انت وكلام الناس

اذا تركنا انفسنا لكلام الناس فلن نحرك ساكنا

والناس لا يجتمعون على راى واحد

واذواقهم وارائهم واتجهاتهم مختلفه

فمن الافضل ان لا تسمع لكلام الناس

وسير فى طريقك ما دمت تحافظ على اخلاقياتك

والاهم ان تتقى الله فى كل شئ


شكرا عرايشى

دمت فى حفظ الله ورعايته

اولا عرايشى اشكر لك هذا الموضوع الرائع

ثانيا ارضاء النا س غايه لاتدرك فما بالك اذا كان الموضوع عن كلامهم وتاثيره وبلاويه

لان الناس كلامهم هتسمعه سواء كنت على الطريق الصح او على الطريق

الخطاء سواء ارضيتهم او لم ترضيهم فلذالك الشخص دائما يعمل الشيء الصح

ويقدم المعروف ويمشي في الطريق الذي هو يريده ولاينظر الى اولئك الذين يحاولن

الوقوف عثره في طريقه بكلامهم او ملاحظاتهم التي ليست سوا تقليل من

الشيء الذي انت تريد الوصول اليه ولاكن هناك اشخاص يحاولون تقديم النصح

وتقديم الشيء المفيد لك فهؤلاء هم من تنتبه الى كلامهم وتاخذه على محمل

الجد وهؤلاء هم من يهمك كلامهم اما الباقي فدعهم يتحدثون ويقولون مايقولون

وامضي في طريقك لانك سواء مضيت ام لم تمضي سوف يتكلمون ويلحقك منهم

مايكدر مزاجك ويعكر صفوك.

تقبل راى البسيط
فى حمى الرحمن

الحمد لله رب العالمين اللهم صلي علي سيدنا محمد

هل كلام الناس يلعب دورا في حيات؟

اولا انا هشارك في الموضوع ده ويكون راي خاص بي

الناس فعلا كان ليها دور كبير في حياتي

لكن مين هم الناس اصلا هم الاهل وباقي المجتمع المحيط بيك

مدي تاثير كلام الناس عليا؟

للااسف الشديد كان له تاثير كبير او ممكن تقول حسب التربيه انك ملكش راي كامل وللناس من حولك مطلق الحريه فيك وذلك لاارضاء الاخرين

الي هو المجتمع طبعا

احنا ورانا ايه غير ارضاءه

هل من الممكن ان تتخلي عن اهداف وضعتها بسبب الخوف من كلام الناس؟

للااسف في مجتمعنا نسبه كبيره وده رايي اننا كتير بنتخلي عن حاجات وبنرضي بحاجات غصب عننا
وممكن تفكر فيها تاني لكن ربما بعد فوات الاوان

لانك يااستاذي مش عايش لوحدك في الدنيا دي

انت لو عايز تمشي حياتك بطريقتك ممكن مش تعجب الاخرين

والكل بيسعي لاارضاء الناس والخوف من كلامهم

هل الناس تتحدث سواء فعلنا الخطا او الصواب؟

انا هقولك علي حاجه اكيد الصح هو الي بيتعمل

والي يحكمنا الاول والاخير هو شرع ربنا

يعني مش ينفع اعمل حاجه حرام اصلا ومش عايز الناس تكلم عليا

الناس فعلا بتتكلم في الحالتين لكن علي الصواب بالصواب والخطا بمثله

اما اذا كنت تقصد كلام الناس ديما بالانتقاض مهما نعمل حتي لو عملنا الصح

ده ممكن برضو وعلشان احنا فاهمين كده بنحاول نرضيهم علي حساب حياتنا ودي المشكله

مع ان عمر ده مايحصل والناس ترضي ابدا

هل كلام الناس يشكل قضيه نخشاها جميعا؟

كل الاسئله بمعني واحد واجابه وحده

انت ليه مدخلتش ابنك ادبي زي ماهو عايز ليه العلمي بالرغم انه رافض؟

يالهوي الناس تفضحنا لازم يطلع دكتور زي فلان ولو مطلعش هو حر المهم اكون عملت الي عليا

ليه ياامي مش تزوجي بنتك الشخص الي هيه عايزاه مدام موحد بالله وعايزها؟

لا ميصحش دي الناس تاكل وشنا مش مناسب لينا هيه تيجي علي نفسها شويه

الناس تقول ايه لازم تكون زي بنت عمتهاوخالتها

وانت يااختي يالي عايشه مع زوجك لايعلم حياتك الا الله ايه يجبرك علي كده فيه طلاق وخلع في انفصال ربنا احله؟

ازاي الناس تقول عليا ايه هبله ومش عارفه تعيش مش مهم بئه هيه تموت تتحرق مع نفسها المهم الناس

يااستاذي يالي عايش مع مراتك ومش مرتاح معاها وبتكلم بنات ع النت وممكن تعمل الاخطاء كلها فيها ايه لو تزوجت بشرع ربنا والدين شرع ذلك هتعف نفسك واخت مسلمه وتفتح بيت؟

لالالالا مينفعش الناس تقول ايه الراجل اتجنن المهم انهم كلهم بره عارفين ان بيتي اسعد بيت

طيب والمعصيه

لا ان الله غفور رحيم

انا ذكرت اشياء بعيده كل البعد عن الحرام

يعني حلال لكن مش قادرين نعملها من الناس

وده جوانا ومش من السهل يتغير

والي يقدر يغير نفسه والله يكون فائز بجد

هل نهمل كلام الناس ولانهتم به من باب رضا الناس غايه لاتدرك؟

الكلام ده لو بيحصل في حالات

لو انت عايش في صحرا او مجتمع مفيش حد يعرفك فيه

اصلك مش عاجز انك تمشي حياتك صح وبما يرضي الله

والحاله التانيه لما بتكون خلاص بتنهار ووقتها بتحاول تقدر تنقز ما يمكن انقاذه ولاتهتم بالناس

هل اصبح الناس يبحثون عن فريستهم للتحدث به؟

احنا من الناس

ودي حاجه متكامله كده احنا الي عملنا في نفسنا كده

وفي النهايه اي نعم ده منتشر في مجتمعنا والي بيحاول انه يعرف اسرار الناس وفاضي للكلام وخلاص دول قله اقذام

ومن تتبع عورات الناس فضحه الله وهو في جوف بيته

لو كل واحد يسيب الناس في حالها حالنا كله هيتغير

موضوعك جميل يااستاذي

وبرضو ده راي خاص بي

تقبل مشاركتي