ايه رايكم في الاعلانات

الاعلانات طبعا كترت اليومين دول بس للاسف الى الاسواء

شوف الإعلانات واتعلم، بين القنوات تعرف تتنقل، فرغم أن الهدف الأساسى من الإعلان هو إخراج النقود من جيب حضرتك لوضعها فى جيب المعلن مقابل سلعة، فكثيرا ما يلجأ المعلن إلى طرق تستفزك لدرجة أنك يمكن أن تلقى أى شىء على التليفزيون لتكسر شاشته، فتخسر فلوسك والمعلن والسلعة وربما زوجتك وجيرانك وشقتك، لا قدر الله.

الإعلانات تقوم أصلا على مبدأ: الزن على الودان أمر من السحر، ومن منا ينسى: «غسالة جى إم سى يا حسين»، و«قطعنى يا معلم.. واعملنى يا معلم.. مرقة يا معلم»، و«كريستال الدرة الشهية.. ألفين سلام وتحية»، و«بيوكلينا الأزرق الذى يغسل كموج البحر»، وماما عبلة كامل الراعى الرسمى لشقاوة العيال مادام فيه برسيل.

الزن فعلا يحقق هدفه، فتجد ربة البيت تضرب تعظيم سلام لكريستال إذا ما تبقى من ميزانية الشهر ما يفيض لشرائه هربا من زيت التموين المكركر، وستجد الفرخة تصرخ فى المعلم قبل أن تصاب بالأنفلونزا، حتى لا تضعها المرأة فى الغسالة الفول أوتوماتيك ضمانا لتطهيرها نهائيا رغم أن أقساط الغسالة التى طبقت على أنفاس الزوجة تحتاج حتما إلى مروحة توشيبا العربى بالموسكى وشبرا وبورسعيد.

ولا يلومن أحدكم الإعلانات إذا اختفت الرجولة إذ فجأة - من على شاشات الرادار، بعد تعرضها لعوامل تعرية أخلاقية واقتصادية واجتماعية، فالمعلن معذور عندما يقول لك «استرجل»، ومتعيطش، واسترجل وادى مراتك قلمين علشان تحرّم تناقشك تانى، واسترجل واتجوز تانى فالنساء شفاشق الرجال، ولا إنت مش راجل؟! واسترجل واوعى تترعش لو اتكهربت، الله هو انت مش راجل؟! استرجل يا أخى ولو كده وكده للحظات واشرب بـ«ريل» أو من غير «ريل».

شرائح البطاطس المقلية هى العامل الوحيد الذى يجمع طبقات الشعب وكل فئاته (انظر هشام سليم)، وفى هذا ثورة تصحيح مطلوبة للوعى الاجتماعى، ولقطة أخرى وطنية تحرضك على الثبات على قضيتك ومبدئك فى طلب حاجة ساقعة، ولو اتحطيت فى موقف خطر، خطف مثلاً أو اعتقال أو حتى وقفت قدام عشماوى بعد قضية قتل وسألك نفسك فى إيه، انظر (أحمد السقا)، و(كريم عبدالعزيز)، و(أحمد حلمى).

مدرسة الإعلانات للأخلاق الحميدة تؤكد لك أيضاً أنك إذا جمدت قلبك وكان ابنك بيموت ولازم تتصل بالإسعاف فمن الأوفر والأفضل لحياة أكثر رفاهية إنك تتكلم «بالليل»، وأخيراً ليه تزنق نفسك وتركب الميكروباص أو حتى التوك توك؟! T.E.BATA بتمتلك 70 % من سعة الإنترنت فى مصر!

ولا اعلانات السيراميك سيراميك ايه دى اعلانات ملابس داخليه وقمصان نوم

اقول ايه ولا نقول ايه ولا ايه ولا ايه حسبنا الله ونعم الوكيل

صحيح الاعلانات بقت كثييييررررررر اوى
وكل النجوم دلوقتى بيعملوا اعلانات
يلا امال يعنى هيقعدوا من غير شغل لازم يشتغلونا
شكرا لك
مزيدا من التقدم والمواضيع المميزه دايما

ربنا يهديهم
شكرا لمرورك

ههههههههه

كله بشتغل على كله

شكرا يا روش

تسلم عاشق
شكرا لمرورك

ملل [ندعوك للتسجيل في المنتدى أو التعريف بنفسك لمعاينة هذه الصورة]

انا بكره الإعلانات لان دلوقتي الإعلانات زادت عن الحد ومش بتقدم قيمة وشكرا على التوبك وننتظر منك المزيد

شكرا لردودكم ومشاركتكم

الاعلانات اقتحمت كل حاجة مسلسل او برنامج او مباراة
حاجة ملله و مناظر مؤسفة
الكل هدفه الربح دون النظر الى المضمون
بجد الواحد زهق من الاعلانات الهايفة
شكرا روش على الموضوع

تسلم رياض
شكرا لمرورك

انا اعرف ناس كتير بتحب الاعلانات وطبعا مش علشان السلع
علشان البنات اللي بتعرض ال
قصدي السلعه
تعالو شوفو اعلانات اجهزه التخسيس
وخلافه وربنا يستر علي عباده

عندك حق عمر
ربنا يهدي الجميع

» ايه رايكم فى ليلة مرعبة؟؟؟؟؟؟؟
» ايه رايكم مش حاجه تحزن