تابعو ثورة 25 يناير ( ثورة الغضب )

ـ فريدة محمد وشيماء فتحى ومى زكريا وأسامة رمضان ومصطفى أمين

استحوذت المظاهرات التي شهدتها شوارع القاهرة مساء أمس
الأول علي اهتمام وأحاديث المواطنين في الشارع وفي المواصلات العامة أمس،
كما سيطرت أصداؤها علي تحركات أحزاب وقوي المعارضة الرئيسية، حيث تخلف
ممثلو أحزاب المعارضة الرئيسية عن الاجتماع الذي دعت إليه أمس الجمعية
الوطنية للتغيير من مركز هشام مبارك للقانون من أجل تحديد الإجراءات التي
تنوي اتخاذها عقب انتهاء المظاهرات، وقرر المجتمعون من أعضاء ونشطاء
الجمعية وحركة 9 مارس وعناصر من المنظمات الحقوقية التوجه لمكتب النائب
العام لتقديم بلاغ يطالبون فيه بالإفراج عن العناصر التي تم اعتقالها إثر
هذه التظاهرات.

وفيما تظاهر عشرات المواطنين علي سلالم نقابتي
الصحفيين والمحامين أمس، وانقسمت قيادات حزب الوفد وعناصره بالمحافظات في
مواقفها إزاء المظاهرات التي اندلعت أمس الأول ففي الوقت الذي أعلنت عناصر
بالمحافظات عن غضبها من مشاركة الوفد في مظاهرات دعت إليها حركات مهاجمين
انسياق الحزب وراءها ورد علي ذلك المقر المركزي ببيان رسمي أكدوا فيه أن
مشاركة الحزب في هذه المظاهرات جاءت بقرار مؤسسي.

أصدر د.السيد
البدوي رئيس الحزب بيانًا رسميا طالب فيه بتشكيل ما أسماه حكومة انقاذ وطني
تحقق أماني الأمة في الإصلاح الحقيقي، وكذلك بحل مجلس الشعب وتشكيل لجنة
تأسيسية لإصدار دستور جديد وكذلك إصدار قانون جديد لمباشرة الحقوق
السياسية.

في المقابل أصدرت مجموعة من عناصر الحزب أطلقت علي نفسها
«تيار الإصلاح الليبرالي» بيانًا وقع عليه 20 من أعضاء الهيئة العليا
ينتقد تصاعد حالة الاحتكاك بين أجهزة الأمن والمتظاهرين واستخدام القوات
الأمن القوة في فض التجمعات السلمية، وطالب بالإفراج عن جميع لمعتقلين
مناشدًا المواطنين بالحفاظ علي الممتلكات العامة والشخصية.

ودعا لحوار وطني واسع بين جميع القوي الوطنية للوصول لإصلاح سياسي يكفل بتداول السلطة.

وفي
مؤتمر صحفي عقده ظهر أمس قال د. رفعت السعيد رئيس حزب التجمع أن ما ذكر عن
رفض حزبه للمشاركة في المظاهرات غير صحيح مؤكدا أنه كان لديه تحفظ علي
التظاهر أثناء عيد الشرطة باعتباره مناسبة تخص كل المصريين، وأنه كان من
الأفضل اختيار يومي 18 و 19 من الشهر نفسه.

وشهد الاجتماع الطاريء للمكتب السياسي للحزب أمس مشادات حامية بسبب غياب رموز التجمع عن المظاهرات.

ظابط أمن مركزي حر شريف, يرفض أن يُعادي الله, يرفض أن يُعادي وطنه, وينضم
لصفوف الشعب ويشيره بإصبعيه أنهم وإننا إخوه, هل للبقية أعين ليروا, أو
آذانٌ لتسمع؟

مقاطعةالصحف الحكومية( اللاقومية) الاهرام و الاخبار والجهمورية ابتداءا من
غدا خاصة يوم الجمعة، لازم الجرايد ترجع لهم زى ما طبعوها حتى لو هيوزعوها
ببلاش مش هنقرأهاا،عشان يتعلموا يحترموا عقولنا و يفوقوا و يعرفوا ان فى
حاجة اسمها مصادر موثوق فيها كتير غيرهم و فى صورة ابلغ من كلام كتير، عشان
نسقط الاعلام البصمجى الموجه رجاءالنشر و هذا اضعف الايمان

