ثورة 23 يوليو .. يا ترى حلم .. ولا وهم ؟! مناقشة بكل حيادية

السلام عليكم ورحمة الله وبركاته

في البداية أقسم بالله العظيم أني ما طرحت الموضوع ده علشان أشوف ردود مكتوب فيها موضوع جميل ولا اختيار

موفق ولا أي نوع من الردود دي انا عايز ردود تكون على وجهة نظر وجهة نظر الكثير من المحليين الذين يراقبوا

هذا الانقلاب منذ بدايته ولكن انا عارف انه كتير مش هيعجبهم اني اسمى الثورة السامية باهذا الاسم

ازاي اقول كده على ثورة طلعتنا من الظلمة الي عشنا فيها كتير وخلتنا نعرف حقوقنا ونكون بني أدمين

لا أنت وحش يا عمر دي الثورة الي خلتنا لينا وجود وخلتنا نعرف حقوقنا ونعرف معنى الحرية

انا في البداية كان فيه كام رد بيني وبين الاخ عمر والاخ العرايشي في موضوع كان طرحه الاخ موندي عن اخبار

الانتخابات في مصر وانا قلت كلمة الظاهر ما عجبتش الاخ العرايشي وهو قلي اقرا المبادئ بتاعت الثورة يا عمر زي

العسل والله وحلوة قوي وانا طبعاً عمري ما قريت مبادئ الثورة زي ما انا ما قريتش الدستور المصري ولا اعرف لون الجلدة بتاعته اصلا

انا بقرا واقع عايش فيه مش كلام مكتوب على ورقة مالهوش اي دخل بالواقع الي احنا عايشين فيه

وكمان انا جبت المبادئ دي من باب العلم بالشيء يعني علشان اعرف هي ايه المبادئ دي الي خلتنا نموت في حب

الثورة ونسميها ثورة والي كان ناقص اننا نقول زي ما الاخ عمر نوه عليا وقلي كان لازم تقول الضباط الاحرار

رضي الله عنهم انا في الاول هقول نبذة عن هذه الحركة الي قامت بالانقلاب وبعدين نعرف المبادئ بتاعت الثورة المجيدة

ثورة يوليو انقلاب عسكري قام به ضباط جيش مصريون ضد الحكم الملكي في [ندعوك للتسجيل في المنتدى أو التعريف بنفسك لمعاينة هذا الرابط] وعرف في البداية بالحركة المباركة ثم اطلق عليها البعض فيما بعد لفظ ثورة 23 يوليو. بعد حرب [ندعوك للتسجيل في المنتدى أو التعريف بنفسك لمعاينة هذا الرابط] وضياع [ندعوك للتسجيل في المنتدى أو التعريف بنفسك لمعاينة هذا الرابط] ظهر [ندعوك للتسجيل في المنتدى أو التعريف بنفسك لمعاينة هذا الرابط] في [ندعوك للتسجيل في المنتدى أو التعريف بنفسك لمعاينة هذا الرابط] بزعامة اللواء [ندعوك للتسجيل في المنتدى أو التعريف بنفسك لمعاينة هذا الرابط] وفي [ندعوك للتسجيل في المنتدى أو التعريف بنفسك لمعاينة هذا الرابط] قام التنظيم بانقلاب مسلح نجح في السيطرة على الأمور والسيطرة على المرافق الجيوية في البلاد وأذاع البيان الأول للثورة بصوت [ندعوك للتسجيل في المنتدى أو التعريف بنفسك لمعاينة هذا الرابط] وأجبرت الحركة على [ندعوك للتسجيل في المنتدى أو التعريف بنفسك لمعاينة هذا الرابط] التنازل عن العرش لولي عهده الأمير [ندعوك للتسجيل في المنتدى أو التعريف بنفسك لمعاينة هذا الرابط] ومغادرة البلاد في [ندعوك للتسجيل في المنتدى أو التعريف بنفسك لمعاينة هذا الرابط].
وشكل مجلس وصاية على العرش ولكن إدارة الامور كانت في يد [ندعوك للتسجيل في المنتدى أو التعريف بنفسك لمعاينة هذا الرابط] المشكل من 13 ضابط برئاسة [ندعوك للتسجيل في المنتدى أو التعريف بنفسك لمعاينة هذا الرابط] كانوا هم قيادة [ندعوك للتسجيل في المنتدى أو التعريف بنفسك لمعاينة هذا الرابط] ثم الغيت الملكية وأعلنت الجمهورية في [ندعوك للتسجيل في المنتدى أو التعريف بنفسك لمعاينة هذا الرابط].

