ايه رايكم فى ليلة مرعبة؟؟؟؟؟؟؟

فكره جميله برديس
بس استني اما اسخن
وارجعلك

هههههههههههههههههه
دا اهم حاجه النسكافيه
انتى خلتيني مدمن خلاص


ديه قصه حصلت لخال ابن عمي
كان عند حب استطلاع وتطفل
اشتري كتب كتير للجان والعفاريت
وكان بيقرا فيهم
وفي مره وهو بيقرا المقعد اترفع بيه واتعلق فيه الها
واتلبس من 3 جان
وكان تارك نسخه من كتاب الجان عند عمي
فاختفت النسخه


عوووووووووووووووووووو
ديه بجد
حصلت وحصلت ادام العائله كانوا جلسين في نفس الحجره

كان نفسي اشارك بس الحمدلله معنديش حاجه من دي ربنا معاكم

فين القصص يا شباب

بصراحه انا شيف ان ده موضوع جميل


الموقف الى حصلى مش قصة
كنت وانا طفل حتى سن 10 سنوات واعلم بوفات احد لم اكن اسطيع النوم لانى يتهيئ لى ان المتوفى سياتى ليقبض روحى لانه لايريد ان يموت واحده وكنت باحلم باحلام غريبة وطبعا مع الوقت انتها كل شى

رياض العربى كتب:

سبحان الله العظيم
قادر على كل شىء
الحمد الله انها جت على الدغدغة فى الجنب
شكرا برديس على الحكايات المرعبة

[ندعوك للتسجيل في المنتدى أو التعريف بنفسك لمعاينة هذه الصورة]

hima كتب:

بصراحه انا شيف ان ده موضوع جميل


الموقف الى حصلى مش قصة
كنت وانا طفل حتى سن 10 سنوات واعلم بوفات احد لم اكن اسطيع النوم لانى يتهيئ لى ان المتوفى سياتى ليقبض روحى لانه لايريد ان يموت واحده وكنت باحلم باحلام غريبة وطبعا مع الوقت انتها كل شى

10 سنين دى مكنتش اعرف يعنى ايه موت اصلا
بس ده طبيعى مع الحساسين اللى زيك بيبقى شعور قاتل غريب
شكرا على المساهمه الرائعه وياريت تظل تشارك معانا ف الليله المرعبه

انا بقي القصه ديه حكها لينا جوز خالتي
هو بيشتغل في عمان
وطبعا سمعتوا عن الاعصار اللى دمر عمان
ادي الى ارتفاع قيمه واجر المساكن
فكان هناك عماره كبير مسكونه عفاريت وكدا
مكنش حد عايز يسكن فيها ابدا وده طبعا كان خساره بالنسبه لاصحاب العماره
فجه واحد سودانى قال عايز شقه وكده
فقلوله علي حايه العماره
الراجل جمد قلبه ومخفش من شئ
وطبعا اصحاب العماره قالوا هتسكن مجانا
لان لو واحد سكن العماره كلها هتسكن
وي اول ليله ليه
نام
وصحي من النوم لقي نسه نايم علي السرير في الشارع
ههههههههههههههه
هو شايف المنظر طااااااااااااااااااار
هههههههههههههههههه