اقتراح
الناس كلها ترفع علم مصر فى البلكونات او على الاقل هدوم سودا لو مفيش علم
تخيلوا 100 الف بلكونة عليها علم مصر اد ايه المنظر دا يقول ان المصريين
اخيرا اتوحدوا ---- محتاجين ننشرها بس ارجو المساعدة صدقنى مجرد ان مصر
تتكسى بعلم مصر الحكومة هاتترعب لان دا معناه ان الناس مع الشباب و
بعدين... مافيش عقوبة لرفع علم مصر

ياريت برده الناس ترفع شعارات للامن احنا منكم وانتو منا
يمكن يحسو على دمهم شويه

عزل مدينة السويس بالكامل.. شبكات المحمول الثلاثة و خدمة الإنترنت بالكامل تم إيقافهم

عااااااجل : يتم الآن عرض 47 شخص من بينهم 3 من جماعة الإخوان فى نيابة باب الخلق
وجبهة شباب من أجل مصر تستنكر ذلك وتدعوا أهالى المعتقلين للتوجه الي هناك

الدستور | ابراهيم عيسى : الرئيس هو المسئول والفاعل فاذهبوا حتى معبده وادخلوا إلى مكمنه وهاجموا سياسته هو وليس أي أحد آخر

[ندعوك للتسجيل في المنتدى أو التعريف بنفسك لمعاينة هذا الرابط]

خبــر عاجــل : وقف التعاملات في بورصة القاهرة بعد تراجعات حادة

عاجل | الشروق
أنباء عن توجه الشباب إلي العباسية والخليفة المأمون وباب الشعرية في الساعة الواحدة لبدء مظاهرة

قال شهود
عيان إن الاحتجاجات التي انطلقت الثلاثاء تحت مسمى «يوم الغضب» استمرت
لليوم الثالث بالقاهرة حيث دخل المتظاهرون في مناوشات مبكرة مع الشرطة في
الشوارع خلال الساعات الأولى من صباح الخميس.
أوضح الشهود أنه بحلول الساعات الأولى من صباح الخميس كانت جماعات أصغر من
المحتجين تحاول التجمع في القاهرة والسويس في حين تطاردهم الشرطة فيما يشبه
لعبة القط والفأر.
ويسعى المحتجون لتنظيم أكبر مظاهرات منذ بدء الاحتجاجات بعد صلاة الجمعة.
وأحرق المتظاهرون في وسط القاهرة مساء الأربعاء الإطارات وألقوا الحجارة على الشرطة. وفي مدينة السويس أحرق المحتجون مبنى حكوميا.
واستمرت المظاهرات لعدة ساعات بعد دخول الليل.
وقتل ثلاثة محتجين على الأقل ومجند شرطة في الاشتباكات منذ اندلاعها يوم الثلاثاء.

أسرة أول شهيد بالسويس تتهم الأمن بقتله بالرصاص وتطالب بتقديم المسئولين للمحاكمة

نقلا عن شبكة رصد RNN

يحكى المخرج عمرو سلامة عن تجربته

[ندعوك للتسجيل في المنتدى أو التعريف بنفسك لمعاينة هذا الرابط]

أنا حاسس إن واجب عليا دلوقتي حالا إني أنقل كل اللي حصلي
في مظاهرات يوم الغضب التاريخي، منعا للمغالطات و منعا إن الناس يوصلها
معنى و درس مستفاد خاطىء من اللي حصلي أو حصل لغيري.

و واجب على أي حد إتعرض للعنف أو للإهانة أو للتعذيب أ للإعتقال إنه يقول
قصته بشفافية للناس عشان يعرفوا تجربته و اللي إستفاده منها.

مش عشان يفضح إنتهاكات جهاز الشرطة بس، بالعكس عشان كمان يقول لو كان فيه
قصص و معاني إيجابية حصلت و يدي أمل للناس و يعرفهم إن في معنى ورا اللي
حصله و بيحصل لمصر دلوقتي.

