كرسى الاعتراف مع حبيبة

اجابات شيقه وممتعه موندى

جزاك الله كل الخير

انا ممكن اسئل معاكم
ولا ايه هو مفيش حد بيفهمني ليه
منك لله ياللي في بالي

يعني ايه اسئله موضوعيه
هو احنا هسئل حد متخصص في مجال ما
انا شايفه انها اسئله اختياريه
بس الفرق انكم عارفين بتسئلو مين
علي معرفتكم ببعض
انا مش اعرف حد
وبعدين المفروض في كل منتدي يكون فيه ارشادات العمل
علشان تسهلو الحكايه شويا
وبعدين ليه المنتدي تقيل اوي بيقلب الصفحه ببطئ شديد
وكمان انا عضوه جديده المفروض كل عضو يدخل يعرفني بنفسه
واسلوبه وميوله علشان اقدر اتكلم معاه وافهم عقليته
وكمان ايه الاسماء المستعاره دي كلها
هو انتم بتخافو من حد ولو خايفين من اسمائكم
بتدخلو ليه تتكلمو
وكمان هو كل حد بيقول حاجه بيعملها فعلاا
ولا المنتدي للكلام واحنا زي مااحنا في الحياه كدابين ومخادعين
وهل كل حد بيرد علي حد بكل صراحه
ولا لازم ارد بمنظر كويس وخلاص
انافق او اجامل او00000
وهل انتم فعلا بتحبو بعض لله
ولا هنا مكان للتعارف زي الفيس
ولا
ولا
ولا
انا مش فاهمه اي حاجه
اول مره اعمل حاجه زي كده
ومش عارفه انتم هتشوفو كلامي ده ولا لاء
ولو حد عقب علي كلامي
ياريت بكل صراحه
مش بحب اللون الرمادي بتاع العرب ده
عايزه ابيض او اسود
اوكي ياشباب
وميرسي لكم علي الفرصه دي
باي

اولا غرباء

كلامك جميل ومش فهمت منه كتير يمكن سوء فهم مني
بس فهمت شويا
الارشادات اللي بتقول عليها دي للمنتدي العام
انا اقصد لكل فرع او للمواضيع المزمنه
انما عادي يمكن انا اللي مش فاهمه وبكره افهم
حكايه البطاقه اللي بتقول عليها دي انا مش طلبتها
بس يكفي انك تدخل تتعرف عليا وتقولي انا غرباء مشرف القسم الفلاني
ميولي في القسم الاسلامي او الرياضي او اي حاجه

اما عن موضوع انك تنتقي الكلمات الطيبه دي مش صحيح
المفروض كل واحد ياخد حقه
الجميل نقول له جميل
والعكس نقوله العكس
علشان مش يتمادي في السيئ وطبعا مش يزعل مادام بندله علي الصح
اخير ميرسي علي كلمتك اني مش اتعجل وهعرف مع الوقت
وميرسي كتير علي اهتمامك وردك

و مش تكون اسئلة تافه و هايفه

ولا أحنا قهوة بلدى بتكلم

و من غير معنى عن تحب تلبس ايه و تشرب ايه و مطربك المفضل و الكلام التافه ده

مش محتاج نعمل لكل واحد

سيرة ذاتيه عشان اللى جاى جديد يتعرف عليه


و مش منظره ولا كدب و كل واحد بيحاسب على كلامه



ايه اللي انا شيفاه ده

اسلوبك في الرد مش عجبني

انا بطلب اعرف مش تهاجمني كده

وكمان انت المدير المفروض يكون فيه تفاهم اكتر من كده

اهلا بيكى يا رحمه معانا

رياض مش كان قصده يهجمك ولا اى حاجه


بس كان ممكن تسالى الاء معقول يعنى تكون الاء صاحبتك ومش تعرفك

الغلط على الاء

هههههههههههههههههههههههههه

وبعدين براحه علينا شويه يا رحمه

انتى بتواجدك الدائم هتعرفى كل حاجه

معظمنا اول ما اشتراكنا مش كنا عارفين اى حاجه

وبعدين لو بتقرئى كويس الموضوعات هتفهمى

الموضوع مش صعب


واهلا بيكى مره تانيه بين اخواتك

غرباء
انا مش متعوده علي الفيس ولا علي اي حاجه
انا دخلت النت من شهر الفيس انا مش اعرف فيه حاجه
ولا اعرف حاجه دخلت علشان عمر عبدالرحمن
اتعرفت عليه ومره شوفته علي الفيس اشتركت
وقالي انه كان في منتدي اسمه وجنه واطرد منه
وفي منتدي اسمه00000ومش بيدخلوه كتير
حبيت اكون معاها وانا بثق كتير في عمر واعرف انه بيكون ديما
في المكان المناسب اكيد انتم فاكرينو
بالنسبه لردك غرباء
كويس انا بحب الصراحه والوضوح
ميرسي لك كتير


