لو أنت راجل ..... جاوب ؟؟؟؟

جميل اوي ياموندي يلا عايزين نتفرج ههههههههههههههههههه

أولا يا جماعه طبيعى أنى هرد على الاسئله .. ثانيا مفيش وللا واحد بعتبره جاوب عليها مع احترامى ليكم  يعنى ايه لا تعليق  ويعنى ايه أختى صغيره ويعنى ايه أختى أخرها تليفزيون  سؤالى محدد لو ده حصل بالفعل رد فعلك ايه  متقوليش بقه حواديت 

يعني مثلا هقولك ايه
بتقولي لو اختك لو اختك لو اختك
عايزني اقولك ايه يعني هسبها مثلا
خلاص هدبحا هي واللى معاه

جاوب انت بقي وقلنا هتعمل ايه

أخى العزيز بجد عمر صلاح  والله انا  بحبكم فى الله  والموضوع ده يا جماعه ليه واخدينه انه أسئله شخصيه لكل واحد  أنا كان قصدى من الموضوع  بدل ما اعمل موضوع عن العلاقات الاجتماعيه  والاسريه قولت اعمله بنظام  أسئله وعملت العنوان كده عشان عايز الرجاله بس اللى تجاوب لأن الاساس على الرجاله  يعنى انا مش عايز حد يفهمنى غلط  وانا شخصيا هجاوب حالا على الاسئله  .. بكرر يا جماعه الاجابه على الاسئله حتميه بدون لف ودوران  عشان دى مش تخص الشخص اللى بجاوب ولا تمس حياته الاسريه بشىء  وإنما رأيه عن اللى ممكن يحصلب فى الحاله دى مش أكتر  .... وتقبلوا تحياتى  وحبى الكبير لكم جميعا 

بتكلم بنات ع النت ولا؟
ايوه بكلم 

2- عندك كام إميل بنت؟
مش عارف بس كتير 


3- وايه حدود علاقتك بيهم؟
فيهم علاقة عمل ومنهم علاقه دردشه  ورغى احيانا فى الفاضى 


4-ويا ترى طلبت تشوف صورة بنت قبل كده على النت ؟
لا عشان هى بتبعتها من غير ما أقول لها اصلا ـ غير كده ايه اللى يأكد ليا انها فعلا صورتها ؟

5- ايه وجهه نظرك في البنات اللي بتكلم ع النت؟
هى نفس وجهة نظرى عنهم فى الحياه العاديه  المحترمه محترمه فى أى مكان 

6- هل حبيت او اعجبت ببنت من ع النت
أعجبت أه لكن حبيت لا  

7-وترضي ان اختك تكلم ولاد ع النت ولا ؟ وليه؟
لا طبعا  لأن الله وأعلم حقيقتهم ايه  

8- رد فعلك لو لقيت اختك
بتكلم ولد ع ميل ؟ وليه؟
لو علاقه شغل أوكى لكن دردشه وكلام فاضى طبعا مش هقبل نهائى 

9- وترضي ان اختك تحب واحد من ع النت ؟ وليه؟
لا لأن مفيش حاجه اسمها حب من على النت  ـ طب تلاقى هى الحب بعيد عن النت الاول وبعدين نلاقى النت 

10-
وهل ترضى اختك توري صورتها لولد على النت كصداقة محترمة ؟
بقولك مقبلشى أساسا تتكلم مع أى شاب على النت  

11-تفتكر لية البنت
لما بتكلم الولد على الميل بتعتبره زى اخواها لكن هو بيفرق بينها وبين اخته
؟
وهو أنا كنت دخلت فى ضميرها أو قلبها  وهو نفس الشىء  

12-هل بتاخد الانطباع على شخصية البنت من شكلها وطريقه لبسها؟
طبعا لا .. ولكن بعتبرها مدانه حتى يثبت العكس  

13- اكتر
حاجه بتلفت نظرك لاي بنت؟
تكون خجوله جدا 

14- امتي تقول ع البنت انها مش محترمه؟
لو قلة أدبها قدامى على إنسان أو انسانه كبير فى السن 

15-ولما
تشوف بنت لابسها محترم وماشية في الشارع في حالها واتعاكست هل هتدخل ولا هتقول وانا
مالي ؟
اساسا لو بنت ماشيه فى حالها ومحترمه مستحيل هتتعاكس ولو حصل هتدخل لأن وقتها هيكون شىء يشرفنى انى أدافع عنها . 

16-هل عاكست قبل كده ؟؟ ولو كنت عاكست مش بتتخيل اللي بتعاكسها دي مكان
ممتك او اختك او حبيبتك او مراتك
بصراحه لا عمرى ما عاكست بنات فى الشارع   ممكن فى التليفون  وبكون عارفهم مش تلقيح جثث  

17-ولو لقيت رقم ولد على موبيل اختك هيبقى ايه
تصرفك ؟ هتقول لها انك دورت وراها ولا هتكلمه ولا هتسالها بهدوء ؟ ولا هتقول
لاهلك؟
بصراحه انا لو أختى مش محتاجه الموبايل ضرورى جدا  مش هخليها تشيل موبايل ولو حصل لازم أعرف ده مين وبنتكلمه ليه  

18-لو عرفت ان صحبك بيحب اختك هيبقى ايه رد فعلك ؟ مع ان حبه ليها محترم
وكويس؟
وده يبقى صاحب ؟ يبقى زباله وساعتها بحرم عليه يتجوزها  وبدخول البيت وصداقتى انا كمان  طول العمر  