ايه فين بقي القصص

محدش رد ع القصه اللى فاتت ماشى ماعلينا
فكرنى موضوع الاخ محمود بتاع قصر البارون
بقصتى مع قصر البارون
ودى حكايه اتسببت ف ظهور شعره بيضا ف راسى
ههههههههههههههههههههههههههه
كنت ف اول سنه ليا ف الجامعه وحاسه بقى انى كبرت وبقيت حره
وده احساس مزيف كلنا عارفينه
المهم كنت عاوزه اعمل حاجات غير تقليديه احس انى حره
ليا ابن اختى اصغر منى بسنه كان ف ثالثه ثانوى ومدرسته كان ملاصقه لكليتى
كتير كنا نروح سوا
وف يوم خرجت من محاضراتى متاخر ع الساع 8
لقيته مستنينى استغربت وكان معاه 5 من اصحابه
قالى احنا رايحين نعمل مغامره تيجى معانا
قلتله مغامره ايه دى الساعه 8 بالليل
قالى هندخل قصر البارون
طبعا ان اتلجمت ومعرفتش انطق
ف الوقت ده ياشباب كانت احداث عبده الشيطان لسه طازه
وسمعه قصر البارون زى الزفت بسبب ان الجماعه دى كانت بتعمل احتفالاتهم وطقوسهم فيه
ولما الحكومه قبضت عليهم قفلت كل منافذ القصر من ابواب وشبابيك بالحجاره
بس انا مكنتش اعرف المعلومه الاخيره بتاعه الابواب والشبابيك
المهم انا قولتله انت اتجننت هتروح تهبب ايه هناك
قالى مغامره هتيجى ولا لا
بصراحه كنت عاوزه العب دور الخاله وامشى ياواد انجر قدامى هقول لابوك والكلام ده
بس اذا كان هو مجنون فانا اجن منه
قلتله هاجى
كليتى كانت ف روكسى ركبنا مترو مصر الجديده ورحنا قصر البارون



ها اكمل ولا بلاش
عاوزين تعرفوا ايه اللى حصل قولولى انطباعكم عشان اتشجع واكمل
على فكره القصه دى حقيقيه جدا وحصلتى فعلا

يعني احنا في مسلسل
تكتبي حته وتكملي بعدين
شوقتينا استاذه مرمر
كملي
كملي

نكمل الحكايه ياجماعه

ركبنا مترو مصر الجديده ورحنا قصر البارون
من بعيد شكله مش باين ف الضلمه لانه مكنش زى دلوقت
مكنش فيه نقطه نور ظلام دامس
اول مادخلنا الحديقه بتاعته حسيت بالرعب
منظر الحديقه المهمله اللى هى اقرب لغابه ومقلب زباله ف نفس الوقت
وحاجات بتطير لا انت عارف دى خفافيش ولا عصافير ولا ايه
اول ماقربت ع القصر وعينى جت عليه حسيت بعمود تلج بيسرى ف عامودى الفقرى من الخوف
منظره كان مرعب بالليل ده غير الهاله النفسيه اللى عليه زودت رعبى
ومسكت فى دراع ابن اختى وعملت زى محمد هنيدى يلا نمشى من هنا
حسيت بجسمه هو كمان بيترعش بس ميقدرش يقول انه خايف عشان اصحابه
قالى وبعدين هنعيل دلوقت
قلتلهم مش انتوا قلتوا عاوزين تروحوا قصر البارون ما احنا هو رحناه جميل وظريف يلا نمشى من هنا
رد واحد صاحبه قال لا التحدى اننا ندخل القصر من جوه
ابص للقصر لقيت كل المنافذ مسدوده بالحجاره سواء الابواب او الشبابيك
قولتلهم وده هيدخل ازاى هنخترق الحيطه
وفجأه
لقيت حد ورايا بيقول اهلا ياشباب
طبعا انا نطيت من مكانى من الخضه
اتاريه حارس القصر شاب ف التلاتين تقريبا
واللى فهمته انه متعود على ده من شباب كتير بيحب المغامره وبيدخلهم القصر بالليل نظير 10 جنيه على كل واحد
خد الفلوس وراح جاب كلوب وقال تعالوا ورايا
ومشينا وراه لحد مكان متطرف من القصر جاب سلم وحطه على نافذه من النوافذ المقفوله وطلع ع السلم لحد ماوصل للنافذه وراح زايح الحجاره بكل سهوله تساع لدخول شخص واحد
اتاريه عاملها تمويه هادد الحيطه وحاطط حجاره منظر عشان لو حد جه ميخدش باله
ودخل هو اول واحد وبص من النافذه وقال يلا ياشباب اطلعوا
وبدءنا نطلع واحد ورا التانى





وادركت شهرزاد الصباح فسكتت عن الكلام المباح
هكمل بعد الفاصل