أنا هحكي القصة بإختصار للي مايعرفهاش.

إحنا كنا متظاهرين أمام دار الحكمة في شارع القصر العيني، و كان في كردون
من العساكر و الظباط محاوطنا، و كان نفسنا نروح للناس الثانية اللي واقفين
في ميدان التحرير.

على الساعة إثنين أو ثلاثة العصر قررنا إننا نحاول نروحلهم بأي شكل و اللي يحصل يحصل.

بدافع الإندفاع كنت من أوائل الناس اللي بيزقوا العساكر و فعلا إخترفنا العساكر و جرينا في إتجاه التحرير و مجلس الشعب.

و كان الشارع فاضي تماما، و في الأفق شفت بشر كثير، كنت فاكرهم متظاهرين
لحد ما خدت بالي إن كلهم لابسين إسود و جايين نحيتنا و معاهم عصيان سودا،
و إفتكرت مشاهد أفلام الحروب زي بريف هارت و جلادياتور، و عرفت إحساس
الحروب القديمة، و لقيت نفسي بجري عليهم في طليعة الناس، و لقيت ناس
بتحاول تهرب منا إحنا في الشوارع الجانبية بس واضح إنهم حاصروهم فرجعوا
ثاني، لحظة من البلبلة ثم الإنقضاض منهم علينا.

و كان معايا الآي فون بتاعي العزيز بحاول أصور كل ده.

إلى أن إجتمع حولي عدد لا بئس به من العساكر، و عملوا حواليا دايرة و بدأوا الضرب بعصيانهم على دماغي و وشي و بطني و رجليا.

و دخل قائدهم الظابط المحترم المغوار اللي مش هنسى
وشه ليوم الدين و بدأ يضربني بالبونيات على وشي بشكل لم أكن أتخيل أن جسم
البني آدم ممكن أن يتحمله،

و خد الآي فون العزيز الله يرحمه و داسه على الأرض
و قعد يتنطط عليه ثم فاق لنفسه و قالهم "سيبوه، بطلوا ضرب" قلت الحمد لله
ضميره صحي، فأكمل "عشان الكاميرات" و خدني و دخل بيا شارع جانبي و لقينا
في سكتنا شاب ملقي على الأرض و دماغه نازل منها كمية مرعبة من الدم، و قال
باللفظ "أهه واحد إبن….. مات أهه، و الله لموتك زيه يا إبن….."

ثم دخل مدخل عمارة، و دخل العساكر اللطاف معاه و قفل عليا باب العمارة و بلغة الحواري "قصني" و جابني أرضا و بدأ بالضرب بشكل مبرح.

شلاليت في وشي، و في بطني، و العساكر بالعصيان، و
واحد منهم كسر حاجة خشب غريبة و جاب الخشبة و قعد يضربني بيها في كل حتة
في جسمي، و كلام شبه "يا ولاد ال…. يا ….. ده إحنا في الشارع من بليل يلعن
د….“

و أنا بقوله "ربنا يكون في عونكوا، إنت عارف بقى إنت واقف ليه و بتمنعنى ليه؟" فيستفز فيضربني أكثر "عامل فيها مثقف يا إبن…..

و أنا أرد عليه "مش مثقف و لا نيله، أنا هنا عشانكوا، أنا مصري زيك" طبعا
كلامي وسط الضرب كان أكيد مبهم، و هو وسط شتايموا كلامي كان في أهمية
برنامج "طبق اليوم" بالنسبة له.

و بعد ما زهق، قالهم "عايزكم تموتوه زي الواد الثاني يا إما هرجع أموتكم
إنتوا، و لو جاعنين كلوه" و مشي، و لمدة لا تقل عن عشر دقايق ضرب مبرح بجد
و أنا مستغرب هو أنا إزاي لسة ما متش، و أهه بعد ستة و ثلاثين ساعة أقسم
بالله حاسس بالوجع في كل سنتيميتر مكعب في جسمي.

