اللى بنى مصر كان فى الأصل حلوانى - الفلكلور الشعبى

بين آه و لأ .. واخداني لحظـــــــــة قلق
ح اصرخ بعزم الصوت و أصحــي الملأ
إلا وبرق في البال خيال قال لي عيش
سلمت لك قلبي .. شراعي انطلق

رباعيات
سيد حجاب

[ندعوك للتسجيل في المنتدى أو التعريف بنفسك لمعاينة هذه الصورة]

من رضي بقليله عاش

مثل شعبي

[ندعوك للتسجيل في المنتدى أو التعريف بنفسك لمعاينة هذه الصورة]

إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي

لـ صلاح جاهين

[ندعوك للتسجيل في المنتدى أو التعريف بنفسك لمعاينة هذه الصورة]

منين أجيب خل صادق يكون عادل
حبيبي فيا ظلم بعد ما كان عادل
وصفت حالي لخصمي انا بحسبه عادل
اتاريه ناوي لي على غدرو عذاب
وناوي ع الشر وانا غارق من عذاب لعذاب
وصف لدائي دوا بدل النعيم دا عذاب
... خلاني فى عذاب بدور مش لاقي عادل

فن الضمة

[ندعوك للتسجيل في المنتدى أو التعريف بنفسك لمعاينة هذه الصورة]

ياما ضحكنا وكان البكا عند غيرنا
وادي اليوم بنبكي وخصمنا فرحان
آمنت لك يادهر ورجعت خنتني
تاراك يادهري المشوم خوان

السيرة الهلالية

[ندعوك للتسجيل في المنتدى أو التعريف بنفسك لمعاينة هذه الصورة]

ولا حد خالى من الهـم
حــتى قـــلـــــــوع المـــراكب
ماتقـــولشى للندل عــم
وإن كان على الســرج راكـب

فن الواو
لـ ابن عروس

[ندعوك للتسجيل في المنتدى أو التعريف بنفسك لمعاينة هذه الصورة]

صبح يا جميل يا جميل صبح
الفجر أهو لاح والليل روح
صبح يا جميل يا جميل صبح

صبح علي الوردة النعسانة
خليها تفتح علي عودها
... صبح ع العين السهرانة
والدمع بيجري علي خدودها
صحي النعسان وعلي السهران صبح

صبح علي طيرك وناديله
واوعي انت في يوم تهجر عشه
صبح علي جارك وادعيله
يفتحها في وشك وفي وشه
صحي الأمال ده الرزق حلال

محمد قنديل

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

أكل و مرعى و قلة صنعة

مثل شعبي

مكتوب على ورق الحلاوه ما محبه إلا بعد عداوة

مثل شعبي

[ندعوك للتسجيل في المنتدى أو التعريف بنفسك لمعاينة هذه الصورة]

أهوي الهوي و همس الهوي في العيون
وبسمة المغرم ودمعه الحنـــــــــــــــون
و زلزلات الحب نهد الصبـــــــــــــــــــــا
أكون انا المحبوب أو لا أكــــــــــــــــون
عجبي

لـ صلاح جاهين

[ندعوك للتسجيل في المنتدى أو التعريف بنفسك لمعاينة هذه الصورة]

توبت ياربى وقلبى جريح
نقطه مطره تخاف من الريح
واى سراب يبانلى سحاب
... ونفسى اكون فى الحق صريح
رباعيات فى حب الله

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الشريك المخالف زى العمل الردى

مثل شعبي

عبدالرحمن الابنودي
رسائل حراجي القط كامله

[ندعوك للتسجيل في المنتدى أو التعريف بنفسك لمعاينة هذه الصورة]

مش باقي مني غير شوية ضي ف عينيا

أنا هاديهوملك

وامشي بصبري ف الملكوت

... يمكن ف نورهم تلمحي خطوة

تفرق معاكي

بين الحياة والموت

مش باقي مني غير شوية نبض ف عروقي

خُدي.. وعيشي..

