ايه يا جماعة ده كله انا مستغرب

السلام عليكم ورحمة الله وبركاته

يا جماعة انا كل ما اروح في المواضيع التي لم يتم الرد عليها بلاقي في مشكلة كبيرة

انا استغربت اما لقيت في اكتر من 270 موضوع لم يتم الرد عليهم

انا عارف انه تم طرح موضوع انه الواحد يستعرض المواضيع التي لم يتم الرد عليها ويرد عليها

ولكن المشكلة انه في مواضيع ليها فترة كبيرة وعددها كبير قوي وما حدش بيرد عليها خالص

انا مش عايز حد يرد على المواضيع دي ولكن عايز اقول انه يكون في فترة معينة لطرح الموضوع

وبعدها نقوم بحذفه نهائي

ومش معنى كده انه الموضوع لا يطرح تاني لا عادي ممكن يتم طرحه بشكل جديد او عنوان جديد

ولكن علشان يكون فيه نظام في طرح المواضيع يعني المفروض الادارة مثلا كل اول شهر تشوف

المواضيع التي لم يتم الرد عليها ولو كان عدى شهر على الموضوع دون الرد عليه يتم حذف هذا الموضوع

ده يا جماعة علشان اما نستعرض المواضيع التي لم يتم الرد عليها نلاقي مواضيع جديدة مش

مواضيع من السنة الي فاتت ولا من تلت اربع شهور ما حدش رد عليها ويبقى عدد وخلاص

يا ريت الاهتمام يا اخ رياض علشان يكون فيه نظام يقنن الموضوعات المُهملة والغير مقروءة

شكرا ليكم وارجوا الاهتمام

أخي العزيز عمر صلاح

شكرا علي إثاره هذا الموضوع المهم وهو عدم الرد علي بعض الموضوعات

أولا : في البداية لا أوافقك مبدأ حذف الموضوع بعد فترة معينة أو نعيد صياغته بعض فترة مثلا

كما تقول يوجد موضوعات تاريخية وأحداث لايجب التحريف أو إستخدام عناوين جديدة نترك

الموضوعات كما هي عسي أن يستفيد منها أشخاص بعد فترة من وجودها يحبون هذه

الموضوعات وكذلك الإستفاده منها

ثانيا : هل عدم الرد علي موضوعات يجعلها غير مفيده أو أهميتها قليلة بل بالعكس بجد

موضوعات في غاية الجمال والروعه بدون ردود لسبب أن لكل شخص ميول وإتجاهات في

الموضوعات التي يرد عليها فأن مثلا أحب التاريخ والموضوعات التاريخية جدا وأكتب فيها قدر

إستطاعتي ولا توجد بعض الردود علي موضوعات لا أزعل مطلقا لأنها حرية شخصية وممكن

شخص يستفيد منها بعد ذلك .

ثالثا : أخصك بالشكر أخ عمر صلاح علي إهتمامك بالمنتدي وحرصه علي هذا الصرح الثقافي المميز

وأسف جدا إن كنت قد أطلت عليك الحديث

فتقبل إعتذاري
العرايشي

شكراً يا عمر انك بتحاول تعمل شكل جديد للمنتدى

لكن اعذرنى انا اوافق الاخ العرايشى فى رأيه

الموضوع الى انت ممكن تكون شايفه قديم ولا يوجد رد فيه

ممكن عضو جديد ينضم للمنتدى ويستفيد بيه

لان ممكن اوى ان كل المواضيع التى يتم حذفها لا تكتب مرة أخرى

اسفة جداً وتقبل مرورى وتحياتى

» يا جماعة.. يا جماعة .. أنا كذبت عليكم والله
» ألحقووووووني يا جماعة
» هو الحب فين .. .. يا جماعة أنا لسه شايفه هنا من سنتين
» جماعة النسوان .. أقصد الإخوان
» الفوائد العشر لصلاة الفجر في جماعة