الغريب إني وقتها و وسط الحدث وصلت لمرحلة إني فعلا مش حاسس تماما بالضرب،
و إستشهدت، و بدأت خيالات تراودني، عن أهلي بعدها هيحسوا بإيه و عن فيلمي
اللي ماكملتش مونتاجه، و عن الصفحة اللي هتتعملي على الفيس بوك، و يا ترا
هنبقى "كلنا عمرو سلامة"؟ و الأهم تصريح وزارة الداخلية اللي هيطلعوه إني
أكيد بلعت الآي فون بتاعي.

و قعدت ساعتها أصرخ للعساكر و أقول كلام أفلاطوني ثاني زي: "أنا هنا
عشانكم، إنتم عارفين إنتم بتضربوني ليه؟ أنا معايا موبايل، و معايا فلوس،
و معايا عربية، و مستريح، إحنا هنا عشانكوا، عشان إنتم تلاقوا تاكلوا و
تأكلوا عيالكم"

و لسبب إلهى سمعوا كلامي، و لقيت واحد فيهم إتأثر فعلا و بعدهم عني، و
جابلي كرسي، و قالي "أستاذ، هتعرف تمشي؟" بعد لحظة صمت قلتله "هحاول" قالي
"طب إجري بسرعة قبل ما الظابط يرجع، لو رجع هيموتك" فحاولت أهرب بسرعة و
لكن الظابط رجع، و إفتكرني بهرب طبعا، و هما عملوا كإنهم بيجيبوني، فخدت
علقة تجعل العلقة الأولى فيلم كارتون إنتاج والت ديزني في الأربعينات.

و بعدها ركز مع صيد تاني كان جايبه من الغابة شوية، فجه ظابط ثاني سألني
عن شغلي و إسمي و شاف بطاقتي و قالي "إجري بسرعة قبل ما يركز معاك ثاني".

جريت، و بعد شوية بدأت الآلام تظهر، و بعدها آلام الرأس و الدوخة و
الزغللة، و بدأت عنيا تدمع بلا توقف، مش عياط، بس يمكن عشان أعصابي سابت
تماما و فقد السيطرة و صوتي كان بتطلع كإنه طالع من بير.

وصلت لواحد صاحبي في وسط البلد، إستضفني في مكان عمله، و قعدت و جابلي حاجات أشربها.

و سابني شوية، و لقيت نفسي ببكي بحدة لم أبكيها منذ لا أتذكر متى.

لم أبكي من الألم، و لا حتى من الإهانة، و لا من الرعب، بس بكيت لسبب
واحد، لسبب إني لقيت نفسي بدأت أكره مصر، و حسيت إن ظباطها اللي حامينها
كرهوني فيها، و حكومتها اللي ظالمانا كرهتني فيها، و شعبها السلبي – كان
سلبي – ماكنش معانا و كرهني فيها، و الفساد و القمع و إلخ إلخ،
و إزاي ممكن أعمل في كائن بشري ثاني مقلب و أجيبه و أخلفه في البلد ديه، إزاي هقنعه يحبها و يحاربلها و ينتميلها!؟

و قلت طب ليه ماسبهاش لو جالي الفرصة، مش يمكن كما قال صديق عزيز فعلا "مستقبل مصر الوحيد في الهجرة لكندا"؟

بس بعد دقايق، رجع صوت العقل – هو مش أكيد صوت العقل بس هو صوت طول عمره
موديني في داهية – و فكرت نفسي بمعتقاداتي اللي بكتب المقال ده عشان
أشاركها معاكوا.

إفتكرت إن إنتمائى لمصر مش إجباري، ده إختيار مني، أنا إختارته لإن إحساسي
بالإنتماء مفيد ليا مش مفيد لمصر، مفيد ليا إني أعرف أنا منين و فين، فين
المكان اللي أنه منه، و هو بتاعي، اللي بيتي فيه، و سريري فيه، اللي بحس
فيه إني وصلت خلاص مش مستني إمتى هروّح.

إفتكرت إني لازم أبقى إيجابي تجاه أي مكان إخترت أنتميله، و أتفائل مهما كان، إن المكان ده هيكون أحسن بسببي و بسبب اللي حوليا.