وده طبعا كلام مش من عندي ده من على موقع الويكييبديا الموسوعة الحرة.

قامت الثورة على مبادئ ستة كانت هي عماد سياسة الثورة وهي:

القضاء على الاقطاع.
القضاء على الاستعمار.
القضاء على سيطرة رأس المال.
إقامة حياة ديمقراطية سليمة.
إقامة جيش وطني قوي.
إقامة عدالة إجتماعية.

وظاهريا كان قائد الحركة التي سميت فيما بعد بالثورة هو اللواء محمد نجيب ولكن صراعا على السلطة نشأ بين [ندعوك للتسجيل في المنتدى أو التعريف بنفسك لمعاينة هذا الرابط]، استطاع جمال أن يحسمة إلى صفه في النهاية وحدد إقامة محمد نجيب في قصر زينب الوكيل حرم [ندعوك للتسجيل في المنتدى أو التعريف بنفسك لمعاينة هذا الرابط] باشا بضاحية [ندعوك للتسجيل في المنتدى أو التعريف بنفسك لمعاينة هذا الرابط] شرق [ندعوك للتسجيل في المنتدى أو التعريف بنفسك لمعاينة هذا الرابط] لحين وفاته. تولى [ندعوك للتسجيل في المنتدى أو التعريف بنفسك لمعاينة هذا الرابط] بعد ذلك حكم مصر من [ندعوك للتسجيل في المنتدى أو التعريف بنفسك لمعاينة هذا الرابط] حتى وفاته عام [ندعوك للتسجيل في المنتدى أو التعريف بنفسك لمعاينة هذا الرابط] واستمد شرعية حكمه من ثورة يوليو.

الله الله .. طيب والله مبادئ زي العسل دا انا كنت غلطان ازاي تكون المبادئ الرفيعة دي كلها وانا اجي بكل غباء وقلة فهم واقول انها انقلاب يا خبر ده انا وحش قوي ومش عارف حاجة

بس فجأة فوقت من نشوة قراءة المبادئ على قراءة للواقع هي اكثر ما جرحني وسألت نفسي يا ترى هو ايه الشيء الي حققته الثورة بجد ؟؟ !!

الاقطاع وراح فترة وجه بعده اقطاع من نوع اخطر واكبر وكلنا عارفينه .

القضاء على الاستعمار راح اسمياً وجه بمسميات تاني كتير فعليا.

القضاء على سيطرة راس المال لا لا دي الصراحة ما اقدرش اتكلم فيها خالص انتوا طبعا شايفين انه المال مالهوش سيطرة خالص على السياسة ولا اي حاجة.. وحش انا اما اقول غير كده!!

إقامة حياة ديمقراطية سليمة ّ!! الله الله اهي دي الحاجة الوحيدة الي طلعنا بيها من الثورة ههههههههههه هم يضحك وهم يبكي

إقامة جيش وطني قوي .. انتوا عارفين بكل صراحة هو ده الامل الوحيد الي فاضل في زهني ويا رب يا رب ما اتخدع فيه لأنه هيبقى كل شيء أنكشفن وبان على راي الممثل احمد بدير.

إقامة عدالة اجتماعية.. طبعا كلنا شايفين العدالة الاجتماعية الي في مصر أكيد طبعا ابن الظابط مش هيبقى ظابط ولا

ابن القاضي بيبقى قاضي ولا ابن العميد بيبقى معيد حتى لو كان اشطر واحد مش لو كان طالع جيد وفي ناس

متخرجة بمرتبة الشرف المهم انه صاحبنا بتاع المرتبة اه طلع بحاجة ينام عليا في الجامعة احنا عندنا عدالة

اجتماعية ساعات بتخلي جسمي يقشر من الفرحة يااااااااااااه اخيرا حصل اننا نروح مصلحة حكومية زينا زي ابن الوزير ولا ابن الباشا ولا ابن رجل الاعمل ولا ابن حتى امين الشرطة.

