اسئله تؤكد حب زوجك لكى [ندعوك للتسجيل في المنتدى أو التعريف بنفسك لمعاينة هذه الصورة]ـ أجيبي لتعرفي ــ
هذا اختبار بسيط وهو عبارة عن مجموعة أسئلة وعدة اجابات .. تستطيع
الزوجة أن تعرف من خلال الاجابة عليها أين موقعها من قلب زوجها و هل هو
يقدِّرها والا لاء..
بسم الله نبدأ
س1 إذا اراد زوجك مناداتك :
أـ يناديك باسم دلع مثل : ( ياحياتي ـ ياعمري ـ ياعيني ) ـ
ب - يناديك باسمك : ( ياهدى ، ياريم ، ياميّ )ـ
جـ يناديك بكنيتك : ( يا أم محمد ، يا أم عبدالله، يا أم خالد )ـ
د ـ يناديك باحدى العبارات الرومانسيه التاليه : ( ياوليه ـ ياست ـ انتى يالى هنا ) ـ
س2 تلاحظين انه :
أـ معسكر في البيت 24 ساعه واذاراح شغله
يتصل بيكى كتير
ب ـ دائما يتكلم معاكى فى شتى الامور
ج يقضى اغلب وقته فى البيت
د-ماتشوفيش وشه الا أوقات الاكل ولا يجي للبيت الا قبل الفجر بنصف ساعه ـ
س3 اذا جلستم مع بعض :
أ ـ يعلق عليك دايما ويلمح ويحاول يشكر فيكى ؟
ب مايتكلمش غير لما تكلميه .
ج يتكلم معاكى كلام روتينى
د ـ مصاب بداء الخرس ولو قولتيله اتكلم
يتنرفز ويقولك اقول ايه يعنى ويمسك الجرنال يعمل نفسفه مثقف ويغطى بيها وشه ويقرأ .
س 4 لوطبختى له طبخة وماطلعتش مضبوطه .. أما اتحرقت او ناقصه ملح او ملحها زايد شويه وجيتي تعتذرين له ماذا يقول : ـ
أ ـ يقول : أي طبخة منك جميله حتى لو طبختى (كناسه) ـ
ب ـ يقول :حاولى تظبطيها المره الجايه
جـ ـ يقول :اهواكل والسلام
د ـ يقول : ياشيخه زهقتنى هو انا مش عارف اكل اكله حلوه ابدا فينك ياامى ـ
س5 لو قلتي له ودّني للسوق يقولك :ـ
أـ عيونى ولوتحبى اجيب لك السوق هنا ولا اخليكى تتعبى وتروحى انتى له ـ
ب ـ إن شاء الله فى يوم تانى لانى بجد مشغول.
جـ هو يعنى حبكت انهارده ربنا يسهل.
د ـ يرفض.. ويقولك فاكره اخر مره رحنا فيها غرمتينى كام ـ
س 6 ـ لو قلتي له عاوزه 1000 ج
بفصّل فستان لزواج اختي يقول :ـ
أـ بس 1000 غالية والطلب رخيص .
ب ـ خذي ولو ان الألف دول اخر فلوس معايا
(بتعتيت يعنى ) .
جـلاكتيرخدى خمس ميه وحاولى توفرى منهم كمان.
د ـ انتى مش عندك فستان فرحك
البسيه ولاهىىبعزقه وخلاص ـ
س7 ـ وانتى بتعملى الاكل كنتىبدندنى بيكون تصرفه:ـ
أـ يجي ييطبخ بدالك ويقول لك : غني لي شويه شويه .. والاكله خليهاعليّّاـ
ب ـ يقول لك على صوتك وأطربينا
جـ يقول وطى صوتك شويه علشان الجيران
د ـ يقول لك مش مكسوفه من نفسك فاكره صوتك حلو قوى ـ
س 8 لو قعد زوجك في البيت تحسين انه :
أـ يهزر ويتكلم ويحسسك ان انهارده كآنه اول يوم جواز ليكم
ب-يهزر بس بسيط
ج-يهزر لو فى امر يستدعى ذلك (عند الضروره يعنى)
د ـ يبقى كئيب .. 24 ساعة.. ولامقضيها نوم.....ولابيتفرج على جميع القنوات الرياضيه العالميه والمحليه (طبعا ولاكأن فى حد معاه)
س 9 لو قلتي له بروح أزور أهلي يومين بس .. يقول لك :ـ
أ- يومين//لاروحى وماتباتيش
ب ـ طيب بس يومين مش أكثر
ج-مافيش مشكله روحى
د ـ يومين بس ؟ ليه هما ما وحشوكيش مش عاوزه تقعدى لاخر الاسبوع عندهم
او شهردول أهلك برضه ولهم حقٍ عليك وان قعدتى اكتر انا مش حازعل(فرصه
وجاتله يعنى ) ـ
س 10 لو قلتي له انت تحبني يقول :
أـ " طبعاأحبّك أنا والله من حبّك .. أحب حتى تراب الارض اللي تمشى عليه" -
ب -ايــــــــــــوه
جـ يعنى ساعات ساعات
د ـ ياشيخه حب ايه ورومانسيات ايه بطلى المراهقه دى ادى اللى خدناه من المسلسات التركيه.. قومي هاتيلى اكل انا ميت من الجوع ـ
س 11 دايما تلاحظين انه :
أ ـ يجيب لك هدايا ويكتب فيها كلام جميل وغزل ـ
ب ـ يجيب لك هدايا أحياناً
جـ يجيب لك هدايالو كان مسافر بس .
د ـ ولاعمره عملها ـ
س12 إذاادلعتى عليه وطلبتى منه انكم تسهروا شويه عليه فىيوم يقول
أ- تامرين أمر ..ومعاكى للصبح
ب-يقعد شويه صغيره علشان يرضيكى وخلاص
ج يسهر بس وهو محسسك بالذنب
د-يقولك اتنيلى يعنى بلاش اروح ام شغلى بكره (حتى لو كان تانى يوم اجازه)
ودلوقتى شوفى النتيجة :
اذا صارت أكثر اجاباتك
بحرف الألف : ـ
فانتى زوجك ضايعٍ في خرايط حبك
انصحك تحافظى عليه وتحاولى انك تشوفى ايه الأشياء اللي محبباه فيكى وتستمرين على فعلها .. علشان يفضل معاكى كده
واذا كانت أكثر اجاباتك
بحرف الباء :ـ
فاعرفي ان زوجك يحبك شويه بس الحب ده من المحتمل انه يقل لو ضيقتي صدرة ببعض الاشياء فانتبهي له . ـ
واذا كانت أكثر الاجابات
بحرف الجيم :
فاعرفي ان زوجك يأدى واجب وخلاص ودوّري على الاسباب اللي خلته يقول اهى عيشه وخلاص وحاولي تعالجينها ..
أما اذا كانت أكثر الاجابات
بحرف الدال :ـ
فإعرفي ان جوزك مش يحبك
وحاولى تسبيه بكرامتك احسن
تحياتى للجميع ويارب كلكم تتطلع اجاباتكم بحرف أ
موضوع: اسئله تؤكد حب زوجك لكى 
الثلاثاء 15 مايو 2012 - 13:03