احزان زمان
ربنا يخليكي يارب
متشكره علي كلماتك وان شاء الله هنكون صديقات
بس عمر مش يمانع في بقائي هنا بينكم


تائبه لله
كلماتك تدل علي انك انسانه جميله
انا مش بزعل من حد والحمد لله فتره الزعل انتهت من حياتي
انا اول ما دخلت سجلت باسمي نعمه حماده
يمكن فيه عضو اسمه عريشي رد في الترحيب عليا
قبل الاء ماتغير الاسم الي رحمه
وميرسي لها غيرت كتير في كلماتي
انا مش واخده موقف من المدير ولا حاجه
بس هو في مكان علشان يفيد باسلوب واضح وصريح ومفهوم للجميع
اخيرا
ميرسي كتير علي اهتمامك والرد

اهلا بيكى بالمنتدى اولا واسمحيلى ارد على بعض اسئلتك واستفساراتك
يعني ايه اسئله موضوعيه
هو احنا هسئل حد متخصص في مجال ما
انتى فعلا مش بتسألى متخصص لكن المفروض انك بتسألى اسئلة تعرفك على العضو ده
على طريقة ونهجه فى الحياة بيحب ايه وبيكره ايه فى الحياه وطريقة معرفتك بالعضو تكون داخل هذا الاطار لتتعرفى على مواقف حياته فقط
انا شايفه انها اسئله اختياريه
هى فعلا اختياريه لكن يجب ان تكون بعيدة عن مواطن الاحرج للعضو المسؤل او العضو السائل
لان انا لما اكتب تحت السؤال اسفة مش هجاوب فى رائيك مش حاجة محرجه
بس الفرق انكم عارفين بتسئلو مين
علي معرفتكم ببعض
انا مش اعرف حد
على فكرة احنا كمان ما كنا بنعرف بعض واتعرفنا من خلال طريقه كتابتنا وعن طريق كرسى الاعتراف ايضا
وبعدين المفروض في كل منتدي يكون فيه ارشادات العمل
علشان تسهلو الحكايه شويا
بصى لو بتقرائى الموضوع من اوله هتفهميه لكن ما تروحى لاخر صفحة وتشوفى اخر رد كان ايه وتردى على اساسه لازم تتعلمى الاول تقرئى عشان تفهمى من غير ارشادات
وبعدين ليه المنتدي تقيل اوي بيقلب الصفحه ببطئ شديد
لا ديه مسؤليه الموقع ماعرفش ارد عليها
وكمان انا عضوه جديده المفروض كل عضو يدخل يعرفني بنفسه
اول ما دخلتى عرفناكى بنفسنا فى كلمة الترحيب الخاصة بيكى وقولتلك قمرايه
واسلوبه وميوله علشان اقدر اتكلم معاه وافهم عقليته
مش المفروض ارحب بيكى واقولك انا قمرايه بحب السياسة وبكره اسرئيل مثلا لكن ارجع واقولك اقرئى عشان تفهمى
وكمان ايه الاسماء المستعاره دي كلها
هو انتم بتخافو من حد ولو خايفين من اسمائكم
بتدخلو ليه تتكلمو
لا مش خوف والموضوع ده تعرضله الاستاذ المشرف العام للمنتدى وكلنا دخلنا وقولنا رائينا فيه
يعنى برضه ارجع واقولك اقرائى الاول
وكمان هو كل حد بيقول حاجه بيعملها فعلاا
ولا المنتدي للكلام واحنا زي مااحنا في الحياه كدابين ومخادعين
الحياه مش كلها كدابين ومخادعين لكن الذى يتصف بتلك الصفات يرى الناس اجمع بتلك الصفات
وده للاسف
وهل كل حد بيرد علي حد بكل صراحه
السؤال الصريح لا يتحمل الا الاجابة الصريحة
ولا لازم ارد بمنظر كويس وخلاص
انافق او اجامل او00000
جاوبى بالطريقة اللى انتى شايفاها صح لكن من غير هجوم على صاحب لان ده مش من حقك احنا كلنا اصحاب عقل مفكروكبيروعارفين كويس ان اى رد على الموضوع وليس على شخصى
وهل انتم فعلا بتحبو بعض لله
انا مش هقدر ارد بالنيابة عن كل الاعضاء لكن بالنسبة لنفسى لما دخلت المنتدى شعرت اننى بين اسرتى وهذا يكفى
ولا هنا مكان للتعارف زي الفيس
ولا
ولا
ولا
انا مش فاهمه اي حاجه
لا مش زى الفيس بوك لان هنا بتتعلمى من الموضوعات التى تقرائينها او الردود لان ممكن تكون الردود عبارة عن مناقشة وليست فقط كلمه شكر
اول مره اعمل حاجه زي كده
انتى محسسانى انك بتعملى حاجة غلط يا بنتى اكيد لما تقرائى وتشتركى هتفهى شخصيات الاعضاء
من موضوعاتهم حتى لو كان الموضوع منقول من قبل العضو من منتدى اخر فالعضو يتخير ما يناسب شخصيته اكتر
ومش عارفه انتم هتشوفو كلامي ده ولا لاء
اكيد شوفناه لاننا بنقرأ لبعض لنفهم بعض
ولو حد عقب علي كلامي
ياريت بكل صراحه
انا جاوبت بصراحة
مش بحب اللون الرمادي بتاع العرب ده
عايزه ابيض او اسود
اللون الركادى مش بتاع العرب بتاع الدنيا كلها
اوكي ياشباب
وميرسي لكم علي الفرصه دي
اهلا بيكى مرة اخرى فى المنتدى وان شاء الله تستمتعى معنا وتستفيدى لكن المهم انك تقرائى اقرائى
ارجو تحويل الموضوع للمناقشات او الحوار العام من فضل ادارة المنتدى
باي
سلام الله عليك ورحمته وبركاته