انا عايز ازيد حاجة كمان الثورة لغتها وهي الألقاب

طبعا الالقاب دي ما كانش يفضل تفضل قاعدة ازاي يفضل فيه بشوية وبكوية ازاي واحد نقله يا باشا وهو احسن مننا ولا ايه
بس المشكلة راحت ألقاب صحيحة وجات ألقاب فظيعة مخادعة لأنه زمان الباشا لما نقله يا باشا كان بيبقى على حق

والبيه لما نقله يا بيه برضوا كان بيبقى على حق لأنه لقب صحيح واوعوا تنسوا انه في بريطانيا حتى الآن الألقاب

لسه موجودة (سير) والكلام ده يعني .. يعني ده كان عقدة نقص عند بعض الناس وكانت مشكلة شخصية بالنسبة ليهم مالهاش بمشاعر الناس اي دخل

دلوقتي الحمد لله احنا مش حاسين بالفرق ما بينا وما بين حد لأن مصر كلها يا رجالة بقت بشوات وبكوات
أمين الشرطة والظابط واللوا والعسكري والمخبر وكله كله والحمد لله بنقله يا باشا

يعني مش محتاج انه الملك يديله اللقب ده
والحمد لله برضوا اي واحد معاه تلت اربع ملايين مضايقينه بيبقى بيك وسيد البكوات كمان امال ايه ما احنا لغينا الالقاب خلاص

يا ترى اذا كانت دي الثورة الي احنا طلعنا للدنيا واحنا مش عارفين هو فيه ايه وبنغني ليها من غير ما نعرف فيه ايه
لو كانت دي الثورة الي قام بيها الشعب وساندها واستخدمت الشعب كحائط صد علشان تفرض اسلوبها على الجميع

اذا كانت دي الثورة أمال الانقلاب معناه ايه؟؟

أيه يعني طاحت بالملكية طيب كويس والله يعني احنا نمشي الملكية الاسمية علشان تيجي ملكية بمية مسمى متخفي؟!

وهي ايه مشكلة الملكية يعني ما العالم كله ماشي بيها ومعنى انه يكون في ملك في البلد يبقى خلاص ملك البلد بالي فيها
ما نشوف السعودية والبحرين وبلاد كتير من العالم

وليه يعني ما نشوف بريطانيا الي طول عمرها ملكية ايه الي بيحصل فيها .
الي في ناس كتير مش عرفاه انه في بريطاينا أفراد الاسرة الحاكمة بيتعاملوا معاملة العامة من الناس..
يا ناس والله بيتعاملوا معاملة كل الناس ومش فوق القانون.

انا بقى لو ليا واحد مخبر في قسم شرطة ببقى الوااد الي هو.

يا ناس بالله عليكم تقولولي الحقيقة هو انا شايف الحكاية بنظرة خاطئة ولا انا اصلا مش شايف الانجازات الي حققتها الثورة العظيمة المجيدة يااااااااه قانون الاصلاح الزراعي وتأميم القناة والسد العالي

بجد انا مش ناسي انها ليها ايجابيات ولكن الايجابيات دي غرقت وسط المكاسب الشخصية للكتير من افراد الحركة دي والي حسوا انه مصر دي العذبة الي دخلوها وهي فاضية ما فيها حد وهما عمروها من الخراب الي كان فيها

وشافوا في نفسهم انهم الاشخاص الي ليهم الحق يعملوا اي حاجة بدون اي اعتراض ولا حتى سؤال

يا جماعة انا مش بعتب على حد لو حب الثورة وكلامها الرنان ولكن انا شايف انه راس الثروة قصر في حق الشعب المصري كله ومن مغير تفريق

مش بقصد محمد نجيب ولكن بقصد القائد العظيم الذي تخلد في القلوب المصرية والعربية الرئيس الراحل جمال عبد الناصر

أنا متأكد من أن الرئيس الراحل جمال عبد لم يسرق يوما شيء من أموال الشعب المصري

ولكن الشيء المتأكد منه انه الساكت عن الحق شيطان اخرس

وللأسف فقد كان الرئيس الراحل يرى ما يحدث في المال العام والاموال التي تم التحفظ عليها وجردها من الأسرة الحاكمة ولم يحرك ساكناً..

بالله عليكم هو ايه الي يخليها ثورة هي كانت حلم ولا وهم؟؟!!

