اللى بنى مصر كان فى الأصل حلوانى - الفلكلور الشعبى

أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

... لابد ما يموت شئ عشان يحيا شئ

عجبي !!

لـ صلاح جاهين




[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

على صوتك بالغنى لسة الاغانى ممكنة

اااه ولسة ياما ياما ياما ياما فى عمرنا

على صوتك على صوتك بالغنى لسة الاغانى ممكنة ممكنة
...
ولو ف يوم راح تنكسر لازم تقوم واقف كما النخل باصص للسما للسما

ولا انهزام ولا انكسار ولا خوف ولا ولا حلم نابت ف الخلا ف الخلا

على صوتك على صوتك فالغنى لسة الاغانى ممكنة ممكنة

غنوتك وسط الجموع تهز قلب الليل فرح تداوى جرح اللى انجرج اللى انجرح

ترقص ارقص غصب عنى ارقص غصب عنى غصب عنى

ارقص ينشبك حلمك بحلمى غصب عنى ارقص غصب عنى غصب عنى

رقص ينشبك حلمك بحلمى غصب عنى ارقص غصب عنى ارقص

ولا انكسار ولا انهزام ولا خوف ولا ولا حلم نابت ف الخلا ف الخلا

على صوتك على صوتك ف الغنى لسة الاغانى ممكنة ممكنة ممكنة


من فيلم المصير بتاع المخرج المصري يوسف شاهين, إنتاج سنة 1997

كلمات: كوثر مصطفى
ألحان: كمال الطويل
غنا: محمد منير

[ندعوك للتسجيل في المنتدى أو التعريف بنفسك لمعاينة هذه الصورة]


على حسب وداد قلبي يا بوي .. راح أقول للزين سلامات
ضيعت عليه العمر يا بوي .. وأنا لي معاه حكايات
على حسب وداد قلبي يا بوي
***
موال الصبر أهو داب .. من يوم الحب ما غاب
ولا عمري يا عين يا ليل يا عين .. يا ليل ما تقرب لينا أحباب
... وأنا صابر على المقسوم .. يمكن يرجعلي في يوم
وتكون لي معاه تاني يا بوي .. أيام حلوة وحكايات
على حسب وداد قلبي يا بوي
***
على حسب الريح ما يودي الريح ما يودي
وياه أنا ماشي ماشي .. ماشي ولا بيدي
معرفش إن كنت مروح .. ولا إمتى الهوى هايهدى
وأهي دنيا بتلعب بينا .. يمكن ترجع غناوينا
وتكون لي معاه تاني يا بوي.. أيام حلوة وحكايات
على حسب وداد قلبي يا بوي
***
لا هاسلم بالمكتوب .. ولا هارضى أبات مغلوب
وحقول للدنيا يا دنيا .. أنا راجع أنا راجع للمحبوب
ونغني أغاني جديدة .. مليانه حكاوي سعيدة
ونغزل توب الفرحة يا بوي .. وأقول يا حبيبي سلامات
سلامات .. سلامات .. سلامات
على حسب وداد قلبي يا بوي

على حسب وداد
عبد الحليم حافظ
كلمات : عبد الرحمن الابنودي
ألحان : بليغ حمدي

وحياتك يا خولي عندي طلب وسؤال
تعييني فى جناينك ازرع ويروق الحال
وبستانك يكون الزاد وما يهمنيش المال
ولا السكن والهدمه ( الهدوم ) مادام فى راحة البال


نعناع الجنينة


[ندعوك للتسجيل في المنتدى أو التعريف بنفسك لمعاينة هذه الصورة]

مـا حـد سـالم من الهم
ولا الحصى في الأراضي
لا لـه مـصارين ولا دم
ولا هـو من الهم فاضي

فن الواو
لـ ابن عروس


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

سحبت سيف المحبه
لجل ما أرميه
رمش بعينه رماني
قبل انا ما أرميه


فن الموال

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذه الصورة]

في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

... أنا مت ؟ و لا وصلت للفلسفة

عجبي !!!