انتهى الحوار و المناقشه فى هذا الموضوع و لا داعى لاى تعقيب أخر

يعني ايه انتهي الحوار والمناقشه

مين اعطاك الحق انك تنهي الحوار؟؟؟؟

ومن حقي ارد علي عريشي

وقمرايه اهانتني مع انكم بتقولو مفيش حد بياهجم حد

من فضلك افتح الموضوع في مكان مخصص له

وبلاش ديكتاتوريه هدامه للاراء

في انتظار فتح الموضوع للرد علي كل حرف اتوجه لي

ضيفتنا ... المميزة
فرضت نفسها على المنتدى ...المنتدى فرض حبه لها ..
صارت هناك قصة جميله دارت بين المنتدى وبينها ...
دعوني اليوم اروي لكم قصتها ..باختصار وايجاز

شخصية غموضة ..ولكن احببناها ...احببناها لقلبها الطيب ..
وحنانها الرهيب ... تجولت في كل اركان المنتدى لتبصم..
وتترك فيها بصمة تاريخية ...
يرويها المنتدى كل من هو جديد وكل من هو مقيم بالمنتدى ..
انها قصة نادرة ..فلو كتبتها ..فلن تضاهي سطرا مما تكتبه هي العضوة الرائعه
فهي قاصة حوارية رائعه ..تتقن فن الحوار بشكل ادبي رائع
..خلوني اقدمها لكم
فهي مهما كتبت عنها ربما تعبروه مجامله او مسايرة
دعوني اقدمها لكم
وتكونو انتم الحكم على كلامي

نرحب معا بأميرة المنتدى ((( انكشفتي يا حبيبة ))

حبيبة


اهلا بك ..يا حبيبة
الكرسيي جاهز

الاسئلة :
انا بس برحب وبحجز مكانى وانتظرى الاسئله بعد الرد على المشرف العام
كان الله فى عونك

انسى يا عرايشى انك مدرس شويه مش حتى فى الالعاب اختبارات زى المدرسة

الحمد لله رب العالمين اللهم صلي علي سيدنا محمد

انا بشكرك اولا يااستاذ رياض علي وجودي للمره التانيه ع الكرسي لكن ينقصنا صاحب التكتوك الي كان هيكهربني انا سعيده جدا

اهلا اهلا ياعرايشي انا سعيده اني هاجاوب علي هذا العقل والتفكير المميز


نعم يااستاذي اسمح للجميع ان يبحر داخلي شخصيتي ولي الشرف بذلك

باقه ورد "لااي حد بيحبني في الدنيا واحسن بكده انا بس الحب ده حاجا كبيره ممكن نكون مش اكملنا فهمنا له

باقه شوق " باستمرار لامي لاني معرفش لو فقدتها هعمل ايه


من انا "انا انسانه عاديه جدا زي اخت ليكم زي بنت ليكم عادي خالص واتمني تشوفوني زي ماتحبوا تشوفوا اخواتكم او بناتكم احب وافرح واحزن