وافتحي لي تابوت

أفرح بريحة ورد فرعوني

وربنا ف عوني

إذا دخلت الجنة ولاّ النار

هاشتاق إلي ضحكتك

وقعدتي ف الدار

والقهوة متحوجة

من طيبة العطار..

ف كل يوم الصبح

باشرب حليب قبطي

وف النهار والمسا

بامسك ستار الكعبة لو سبتي

واثبت إذا هربتي

أهديكي عمري وحسي وجوارحي

أهديكي جرحي

هو اللي باقي ف دنيتي لما خلص فرحي

مش باقي مني

غير شوية لحم ف كتافي

بلاش يتبعتروا ف البحر

بلاش يتحرقوا ف قطر الصعيد

ف العيد

بلاش لكلب الصيد.. تناوليهم

خدي اللي باقي من الأمل فيهم

وابني لي من عضمهم

في كل حارة مقام

وزوريني مرة وحيدة

لو كل ألفين عام

ألم الجراح يتلم

مش باقي مني غير شوية دم

متلوثين بالهم

مُرين وفيهم سم

كانوا زمان شربات

والنكتة سكرهم

شربتهم الخفافيش

في قلب أوكارهم

مش باقي مني غير شوية دم.. ماأقدرشي

أسقيكي.. مواجعهم

وبرضه ما أقدرشي

أرميكي..

وأبيعهم

يمكن ف مرة تعوزي تطلبيني شهيد

هاحتاج يوميها الدم

يمضي علي شهادتي

مش باقي مني

غير شوية قوة ف إرادتي

علي شوية شِعر من خطي

حاسبي عليهم وانتي بتخطي

وانتي ف صبح الدلال

بتعطري شطي..

مش باقي مني

غير شوية ضي ف عينيا

أنا مش عايزهم

لو كنت يوم هالمحك

وانتي بتوطي

في معركة مافيهاش

ولاطيارات ولاجيش

وانتي ف طابور العيش

بتبوسي إيد الزمن

ينولك لقمة

من حقك المشروع

مش باقي مني.. غير

شهقة ف نفس مقطوع..

بافتح لها سكة

ما بين رئة.. وضلوع..

ما بين غبار.. ودموع..

وأنا تحت حجر «المقطم»

ف الدويقة باموت

أنا.. والعطش.. والجوع..

يئن تحتي التراب

وانا صوتي مش مسموع..

ياحلمنا الموجوع..

من المرور ممنوع..

مستني لما يمر

موكب سلاطينك..

مش باقي مني

غير شوية رحمة من طينك..

علي شوية صبر من دينك..

مش باقي مني غير حبة غُنا تايهين

ف الضلمة مش لاقيين

حس الفواعلية..

ولا صوت مراكبي عَفي

فوق المعدية..

ولا صوت بناتي العذاري

في كل صبحية..

والغنوة.. أمنية

«ياما نفسي أقابل حبيبي..

وانا ع الزراعية»..

صوتك وصوتهم غاب..

وانا تحت حجر المقطم.. باموت لوحديّا..

الليلة راحت عيوني

تطل ع البستان..

وجناين الرمان..

رجعت لي توصف عناد الغل والدخان

وسحابة سودا تضلل

علي الغُنا الغلبان..

رجعت لي توصف هبوب الموت

علي الألوان..

رجعت لي توصف..

.. خيال الذل..

ف موائد الرحمن..

مش باقي مني غير شوية كُفر بشروقك

وأنا..

منبع الايمان..

مش باقي مني..

غير شوية ضي..

وعينيا

مش قادرة تلمحني..

في وحدتي محني..

خايف أموت م الخوف

والضعف يفضحني..

...

السجن عشش ف قلبي

وماشي ف شوارعك..

نفس اللي باعني وخدعني

بالرخيص بايعك..

هاشيل حمولي انا

ولا هاشيل حملك ؟!

