العلاقة الجنسية ومدى تأثيرها على الحياة ما بين الزوجين

مقولة أنه لا حياء في الدين مقولة خاطئة وانا لا اعتقد بها

ولكن هناك مقولة أصح منها وهي "إن الله لا يستحي من الحق".

هكذا أبدأ الحديث معكم


وعايز اقول اني عارف انه ممنوع الكلام في العلاقات الجنسية في المنتدى

واني قريت الشروط والقوانين وبحافظ عليها ومش هحاول اتحايل على الامر بكتابة موضوع ظاهره شيء والباطن شيء ينافي ليه

ولكن بما اننا في منتدى المناظرات والآراء انا حبيت اطرح وجهة نظر وأشوف آراء اذا كان فيه قبول للموضوع من البداية

وانا اتعمدت اني اطرحه في منتدى المناظرات ومش منتدى العلاقات الزوجية لانه الشق الاكبر فيه عبارة عن وجهة نظر مش نصيحة او طريقة للتعامل ما بين الزوجين

وللعلم فانا مش كاتب موضوع وكاتب فيه طرق او كيفية التعامل الجنسي ما بين الزوجين لا طبعا

انا كتب موضوع بيتعلق بمشكلة بتواجه كتير في مجتمعنا وفي كل المجتمعات تقريبا وهي



العلاقة الجنسية ومدى تأثيرها على الحياة ما بين الزوجين

سبق وطرحت الموضوع ده في منتدى تاني بصيغة قريبة من الصيغة دي

ولكن عدد الاعضاء كان قليل ومع ذلك استفدت من الرد وبرضو حسيت اني أفدت الي كانوا معاي في المنتدى

يرتبط الموضوع بوجهة نظر شمولية للعلاقة الجنسية في الحياة ما بين الزوجين ونخص في هذا المرأة

بنتكلم كتير اوي عن الحب ومدى تأثيره على الحياة ما بين الزوجين
ولا جدال في هذا

يعني الحب ده شيء عظيم وانا مش هنكر ده ومهم اوي لبناء حياة ما بين رجل وامرأة كل واحد فيهم شاف في التاني النص التاني بتاعه ووجد مدى القرب ما بين الروحين بتاعتهم

ولكن

حطي لينا الله يخليك 30 او 40 خط تحت ولكن دي

قد ايه يمكن ان تستمر الحياة ما بين زوجين يكون فيهم الطرف الذكوري أو (الرجل) عاجز جنسياً ؟!!!

هذا هو السؤال وهذه هي وجهة النظر

هناك حب وهناك تفاهم وتقارب ما بين الأرواح ولكن حصل شيء خارج عن ارادة الزوجين وبالاخص الرجل
اكتشف بعد اتمام الزواج انه غير كامل الذكورة او بمعنى تاني ضعيف في اتمام دوره كرجل في العلاقة الجنسية

بالفعل انا بحتار كتير اوي اما بفكر في الموضوع ده ومدى تقبل المرأة ليه

بنت ناس ومحترمة ومؤدبة وعاقلة وهادية وبتحفظ السر

ما قولناش حاجة يا سيدي ومالوا
انما لغاية امتى يمكن ان تصبر على هذا الأمر وبالأخص لو عرفت انه الامل في شفاء هذا الزوج شيء شبه مستحيل

في بعض الاحيان بتكون في ردود من الاعضاء ومعظمهم من البنات وللاسف مش بقتنع بالردود دي ولكني طرحته هنا في المنتدى

على امل الوصول إلى إجابة مع العلم انه لو طلبت الطلاق من اول يوم مش هيكون في ده أي اساءة ليها او لادبها او طهارتها او عفتها او كونها بنت ناس ومحترمة

شاكر ليكم واسف على الإطالة

موضوعك عادي جدا والعلاقه الجنسيه لها كل التاير علي الحياه الزوجه

الموضوع ده اتكرر في حوارات كثيره ع النت وفي الواقع طبعا في اللي يقول لا العلاقه دي مش كل حاجه وفي اللي يقول جزء وفي اللي يقول هيه اهم حاجه

كل واحد وله وجهه نظر
لكن لو بحنا عن اسباب الطلاق الظاهره والباطنه سنجدها انها في هذه العلاقه

وزي ماقولت البنت بتكتم السر والكلام ده كله المهم لو بحنا علي السبب الحقيقي بيكون هو ده

والعلاقه دي بتتاثر او بتنعدم لعدم وجود الحب بين الزوجين ده مفيش حد يختلف عليه

واللي يقولك احنا عايشين وخلاص يكون كذاب

وطلب الطلاق بسبب موضوع زي ده او غيره وكل ده موجود للااخوه وللااخوات في فتاوي الالباني عادي

وده من الناحيه الشرعيه جائز ومش كلامي انا

اما من الناحيه النفسيه للمراه طبعا بتؤثر عليها والاكثر فقدانها الثقه في الرجال عموما ازاي

بتكون مثلا خايفه تكرر التجربه تاني و يكون فيه مشكله ووقتها لو انفصلت تاني مره يعني المشكله فيها هيه

بتتحاول تتلاشي نظره المجتمع وده طبعا بيكون مرض نفسي لانها اجبرت علي التفكر في المجتمع كله معاها كمان



وده شق نفسي في الموضوع وطبعا في الدين الاسلامي كل حاجه وليها حل والطلاق هنا لايؤثر علي عفتها ابدا

بالعكس

موضوع مهم للكل وانا بقول للكل ومفيهوش اي تجاوز للكلام

عمر ربنا يبارك فيك

تقبل مشاركتي

متشكر رياض على المرور الكريم والرد والتعقيب الجميل

شكرا ام مالك على التعقيب وايضاح وجهة النظر من الناحية الأنثوية

ارجوا من الله ان يحفظ نساء ورجال المسلمين وان يهديهم الى الرشاد وان يسترنا جميعا انشاء الله

تقبلوا تحياتي

شاكر ليكي مرورك الطيب وتعقيبك الجميل

نتنظر منك المزيد انشاء الله

تقبلي مروري