انا زي اي حد لست وليده نفسي بل ليه قدوتي التي اقتدي بها

واذا كنت تقصد اسمي او البطاقه الشخصيه ليس لدي مانع ارجوا التوضيح

ماهو هدفك في الحياه"ياااه اهدافي كانت كتيره ياعرايشي كان نفسي اكون حاجه تفيد المجتمع بجد ويكون ليا السلطه مش طاقه علي ورق وخلاص ربما يقراها البعض وربما لا بغض النظر عن فعلها

هل طموحاتك تتوقف علي حد معين"للااسف هيه توقفت اصلا

متقدرش تزرع شجره وتنتظر منها الثمار وانك لاتسقيها الماء حتي بغض النظر عن رعايتها

ممكن بعض الهوامش من طموحاتي تتحقق ولكن داخل المجتمع الصغير الذي اعيش فيه ولكن دي بالنسبه لي ير مرضي ابدا

وده مش معناه اني غير راضيه علي حالي لاابدا الحمد لله انا في نعم كثيره ولكن التالم انك قادر وغير قادر في ان واحد

والسؤال ده فكرني بحاجه سؤال كنت سالته ليك او لحد تاني زمان ممكن تتمني تكون جاهل في يوم من الايام

اوقات تمني اني انسي واحد وواحد بيساوي كام واري عدم الثقافه والمعرفه بالواقع بحسها ايجابيه ده راي خاطئ طبعا ولا يؤخذ بيه

ماهي التجربه التي تتمني تكرراها في الحياه"نفس المشكله احقق انا مش قدرت احققه ولكن الان اذا تمنيت فلا استطيع شكلها خلصت خلاص


ماهو المكان التي تتردي له "مفيش اي مكان في بالي

متي تغضبي "اذا كنت مهمله

ذره الغضب "للااسف نفسي اثبت علي رد فعل في تذبذب انا بصراحه الي بيرشدني للتعامل مع الاخرين قلبي وعقلي وليس عشوائيا مثال اذا ارتضيت بك اخ او صديق او حبيب وهذا ليس للمذكر فقط

اقصد التعامل مع الاخر بصوره عامه فاانا ارتضيت بك هكذا مش هجربك وبعدين نشوف النتيجه فبالتلي غضبي ميتحكمش اوي لاني برجع للااساس الي انا وضعته ليك

والاساس ده انا وضعته مش انت فرضته عليه وهذه تنطبق علي كل امور حياتي

واحيانا بشوف ده سلبي واحيانا ايجابي ولكن لو خسرت وخانك عقلك وقلبك وتفكيرك سواء في التعامل او قرار حياتي من اي نوع مش هتخسر كتير لكن انا برد نفس الرد الاول بالنسبه ليا للااسف

وكيف تعبرين عن الغضب" نفس الاجابه ولكن انا بخاف من نفسي او علي نفسي اني اتعامل مع اي حد مكنش عرفته لان بصراحه ممكن اظلم وده تعبير غضب خاطئ طبعا ولكن والله انا بمتثل بتحلل من مظلمتك قبل ان لاينفع درهم ولا دينار ولا اخشي شيئ

كلمه تتمني سماعها كل يوم"في البيت الله يرضي عنك الي اخره
في العمل ممكن نظره ثناء علي عملي

في النت خلي بالك من نفسك

في المنتدي شكرا للحبيبه ولكن في وقتها ومكانها

اكثر كلمه تكرهيها"انا فلان

بجد بكرها والسبب انها احدثت خلل في المجتمع واحدثت فجوه بين الناس كلها ويااه لو انت ذو سلطه وظالم وفي ناس حابه انها تتظلم وقتها تكره الحياه مش الكلمه نفسها


من هو تؤام روحي" تؤام روحي اي انسان يكون نفس تفكيري ومبدائي بجد لكن مش اكلمه يضحك يا ميفهمش

ودول كتار جدا ع النت والواقع


لكن لو السؤال ده بمفهوم انا استشعرته او حابه استشعره كده الاجابه لسه ياعرايشي اصل التؤام دي حاجه مش بسيطه

وده الاختبار الاول "تحت امرك يااستاذي وانا في انتظارك وامنياتي لك ايضا بحياه اسعد


حبيبه



من انا

قمر ايه لاء انت قمر بجد مش عارفه اقولك ايه والله تعجز اناملي عن الكتابه امام هذه الكلمات والعبارات والسطور الجميله تخرج من مستوي راقي ومهزب

وكتير عليا كمان ده كله ياقمر

وحبيبه تحت امرك طبعا وامر الجميع والله انا بحبك جدا ولكي مني كل احترام وتقدير