ماعدت أملك شيء..

فيكي.. ولا فيّا

ولا قيراط ولا بيت..

ولا نسمة صافية تلاغي النيل بحرية..

مش باقي مني

غير شوية حب جارحّني

ولا باقي مني

غير شوية ضي ف عينيا

[ندعوك للتسجيل في المنتدى أو التعريف بنفسك لمعاينة هذه الصورة]

بير تشرب منة ما ترميش فية حجر

مثل شعبي

[ندعوك للتسجيل في المنتدى أو التعريف بنفسك لمعاينة هذا الرابط]

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى

...
فن الواو
لـ ابن عروس

[ندعوك للتسجيل في المنتدى أو التعريف بنفسك لمعاينة هذا الرابط]

في الليل بتطرح نجوم
جنة سمايا طرح
ملهاش ايدين في الغيوم
ملناش ايدين في الفرح

رباعيات الحكمة ـ عبد الرحيم منصور

[ندعوك للتسجيل في المنتدى أو التعريف بنفسك لمعاينة هذه الصورة]

الرمل قال : سمعتو ا آخـــــــــر نبـــأ
الموج على الموج انطبق م الشبـــــــق
قال المحار : أهو ده اللي عاش الحياة
مش اللي زيي في القرار اختبأ

رباعيات البحر
سيد حجاب

[ندعوك للتسجيل في المنتدى أو التعريف بنفسك لمعاينة هذه الصورة]

ورد في ورق سلوفان يا حلوة اهديلك ؟

و الا انقله بالطين في الشتلة و اجيلـــــك

الأولاني لو وحا بحنــــــــــــــــــــــانــي

... عجبي علي التاني بإيــــــــه يوحيلــــــــك

عجبي !!

لـ صلاح جاهين

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

الغلب مش عيب لما القضا اتحكم , واتسلطن ابن الندل فى الاصيل واتحكم

مثل شعبي

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

لآ تـْحزن إذآ أحـدهمِ فـَضل شَخص آخـر عْـليك
لأنـ هْ مـِن الـَصعـب إقـنآع‘ [الــقـرد] بِـأن الــفراولـه أَشـهـى مـِن الـْمـوز ..

إش بعد الكتير و بعد ما كنا وكنا
صبح القليل يجبر بخاطرنا

مثل شعبي

[ندعوك للتسجيل في المنتدى أو التعريف بنفسك لمعاينة هذا الرابط]

ياما دقت على الراس طبول

خلى الى يقول يقول يابا

احنا الصعيدة ولاد قنا بنتعرف من طواقينا
...
وجعنا ناخد حقنا خلى الى يقول يقول يابا

صعيدى الم العما انا اصيل الخال والعم انا

ولا اقول للندل ياعمنا

كل محبك ياغزالى تطردنى وترميلى عزالى

شمت فية عزالى

ياما دقت على الراس طبول خلى الى يقول يقول يابا يابا

يامه القمر على الباب.. نور قناديله

يامه أرد الباب.. ولا أناديله

يامه القمر سهران .. مسكين بقى له زمان

عينه على بيتنا.. باين عليه عطشان

وحد م الجيران.. وصف له قلتنا

اسقيه ينوبنا ثواب

ولا أرد الباب

يامه

مرسى جميل عزيز
فايزة أحمد

[ندعوك للتسجيل في المنتدى أو التعريف بنفسك لمعاينة هذا الرابط]

وقفت بين شطين على قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!

لـ صلاح جاهين

[ندعوك للتسجيل في المنتدى أو التعريف بنفسك لمعاينة هذا الرابط]

» صراع العصيان بين الرفض والتأييد - عصيان 11 فبراير - العصيان الشعبى
» انا مش مدب .. هى اللى حماره !!
» مين اللى كان عايز صور اطفال
» انا عايز المدير اللى هنا
» شوف العجايب اللى بتحصل .....