شكرا لكم على راحبة صدروكم وارجوا الا أكون قد ظلمت احد وربنا يستر على الي يحصل

أخي العزيز عمر صلاح
في البدايه أن سعيد جدا بما طرحته من نقاشات حول ثورة يوليو 52
ولكن هل الشعب المصري سار علي هذا النهج حتي اليوم طبعا الإجابة معروفه لذلك لا نحمل الثورة أخطاء نتحملها نحن وهي أننا لم نستثمر هذه المبادئ نحن الشعب وأنا هنا لست في معرض تلبيس الثورة ثوب الكمال، ولكل تجربة إيجابياتها وسلبياتها، وما قام به مجموعة من الضباط الأحرار الشباب متطلعين بكل أمل لتطوير مصر والالتفات إلى المحيط العربي والإسلامي والعالمي، ومن يعمل على تلك الأهداف، لا بد أن يتعرّض لبعض الإخفاقات في بعض التوجهات، وعداء الإمبرياليين والأنظمة العربية الرجعية كانت دائماً بالمرصاد لنجاحات الثورة لذلك لابد أن نقول أن ما نتج عن الثورة من تحولات في العالم العربي وفي مصر خاصة يستحق التقدير والإشادة أما ما تتحدث عنه أخ عمر صلاح فهو غياب الضمير لدي كثير من الناس .
أخيراً.. إن ثورة يوليو بقيادة الرئيس الراحل جمال عبد الناصر والضباط الأحرار حققت لمصر وللأمة العربية ما لم يحققه أي نظام عربي، واستطاعت أن تستقطب رضا الجماهير العربية قاطبة، وما خروج الجماهير في كل عواصم ومدن العالم العربي يوم هزيمة 67 واستقالة عبد الناصر، محمّلاً نفسه بشجاعة مسؤولية الهزيمة، برفض استقالته والإلحاح على بقائه قائداً لمسيرة النضال العربي، لأكبر شاهد ودليل على صدق توجهاته القومية وإخلاصه لقضايا الأمة.

لقد استطاع الرئيس جمال عبد الناصر أن يحقق مكانة وقيمة وحضوراً لمصر وللأمة العربية على المستوى العالمي، واستطاع أن يكون القائد لتطلعات وأمنيات شعوب الوطن العربي من خلال مواقفه الوطنية والقومية، وكان بكل الأوقات مستهدفاً من قبل أعداء الأمة، ومن العقول التي تخشى التغيير والإصلاح.
إن الحركات الثورية العربية المتناغمة مع فكر ثورة يوليو، ما زالت تقدم كل أسباب الدعم للمقاومة العربية، وهذا متوارث من فكر الرئيس جمال عبد الناصر، الذي كان وسيبقى حاضراً في أقوال وأفعال الشعوب المتطلعة إلى حريتها وتحررها.

رحم الله الرئيس جمال عبد الناصر

في البداية اخي العرايشي انا متشكر للتفاعل الجميل وقبول الرد ليس من سبيل الواجب طبعا
لأننا قلنا عايزين وجهات نظر

أكيد عيبي مش على ثورتنا العزيزة ولا على شخص معين ولكن انت بتقول غياب الضمير هو الي ضيع الثورة طيب هو مين الي قام بالثورة مش مجموعة من الأفراد طيب يبقى هي اكيد فكرة الشعب حبها ووقف معاها وهو الي خلاها ثورة لأنك طبعا عارف انه الأنقبلات تحدث من أفراد من الجيش اما الثورة فهي تحدث بتحرك شعبي وفي الأخر انا اكدت في كلامي انه الي حصل اننا فرحنا بالاستقطاب الي حصل من الجميع للفكرة بتاعتنا ويمكن كتير من الشعوب استفادت من الثورة المجيدة بتاعنا ولكن احنا ايه الي عاد علينا من الثورة
يا أخي الواقع مرير جدا انا ساعات بخاف اقرا وثائق من الي حصل من الضباط الاحرار انفسهم
ايه كل الحقد ده كله على كل من يتجرأ على ألا يؤيد هذه الثورة العظيمة ازاي لا يسجد لله شكرا على أن جاءت الثورة ده شيء مرفوض طبعا والمعتقل كان هو بيكون مقر أي حد يقول لا

في ناس كتير قالت لا يا أخي ولكن انت عارف مصيرهم فين
وفي الاخر انا برضوا بأكد كلامك رحم الله جمال عبد الناصر أن اعطانا ولو فكرة عن العزة
فكرة كان نفسنا تكون واقع نعيش معاه لغاية دلوقتي
شكرا يا اخي على مرورك الكريم

» إنجازات ثورة يوليو 52
» تابعو ثورة 25 يناير ( ثورة الغضب )
» ما بعد ثورة 25 يناير ( ثورة الحرية )
» برنامج الدكتورة / هبة قطب - بيت العز - مناقشة كل مشاكل الحياة
» 15 %‏ زيادة في دخول العاملين بالدولة من يوليو