من غير إنتماء و أمل أنا فعلا أفضل إني أموت، و لو بقيت عايش بدون سبب له
معنى هتحول لحيوان عايز ياكل و ينام و يتمتع بمتع لحظية عمرها ما هتغذي
روحي، و ده إختيار نهائي مش محتاج أراجعه مع نفسي.

حتى لو شاف العالم إني رومانسي زيادة أو حالم أو رومانسي، في ستين ألف داهية، أنا هبقى مبسوط بأختياري ده حتى لو حصلي اللي حصلي.

و إكتشفت إن أهم حاجة في الدنيا إني عارف الكلام ده، إني عارف أنا ليه
إتضربت، إني عارف أنا ليه نزلت، إني أبقى عارف إن بدون شعارات و مطالبات
سياسية معصلجة الفهم أنا نزلت و إتضربت عشان عايز مصر أحسن، عايز مصر
مافيهاش سلطة أبدية مطلقة لأي من حكامها، عايز مصر بفجوة إجتماعية أقل،
الفقير حتى لو فضل فقير يكون له الحد الأدنى من الكرامة و الإحتياجات
الإنسانية، عارف إن إبني لما أخلفه في يوم من الأيام يتعلم صح، يتعالج صح،
يبقى عنده أي أمل و طموح مهما كان، حتى لو عايز يبقى رئيس جمهورية، عايز
مصر الشرطة فيها بتحمي الشعب مش بتعمل فيه اللي إتعمل فيا و في غيري، في
كل قسم و شارع، مش زي اللي إتعمل فالشهداء، خالد سعيد و سيد بلال، لو حد
حاول ينهب حقه مايخفش يروح القسم و يبقى عارف إن حقه حيرجعله لإن الظابط
عايز يرجعله حقه، و هيلاقي الظابط ده موجود في القسم، مش واقف في تشريفة
من صباحية ربنا، و لا بيقمع معارضة و لا مهمته الوحيدة حماية نظام فشل
يديه حقوقه أصلا من مرتب محترم و عيشة كريمة، و مخليه واقف في وش المدفع
يتكره بداله.

عرفت لما إتضربت إني خايف أقل، إني عرفت أنا ليه هنزل ثاني و ثالث و رابع، عرفت إني لو مت هبقى شهيد و أكيد هبقى في مكان أحسن.

و عرفت إن اللي بيضربني مش عارف هو بيضربني ليه، حاسس إن أسبابه مش منطقية
حتى لو سهر الليالي يمنطقها لنفسه، ده يمكن يكون متعاطف معايا، و خايف
أكثر مني، من جزا أو عقاب أو تكديره.

و الأهم عرفت إن فيه أمل، أمل أشوف مصر مش زي تونس بس، أشوفها في يوم مكان
أجمل من تخيلي مكان أتمنى أخلف فيه عيال عشان ينعموا فيه بحياة كريمة و
يعمروه أكثر.

أنا لا أدعي بأي شكل البطولة، و شفت ناس إتضربوا أكثر مني بكثير، و ناس
أعتقلت، و في ناس ماتت أحتسبهم شهداء، بس الناس ديه كلها لو إتكلمت معاهم،
أغلبهم فخورين بنفسهم، خوفهم بقى أقل، تحديهم بقى أقوى، حاسين إنهم على
حق، الناس ديه معظمها طلعت من معتقالاتها أقوى، حاسين إن الفرج جاي مهما
إتأخر، و عارفين إنها مهما ضاقت و إستحكمت حلقاتها مسيرها تفرج.

نقلا عن الديلي مال "هروب جمال مبارك و خديجة الجمال الي لندن مع 100 حقيبة "

عاجل: من احد العاملين بالشركة: شركة هيرمس لتداول الاوراق المالية
المملوكة لجمال مبارك تخسر اكثر من نصف رأسمالها والذى يقدر بـ 385 مليون
جنيه فى انهيارات مؤشر البورصة أمس واليوم

[ندعوك للتسجيل في المنتدى أو التعريف بنفسك لمعاينة هذا الرابط]
الآن || بلاغ للنائب العام لوقف تحويلت الاموال للخارج من بعض رجال ورموز
النظام مقدم البلاغ احمد نصار المحامي