19- ممكن هل ممكن تدخل صحابك البيت ولا مدام في ممتك واختك مترضاش ؟ وهل
ده عدم ثقة ؟
المفروض ان مش أى حد يدخل بيتى ويشوف أهل بيتى   

20- عايز اعرف رد فعلك لو كنت ماشي مع حبيبتك ولقيت اختك ماشية مع
واحد ماشية رومانسية هيكون رد فعلك ايه مع العلم ان معاك حبيبتك ؟
طبعا مش همشى كده غير مع خطيبتى   وده مش هروب من السؤال .. ولو حصل برده  ساعتها هنتظر وصولها البيت واعرف كل التفاصيل وبعدين أكسر رقبتها ورقبة اللى خلفوها 

21- عمرك طلبت
من بنت رقم موبايلها ؟ او اتعلقت بيها يعنى لدرجه انك تطلب رقم موبايلها ؟
بصراحه لا أنها هى اللى بتطلب رقمى باستمرار  
هههههههههههههههههههه

22-قولي رأيك في البنت\الشاب عموما ؟
البنت : البنات المحترمة والمتدينه هى ملائكة على الارض 
الشاب : ربنا يصلح حال شبابنا جدعان والله قوى بس ملومشى حظ بس برضه رجاله رجاله رجاله  وبيبانوا فى المواقف الصعبه  


23- انت ممكن تمسك بنت من اديها اللى بتوجعها
وتهددها مثلا؟؟
طبعا لا لا لا لا

24- لو كنت بتحب وحدة واتجوزتها واكتشفت انها كانت متجوزة فى
السر هتعمل اييييييه؟؟؟؟؟؟؟
هجيب أهلى وأهلها  وأطلقها  .. وإن الله حليم ستار  

25_ لو انت بتحب وحده وصحبك بيحبها هل هتسبها لصحبك
ولا لاء؟؟؟؟ولا هتشوف هى بتحب مين ؟؟؟؟ولو هى بتحبك هل تسبها عشان صحبك ولا هتكمل
؟؟؟؟؟؟
أولا هبعد عنها  أما أنها تحب صحبى أو تبعد عنى أو هو هيعمل ايه هما أحرار مليش فيه بقه المهم أنا هبعد تماما

26_ اتسليت بكام بنت قبل كدة يعنى قلتلها بحبك او لمحت وانت مكنش بتحبها
كنت بضيع وقت؟؟؟؟؟؟
عمرى ما اتسليت ببنت  دايما بحط النقط على الحروف من أول تعارف  

27_ لو انت روميو تختار مين تبقى جوليت من على النت مرة ومن
ارض الواقع مرة تانية ؟؟؟؟؟؟؟
لو أنا رميو على النت : مفيش جوليت على النت  .. لو رميو فى الواقع  فى مليون جوليت ممكن أقابلها . لسه الدنيا بخير  

28_ايه اللى يخليك تهدد بنت انت كنت بتكلمها ميل
او فون ؟؟؟؟؟
مفيش سبب نهاشى يخلينى أهدد بنت  غير أن لو البنت بتهدد بخراب بيتى  يبقى لابادى أظلم

29_ايه اللى ممكن يخليك تغير فكرتك عن بنت انت كنت
بتكلمها؟؟؟؟؟
لو لقيت كلامها عكس أفعالها ولقيتها مثلا بتتكلم عن صديقه لها بسوء  ساعتها لازم اتأكد انها ممكن تتكلم عنى أنا كمان كده من ورايا 

30- وعايزين نعرف بقي اكتر سؤال مش عاجبك ومكنتش عايز ترد عليه هو
ايه ؟
كلك عجبنى 

31- اكتر بنت من على المنتدى اتشديت لشخصيتها اوي ؟؟؟؟؟
بصراحه فى أكتر من أخت فاضله بحترمهم جدا وبخص بالذكر الاخت برديس المصريه والاخت حبيبه والاخت نوجا  

32- كذبت فى
كام سؤال يا برنس؟؟؟
ولا سؤال الحمد لله

33- ايه رايك فى الموضوع بصراحه؟؟
الرأى رأيكم أنتم لأن ده موضوعى  مقدرشى أقول رأى فيه لأنه لو مكنشى عابنى اساسا مكنتش وضعته فى المنتدى الرائع ده 
والسلام عليكم ورحمة الله وبركاته

بشكرك يا هيما على التوضيح  فعلا ده المقصود من الموضوع   

بشكرك حقيقى أخى عمر صلاح  على اسلوبك اللين والمشوق فى ردودك وتعبيراتك للأخر ... تسلم 

هههههههههههههههههههههههههههههههههه
ورونا الهمه يا رجاله 

تسلموا .. حقيقى موضوع رائع ... والاروع هم فعلا الرجال اللى على حق دخلوا وجابوا 

لا طبعا يا هيما  .. الاسئله للرجاله .. بس عموما ما تستعجلشى بعد اسبوع مجهز موضوع للبنات  .. يبقى يقابلونى بقى 

هههههههه
شكلك ناااااااااوى

ها مين عليه الدور يفضفض من قلبه قدام المرايه 

ههههههههههههههههههههههه أنا مليش دعوه يا رنا .. بس انتظرى فى موضوع للبنات هيكون قنبله المنتدى ان شاء الله