههههههههههههه
ويارب تعجب

مش فضاااااايح بس دا احنا هنحرق المطبخ كدا

هههههههههههههههههههه

بس انا مش بحب القرفه اعمل ايه انا بقى احط زعتر بدلها

تسلمى شكل الاكله حلوه

هقول لماما بقى تعملها احسن لو عملتها مش هيكون فى مطبخ تانى

لالا اوعي تحطي زعتر بدال القرفه ده طعم وده طعم وخاصه للكباب مينفعش

ادي اول غلطه يامنونه ربنا يستر

شكرا علي مشاركتك وان شاء الله ماما تعملها بس ادعيلي ولو عجبتكم

ياريت بجد يا صافى تنزلى طريقه عمل الرز المصرى
وكزلك الفراخ والمكرونه ينوبك ثواب يبنتى اصل اخوكى ملبوخ ع عينه Sad

شكرا يامحمود علي المرور

وانا بجد دخلت اكتب لكن قرات الموضوع التاني ليك وحياه شرحت زي ماانت عايز

وبرضو نحاول نفيدك بدال الاكل الجاهز

والراتب مش مستحمل

هههههههههههههه

» كباب حله
» طريقة عمل شيش كباب الخضروات
» كباب الفاكهة مع الكريمة
» مشردون يقتلون رجلاً ويبيعون جثته لمطعم كباب