أمين الفتوى في
الأزهر: "المظاهرات حرام شرعا" .. والله حرام عليك إنت .. المظاهرات حرام
وانتخاب مبارك واجب والتوريث حلال والسرقة والفساد مكروه وبيع الغاز
لإسرائيل مستحب والرشوة من مرسيدس فرض و40 مليون فقير إبتلاء من الله ..
برافو عليك يا شيخنا .. للأسف مبقناش نثق في اللي زيك

لسان ثوار تونس "ملاحظة هامة: غسل الوجه بالكوكا كولا
يزيل فورا مفعول القنابل المسيلة للدموع .. جرّبنا هذا في تونس حتى باتت
قنابلهم بلا جدوى .. الله معكم يا مصرين"» لمنع الصواعق الكهربائيه البسو
اكياس بلاستك في ارجلكم مربوطه بلزق سوليتب مااااااااااااانع للكهرباء وتم
التجربه» كيفية شل فاعلية المدرعات و عربات الأمن ...حشر قطعة قماش مبللة
...فى فتحة الشكمان لمنع العادم من الخروج......و لو لفيت قطعة خشب
بالقماشة المبللة كان أفضل.

رسالة من إيمي
محيي مصرية في كندا: لأول مرة أحس إني فخورة إني مصرية لما جبت الجرنان
النهاردة لقيتهم بيتكلموا في الصفحة الأولى عن الشعب المصري اللي نزل ووقف
ضد الحكومة ومطالبتهم بحقهم بالرغم من قانون الطوارئ وقوة وزارة الداخلية.
ربنا يوفقكم وأنا حبيت أشارك معاكم عشان أرفع روحكم المعنوية

[ندعوك للتسجيل في المنتدى أو التعريف بنفسك لمعاينة هذا الرابط]
على فكرة أنا متأكد بنسبة 90% إن جمال مبارك بيشوف الصفحة دي .. أي حد زيه
عنده فيسبوك أو على الأقل مراته عندها فيسبوك .. وصدقوني غالبا اللي بيحصل
إنه قاعد بيقرا كتير من اللي بيتكتب هنا .. ومن هنا أحب أقول له رسالة:
إنقاذ مصر هو دلوقتي في إيد والدك .. أرجوك خليه يصنع التاريخ ويستجيب
لمطالب الناس حقنا للدماء وعشان البلد ...متروحش في منحدر خطير .. ده نداء
العقل ونداء أي حد مصري

وصف الفنان عادل امام هذه المظاهرات بالعبثيه الصادره
عن افراد مندسين لا يمتون لشعب ام الدنيا بصله ومشيرا الى وجود ايادى خفيه
لاتريد لمصر ان ترى النور هم دول فنانين مصر ملهمش صله بالشعب جعنين بطاله
متغربين فى البلاد من اجل لقمه العيش اهم حاجه عنده يجمع الملايين من
الشعب المطحون احنا اليى عملناه نجم وزعيم شوفى بيقول على الشباب اليى
بطالب ان الدوله تتصلح وتتغير للافضل

يحدث الاااان في الاسماعيلية : التظاهرات تبدء الان و
الامن يحاول تفرقتها بالقوة ويفشل في السيطرة علي الوضع لتنقسم المظاهرت
ليحاصر الامن حوالي 150 ويقي الاخرين خارج الحصار والعديد والعديد من
المتظاهرين في طريقهم الي مكان التظاهرتين واستجابة شعبية عاااالية

اليوم السابع : ترددت أنباء قوية عن تغيير وزارى خلال
ساعات، وأشارت أنباء إلى أن التغيير يشمل عدداً كبيراً من الحقائب
الوزارية المختلفة والمهمة

الجزيرة || عاجل || اشتباكات بين الشرطة ومتظاهرين في الاسماعيلية

» البوم منوعات اغاني ثوره 25 يناير - ثورة يناير - أغانى وطنية
» ننشر خريطة خطب جمعة الغضب الثانية - الاحتفال بثورة يناير - جمعة الغضب
» ما بعد ثورة 25 يناير ( ثورة الحرية )
» مظاهرات يوم الغضب بمصر 25 يناير 25/1/2011
» ثورة مصر يوم 25 يناير القادم