لـ صلاح جاهين

بين آه و لأ .. واخداني لحظـــــــــة قلق
ح اصرخ بعزم الصوت و أصحــي الملأ
إلا وبرق في البال خيال قال لي عيش
سلمت لك قلبي .. شراعي انطلق

رباعيات
سيد حجاب





[ندعوك للتسجيل في المنتدى أو التعريف بنفسك لمعاينة هذه الصورة]

فى جمالها ما رأت لا مسلمين لا نصارى
ريقها كالعسل بل سكر العصاره
مديت أيدى للرمان اجنى فيه ببصاره
قالت مستواش اخضر جنيته خساره


نعناع الجنينة


[ندعوك للتسجيل في المنتدى أو التعريف بنفسك لمعاينة هذه الصورة]

جاني جواب من البلد
وسلام حبيبي فيه
مكتوب بحرف الألم
والدمع باين فيه


فن الواو
لـ ابن عروس


[ندعوك للتسجيل في المنتدى أو التعريف بنفسك لمعاينة هذه الصورة]

إن صادفك سعد الأيام
وأنت على النحس ديمه
اضرب عصاك لقدام
عوجه تجي مستقيمه

فن الواو
لـ ابن عروس


[ندعوك للتسجيل في المنتدى أو التعريف بنفسك لمعاينة هذه الصورة]

نعناع الجنينة عطرك فريد يتغنى
وصفوك للحبايب من روايح الجنة
والماشي معاك يحلم يا ناس يتمنى
وان ضاع عمري ضاع مايهمنيش أتهنى


مربعات
نعناع الجنينة


[ندعوك للتسجيل في المنتدى أو التعريف بنفسك لمعاينة هذه الصورة]

ثلاث علل من الزمان هيميِّلوا احسن جدع عالباب ..
علة من الزمن و علة من الاهل و علة من النسا
و كل علة ليها عند الكريم حلال ..
اللي علته من الزمن يستنى فرج الكريم عالباب ..
و اللي علته من قرايبه يستنى العتاب عالباب ...
و اللي علته من النس...ا يموت بعلة لو كان الطبيب عالباب


شوقى القناوى



[ندعوك للتسجيل في المنتدى أو التعريف بنفسك لمعاينة هذه الصورة]

دقّيت على الأبواب قالو كفايه .. كفايه ده ما فيش حدا

وناديت على الأحباب قالو كفايه .. كفايه ومين حيرُد

ده القمر مسافر .. والسهر مسافر
والفرحه مسافره .. حتّى الحزن سافر
...
كل الناس مسافره .. وهيّا قُريّبه منّي

كل الناس في غربه .. ومين حيسأل عنّي

ماحنا قريّبين .. وهمّا قريّبين

لكن من سنين سنين ..

كلنا مسافرين .. كلنا مسافرين

كلنا مسافرين .

يا ليل يا عين .. يا ليل يا ليل

ليلي يا عين .. كلنا مسافرين يا ليل

كلنا مسافرين .. كلنا راجعين

يا زمان الحب .. فينك يا عهد الحنان

كان لي معاك حكايه .. خلصت قبل الأوان

ونقول للحب جينا .. ما كفايه بليالينا

رد الزمن لا لا لا .. الشوق اللي بعنينا

وتدور السنين .. ويكبر الحنين

وتدور السنين يا عالم .. ويكبر الحنين

نرجع نسأل عليهم .. يقولولنا بتندهو مين

ده القمر مسافر .. والسهر مسافر

والفرحه مسافره .. حتّى الحزن سافر

كل الناس مسافره .. وهيّا قُريّبه منّي

كل الناس في غربه .. ومين حيسأل عنّي

ماحنا قريّبين .. وهمّا قريّبين

لكن من سنين سنين ..

كلنا مسافرين .. كلنا مسافرين

كلنا مسافرين ..

يا ليل يا عين .. يا ليل يا ليل

ليلي يا عين .. كلنا مسافرين يا ليل

كلنا مسافرين .. كلنا راجعين


دقيت على الأبواب
كلمات بليغ حمدي
الحان بليغ حمدي





[ندعوك للتسجيل في المنتدى أو التعريف بنفسك لمعاينة هذه الصورة]